Morgunblaðið - 17.07.1993, Blaðsíða 1

48 SIÐURB
159. tbl. 81.árg.
Reuter
Attali bruðli
að bráð
JACQUES Attali, bankastjóri
Evrópubankans, lét af störfum
þegar I gær eftir að birt hafði
verið skýrsla endurskoðenda um
starfsemi bankans. Áður hafði
verið samið um að bankastjórinn
fengi nokkurn uppsagnarfrest og
greiðslur í tengslum við starfs-
lok. Hætt er við að margir af
eigendum bankans, skattgreið-
endum Vesturlanda, telji það of-
rausn.
Endurskoðendurnir komast að
þeirri niðurstöðu að stjórn Att-
alis á bankanum hafi verið mjög
ámælisverð og slöku kostnaðar-
eftirliti kennt um að fram-
kvæmdir við höfuðstöðvar bank-
ans í London fóru úr böndum.
Fundið er að því að Attali valdi
sjálfur arkitekta til að sjá um
verkið en íburður í byggingunni,
sem sést á þessari mynd, þykir
meiri en góðu hófu gegnir. Loks
er Attali sagður hafa misnotað
greiðslukort bankans og ganga
þær sögur fjöllum hærra að hann
hafi m.a. notað það á frægum
næturklúbbi í London, Annabel’s.
Sjá „Attali fær slaka einkunn
... “ á bls. 19.
Broddi með
bros á vör
STARFSMAÐUR dýragarðs í
Tampa-borg í Flórída gefur
nýfæddum en glaðbeittum
broddgaltarunga, sem nefna
má Brodda upp á íslensku, að
drekka. Hann er einn af fimm
systkinum af Afríkukyni sem
fæddust 1. júlí og vökvinn er
blanda úr þurrmjólk, eggja-
hræru, vatni og fleiri efnum.
Broddi vó 9 grömm við fæð-
ingu; móðirin var tekin frá ung-
unum eftir að hún hafði slasað
einn þeirra.
STOFNAÐ 1913
LAUGARDAGUR 17. JULI1993
Prentsmiðja Morgunblaðsins
Rússar krefjast þess að Úkraína verði án kjamavopna
Segja frekari kjama-
vopnaafvopnun í hættu
Moskvu. Reuter.
UTANRÍKISRÁÐUNEYTI Rússlands gaf í gær út yfirlýs-
ingu þar sem það ræður Úkraínumönnum frá því að stefna
að því að halda kjarnorkuvopnum sínum úr vopnabúri
Sovétríkjanna fyrrverandi. Ráðuneytið sagði að slíkt gæti
komið í veg fyrir kjarnorkuafvopnun í heiminum og skap-
að hættu á kjarnorkuslysum eins og í Tsjernobyl-verinu
kjarnorkuvopn Sovétríkjanna fyrr-
verandi í Úkraínu væru þjóðareign
Úkraínumanna. Þingið gekk þó ekki
svo langt að lýsa því yfir að landið
yrði kjarnorkuveldi í framtíðinni.
Niðurrif eldflauga hafið
árið 1986.
„Er ekki ljóst að ef Úkraína yrði
kjarnorkuveldi yrði það uppspretta
sífelldra vandræða, myndi stuðla að
því að fleiri kjarnorkuveldi kæmu
fram, eyðileggja samninginn um
bann við útbreiðslu kjarnorkuvopna
og útiloka kjarnorkuafvopnun?“
sagði í yfirlýsingunni. „Hversu mörg
Tsjernobyl-slys gæti þetta kallað á?“
bætir ráðuneytið við.
Þing Úkraínu hefur ekki enn stað-
fest Start-I samninginn um fækkun
langdrægra kjarnorkuvopna og
samninginn um bann við útbreiðsiu
kjarnorkuvopna. Þingið samþykkti
fyrr í mánuðinum ályktun um að
Rússneska dagblaðið Ízvestía
skýrði frá því í gær að Úkraínu-
menn hefðu hafist handa við að
taka í sundur tíu langdrægar eld-
flaugar af 176 sem eru í landinu.
Blaðið sagði þó að eldflaugarnar
yrðu áfram í Úkraínu meðan beðið
væri niðurstöðu umræðunnar um
framtíð kjarnorkuvopnanna á þing-
inu.
Reuter
Koss kósakkans
RÚSSNESKUR prestur í rétttrúnaðarkirkjunni kyssir Don-kósakka í einni af kirkjum Moskvuborgar í gær.
Þá var haldin hátíðleg minning dýrlingsins Sergejs Radonezkís og í dag, 17. júlí, verður minnst aftöku
síðustu keisarafjölskyldunnar 1918.
Skorður við trúboði
Helsinki. Rcutcr.
RÚSSNESKA þingið reisti á miðvikudag skorður við starf-
semi erlendra kirkjudeilda og sértrúarsafnaða. Finnskur
sjónvarpspredikari, Hannu Haukka, sem veitir forstöðu
kristilegu sjónvarpstrúboði í Moskvu, sagðist óttast að til-
gangurinn með ákvörðun þingsins væri að reyna að stemma
stigu við uppgangi mótmælendatrúar í Rússlandi.
Keuter
Haukka veitir forstöðu samtök-
um sem standa fyr*r kristilegum
sjónvarpssendingum í samvinnu við
rússneskar sjónvarpsstöðvar. Hann
sagði að kristnir Rússar hefðu mót-
mælt samþykkt þingsins við Borís
Jeltsín forseta en lögin fær hann
senn til staðfestingar.
Rétttrúnaðarkirkjan að baki?
Þingið breytti lögum um trúfrelsi
á þann veg að engum erlendum
söfnuði eða trúfélagi er heimilt að
starfa í Rússlandi án sérstaks opin-
bers leyfis. „Þingið hefur ákveðið
að sérstök nefnd skuli annast leyfis-
veitingar og með strangri túlkun
getur hún hæglega stöðvað starf-
semi trúboðanna,“ sagði Haukka.
Hann sagði að reyndist það rétt
vera að rússneska rétttrúnaðar-
kirkjan stæði á bak við ákvörðun
þingsins væri það alvarlegasta
áhyggjuefnið fyrir sitt trúboð og
önnur. Næsta verk rétttrúnaðar-
kirkjunnar yrði þá líklega að
útskúfa útlendingum sem starfa
innan rússnesku mótmælendakirkj-
unnar.
Aðalstign
til sölu
London. Reuter.
FJÖLMARGIR breskir
aðalsmenn vilja nú selja
minni háttar titla sem
þeir bera, til þess að
mæta fjárhagsáföllum
sem þeir hafa orðið fyrir
vegna tapsins á Lloyd’s-
tryggingafélaginu.
Fulltrúi uppboðsfyrirtækis-
ins Manoral Auctioneers, sem
sérhæfir sig í titlasölu, sagði í
gær að helmingur allra við-
skiptavina væru aðilar, eða
„nöfn“, að Lloyd’s. „Við áætlum
að rúmlega 100 „nöfn“ hafí
selt titla sína á þessu ári einu.
Þetta er ekki einvörðungu fólk
sem heyrir til krúnunni, þótt
nokkuð sé um vísigreifa, jarla
og markgreifafrúr".
Mesta tap í sögu Lloyd’s
hefur komið mörgum þeirra 30
þúsund aðila sem gengist hafa
í ótakmarkaðar ábyrgðir á veg-
um markaðarins í gífurleg fjár-
hagsvandræði. Margir aðals-
menn bera ýmsa aukatitla sem
forfeður þeirra áunnu sér fyrir
mörg hundruð árum. Titillinn
veitir kaupandanum rétt til þess
að verða lávarður af einhveijum
landskika — en einungis á papp-
írunum. Að verða sér úti um
lítinn titil kann að kosta frá sem
svarar um hálfri milljón ís-
lenskra króna til um átta millj-
óna. Flestir kaupendurnir eru
bandarískir.
Danska krónan
Genginu
ógnað
London. Reuter.
SEÐLABANKASTJÓRAR í
ríkjum Evrópubandalagsins
sneru bökum saman í gær
til að verja dönsku krónuna
en' spákaupmenn gerðu
harða hríð að gengi hennar
á verðbréfamörkuðum.
Franski frankinn er einnig
undir miklum þrýstingi.
Danski seðlabankastjórinn, Erik
Hoffmeyer, fullyrti að krónan yrði
varin með vaxtahækkunum og öðr-
um ráðstöfunum. Marianne Jelved
efnahagsmálaráðherra taldi enga
ástæðu til gengislækkunar, hún
benti á að efnahagur landsins væri
öflugur og verðbólgan ein hin
minnsta í Evrópu.
Ýmsir sérfræðingar í gengismál-
um telja að ekki verði komið í veg
fyrir ítrekuð upphlaup í gjaldeyris-
málum ríkja Gengissamstarfs Evr-
ópu, ERM, nema með því að hrinda
af stokkunum áætlunum um EMU,
Myntbandalag Evrópu, eða hverfa
á ný til fyrri tíma þegar hvert ríki
ákvað tilhögun gengismála og
gjaldeyrisviðskipta sinna. Með ERM
sé reynt að fara milliveginn en það
gangi ekki.