Morgunblaðið - 17.07.1993, Blaðsíða 17

MORGUNBLAÐIÐ LAUGARDAGUR 17. JÚLÍ 1993
17
Stefnan óbreytt eftir að nýr bæjarstjóri tók við í Hafnarfirði
Skuldír ekkí háar miðað
við önnur sveitarfélög
STEFNA Alþýðuflokksins í bæjarmálum Hafnarfjarðar verður
óbreytt, að sögn Ingvars Viktorssonar bæjarstjóra sem tekið
hefur við af Guðmundi Árna Stefánssyni. Fyrir liggi að ljúka
ýmsum framkvæmdum í bænum en heildarskuldir bæjarins eru
rúmlega 1,9 milljarðar. Að frádregnum útistandandi skuldum
eru skuldir bæjarins milli 600 til 700 milljónir og telur Ingvar
þær ekki óeðlilega háar miðað við önnur sveitarfélög. Tekjur
hafi minnkað í erfiðu árferði og gjaldþrotum fyrirtækja en
bæjarstjórn hafi alltaf staðið einhuga að ákvörðunum um fram-
kvæmdir á vegum bæjarins, sem ákveðið hefur verið að ráðast í
til að sporna við atvinnuleysi í bænum.
T . ti r n* a Morgunblaðið/Þorkell
Ingvar Viktorsson bæjarstjon Hafnarfjaroar.
Ingvar sagði, að engar breyt-
ingar verði á áherslum í bæjar-
stjórn Hafnarfjarðar, nú þegar
hann hefur tekið við af Guð-
mundi Árna Stefánssyni. „Bæjar-
stjóri er framkvæmdastjóri sveit-
arfélagsins, sem sér um að fram-
kvæma það sem bæjarstjórnin
ákveður. Alþýðuflokkurinn er í
meirihluta og við höfum haft
ákveðna stefnu og samþykktum
okkar áætlun á_ sínum tíma sem
unnið er eftir. Eg mun reyna að
ljúka við það sem búið er að taka
ákvörðun um og að sjálfsögðu
koma upp ný mál sem er bæði
brýnt og gaman að fást við.
Það leggst ekki illa í mig að
taka við á miðju kjörtímabili.
Þetta er framhald af því sem
verið hefur og er vonandi ekki
að Ijúka. Við ætlum okkur að
halda áfram að stjórna hérna.“
Skuldir 1,9 milljarðar
Brúttóskuldir bæjarins eru
rúmlega 1,9 milljarðar. Að frá-
dregnum útistandandi tekjum
eru nettóskuldir milli 600 og 700
milljónir. Ingvar sagðist gera ráð
fyrir að allt að 90% skuldanna
innheimtust. „Þetta er til þess
að gera gott hjá okkur og þarf
ekki að fara langt þar sem
ástandið er mun verra,“ sagði
hann. „Við höfum ekki farið var-
hluta af því hér í Hafnarfirði
þegar fyrirtæki hafa orðið gjald-
þrota og ekki hefur tekist að ná
inn opinberum gjöldum en ég
held að þetta sé að mestu leyti
gengið yfir og ég er að vona að
þau fyrirtæki sem eftir eru séu
það sterk að þau standi allt af
sér.“
Slegið á áhrif
Ingvar segir, að reynt hafi
verið að slá á áhrif gjaldþrotanna
með því að auka framkvæmdir á
vegum bæjarins. Tekjur bæjarins
hafa að hluta farið í íjármögnun
þeirra auk þess sem tekin hafa
verið lán. „Þetta eru fram-
kvæmdir sem borga sig. Sumum
finnst nóg um allar þessar fram-
kvæmdir en við höfum þá trú að
með þeim hætti verði best komið
til hjálpar og við Alþýðuflokks-
menn erum ekki einir þeirrar
skoðunar,“ sagði hann. „Eg held
að ég geti fullyrt að allir fram-
kvæmdaliðir hafi verið sam-
þykktir samhljóða í bæjarstjórn
Hafnarfjarðar.“
Framkvæmd flýtt
Meðal framkvæmda sem unnið
er við er undirbúningur að byggð
í Mosahlíð, viðbygging við Set-
bergsskóla, bygging tónlistar-
skóla í miðbænum, leikskóla á
Hvaleyrarholti og annar hefur
verið tekinn í notkun nýverið í
Hlíðarbergi. Þá hefur verið
ákveðið að flýta framkvæmdum
á vegum Vegagerðar ríkisins við
mislæg gatnamót á Reykjanes-
braut. Áætlaður kostnaður er um
100 milljónir króna og er hlutur
bæjarins 15% af kostnaði. Á fjár-
lögum er gert ráð fyrir að ríkið
leggi fram 65 milljónir til verks-
ins á næstu þremur árum og mun
því Hafnarfjarðarbær fjármagna
framkvæmdina á meðan hún
stendur yfir. íþróttasvæði Hauka
er á Ásvöllum við Reykjanesbraut
óg sagði Ingvar að ákveðið hafi
verið að flýta framkvæmdum til
að tryggja öryggi þeirra sem
þarna éiga leið um.
„Á hverju hausti frá árinu
1987 hefur verið opnaður nýr
skóli í Hafnarfirði eða viðbygging
tekin í notkun,“ sagði hann.
„Enda hefur íbúum fjölgað um
3% á ári undanfarin ár og slík
fjölgun kallar á fleiri leikskóla
og skóla ásamt aukinni þjónustu.
Ég á von á að við verðum að
hefja framkvæmdir við skóla á
Hvaleyrarholtinu og ef til vill
verður hluti þeirrar byggingar
tekin í notkun haustið 1994. Það
er draumur skólamannanna.“
Deilan um miðbæinn.
„Ég hef alla tíð verið hrifinn
af þessari nýju byggingu í mið-
bænum, sem deilt hefur verið um.
Ég vil að Hafnfirðingar þurfi
ekki að sækja út fyrir bæinn og
eitt af því sem ég tel að sé grund-
vallaratriði er að í miðbænum sé
gróska og mannlíf. Ef ekki er
miðbær fer fólk annað þó svo að
hverfisverslanir séu góðar. Ég
vil byggja upp miðbæinn og hluti
þess er þessi bygging sem verið
er að reisa með verslun og þjón-
ustu á tveimur hæðum auk þess
sem bærinn hefur gefið loforð
fyrir bókasafni þarna. Þá er gert
ráð fyrir hóteli en það hefur vant-
að í bænum. Ég er mjög ánægð-
ur með þessa byggingu og tel
ekki óeðlilegt við að menn deili
um hana. Það hefði verið furðu-
legt ef ekki hefði verið deilt um
bygginguna," sagði Ingvar.
*
Afrétta-
ferð nátt-
úrufræði-
félagsins
HIÐ íslenska náttúrufræðifélag
fer dagana 23. til 25. júlí, föstu-
dag til sunnudags í ferð á
Hreppamannaafrétti. Lagt verð-
ur upp í ferðina frá Umferðar-
miðstöðinni klukkan 9 á föstu-
dagsmorgun og stefnt að endur-
komu þangað á sunnudagskvöld
um kl. 22.
Þetta er hin svokallaða „langa
ferð“ félagsins í ár, en fyrst verður
ekið í Þjórsárdal, en síðan haldið
upp Gnúpveijaafrétt og fyrirhugað
að nátta sig í skála ferðaklúbbsins
4x4. Laugardaginn verður farið um
Skeiða- og Flóamannaafrétt og gist
um nóttina að Flúðum. Á sunnudag
verður farið um Hrunamannaafrétt
og um kvöldmatarleytið er ætlunin
að koma niður í byggð við Geysi.
Aðaláhersla er náttúruskoðun,
skoðaður verður afréttagróður og
jökulmenjar. Leiðsögumenn verða
Eyþór Einarsson grasafræðingur
og jarðfræðingarnir Inga Kaldal og
Skúli Víkingsson. Fararstjórar
verða Guttormur Sigurbjarnarson
og Freysteinn Sigurðsson. Fólki er
ráðlagt að hafa með sér stígvél og
vosklæði, en að öðru jöfnu á þetta
hvorki að verða erfið ferð, háskaleg
né mannraunamikil. Gjald fyrir
ferðina er 7.000 krónur, en hálft
gjald fyrir börn yngri en 12 ára.
Þá er og gistigjald í skálum. Skrán-
ing er á skrifstofu Hins íslenska
náttúrufræðifélags að Hlemmi 3,
4. hæð hjá Náttúrufræðistofnun.
Skrifstofan er opin þriðjudaga og
fimmtudaga fyrir hádegi.
Í.

rjaldvagnar
Vcrð stgr. frá kr.
Mliftfííi ;
Vcrð stgr, frá kr.
? :
SAMA VERÐ OG
FRÁ ÞVÍ FYRIR
GENGISFELLINGU
OG GOTT BETUR
hjólhysi
Verð stgr. fra kr.
1.072.000,-
Sýning um helgina
Skoðaðu eitt mesta úrval landsins af
vögnunt og ferðavöru hjá traustu og gamal-
grónu fyrirtæki.
Opið lau. 10-16 og sun. 13-16.
• Camp-let
Traustasti tjaldvagninn hér í tvo
áratugi! Svefntjöldum og for-
tjaldi ásamt áföstiim eldhús-
kassa er tjaldað á svipstundu.
■ Hobby
Hobby-hjólhýsin hafa
notið mikilla vinsælda
hér enda eru þau sann-
kallaðar svítur á hjólum!
A Paradiso
Fellihýsi sem bera af
enda eru þau ríkulega
útbúin og afar þægileg
í notkun.
CÍSH . IÓNSSON HF
Bíldshöfða 14, Sírni 686644
Umboðsmenn: BSA á Akureyri, Bílasalan Fell
á Egilstöðum og BG Bílakringlan, Keflavík.
Velkomin í góðan bóp!