Morgunblaðið - 17.06.1993, Blaðsíða 17

MORGUNBLAÐIÐ FIMMTUDAGUR 17. JÚNÍ 1993
17
Vilt þú sem fjármálaráðherra og íslendingur
vera ábyrgur fyrir því
• að áttatíu til níutíu manns í íslenskum prentiðnaði missi vinnuna til viðbótar við
þá eitt hundrað og fjörutíu sem orðið hafa atvinnulausir á síðustu 18 mánuðum? 0
• að kostnaður nemenda í framhaldsskólum og foreldra þeirra vegna nauðsynlegra
námsbóka hækki í haust um 5000 kr. á hvem nemanda? 1 2)
• að verð á almennu lesefni í landinu hækki umtalsvert, á sama tíma og allt hugsandi
fólk hefur þungar áhyggjur af minnkandi lestri barna og unglinga? 3)
• að menningu og tungu íslendinga sé stefnt í hættu vegna tímabundinna
efnahagserfiðleika?
• að útgáfa á metnaðarfullum íslenskum útgáfuverkum og íslenskum skáldverkum
dragist stórlega saman?
• að íslendingar gangi þvert á stefnu Evrópuríkja í menningarmálum og skeri sig
úr í skattlagningu á bókum? 4) 5
allt vegna 100 milljóna króna í ríkiskassann? 5>
Með álagningu 14% virðisaukaskatts á bækur frá og með 1. júlí fórnar þú og ríkisstjórnin miklu fyrir
lítinn fjárhagslegan ávinning. Með slíkum lestrarskatti gætuð þið valdið óbætanlegu menningarslysi.
Enn er tími til að snúa af þessari óheillabraut.
Félag íslenskra bókaútgefenda
Rithöfundasamband íslands
Félag íslenska prentiðnaðarins
Félag bókagerðarmanna
Hagþenkir (félag höfunda fræðirita og kennslugagna)
1) Mat fulltrúa íslenska prentiðnaðarins.
2) Miðað er við að framhaldsskólanemi kaupi skólabækur fyrir um það bil 36 þúsund krónur á ári.
3) Samanber nýlega lestrarkönnun.
4) Samanber nýleg tilmæli Evrópuráðsins.
5) Ef samdráttur í greininni verður 20% vegna álagningar virðisaukaskatts, áætlar Hagfræðistofnun
Háskóla íslands að tekjur nkisins af skattinum nemi 103 milljónum.
Sjaldan eða aldrei hefur
eitt pennastrik getað
breytt jafnmiklu í
menningarsögu þjóðar.