Morgunblaðið - 17.07.1993, Blaðsíða 3

MORGUNBLAÐIÐ LAUGARDAGUR 17. JÚLÍ 1993
3
Skiptingin á milljarðinum til atvinnuskapandi verkefna ákveðin
Áætlað að fj árveitingin
muni skapa 3-400 störf
DAVÍÐ Oddsson forsætísráð-
herra og Jóhanna Sigurðardóttir
félagsmálaráðherra kynntu í
gærdag skiptinguna á þeim millj-
arði króna sem fara á tíl atvinnu-
skapandi verkefna. Sú stefna var
mörkuð að skipta fjárveitingunni
á mörg verkefni og hafa til hlið-
sjónar að þau sköpuðu sem flest-
um atvinnu. Davíð Oddsson segir
áætlað að fjárveitíngin muni
skapa 3-400 manns atvinnu. Að
meðtöldum þeim 1.850 milljónum
sem þegar hefur verið veitt I
sérstök atvinnuskapandi verk-
efni er áætlað að um 1200-1300
ný störf hafi skapast.
Ráðherrarnir kynntu tillögurnar
í framhaldi af fundi með aðilum
vinnumarkaðarins um þær. Davíð
Oddsson segir að atvinnuleysi á
landinu hafi farið minnkandi að
undanfömu eða úr 5,5% í vetur og
niður í 3,7% nú og sé ljóst að þessi
minnkun sé umfram árstíðabundna
sveiflu. Einnig sé athyglisvert að
ísland sé eina landið í norðanverðri
Evrópu þar sem atvinnuleysi
minnkar. „Eitt meginmarkmiðið
með síðustu kjarasamningum var
að sporna gegn atvinnuleysinu og
nú sjáum við tölur sem sýna árang-
ur á því sviði,“ segir Davíð.
Ekki tjaldað til einnar nætur
í máli forsætisráðherra kemur
fram að með þessari milljarðs króna
fjárveitingu sé ekki verið að kasta
peningum út um gluggann heldur
sé fénu varið í viðhald og endurbæt-
ur sem óhjákvæmilegt var að fara
í fyrr eða síðar. „Hér er því ekki
verið að skapa atvinnu í skamman
tíma heldur hugsað til framtíðar,"
segir Davíð.
Inn í skiptingu á fjárveitingunni
er sérstakur liður sem heitir at-
vinnumál kvenna upp á 60 milljónir
króna. Jóhanna Sigurðardóttir segir
að samkvæmt atvinnuleysistölum
séu karlar nú betur settir en konur
og atvinnuleysi einkum mikið meðal
ófaglærðra verkakvenna. Því hafi
þessi sérstaka fjárveiting verið
ákveðin og aðspurð um í hvaða
verkefni henni verði veitt nefnir
Jóhann til dæmis umönnun og að-
hlynningu aldraðra og fatlaðra.
Að mestu boðið út
Hvað verkefnin sjálf varðar (sjá
ramma) og fjármögnun þeirra kom
fram hjá ráðherrunum að þau yrðu
að mestu boðin út og myndi Inn-
kaupastofnun ríkisins eða einstök
ráðuneyti sjá um þau útboð. Hvað
varðar skiptingu milli landshluta
Morgunblaðið/Þorkell
Blaðamannafundur
Frá blaðamannafundi þar sem skipting milljarðsins var kynnt. Jóhanna Sigurðardóttír félagsmálaráð
herra, Davíð Oddsson forsætisráðherra og Olafur Davíðsson ráðuneytisstjóri.
segir Davíð að ljóst sé að stærstur
hluti þessarar fjárveitingar fari á
SV-horn landsins en hann bendir á
að þær 1.850 milljónir sem fyrr
hafi verið ákveðið að veita í atvinnu-
skapandi verkefni, þar á meðal
1.550 milljónir til vegagerðar, hafi
að mestu skipst niður á aðra lands-
hluta.
Miðað er við að fjárveitingin til
framangreindra verkefna komi á
þessu ári en ef eitthvað af þeim
flyst yfir á næsta ár hefur fjármála-
ráðherra lýst því yfir við aðila
vinnumarkaðarins að þau lendi ekki
inn á fjárlögum næsta árs.
Fjáraukalög í haust
Með framangreindum milljarði
verða heildarútgjöld ríkissjóðs
vegna ljárfestinga og viðhalds á
árinu 1993 um 17 milljarðar króna
eða 3 milljörðum króna meiri en
árið 1992. í frétt frá forsætisráðu-
neytinu um málið segir m.a.: „Ríkis1
stjórnin hefur því ákveðið að afla
heimilda í fjáraukalögum í haust,
þegar þing kemur saman, í sam-
ræmi við ofangreinda yfirlýsingu.
Við val á nýjum verkefnum var
einkum lögð áhersla á brýn við-
haldsverkefni á húseignum ríkisins
og að flýta framkvæmdum við verk
sem þegar eru hafin og eru vinnu-
aflsfrek. Þá hefur þess verið gætt
eins og kostur er að framkvæmdir
leiði ekki til aukins rekstrarkostn-
aðar þegar til lengri tíma er litið.“
Þjóðarbókhlaðan fær mest
HÉR er skiptingin á þeim rúma milljarði króna sem ríkisstjórnin
hefur tekið ákvörðun um að veita til atvinnuskapandi verkefna.
Eins og sést fer mest tíl viðhalds opinberra bygginga en stærsti
einstaki liðurinn eru 140 milljónir til Þjóðarbókhlöðu.
Verkefni samkvæmt væntanlegu fjáraukalagafrumvarpi,
ákveðin í tengslum við kjarasamninga samtals............. 1.045,0
Viðhald húseigna ríkisins.................................. 184,0
Skólar og stofnanir menntamálaráðuneytis................... 150,0
Hæstaréttarhús......................................:.... 25,0
Viðhald og breytingar á húsnæði Stjórnarráðsins............. 35,0
Viðhald húseigna heilbrigðisráðuneytisins................... 25,0
Þjóðgarðar, viðhald....................................... 15,0
Vettvangur, HALIOS samstarfsverkefni ráðuneyta FÍI o.fl.. 5,0
Sjóvarnargarður, Höfn í Hornafirði.......................... 15,0
Flýting hafnarframkvæmda á Ólafsfirði....................... 30,0
Matvælaþróun í sjávarútvegi................................. 10,0
Atvinnumál kvenna, samkvæmt sérstöku samkomulagi............ 60,0
Til eflingar heimilis- og listiðnaði........................ 20,0
Bessastaðir, endurbætur..................................... 42,5
Ijóðgarður á Þingvöllum, viðhald............................. 5,0
Nýr framhaldsskóli í Grafarvogi............................. 42,5
Framhaldsskólinn íVestmannaeyjum............................. 8,0
Menntaskólinn á Laugarvatni................................. 10,0
Framhaldsskólar, aðrir...................................... 40,5
Þjóðarbókhlaða............................................. 140,0
Húsfriðunarsjóður, viðhaldsverkefni......................... 10,5
Húsnæði löggæslustofnana, viðhald............................ 4,0
Húsnæði sýslumanna.......................................... 12,0
Fangelsisbyggingar.......................................... 24,0
Framkvæmdasjóður fatlaðra................................... 32,0
Sjúkrahús í Reykjavík, endurbætur........................... 40,0
Sjúkrahús og læknisbústaðir................................. 10,0
Hafnarframkvæmdir........................................... 50,0
Vinnumarkaðurinii
Eru ánægðir
með stefnu-
mörkunina
BJÖRN Grétar Sveinsson for-
maður Verkamannasambands-
ins og Hannes G. Sigurðsson
aðstoðarframkvæmdastj óri
VSI segjast vera ánægðir með
þá stefnu, sem mörkuð var í
skiptingu á milljarðinum, að
vinnuaflsfrek verkefni séu í
fyrirrúmi. Hannes segir að VSI
sé sammála þeim áherslum
sem fram koma og lýsir
ánægju með að ríkisstjórnin
standi þarna við það sem lofað
hafi verið í síðustu kjarasamn-
ingum. Björn Grétar segir að
menn skuli átta sig á því að
þrátt fyrir þessa fjárveitingu
sé ástandið á vinnumarkaðin-
um alvarlegt.
„Þarna er fýrst og fremst um
að ræða að ríkisstjórnin stendur við
þau loforð sem gefin voru í síðustu
kjarasamningum og hvað varðar
skiptinguna á fjárveitingunni er hún
á svipuðum línum og við lögðum
til eða meira í viðhaldsverkefni en
fjárfestingar," segir Hannes. „Hér
er hins vegar um skammtímalausn
að ræða, störf sem síðar detta út,
og við ásamt talsmönnum verka-
lýðsins leggjum áherslu á að við
viljum vinna áfram að varanlegri
lausnum á atvinnuleysinu í sam-
vinnu við ríkisstjórnina.“
Ástandið alvarlegt
Björn Grétar segir að þótt gert
sé ráð fyrir að fjárveiting ríkisstjórn-
arinnar skapi 3-400 störf verði menn
að gæta að því að samkvæmt nýj-
ustu tölum um atvinnuleysi séu
5.000 manns án vinnu. Ástandið á
vinnumarkaðinum sé því alvarlegt.
„Það er gott að ríkisstjórnin hefur
lokið þessu verki eins og um var
samið í síðustu kjarasamningum,"
segir Björn. „En það má gera þá
athugasemd að í þessari skiptingu
er ekki nægilegt tillit tekið til þess
að atvinnuástand er mismunandi
alvarlegt í einstökum landshlutum
og einna verst á Norðurlandi eystra."
-----♦ ♦ ♦----
Yfir 30 norsk
skip á loðnu
YFIR 30 norsk loðnuskip eru nú
á miðunum norðaustur af Langa-
nesi. Að sögn Landhelgisgæsl-
unnar mun eitthvað af þessum
skipum á siglingu norður til Jan
Mayen en ekkert af þeim hefur
tilkynnt um afla.
Skipin halda sig rétt við 200
mílna landhelgismörkin og sigla inn
og út úr lögsögunni. Eina erlenda
skipið sem tilkynnt hefur afla á síð-
asta sólarhring er grænlenskt með
1.600 tonn.
Sophia fékk ekki að hitta dæturaar
SOPHIA Hansen fékk ekki að hitta
dætur sínar í gær og er þetta í þriðja
sinn, sem Halim Al, fyrrum eiginmað-
ur hennar, brýtur umgengnisrétt
Sophiu á síðustu þremur vikum. Soph-
ia fór í gær, ásamt lögreglumanni og
embættismanni dómshússins, að heim-
ili Halims AI og þar hitti hún föður
hans. Hafði hann í hótunum við Soph-
iu og sagðist hafa étið stúlkurnar.
Guðmundur, bróðir Sophiu, sem var
með henni í för var með upptökuvél
og tók allt upp. Sophia hyggst nú
kæra föðurinn.
Sophia sagði í samtali við Morgunblað-
ið að þegar enginn hafi komið til dyra á
heimili Halims A1 hafi verið náð í húsvörð-
inn og hann spurður hvort hann hefði
orðið var við Halim A1 eða stúlkurnar og
neitaði hann því. Þegar verið var að taka
skýrslu af honum hafi faðir Halims
birst. Honum hafi brugðið við að
sjá þau, þar sem þau hafi verið
búin að vera þar í nokkra stund
og því í seinna lagi en venjulega.
„Hann var mjög reiður og sagði
mér að hann væri búinn að éta
stelpurnar. Hann kallaði mig gleði-
konu og hótaði mér hvað eftir
annað lífláti og sagðist ætla að sjá
um það sjálfur. Hann ætlaði í mig
hvað eftir annað, en lögreglan
stoppaði hann af,“ sagði Sophia.
Yonast til að geta
notað upptökuna
Hún segist eiga von á því að
upptakan af hótunum afa stúlkn-
anna komi til með að hjálpa máli
hennar í Tyrklandi, en á mánudag
Morgunblaðið/Guðmundur H. Guðmundsson
Við dyr Halim A1
MYNDIN er tekin fyrir viku og sýnir hvar full-
trúi fógeta (á tröppunum), Sophia Hansen, Rósa
Hansen og tyrkneskur lögregluþjónn koma að
útidyrum heimilis Halims Al.
verður mál Halims Al, vegna fyrri brota
hans á umgengnisrétti Sophiu, tekið fyrir
og vonast Sophia til að geta notað upptök-
una þá. Þá ætla lögfræðingar hennar einn-
ig að reyna að fá lögreglumanninn og
embættismann dómshússins til að bera
vitni gegn föður Halims Al, en að sögn
Sophiu gæti það orðið erfitt þar sem mik-
il hræðsla ríki við þá öfgahópa, sem Halim
hafi á bak við sig.
Ingva S. Ingvarssyni, sendiherra íslend-
inga í Tyrklandi, með aðsetur í Kaup-
mannahöfn, hafði á fimmtudag ekki borist
svar við tilmælum sínum til tyrkneskra
stjórnvalda vegna tyrkneska forræðis-
málsins. Með tilmælunum er m.a. mælst
til þess að reynt verði að greiða fyrir því
að Sophia fái að vera með dætrum sínum
eins og umgengnisréttur hennar kveður á
um.