Morgunblaðið - 08.03.1994, Blaðsíða 44

Morgunblaðið - 08.03.1994, Blaðsíða 44
44 MORGUNBLAÐIÐ ÞRIÐJUDAGUR 8. MARZ 1994 Farsi 10-22 0 1992 Fatcus CatKwnstDtslnöuted by Unwersal Ptess Syntteate UAIÍbí-AÍS I'cMCTHt>l2.T leita, cá> jpá/yjixnnC'f ' Ast er . . . Þú hittir dökkhærðan og há- vaxinn mann. Milljónamæring sem á hús með sundlaug og 12 bíJa. Nei, annars, þennan ætla ég að hitta. HÖGNI HREKKVISI u U ScfSÉ I * BREF TIL BLADSINS Kringlan 1 103 Reykjavík - Sími 691100-Símbréf 691329 Óskarinn beint Frá Þór Melsteð: 21. mars næstkomandi verða óskarsverðlaunin afhent og veit ég að margir bíða spenntir eftir því eins og ég. Það hefur verið þannig frá því að RÚV byrjaði að sýna afhendinguna (og síðar Stöð 2) að hún hefur verið sýnd nokkru síðar, stytt og klippt, þegar allir sem áhuga hafa vita hverjir unnu. Ein undantekning þó, en það var þegar Priðrik Þór hlaut tilnefninguna fyr- ir tveimur árum. Þá sýndi Stöð 2 útsendinguna beint. Þeir sem horfðu þá vita að það er gjörólíkt að vita ekki fyrirfram hver vinnur. Þeir sem fylgjast með íþróttum vita líka að það er langskemmtileg- ast að sjá þær í beinni útsendingu. Því fyndist mér það eðlileg þjónusta við kvikmyndaáhugafólk á íslandi að Stöð 2 sýndi frá afhendingunni beint. „Já, en hún er um miðja nótt," kann einhver að segja. Svoleiðis tímasetningar eru ekkert vandamál þegar bandaríski körfuboltinn er annars vegar, þeir sem hafa áhuga þeir horfa. Því er eins farið með óskarinn, áhugafólkið horfir og kannski ennþá fleiri. Stöð 2 vílaði ekki fyrir sér að sýna alla úrslitaleikina í NBA á síð- asta ári, gerir það örugglega í ár líka, þeir eru þó sýndir að nóttu til. Hefur verið kannað hve margir horfa? „Hvað með kostnaðinn, eitthvað hlýtur þetta að kosta?" spyr núna einhver. í eina skiptið sem óskarinn hefur verið sýndur beint kostaði Stjörnubíó útsendinguna, enda var kvikmyndin Börn náttúrunnar sýnd þar. Þetta er mjög eðlilegt, eru það ekki kvikmyrfdahúsin, sem hafa sýningarréttinn á þeim myndum sem fá flestar tilnefningar og að lokum óskarsverðlauriin sem græða mest? Þessar myndir laða að sér flesta áhorfendur. Þess vegna eiga þessir rétthafar að taka sig saman og kosta beina útsendingu frá af- hendingunni. Heldur fólk kannski að enginn horfi á þetta, en þó er þetta sýnt viku síðar sundurklippt og stytt, þá er samt mikið horft og mikið auglýst. Nú þegar er Stöð 2 farin að auglýsa þetta sem stórviðburð en getur samt ekki sýnt þetta beint. I Bandaríkjunum er þetta með allra vinsælasta sjónvarpsefni sem sýnt er og gefa vinnuveitendur al- mennt frí eftir kl. 14 á „Oscar Monday" til þess að fólk hafi tíma til að koma sér heim, því útsending- in byrjar kl. 18 eða kl. 2 að íslensk- um tíma. Yfir einn milljarður manna, þ.'e. 1.000.000.000, horfir á þetta beint. Hér á íslandi eru kannski ein- hverjir sem geta horft á þetta beint, þeir sem hafa gervihnattadisk og afruglara fyrir The Movie Channel en það eru bara ekki allir svo heppn- ir. Ég skora á Stöð 2, kvikmynda- húsin, myndbandaleigurnar og þá sem geta og vilja leggja þessu lið að verða við þessari beiðni kvik- myndaáhugafólks á íslandi. Að leyfa okkur að sjá dýrðina í beinni útsendingu. Þetta er bara einu sinni á ári. Það eru mörg ár síðan ég fór að bíða eftir því að þetta yrði að veruleika, ekki bara þegar íslenskar kvikmyndir verða tilnefndar. Áhugafólk, iátið í ykkur heyra, við þurfum ekki að sitja þegjandi, orð eru til alls fyrst. ÞÓR MELSTEÐ, áhugamaður um kvikmyndir og kvikmyndagerð. Líffræðieggið og töl- fræðihænan Gagnasafn Morgunblaðsins Allt efni sem birtist í Morgun- blaðinu og Lesbók verður fram- vegis varðveitt í upplýsinga- safni þess. Morgunblaðið áskil- ur sér rétt til að ráðstafa efninu þaðan, hvort sem er með endur- birtingu eða á annan hátt. Þeir sem afhenda blaðinu efni til birtingar teljast samþykkja þetta, ef ekki fylgir fyrirvari hér að lútandi. Frá Kristjáni Þórarínssyni: í grein sem ber yfírskriftina Eggið og hænan og birtist í Mbl. 3.3. sl. heldur Jón Kristjánsson fiskifræðingur því fram að ég hafi í viðtali við Mbl. hampað aðferðar- fræði þeirri sem Páll Bergþórsson notar við að greina samband nýlið- unar og stórfisks í íslenska þorsk- stofninum, í þeim tilgangi að skáka niðurstöðum þriggja fiskifræðinga á Veiðimálastofnun. Þetta-er rangt hjá Jóni: Eg hef aldrei hampað þess- ari aðferðarfræði. Aðferðin sem hér um ræðir bygg- ir á því að sýna fram á fylgni milli hlaupandi meðaltala. Að mínu áliti er þessi aðferð stórlega varasöm ef henni er ekki beitt af fyllstu aðgát og erum við Jón greinilega sammála um það. Þessi aðferð er sú sama og fiskifræðingar Veiði- málastofnunar beittu til að fá sínar niðurstöður um fylgni í sveiflum ólíkra fiskistofna, nema hvað þeir gengu talsvert Iengra en Páll í að draga ályktanir af niðurstöðum sín- um. Niðurstöður Páls eru í fullri mótsögn við ályktanir fískifræðinga Veiðimálastofnunar og á þetta benti ég í viðtalinu við Mbl. í þeim til- gangi að sýna hversu varasöm þessi aðferð er. Nú bregður svo við að Jón Krist- jánsson setur fram enn eina skoðun á orsakasamhengi í íslenska þorsk- stofninum. Og enn einu sinni er beitt hlaupandi meðaltölum og gróf- um einföldunum. Ég vil af þessu tilefni ítreka þá aðvörun mína, slík- ar aðferðir geta verið stórlega vara- samar ef ekki er sýnd fyllsta aðgát. Ég vil því eindregið taka undir þá aðvörun Jóns Kristjánssonar að þegar greina skal samhengi atburða . í fískistofnum getur tölfræði án líf- fræðiþekkingar verið hættuleg. Sýnu hættulegri er þó líffræði án tölfræðiþekkingar, eins og þessi dæmi sanna. KRISTJÁN ÞÓRARINSSON, stofnvistfræðingur hjá LÍÚ. „HElAHLPAAtVMptVM HUN.pAFANQA&\J. i HVAt? TANM HAMNJ þETTA ?J " Víkverji skrifar Woody Allen er tvímælalaust meðal fremstu kvikmynda- leikstjóra samtímans. Nánast hver einasta mynd, sem þessi New York- búi gerir er framúrskarandi. Það á við um nýjustu mynd hans, sem sýnd er í Stjörnubíói um þessar mundir. Höfundareinkennin eru augljós, samtölin að venju stórkost- leg og myndatakan með þeim sér- stæða hætti, sem setur mark sitt á myndir Woody Allens. í umsögnum bandarískra blaða og tímarita um myndir Woody Al- lens seinni árin kemur hvað eftir' annað fram, að hann njóti meiri vinsælda í Evrópu en í Bandaríkjun- um, sem kvikmyndahöfundur. Ef þetta er rétt er það vísbending um lélegan smekk Bandaríkjamanna fyrir kvikmyndum og Evrópubúum til framdráttar. Myndir Woody Ailens skera sig alltaf úr. Jafnvel þótt um morðgátu sé að ræða eins og í þessari mynd nú, gleymist ekki sá þráður, sem einkennt hefur margar síðustu myndir hans, þ.e. djúp sálfræðileg athugun á samskiptum kynjanna og þá ekki sízt hjóna, sem búið hafa saman í áratugi. í þeim efnum er innsæi Woody Alléns einstakt. Áhugamenn um alvöru kvikmyndir eiga ekki að láta þessa mynd fram hjá sér fara. Annars eru kvikmyndir Woody Allens áreiðanlega einhver áhrifamesta kynning, sem til er á New York-borg og þá alveg sér- staklega Manhattan. í myndum hans er brugðið upp skemmtilegri svipmynd af daglegu lífi á Manhatt- an a.m.k. lífi þess fólks, sem kemst vel af. Ekki fer á milli mála, að Woody Allen nýtur sín vel á Man- hattan enda fullyrt að hann fari eins sjaldan út fyrir Manhattan og nokkur kostur er. Þær gífurlegu fjárhæðir, sem fárið hafa í kynningarherferðir fyr- ir New York á undanförnum árum („I love New York") hafa áreiðan- lega ekki haft eins mikil áhrif til þess að laða fólk til New York eins og myndir Woody Allens. Sú var tíðin að menn töldu óhugs- andi, að Samband ísl. sam- vinnufélaga gæti orðið gjaldþrota og alla vega yrði það slíkt áfall fyrir íslenzkt atvinnulíf að til þess mætti ekki koma. Þessum skoðun- um lýsti Morgunblaðið m.a. í rit- stjórnargreinum. Sl. laugardag var frá því skýrt hér í blaðinu, að Landsbanki íslands mundi tapa samtals einum milljarði króna á viðskiptum sínum við SÍS og dótturfyrirtæki þess. Sambands- veldið er hrunið en íslenzkt atvinnu- Iff stendur fyrir sínu, þótt kreppa hafi staðið yfir um nokkurt árabil. Sennilega er of mikið gert úr áhrifum og afleiðingum þess að stór fyrirtæki leggist niður. Það kemur alltaf annað í staðinn. Hins vegar er það sérstakt skoðunarefni hvaða risavöxnu mistök það eru, sem leiddu til hruns Sambandsveldisins og sem kostað hafa viðskiptavini Landsbankans og skattgreiðendur a.m.k. einn milljarð króna.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.