Morgunblaðið - 12.02.1994, Side 24
24
MORGUNBLAÐIÐ LAUGARDAGUR 12. FEBRUAR 1994
Dauði Milligans
Fjölskyld-
an mótmæl-
ir Major
London. Reuter.
FJÖLSKYLDA breska þing-
mannsins Stephens Milligans
hefur vísað á bug þeim ummæl-
um Johns Majors, forsætisráð-
herra Bretlands, að hann hafi
verið „mjög óhamingjusamur og
niðurdreginn". Kemur þetta
fram í bréfi, sem Tim Milligan
dómari og talsmaður fjölskyld-
unnar sendi dagblaðinu The
Times.
Milligan lést eins og kunnugt er
við afbrigðilega kynlífstilraun og í
vikunni lét Major þau orð falla, að
hann hefði verið „mjög óhamingju-
samur og niðurdreginn". Þessu
mótmælir fjölskylda hans. „Hann
var þvert á móti mjög ánægður
með lífið og tilveruna," segir hún.
Að sögn sálfræðinga og kynlífs-
fræðinga í Bretlandi deyja þar ár-
lega allt að 200 manns, sem virð-
ast ekki geta upplifað þá kynlífs-
nautn, sem þeir sækjast eftir, fyrr
en þeir standa við dauðans dyr.
* j j j * • Reuter
Frettamynd arsins
ÞESSI mynd indverska ljósmyndarans Swapans Parekhs varð í gær fyrir valinu sem fréttamynd ársins hjá
World Press Photo, alþjóðasamtökum ljósmyndara. Myndin var tekin eftir landskjálfta í Latur í Indlandi 31.
september sl.
Andrei Kozyrev, utanríkisráðherra Rússlands, í viðtali við Newsweek
Framferði Yesturlanda ýtir
undir rússneska öfgamenn
ANDREI Kozyrev, utanríkisráðherra Rússlands, segir í viðtali í nýj-
asta hefti tímaritsins Newsweek að það sér rangt af Vesturlöndum
að gagnrýna sig og að þau ýti einungis undir hættuna á að rússneskum
öfgamönnum vaxi fiskur um hrygg. I ræðu sem hann hélt á fundi með
rússneskum sendiherrum i síðasta mánuði lét Kozyrev ummæli falla,
sem hafa verið túlkuð á þann veg að hann sé andvígur því að rússnesk-
ar hersveitir hverfi á brott frá öðrum fyrrum Sovétlýðveldum, s.s.
Eystrasaltsríkjunum.
Kozyrev segir í viðtalinu að til
staðar sé öryggisvandamál, sem jafnt
íbúum fyrrum Sovétlýðvelda sem
Rússum stafi ógn af. „Rússar eiga
ekki að draga herlið sitt frá þeim
lýðveldum þar sem verður að tryggja
öryggi. Hins vegar eiga þeir að gera
samninga um herstöðvar."
Hann neitar að hafa átt við að
Rússar ættu ekki að fara frá Eyst-
rasaltsríkjunum. „Ég var að deila við
þá Rússa sem eru þeirrar skoðunar
að við eigum að fara frá öllum lýð-
veldum óháð því hvort að þau séu
því hlynnt sjálf eða ekki. í öðru lagi
var ég að mæla gegn því að hersveit-
um yrði haldið þar, jafnvel þótt ríkin
færu fram á það, ef ekki lægi fyrir
samningur því til grundvallar," segir
Kozyrev.
Hann segir ræðuna hafa verið lið
í deilum við andstæðinga hans innan
stjómkerfísins. Margir sökuðu hann
og utanríkisráðuneytið um að fylgja
of vestrænni stefnu. Aðspurður um
af hveiju hann hafí minnst á Eystra-
saltsríkin segir hann að það kunni
að virðast óljóst í augum Vestur-
landabúa, þar sem þeir þekki ekki
þær deilur, sem eigi sér stað í Rúss-
landi. „Þegar Eystrasaltsríkin, sem
þekkja vel til þessara mála, reyna
að túlka þau á annan veg þá er ljóst
að þau eru ekki að sækjast eftir sam-
starfí við hina eðlilegu bandamenn
sína, lýðræðissinnanna í Moskvu, þá
sem tryggja sjálfstæði þeirra. I stað-
inn reyna þeir að grípa til áróðurs-
bragða."
Þegar Kozyrev er spurður um
hvort Rússar muní beita efnahags-
þvingunum til að neyða fyrrum Sov-
Andrei Kozyrev
étlýðveldi til að gefa sjálfstæði sitt
upp á bátinn, segir hann að stefnan
sé sú að semja við þessi lýðveldi.
Rússar eigi mikilla hagsmuna að
gæta í Eystrasaltsríkjunum, þar sem
þúsundir Rússa séu búsettir, sem
reynt sé að útmála sem rússneskt
setulið. Tala um hópa sem utan-
garðsmenn og hersetulið leiði til þess
að menn fari að lokum að haga sér
sem slíkir. í því felist hættan jafnt
fyrir Eystrasaltsríkin sem Rússa því
Rússar myndu óhjákvæmilega drag-
ast inn í slík átök.
Hann segir að efnahagsleg sam-
skipti ríkja tengist óhjákvæmilega
framferði ríkja á stjómmálasviðinu
og nefnir sem dæmi að Lettar hafí
reynt að vísa þúsundum Rússa úr
landi. Hann segist undrast hvers
vegna Vesturlönd láti þess mál ekki
meira til sín taka en með því séu þau
að rétta þjóðernissinnum á borð við
Vladímír Zhírínovskíj vopn í hendur.
Þeir geti ráðist á rússneska lýðræðis-
sinna með þeim rökum að Vesturlönd
láti eina reglu gilda fyrir Rússa og
aðra fyrir Eystrasaltsþjóðirnar. „Við
verðum að taka á þessu máli því
annars erum við að efla hið raunveru-
lega skrímsli. Og það er ekki Koz-
yrev, ég er bara skrímsli hér innan-
lands, heldur nasistarnir, rússnesku
fasistarnir, sem þegar eru teknir að
láta til sín taka.“
Ómetanlegt
málverk
endurheimt
ÍTALSKA lögreglan
sagðist á fímmtudag
hafa endurheimt mál-
verk sem eignað er ít-
alska endurreisnarmál-
aranum Raphael. Talið
er að málverkið, „María
mey með barn og
Iamb“, hafi verið málað
árið 1506. Það hvarf frá
Ítalíu fyrir rúmri öld og
hefur gengið kaupum
og sölum til og frá Ital-
íu á þeim tíma. Lög-
reglumenn náði verkinu
með því að þykjast vera
auðugir kaupendur, en
ítölsk yfírvöld legga
mikla áherslu á að
halda ómetanlegum
menningarverðmætum
í landinu.
Greenpeace skorar
á Bandaríkjastjóm
Boston. Frá Karli Blöndal, fréttaritara Morgunblaðsins.
Umhverfisverndarsamtökin Greenpeace skoruðu á fimmtudag á
Bandaríkjastjórn að leggjast „af krafti" gegn hvalveiðum Norð-
manna á þessu ári.
Bandaríska fréttastofan APhafði
hins vegar eftir Gerald Leape, tals-
manni Greenpeace, að samtökin
hygðust ekki reyna að raska vetrar-
ólympíuleikunum, sem haldnir
verða síðar í þessum mánuði í Lille-
hammer í Noregi, með mótmælum
gegn hrefnuveiðunum.
Að sögn AP sögðu Greenpeace-
menn að hrefnan væri ekki í útrým-
ingarhættu, en engu að síður flokk-
uðust veiðar Norðmanna undir rán-
yrkju. Sögðu talsmenn samtakanna
einnig að tvö fyrirtæki hygðust
sniðganga norskar vörur. General
Motors keypti ekki varahluti í bif-
reiðir af Norðmönnum og skyndibi-
takeðjan Burger King neitaði að
kaupa norskan fisk.
U mhverfísvernd arsamtöki n
héldu blaðamannafund í Washing-
ton á fimmtudag og sýndu þar að
sögn AP ástralska mynd, sem nefn-
ist „Síðasti hvalurinn". Þar er því
haldið fram að Japanir hafi boðið
smærri þjóðum, sem aðild eiga að
hvalveiðiráðinu, vildarkjör í við-
skiptum og hvers kyns aðstoð gegn
því að þær beittu atkvæði sínu til
að afnema hvalveiðibannið á þessu
ári.
Alþjóða hvalveiðiráðið kemur til
einkafundar á áströlsku eynni Nor-
folk 21. til 24. febrúar og verður
gengið til atkvæða um bannið, sem
sett var árið 1985, á aðalfundi ráðs-
ins í Puerto Vallarta í Mexíkó 23.
til 27. maí.
Lávarður
án atvinnu
LÁVARÐURINN af Katanesi
hefur sótt um atvinnuleysisbæt-
ur en hann sagði af sér ráðher-
rastóli þegar kona hans framdi
sjálfsmorð, vegna framhjáhalds
eiginmannsins. Lávarðurinn var
samgönguráðherra og missti
allar tekjur við afsögnina. Hann
þiggur nú um 4.500 kr. ísl. á
viku í atvinnuleysisbætur.
120 tilnefn-
ingar til frið
arverðlauna
Nóbelsstofnunin í Ósló tilkynnti
í gær að borist hefur 120 til-
nefningar til friðarverðlauna
Nóbels, sem er svipaður fjöldi
og undanfarin ár. Meðal þeirra
sem hlotið hafa tilnefningar eru
albanski rithöfundurinn Adem
Demaci, Yitzhak Rabin, forsæt-
isráðherra ísraels og Yasser
Arafat, leiðtogi Frelsissamtaka
Palestínu.
Þungir dómar
IRA-manna
TVEIR hryðjuverkamenn úr
röðum írska lýðveldishersins
(IRA), sem sprengdu gasveitu
í borginni Warrington í loft
upp, voru á fimmtudag dæmdir
til 25 og 35 ára fangavistar.
Dómarnir eru einir þeir þyngstu
sem liðsmenn IRA hafa hlotið.
Jackie Onass-
is með krabba
SAGT var frá því í gær að
Jacqueline Kennedy Onassis,
fyrrum forsetafrú Bandaríkj-
anna, væri með krabbamein í
sogæðakerfí, sem mun vera
hægt að lækna. Hefur hún ver-
ið í lyfjameðferð síðastliðinn
mánuð og sinnt störfum sínum
jafnframt en hún starfar sem
útgefandi í New York.
Vilja evr-
ópska alríkis-
lögreglu
FJÖLDI þingmanna á Evrópu-
þinginu telur að Evrópusam-
bandið verði að koma á fót al-
þjóðlegum lögreglusveitum,
svipuðum Bandarísku alríkis-
lögreglunni (FBI) til að beijast
gegn glæpum og fíkniefna-
smygli. Talið er að sambandið
muni samþykkja sáttmála um
samvinnu lögreglunnar í aðild-
arlöndum fyrir árslok.
Deilt um að-
setur þingsins
DÚMAN, neðri deild rússneska
þingsins, samþykkti í gær
ályktun um að aðsetur þingsins
ætti að vera í Kreml, gamla
þinghúsinu eða í fyrrverandi
höfuðstöðvum kommúnista-
flokksins. Þingið starfar nú í
bráðabirgðahúsnæði og Borís
Jeltsín forseti hafði áður lagt
til að það fengi aðsetur í bygg-
ingu í einu af úthverfum
Moskvu.
Löggjöf um
kynferðislega
áreitni
EVRÓPUÞINGIÐ tilkynnti í
gær að aðildarríki Evrópusam-
bandsins ættu að setja löggjöf
sem gerir atvinnurekendum
skylt að ráða eða skipa ráðgjafa
innan fyrirtækja, til að vinna
gegn kynferðislegri áreitni. Þá
telur þingið að fyrirtæki ættu
að beita sektum og öðrum til-
tækum ráðum til að koma í veg
fyrir slíka áreitni.