Morgunblaðið - 24.04.1994, Blaðsíða 18
18.
MORGUNBLAÐIÐ SUNNUDAGUR 24. APRÍL 1994
MARAÞON
Ljósmyndamaraþon Stúdentaráós Háskóla ís-
lands var haldiö laugardaginn 2ó. mars sl.
Þetta var í annað sinn sem maraþonið er
haldið og stefnir í að það verði árlegur við-
burður, enda hefur tekist einstaklega vel upp
í bæði skiptin sem maraþonið hefur farið fram.
í fyrra tóku rétt ríflega eitt hundrað nug-
myndaríkir háskólastúdentar þátt í maraþoni
sem endaði með sigri Pers Mats Henje. í ár
voru 1 63 þátttakendur skráðir til keppni, sem
er langmesti fjöldi sem tekið hefur þátt í keppni
af þessu tagi hérlendis. Það kemur ef til vill
af því að þátttaka var ókeypis en styrktaraðil-
ar keppninnar voru Morgunblaðið, Hans Pet-
ersen, Félagsstofnun Stúdenta og Búnaðar-
bankinn. Keppnin í ár var ekki eingöngu opin
stúdentum, heldur öllum landsmönnum til sjávar
og sveita.
Keppnin fór þannig fram að að morgni
laugardags fengu keppendur filmu í hendurn-
ar ásamt verkefnum. Filmunni átti að skila átek-
inni tólf tímum síðar. Eins og gengur og gerist
í maraþoni komust ekki allir í mark, ríflega eitt
hundrað manns skiluðu inn filmum.
Hugmyndaauðgi keppenda réð mestu um
úrslitin, en eins og sjá má af myndunum létu
þátttakendur hugann reika víða og fundu
snjallar lausnir á verkefnum, sem mörg hver
voru býsna snúin. Alls komu 60 keppendur
til álita er sigurvegaranna var leitað og því
'var keppnin jöfn og spennandi.