Morgunblaðið - 12.02.1994, Blaðsíða 19
MORGUNBLAÐIÐ LAUGARDAGUR 12. FEBRÚAR 1994
19
Morgunblaðið/Júlíus
Valt við árekstur
TVEIR menn voru fluttir á slysadeild eftir árekstur á Kringlumýrar-
braut skömmu fyrir hádegi í gær. Við áreksturinn valt annar bíllinn,
sendibíll, og hlutu tveir menn sem í honum voru áverka og voru flutt-
ir með sjúkrabíl á slysdeild. Að sögn lögreglu voru meiðsli mannanna
ekki talin alvarleg.
Háskólabókasafn flytur næsta vetur í Þjóðarbókhlöðu
Rýmið nýtt fyrir bjór-
kjallara, stjórnsýslu
eða heldrimannastofu?
Á FUNDI Háskólaráðs seinasta fimmtudag lagði fulltrúi stúdenta
fram tillögu um frambúðarnýtingu þess rýmis sem nú hýsir bóka-
safn Háskóla Islands, en það losnar 1. desember nk. þegar bóka-
safnið verður flutt í Þjóðarbókhlöðu. Tillagan miðast að því að
þar sem nú er afgreiðsla'safnsins og millilánasafn verði matstofa
með ódýrum réttum, kaffilnis og miðstöð smærri uppákoma og í
kjallara Aðalbyggingar undir safninu verði bjórkjallari.
Brynhildur Þórarinsdóttir, full-
trúi stúdenta í Háskólaráði, segir
að nú séu uppi þijár hugmyndir
um nýtingu þess svæðis sem losn-
Þorsteinn Pálsson sjávarútvegsráðherra um Hvalveiðiráðið
Umræður um aðild að
ráðinu ekki tímabærar
ÞORSTEINN Pálsson sjávarútvegsráðherra segir að ef meirihlutinn í
Alþjóða hvalveiðiráðinu fallist á að starfa samkvæmt Alþjóðlega hval-
veiðisáttmálanum geti komið til greina að ganga aftur inn í ráðið.
Hins vegar séu fá teikn á lofti um breytingar á afstöðu meirihlutans
og því telji hann ekki tímabært að velta hugsanlegri aðild. Björn
Bjarnason, formaður utanríkismálanefndar Alþings, sagði á Alþingi í
fyrradag og til álita gæti komið að ganga íiftur í ráðið en með fyrir-
vara við hvalveiðibann ráðsins.
„Ég ákvað síðastliðið haust að
skipa nefnd með fulltrúum allra þing-
flokka til að gera tillögur um næstu
skref og á hvaða grundvelli þau yrðu
tekin. Það er mikilvægt að tryggja
pólitíska samstöðu um þetta við-
kvæma utanríkismál. Mér finnst þess
vegna miður að það skuli vera komn-
ar upp deilur um einstök atriði þess
sem eðlilegt er að þessi nefnd fjalli
um og reyni að ná samstöðu um,“
sagði Þorsteinn þegar leitað var álits
hans á þeim ummælum Björns
Bjarnasonar að ekki hefði verið sýnt
fram á að aðild að NAMMCO full-
nægði þjóðréttarlegum skyldum til
að hefla hvalveiðar.
NAMMCO uppfyllir skilyrði
„Ég hef sjálfur metið málið á
grundvelli lögfræðiálits og tel ljóst
að NAMMCO uppfyllir skilyrði Haf-
réttarsáttmálans að þessu leyti. Þessi
þjóðréttarlegi grundvöllur er aðeins
einn þáttur málsins. Annar er vís-
indaleg rök fyrir því að þessa auðlind
megi nýta og höfum við lagt þau
fram. í þriðja lagi er hið pólitíska
umhverfi í heiminum. Þau atriði þurf-
um við að hafa í huga enda geta þau
ráðið því á hvaða grunni við byggjum
ákvarðanir okkar,“ sagði Þorsteinn.
Sjávarútvegsráðherra taidi ekki
tímabært að velta upp hugmyndum
um að ganga aftur í Alþjóða hval-
veiðiráðið eins og staðan væri í dag.
„Þegar við gengum úr Hvalveiðiráð-
inu lýsti ég því yfir að sú afstaða
gæti verið til endurskoðunar ef meiri-
hluti ráðsins féllist á að starfa í sam-
ræmi við Alþjóðlega hvalveiðisátt-
málann.
Meirihlutinn hefur ekki gert það
og því miður virðast engin teikn á
lofti um að breytingar séu að verða
þar á,“ sagði Þorsteinn. Hann vakti
hins vegar athygli á því að næsti
fundur Hvalveiðiráðsins yrði í vor og
væri fróðlegt að sjá hvað gerðist
þar. Vonandi kæmu þar fram breytt
viðhorf í ljósi þess að aukist hefði
pólitískur skilningur á veiðum sem
byggðu á vísindalegum rökum.
ar við brottflutninginn. „Eldri hug-
myndir voru annars vegar frá
kennurum sem gera það að tillögu
sinni að þarna verði settur upp
heldrimannaklúbbur með leðursóf-
um og sölu á dökkum bjór eftir
vinnu og hins vegar frá stjórn-
sýslu Háskólans sem vill þenja út
umfang sitt í aðalbyggingu skól-
ans,“ segir Brynhildur.
Hún segir að hugmynd stúdenta
hafi nýverið fæðst innan Röskvu,
sem skipar meirihluta Stúdenta-
ráðs, og í kjölfarið hafi verið rætt
við Magga Jónsson, arkitekt Há-
skóla íslands, Sveinbjörn Björns-
son, rektor skólans, Bernhard Ped-
ersen, framkvæmdastjóra Félags-
stofnunnar stúdenta, og Hólmfríði
Árnadóttur, framkvæmdastjóra
Félags háskólakennara, og hafi
undirtektir verið jákvæðar. Arki-
tekt Háskólans á að skila tillögum
sínum um nýtingu rýmisins í lok
mars eða byrjun apríl. „Þar sem
bókasafnið er staðsett nú er falskt
milliloft og því hægt að hafa mjög
hátt til lofts á þriðjungi þessa
svæðis, auk þess sem til greina
kemur að stúka af fundaherbergi
og slíkt. Hvor hæð er rúmir 200
fermetrar og fela tillögur okkar
ekki í sér neinar breytingar á hús-
næðinu umfram upphaflegar
teikningar, svo að heildarsvipur
innviða er ekki í hættu,“ segir
Brynhildur. Hún segir að Stúd-
entakjallarinn sem selur áfengi á
svæði Háskólans þjóni ekki til-
gangi sínum, bæði sé hann lítill
og opnunartími takmarkaður, og
því leiti nemendur lítt þangað.
„Aðalatriðið er að búa til mið-
punkt fyrir nemendur og kennara
til að hittast og blanda geði, jafn-
vel. eftir skólatíma,“ segir Bryn-
híldur.
♦ ♦ ♦
Farmannadeilan
Miðlunar-
tillagan
samþykkt
MIÐLUNARTILLAGA ríkis-
sáttasemjara í kjaradeilu Sjó-
mannafélags Reykjavíkur við
kaupskipaútgerðirnar vegna
farmanna var samþykkt í al-
mennri atkvæðagreiðslu hjá öll-
um aðilum málsins og er því
tillagan orðin að samningi milli
aðila.
Hjá Sjómannafélagi Reykjavík-
ur var tillagan samþykkt með 46
atkvæðum gegn 33, en einn seðill
var ógildur. 130 voru á kjörskrá
og greiddu 80 atkvæði. Vinnuveit-
endasamband íslands samþykkti
tillöguna með 14 samhljóða at-
kvæðum en 21 var á kjörskrá og
Vinnumálasamband samvinnufé-
laganna samþykkti tillöguna með
fimm atkvæðum gegn einu og
voru sjö á kjörskrá.
Dómsmálaráðherra lætur athuga aðra kosti fyrir Hæstaréttarhús
Framkvæmdir við
jarðvinnu frestast
ÞORSTEINN Pálsson dómsmálaráðherra átti í gær fund með forystu-
mönnum skipulagsmála hjá Reykjavíkurborg og óskaði eftir því að
þeir könnuðu á nýjan leik hvort einhver annar hentugur byggingar-
reitur væri til í miðbæ Reykjavíkur fyrir væntanlegt hús Hæstarétt-
ar en á bílastæðinu við Lindargötu milli Landsbókasafnsins og Arnar-
hvols. Hann hefur einnig ákveðið að standa fyrir kynningu fyrir
almenning á fyrirhuguðu húsi, forsendum staðsetningar þess og
öðrum kostum, meðal annars fyrri hugmynd hans um að nýta Lands-
bókasafnið fyrir Hæstarétt, enda telur hann sig ekki geta afskrifað
þær 30 milljónir kr. sem undirbúningurinn hefur kostað nema að
vel athuguðu máli. I þessum ákvörðunum hans felst að frestað verð-
ur að taka afstöðu til tilboða í jarðvinnu sem opnuð verða á mánu-
dag og framkvæmdir frestast.
Undirbúningur að byggingu
Hæstaréttarhúss er langt komin og
áttu framkvæmdir að fara að hefj-
ast þegar umræðan um staðsetn-
ingu þess hófst aftur, meðal annars
með mótmælum 156 manna í aug-
lýsingu í Morgunblaðinu. Þá lýsti
Davíð Oddsson forsætisráðherra
þeirri skoðun sinni í umræðum um
málið á Alþingi í fyrradag að til
greina kæmi að skoða annan stað
fyrir húsið og nefndi lóð við Skúla-
götu sérstaklega í því sambandi.
Ber ábyrgð gagnvart
skattgreiðendum
Þorsteinn Pálsson sagði að mikil
vinna hefði verið lögð í að velja stað
undir hús Hæstaréttar, fjöldi ann-
arra staða en lóðin við Lindargötu
hefði verið skoðaður. Flestir hefðu
verið sammála um að Hæstiréttur
þyrfti að vera í hjarta höfuðborgar-
innar og niðurstaðan hefði orðið sú
að bílastæðið við Lindargötu væri
heppilegasti kosturinn.
„Eins og málið hefur þróast er
ljóst að þeir sem að byggingarmál-
um Hæstaréttar koma vilja ekki
dragast inn í deilur um þetta mál,
sérstaklega þar sem kosningar eru
í nánd, enda gegnir Hæstiréttur því
hlutverki að setja niður deilur. Ég
er hins vegar þeirrar skoðunar að
menn geti ekki horft fram hjá því
að allur undirbúningur að byggingu
hússins hefur farið fram með lög-
skipuðum hætti, allar ákvarðanir
verið kynntar rækilega og fram far-
ið víðtæk samkeppni um liönnun
þess. í ljósi þess er mjög erfitt að
henda meira en 30 milljónum kr.
sem undirbúningurinn hefur kostað
út um gluggann. Ég tel mig bera
þá ábyrgð gagnvart skattgreiðend-
um að gera það ekki nema að vel
yfirlögðu ráði og að almenningur
fái að kynna sér þetta staðarval
betur, rök fyrir þeim og aðra kosti
í hjarta borgarinnar," sagði Þor-
steinn.
Aðrir kostir og kynning
Ráðherra ræddi við forystumenn
skipulagsmála hjá Reykjavíkurborg
í gær og óskaði eftir því að þeir
könnuðu enn betur hvort einhver
annar byggingarreitur væri fyrir
hendi. Taldi hann að upphafleg tii-
laga sín um að nýta Landsbókasafn-
ið fyrir Hæstarétt þegar safnið færi
í Þjóðarbókhlöðuna og að þar yrði
samhliða einhver menningarstarf-
semi kæmi þar aftur til skoðunar,
enda væri það virðulegasta og hag-
kvæmasta nýting þess húss.
Varðandi hugmynd forsætisráð-
herra um lóðina við hlið Sjávarút-
vegshússins við Skúlagötu sagði
dómsmálaráðherra að hún hefði
ekki verið talin henta fyrir eins lítið
hús og Hæstaréttarhúsið, það félli
ekki inn í þá götumynd hárra húsa
sem þar væri komin.
Safnahúsið við Hverfisgötu
SAFNAHÚSIÐ var tekið í notkun árið 1909. Þessi mynd er tekin
snemma á öldinni áður en farið var að byggja í kringum það.
Skúli H. Norðdahl, arkitekt
Fagna ákvörðun
ráðherra um frestun
SKÚLI H. Norðdahl, arkitekt, segist ánægður með þá ákvörðun Þor-
steins Pálssonar, dómsmálaráðherra, að fresta byggingu húss Hæsta-
réttar við Lindargötu og athuga aðra möguleika á húsnæði fyrir starf-
semi réttarins.
Skúli er einn þeirra sem stóð að
undirskriftasöfnun til að mótmæla
staðsetningu hússins við Lindargötu
og birtist auglýsing 156 aðila í Morg-
unblaðinu á þriðjudag þar sem skor-
að var á stjórnvöld að endurskoða
fyrirhugaða staðsetningu hússins á
horni Ingólfsstrætis og Lindargötu.
„Ég fagna þessu," segir Skúli, „og
vona að þetta gangi eftir. Ég vænti
þess að ráðherra skoði málið og taki
tillit til vilja fólks um að hverfa frá
Lindargötunni." Hann segir að það
sé auðvitað leitt að tapa því fé sem
þegar hefur verið varið í undirbúning
og hönnun hússins, en það sé skárri
kostur en að gera þau mistök að
byggja húsið við Lindargötuna.