Morgunblaðið - 24.04.1994, Blaðsíða 6
6 FRÉTTIR/INNLENT
MORGUNBLAÐIÐ SUNNUDAGUR 24. APRIL 1994
Grunur um íkveikju í húsnæði Bahá’í-samfélagsins
Eldur
logaði á
fjórum
stöðum
HÚSNÆÐI Bahá’í-samf élags-
ins í Reykjavík skemmdist í eldi
í fyrrinótt. Eldur logaði á fjór-
um stöðum í húsinu og leikur
grunur á að um íkveikju hafi
verið að ræða. Rannsóknarlög-
regla rikisins rannsakar elds-
upptök.
Slökkviliðið var kallað að Álfa-
bakka 12 um kl. 2.40 um nóttina,
þá tilkynnti leigubílstjóri að
en
hann sæi mikinn reyk leggja frá
húsinu. Þegar slökkviliðið kom á
staðinn var greinilegt að töluverð-
ur eldur logaði á 2. hæð hússins,
þar sem Bahá’í-samfélagið er til
húsa. Skömmu síðar braust eldur
út um tvo glugga, en tveir reyk-
kafarar voru sendir inn í húsið
og tókst þeim fljótlega að ná tök-
um á eldinum, með aðstoð félaga
sinna úti fyrir.
Miklar skemmdir
Skemmdir urðu miklar á sam-
komusal safnaðarins, en sam-
kvæmt upplýsingum slökkviliðs-
ins logaði á fjórum stöðum í saln-
um, sem bendir sterklega til
íkveikju. Einhverjar reykskemmd-
ir urðu á 3. hæð hússins, en önn-
ur fyrirtæki í húsinu sluppu nokk-
uð vel, þó í gær hafi ekki vérið
lokið við að kanna hugsanlegar
reykskemmdir. Slökkvistarfi lauk
endanlega kl. 4.40, en vakt var
höfð við húsið til kl. 8.30 í gær-
morgun.
Morgun blaðið/J úlíus
Barist við eldinn
SLÖKKVILIÐIÐ sendi reykkafara inn í húsnæði Bahá’í-samfé-
lagsins og tókst þeim fljótlega að ná tökum á eldinum.
Sýningarsalurinn Galleri Profil í Árósum
Stór sýning á verkum
Svavars Guðnasonar
Kaupmannahöfn. Frá Sigrúnu Davíðsdóttur, fréttaritara Morgnnblaðsins.
I LOK MAI er ráðgert að opna í Árósum stóra sýningu á verkum Svav-
ars Guðnasonar í Galleri Profil. Alls verða um sextíu verk á sýning-
unni og verða þau flest til sölu. Listamaðurinn Ejler Bille hefur tekið
þátt í undirbúningi sýningarinnar og skrifar formála að sýningar-
skránni. Nýlega var sýnd í danska sjónvarpinu mynd um Svavar.
Að sögn Lars Fog Poulsens hjá
Galleri Profil hefur undirbúningur
að sýningunni staðið í mörg ár, því
það hefur verið seinlegt verk að safna
myndunum saman. Verkin koma úr
einkaeign víða að. Verkin sextíu eru
af ýmsu tagi, níu málverk og fimm-
tíu páppírsverk, teikningar, tréristur
og vatnslitamyndir. Verðið er frá
tuttugu þúsund íslenskum krónum
fyrir tréristur og upp í um eina millj-
ón fyrir dýrustu málverkin. Flest
verkin verða til sölu, en nokkur eru
þó aðeins til sýnis. Lars Fog Poulsen
sagði að sýningin væri ein sú falleg-
asta sem galleríið hefði staðið að.
Keppikefli gallerísins hefði verið að
safna myndunum saman og geta
sýnt þær og af því væri hann mjög
stoltur.
Ejler Biile er þekktur myndlista-
maður í Danmörku og sýndi á sínum
tíma með Cobra-hópnum, líkt og
Svavar og var góður vinur hans. I
þætti um Svavar, sem nýlega var
sýndur í danska sjónvarpinu sagði
hann frá Svavari og kynnum þeirra,
auk þess sem Ásta kona Svavars
kemur fram í þættinum og Svavar
sjálfur segir frá verkum sínum og
vinnu. í þættinum var einnig rætt
við Robert Dahlmann-Olsen arkitekt,
sem nú er látinn, en hann átti eitt
mesta safn af verkum Svavars hér
og stóð að síðustu sýningu á verkum
Svavars fyrir nokkrum árum í Kaup-
mannahöfn. Bille er einnig í góðum
tengslum við Galleri Profil og hefur
reynst mjög innan handar við að ná
til eigenda mynda eftir Svavar og
safna verkunum saman. Einnig skrif-
ar hann formála að sýningarskránni.
Galleríið hefur sérhæft sig í mynd-
Heilbrigðisráðherra hefur áhyggjur af lengri biðlistum eftir bæklunaraðgerðum
Kannað hvort fækka megi á
biðlistum með sérstöku átaki
í HEILBRIGÐIS- og trygginga-
ráðuneytinu eru til skoðunar
hugmyndir um sérstakt átak í
því að fækka á biðlistum eftir
bæklunaraðgerðum. Biðlistarnir
hafa verið að lengjast síðustu
misserin þrátt fyrir að aðgerðum
hafí fjölgað. Guðmundur Arni
Stefánsson heilbrigðisráðherra
segir að fjölgun bæklunarað-
gerða geti í mörgum tilvikum
dregið úr kostnaði. Sjúklingar á
biðlistum þurfi í mörgum tilvik-
um á mikilli aðhlynningu að
halda sem þýði aukakostnað fyr-
ir heilbrigðiskerfið.
Nú bíður á fjórða hundrað manns
eftir því að komast í bæklunarað-
gerð. Biðtíminn getur í einstaka
tilfellum farið upp í tvö ár. Biðlist-
inn hefur heldur verið að lengjast
síðustu misserin. Þessi þróun hefur
átt sér stað þrátt fyrir að aðgerðum
hafi fjölgað. Ástæðan fyrir þessu
er m.a. sú að farið er að gera bækl-
unaraðgerðir á fleira fólki en áður.
Svæfmgalækningum hefur fleygt
fram þannig að ekki þykir lengur
tiltökumál að gera bæklunarað-
gerðir á fullorðnu fólki.
Guðmundur Árni sagði að í heil-
brigðisráðuneytinu væri verið að
skoða hugmyndir um sérstakt átak
til að fækka á biðlistum eftir bækl-
unaraðgerðum. Hann sagði að
hugsanlega mætti með því móti
spara á öðrum sviðum heilbrigði-
skerfisins því að sjúklingar á biðlist-
um þyrftu í mörgum tilvikum að
liggja inni á sjúkrahúsum á meðan
beðið væri eftir aðgerð.
Guðmundur Ámi sagði ýmsar
leiðir komi til greina í þessu sam-
bandi. Það kæmi til greina að gera
bæklunaraðgerðir í auknum mæli á
sjúkrahúsum á landsbyggðinni.
Einnig kæmi til greina að auka
tímabundið bæklunaraðgerðir á
Landakotsspítala, en annars er fyr-
irhugað að leggja þá deild niður.
Sérfræðingar í bæklunarsjúkdóm-
um, sem starfað hafa á Landakots-
spítala, hafa þegar hafið störf á
Landspítala.
í Svíþjóð var gert sérstakt átak
í því að fækka á biðlistum eftir
bæklunaraðgerðum fyrir fáum
árum. Guðmundur Árni sagði að
þetta átak hefði skilað betri árangri
en menn hefðu þorað að vona.
Ráðaneytið horfi því m.a. til reynslu
Svía í þessu efni.
um færeyskra og norskra málara,
auk þess sem áhuginn hefur beinst
að íslenskri list. Á þeirra vegum var
meðal annars fyrir nokkru stór sýn-
ing á verkum Þorvalds Skúlasonar.
Lýðveldisafmælið íslenska er að
nokkru leyti hvati að sýningunni nú
og í haust verður önnur sýningi á
verkum íslenskra listamanna í gall-
eríinu. Sú sýning mun spanna verk
eldri og yngri listamanna og verður
haldin í sambandi við íslenska viku
í Árósum, en hún hefur meðal ann-
ars verið skipulögð af Norræna hús-
inu í Reykjavík.
-----♦ » ♦-----
Mj ólkuriðnaður
Rannsókn-
ir fluttar til
Borgamess
Borgarnesi.
ÁKVEÐIÐ hefur verið að starf-
semi Rannsóknarstofu mjólkur-
iðnaðarins verði flutt frá Reykja-
vík til Borgarness síðsumars.
Starfseminni fylgja sjö til átta
heilsársstörf.
Að sögn Indriða Albertssonar
mjólkurbússtjóra Mjólkursamlags
Borgfirðinga í Borgarnesi — MSB —
hefur verið ákveðið að starfsemi
rannsóknarstofunnar flytjist til
Borgarness. Aðspurður sagði Indriði
að þessi flutningur myndi styrkja
atvinnumöguleika fólks í Borgarnesi
og nágrannabyggðum. Þama væri
um sjálfstætt fyrirtæki að ræða sem
leigði um 300 fermetra húsnæði af
MSB en önnur tengsl yrðu ekki á
milli þessara fyrirtækja að hans mati.
Að sögn Sævars Magnússonar
framkvæmdastjóra Rannsóknastofu
mjólkuriðnaðarins er reiknað með að
starfsemin flytjist til Borgamess í
ágústbytjun. Starfsemi stofunnar
fælist aðallega í prófunum og mæl-
ingum á ákveðnum gæðaþáttum í
hrámjólk. Aðspurður kvaðst Sævar
telja að hluti starfsfólksins myndi
halda áfram að starfa hjá stofunni
og myndi þá væntanlega aka á milli
Reykjavíkur og Borgarness til og frá
vinnu. Taldi hann frekar ólíklegt að
starfsfólk myndi flytjast búferlum til
Borgarness.
TKÞ.
Kór Langholtskirkju flytur H-moll messuna í Barbican Centre
Tvennir tónleikar haldnir
fyrir Englandsferð í júní
KÓR Langholtskirkju heldur tvenna tónleika í Reykjavík á næstunni
og eru þeir liður í lokaundirbúningi kórsins fyrir tveggja vikna tón-
leikaferð um England í júní næstkomandi, en þar mun kórinn m.a.
flytja H-moll messuna eftir J.S. Bach í Barbican Centre í London.
Fyrri tónleikarnir verða í Langholtskirkju laugardaginn 30. april
og verður þar flutt úrval af íslenskri kórtónlist sem kórinn mun
syngja í Englandi, og auk þess verða flutt nokkur lög úr vinsælum
söngleikjum. Einsöngvari verður Ólöf Kolbrún Harðardóttir og
píanóleikari Bjarni Jónatansson. Síðari tónleikarnir verða laugardag-
inn 14. maí í Hallgrímskirkju þar sem kórinn, einsöngvarar og Kamm-
ersveit Langholtskirkju munu flytja H-moll messuna eftir J.S. Bach.
í fyrri hluta tónleikaferðarinnar
um England mun kór Langholts-
kirkju halda sjö tónleika þar sem
flutt verða nær eingöngu gömul og
ný íslensk tónlist. Tónleikarnir
verða allir í mjög stórum og jafn-
framt þekktum tónleikasölum og
kirkjum, þar á meðal í dómkirkjun-
um í Wells, Chichester og Worcest-
er. Þá mun kórinn einnig koma fram
á alþjóðlegri tónlistarhátíð í Bourn-
emouth, í Exeter og tónleikar með
léttu ívafi verða í Fairfield Halls í
Croydon, rétt sunnan London. Tek-
ur salurinn þar um 2.000 manns í
sæti og er hann mjög eftirsóttur
af innlendum sem erlendum tónlist-
armönnum.
Lokatónleikar ferðarinnar verða
síðan í Barbican Centre þar sem
Jón Stefánsson mun stjórna Ensku
kammersveitinni, Kór Langholts-
kirkju og einsöngvurum í H-moll
messunni eftir J.S. Bach. Þrír ís-
lenskir einsöngvarar munu taka
þátt í flutningnum, þær Ólöf Kol-
brún Harðardóttir, Signý Sæn-
mundsdóttir og Rannveig Fríða
Bragadóttir. Auk þeirra syngja
bresku söngvararnir Michael Gold-
thorpe, tenór, og Michael George,
bassi, en sá fyrrnefndi hefur sungið
á mörgum tónleikum með kór Lang-
holtskirkju á undanförnum árum.
Einsöngvarar með kórnum við
flutning H-moll messunnar í Hall-
grímskirkju verða þeir sömu og í
Barbican, nema hvað Kristinn Sig-
mundsson syngur bassaaríur í stað
Michael George.
Kór Langholtskirkju hefur aldrei
áður tekist á hendur svo stóit verk-
Wells dómkirkjan í Somerset þar
sem kór Langholtskirkju flytur
íslenska efnisskrá í sumar.
efni sem tónleikaferðina um Eng-
land, og hefur undirbúningur fyrir
ferðina nú staðið í þijú ár. Kórinn
samdi í maí 1992 við umboðsskrif-
stofuna World Wide Artists í Lond-
on um að skipuleggja tónleikaferð-
ina, og í samvinnu við stjórn kórs-
ins vinnur umboðsskrifstofan þessa
dagaaa að markvissu kynningar-
starfi fyrir alla tónleikana. Fer sú
kynning fram í útvarpi, sjónvarpi,
dagblöðum og í bæklingum sem
gefnir hafa verið út og dreift hefur
verið til tónlistaráhugafólks. Þess
má geta að þegar er uppselt á tón-
leikana sem haldnir verða í Exeter.