Morgunblaðið - 22.07.1993, Blaðsíða 29

MORGUNBLAÐIÐ FIMMTUDAGUR 22. JÚLÍ 1993
29
Ölöf Dagmar Ama-
dóttír — Minning
hafði skilist að oft færu þær sam-
an, ellin og þessar tvær vonsviknu
„systur“. Hefur það meðal annars
í fari hennar mömmu haft veruleg
áhrif á afstöðu mína til þess ævi-
skeiðs, sem ef til vill bíður mín
jafnt sem annarra. Hún einkennist
nú af meiri bjartsýni og æðruleysi
en fyrr.
Elsku mamma, það er svo
margt, svo margt, sem ég á þér
að þakka, en ein er sú gjöf öðrum
fremur og það er líf mitt og sú
frelsisþrá sem þú og pabbi heitinn
hafið alið í brjósti mér, og sem
fyrr eða síðar mun leiða okkur
aftur saman.
Blessuð sért þú og minning þín.
Að lokum þakka ég öllum sam-
farþegum móður minnar á Beni-
dorm og fararstjórum, Páli Eyjólfs-
syni og Signýju Kjartansdóttur,
fyrir félagsskapinn og ykkar þátt
í gleði og vellíðan móður minnar
þessa síðustu viku hennar, einnig
aðstoð ykkar og velvild í minn
garð og systra minna eftir að hún
var farin. Öllum samfarþegum
hennar á lífsleiðinni þakka ég allt
sem þeir gáfu henni, því það hefur
hún gefið mér.
Eitíar Már Guðvarðarson.
Ólöf Dagmar Árnadóttir fæddist
á Skútustöðum í Mývatnssveit 14.
október 1909. Foreldrar hennar voru
Árni Jónsson, prófastur, Mývetning-
ur að ætt og uppruna, og kona hans
Auður Gísladóttir frá Þverá í Dals-
mynni. Ólöf var yngst sjö alsystk-
ina, sem upp komust, en auk hennar
voru það Dýrleif, Þorbjörg, Gísli,
Þóra, Gunnar og Inga. Hálfsystkini
þeirra, af fyrra hjónabandi Árna,
voru Þuríður og Jón. Af þessum
systkinahópi er Inga nú ein á lífi.
Ólöf var á fjórða ári þegar fjöl-
skyldan fluttist frá Skútustöðum að
Hólmum í Reyðarfirði, þar sem faðir
hennar var prestur þau þrjú ár sem
hann átti ólifuð. Eftir lát hans 1916
fluttist Auður með börn sín til
Reykjavíkur, og þar ólst Ólöf síðan
upp. Haun lauk stúdentsprófí frá
Menntaskólanum í Reykjavík 1928,
ein þriggja stúlkna það vor. Síðan
lagði hún um skeið stund á íþrótta-
nám í Danmörku og Þýskalandi.
Árið 1933 giftist hún Hákoni Guð-
mundssyni, lögfræðingi frá Stóra-
Hofi á Rangárvöllum, sem lengi var
hæstaréttarritari og síðar yfirborg-
ardómari í Reykjavík.
Það mun hafa verið í kringum
1940 að Ólöf og Hákon færðu heim-
ili sitt inn undir Bústaði, sem þá og
miklu lengur voru bújörð langt innan
aðalbyggðar í Reykjavík. Þar kölluðu
þau Bjarkahlíð sem varð fljótlega
réttnefni. Þau voru bæði miklir
áhugamenn um tijárækt og hvers
konar gróðrarstörf. Og nú stendur
þéttur skógarlundurinn steinsnar
austan við Bústaðakirkju sem órækt
vitni um þriggja áratuga ræktunar-
starf þeirra í Bjarkahlíð. Þar uxu
einnig úr grasi dætur þeirra þijár:
Inga Huld, rithöfundur; Auður Hild-
ur, veflistarmaður; og Hjördís Björk,
borgardómari.
Nokkru áður en Hákon lét af
embættisstörfum fyrir aldurs sakir,
færðu þau Ólöf sig aftur um set og
reistu sér hús austur í Ölfusi, á vest-
urbakka Ölfusár. Þar heitir á
Straumum. Þar bjuggu þau þangað
til Hákon lést, en þá fluttist Olöf
yfir ána, keypti sér lítið hús á Sel-
fossi og átti þar heimili síðan.
Á heimili foreldra minna norður
í Langadal, endur fyrir löngu, var
til ljósmynd af Ólöfu föðursystur
minni sem mér er minnisstæð.
Myndin var frá námsdvöl hennar
erlendis og sýndi hana í einhvers
konar fimleikum eða íþróttadansi.
Með einhveijum hætti tengist þessi
mynd fyrir hugskotssjónum mínum
annarri mynd úr bemsku minni; það
var ljósmynd af málverki eftir Jón
Stefánsson af svanahópi í flugtaki.
Þannig mótaðist mynd Öiafar
frænku minnar í huga mér áður en
á sá hana sjálfa og tók engum telj-
andi breytingum síðan. Hún var
óvenju falleg kona og bar alla tíð
með sér einhvern svifléttan blæ sem
gæddi hana sérstökum yndisþokka.
Ólöf og Hákon eru óijúfanlega
tengd í minningum okkar frænd-
fólksins. Þau gátu á fljótu bragði
virst harla ólík, og voru það sjálf-
sagt að ýmsu leyti. Ólöf kvik í hreyf-
ingum og máli, Hákon írpynd still-
ingar og öryggis. En þau áttu margt
sameiginlegt, ekki aðeins yndi af
ræktun og gróðri, heldur einnig
áhuga á margs konar öðrum efnum
sem skipta máli fyrir mannlega til-
veru.
Ólöfu var margt til lista lagt og
þess fengu margir að njóta. Hún var
vel ritfær og gaf út ævintýrabók
handa börnum og samdi útvarps-
efni. Umfram allt var hún þó gædd
ríkri tónlistargáfu, lék á píanó og
hafði fallega söngrödd. Hún hafði
mikið yndi af söng og safnaði fólki
saman til söngiðkunar þegar færi
gafst. Minningarnar um þær stundir
verða áreiðanlega mörgum okkar
hugstæðar lengi.
Olöf Árnadóttir var á áttugasta
og fjórða aldursári þegar hún and-
aðist. Samt finnst mér öðrum þræði,
þegar ég set þessi orð á blað, að ég
sé að mæla eftir unga konu. Ég hef
engan þekkt sem svo vel tókst að
varðveita þokka æskunnar svo langa
ævi. Allra síst man ég önnur dæmi
þess, að meira en áttræð kona reynd-
ist syngja með rödd ungrar stúlku
um leið og hún sveiflaði fingrum
yfir hljómborðið.
Minning Ólafar frænku okkar
mun búa lengi í hug okkar systkin-
anna og verða okkur gleðigjafi. Það
er sem betur fer svo um falleg lög,
að þau halda áfram að ómá og ylja
sálinni þótt söngurinn sé hljóður og
horfinn. Árni Gunnarsson.
ATVINNUAUGí YSINGAR
Fiskiðnaðarmaður
vanur verkstjórn, vinnslu og viðhaldi véla og
tækja óskareftirvinnu. Allt kemurtil greina.
Áhugasamir vinsamlegast sendi inn tilboð
til auglýsingadeildar Mbl. merkt: „F-10931
Trésmiðir
Viljum ráða nú þegar smiði til starfa við
mótauppslátt og innivinnu.
Upplýsingar veitir Jónas Brjánsson
í síma 53999.
„Au pair“ - París
Stúlka óskast til að gæta 1 árs barns í París
frá september til júlí.
Á sama stað er til leigu íbúð.
Umsóknir sendist til auglýsingadeildar Mbl.,
merktar: „París - 3902“, fyrir 30. júlí.
HAGVIRKI
KLETTUR
Yfirvélstjóri óskast
á línuveiðarann Jónínu Jónsdóttur SF 12.
Aðalvél 800 hestöfk
Upplýsingar í síma 91-51378.
Flateyri
Leikskólastjóri
Flateyrarhreppur óskar eftir að ráða leik-
skólastjóra frá og með 1. ágúst nk. við leik-
skólann Brynjubæ.
Skilyrði fyrir ráðningu er að umsækjandi hafi
lokið fóstrunámi.
Upplýsingar um menntun og fyrri störf ósk-
ast sendar skrifstofu Flateyrarhrepps, Hafn-
arstræti 11, 425 Flateyri, fyrir 30. júlí nk.
Nánari upplýsingar veitir sveitarstjóri
í símum 94-7665 eða 94-7765.
Sveitarstjóri Flateyrarhrepps.
RADA UGL YSINGAR
Lögfræðingar
- endurskoðendur
- verkf ræðingar
Hentugt húsnæði í hjarta borgarinnar leigist
út í heilu lagi eða í einingum, 28-220 fm.
Upplýsingar í síma 622880.

Almennur
sendibifreiðaakstur
Innkaupastofnun ríkisins, fyrir hönd tækni-
deildar ríkisspítala, óskar eftir tilboðum í al-
mennan sendibifreiðaakstur. Reikna má með
því að skiptingin sé ca 60% greiðabílar, 15%
meðalstórir sendibílar, 5% stórir sendibílar
og 20% litlir sendibílar. Sendibílakostnaður
ársins 1992 var ca 3 milljónir króna.
Útboðsgögn verða seld hjá Innkaupastofnun
ríkisins, Borgartúni 7, Reykjavík, á kr. 1.000
m/vsk.
Tilboð verða opnuð 6. ágúst 1993 kl. 11:00
á sama stað í viðurvist viðstaddra bjóðenda.
IIMIMKAUPASTOFIMUIM RÍKISIIMS
Rekstur mötuneytis í
Kennaraháskóla íslands
Innkaupastofnun ríkisins, fyrir hönd Kennara-
háskóla íslands, óskar eftir aðila til að reka
mötuneyti.
Fyrirspurnagögn verða seld hjá Innkaupa-
stofnun ríkisins, Borgartúni 7, Reykjavík, á
kr. 1.000 m/vsk.
Tilboð skulu berast á sama stað í síðasta
lagi 10. ágúst nk.
IIMIMKAUPASTOFIMUIM RÍKISIIMS
________BORGARTUNI 7. 105 REVKJAVIK
Kvótl
Eftirfarandi árskvóti 1992-1993 er til leigu:
Þorskur 120 tonn, ýsa 95 tonn, ufsi 20 tonn,
karfi 160 tonn og koli 30 tonn.
Vinsamlega sendið staðfest tilboð
í myndsendi 95-22882.
Fríkirkjan í Reykjavfk
Safnaðarferð
Safnaðarferðin verður um Kaldadal í Borgar-
fjörð. Farið verður frá kirkjunni kl. 9.00 nk.
sunnudag 25. júlí.
Nánari upplýsingar og skráning hjá safnaðar-
presti í síma 27270.
Lausafjáruppboð
Eftir beiðni skiptastjóra þrotabús Miklagarðs
hf. fer fram uppboð á ýmsum lausafjármun-
um laugardaginn 24. júlí nk. og hefst það
kl. 13.30. Gengið inn að norðvestanverðu í
Holtagörðum. Selt verður mikið magn af alls
konar lausafé svo sem:
Dömu-, herra- og barnafatnaður, s.s. úlpur,
buxur, kjólar, gallar, nærfatnaður, blússur,
handklæði, bindi, skyrtur, gallabuxur, sport-
skór, strigaskór, leikföng, geisladiskar, seg-
ulbandsspólur, myndbandsspólur, peysur,
barnahúfur, stígvél, veiðivesti, plastblóma-
pottar, allskonar vörur úr plasti, allskonar
búsáhöld, sleðar, grillvörur, hnífar, inniskór,
garðverkfæri, þrekbekkur, rotþrær, alls kon-
ar verkfæri, hitamottur, skóflur, staurabank-
ari, mikið magn af leðri ýmsir litir, herðatré,
Ijósaperur margar gerðir, keðjur og standar.
Plastpokar, arkir, hryggpokar, límmiðar,
pappír og margt fleira.
Það sem selt verður er einungis selt á brett-
um.
Skrá yfir lausaféð liggur frammi við aðaldyr
Miklagarðsfimmtudaginn 22. og föstudaginn
23. júlí nk.
Ávísarnir ekki teknar gildar nema með sam-
þykki uppboðshaldara eða gjaldkera.
Greiðist við hamarshögg.
Sýsiumaðurinn í Reykjavík.