Morgunblaðið - 14.05.1994, Blaðsíða 56

’sÍMI169nOo!ISlMB^F69n811,PÓS'rHÓLFJ3040/AKVREYRI: HAFNARSTRÆTI 85 LAUGARDAGUR 14. MAÍ 1994 VERÐ í LAUSASÖLU 125 KR. MEÐ VSK
Morgunblaðið/Júlíus
Þorgrímur Haraldsson
situr á bílnum en félagi
hans Jóhann Jóhannsson
stendur við hlið hans.
Fjórtán
ára gera
stuttmynd
NOKKRUM öryggisvörðum er
falið að gæta gullpenings í einn
sólarhring. Innbrotsþjófar gera
tilraun til að ræna peningnum,
en einn þeirra hverfur spor-
laust. Þannig hljóðar söguþráð-
urinn í nýrri stuttmynd sem
tveir ungir piltar úr Hóla-
brekkuskóla ætla að taka um
helgina.
Piltarnir Jóhann Jóhannsson
15 ára og Þorgrímur Haralds-
son 14 ára eru engir viðvaning-
ar í kvikmyndagerð þrátt fyrir
ungan aldur. Þeir hafa á sínum
ferli gert hvorki fleiri né færri
en tólf myndir og þætti, þar
af þijár eiginlegar stuttmyndir.
Myndin um öryggisverðina
er tekin í Sjóvárhúsinu. Forráð-
menn Sjóvár-Almennra hafa
góðfúslega veitt þeim leyfi til
að nota húsið um helgina. Glób-
us hefur lánað þeim bíl og Secu-
ritas hefur lánað búninga sem
öryggisverðirnir verða í. Mynd-
in verður sýnd í unglingavinn-
unni í sumar, en einnig áforma
þeir félagar að senda hana í
stuttmyndasamkeppni.
Tsjemomyrdin sendir Davíð Oddssyni bréf um Smuguna
Boðar tafarlausar aðgerðir
gegn fiskveiðum Islendinga
TSJERNOMYRDIN, forsætisráðherra Rúss-
lands, sendi Davíð Oddssyni, forsætisráðherra
bréf vegna veiða íslenzkra fískiskipa í Smug-
unni hinn 20. apríl sh, þar sem segir m.a., að
hagsmunir íbúa norðurhéraða Rússlands kalli á
það, að Rússar grípi til „tafarlausra aðgerða“
til þess að tryggja efnahagslega hagsmuni rúss-
neskra borgara. Rússneski forsætisráðherrann
segir í bréfí sínu, að rússnesk stjómvöld bíði
eftir því, að íslenzk stjórnvöld grípi til viðeig-
andi aðgerða til þess að koma í veg fyrir „eftir-
litslausar þorskveiðar" íslenzkra fískiskipa.
Á blaðamannafundi, sem rússneski sjávarút-
vegsráðherrann efndi til fyrir skömmu, er hann
var á ferð í Noregi sagði hann, að Rússar hygð-
ust senda varðskip í Smuguna. Samkvæmt upp-
lýsingum Morgunblaðsins mun Gro Harlem
Brundtland, forsætisráðherra Noregs hafa sent
Davíð Oddssyni bréf um svipað efni skömmu
áður en bréfíð barst frá rússneska forsætisráð-
herranum.
I bréfi rússneska forsætisráðherrans er komið
á framfæri sjónarmiðum rússneskra stjórnvalda
til þess, sem kallað er „eftirlitslausar þorskveið-
ar“ íslenzkra fískiskipa í Barentshafi. Minnt er
á, að rússnesk stjómvöld hafi lýst alvarlegum
áhyggjum af þessum veiðum við Þorstein Páls-
son, sjávarútvegsráðherra, þegar hann kom til
Moskvu haustið 1993. Jafnframt er harmað að
þrátt fyrir athugasemdir og andmæli hafi íslenzk
fískiskip haldið uppteknum hætti.
Með veiðum íslenzku skipanna sé verið að
ganga á sameiginlegan rússnesk-norskan þorsk-
stofn. Hagsmunir íbúa norðurhéraða Rússlands
kalli á það, að Rússar grípi til „tafarlausra að-
gerða“ til þess að tryggja efnahagslega hags-
muni rússneskra borgara.
í bréfí Tsjernomyrdins mun vera vitnað til
afstöðu íslendinga á úthafsveiðiráðstefnu Sam-
einuðu þjóðanna og tillögur um ábyrgð strand-
ríkja á nýtingu flökkustofna. Bréfinu lýkur með
því, að rússnesk stjórnvöld bíði eftir því, að ís-
lenzk stjórnvöld grípi til viðeigandi aðgerða til
þess að koma í veg fyrir „eftirlitslausar þorsk-
veiðar“ íslendinga í Barentshafi.
Samkvæmt heimildum Morgunblaðsins er tal-
ið að bréf forsætisráðherra Noregs og Rússlands
til forsætisráðherra íslands séu til marks um
sameiginlegar aðgerðir Rússa og Norðmanna
gegn veiðum íslendinga á hafsvæðinu. Harkaleg
ummæli rússneska sjávarútvegsráðherrans, þeg-
ar hann var í heimsókn í Noregi, vöktu athygli.
Jafnvel er talið, að samkomulag hafi orðið um
þá verkaskiptingu milli Rússa og Norðmanna,
að Rússar beiti sér gegn veiðum íslendinga í
Smugunni en Norðmenn gegn hugsanlegum
veiðum Íslendinga við Svalbarða.
Egg úr
blöðrum
ÞEIR sem áttu leið framlyá
Grensáskirkju í gær ráku upp
stór augu. Engu var líkara en
risafugl hefði gert sér þar
hreiður og verpt nokkrum
myndarlegum eggjum. En skýr-
ingin kom fljótt í ljós. Nemend-
ur í heilsdagsskóla Hvassaleitis-
skóla höfðu útbúið hreiðrið úr
greinum sem klipptar höfðu
verið af tijám í nærliggjandi
görðum og eggin voru upp-
blásnar blöðrur, húðaðar með
gifsi. Sólrún Guðmundsdóttir
og Harpa Sigurbjörnsdóttir
leiðbeindu krökkunum. Það eru
þau Elvar Már Ásgeirsson, Vala
Védís Guðmundsdóttir, Harald-
ur Gísli Sigfússon og Daniel
Fogle sem halda á eggjunum.
Morgunblaðið/Emilía
Halli fyrirtækja
í sjávarútvegi
um 2,5 milljarðar
SAMTÖK fiskvinnslustöðva áætla að 2,5 milljarða halli hafi verið
á rekstri sjávarútvegsfyrirtækja á síðasta ári. Sú niðurstaða er
byggð á rekstrarreikningum 32 fyrirtækja í öllum landshlutum,
en halli á rekstri þeirra var í fyrra um 960 milljónir króna og
útflutningsverðmæti þeirra um 29 milljarðar.
Kjaradeila meinatækna og viðsemjenda
Lausn í sjónmáli?
TÖLUVERT miðaði í samkomulagsátt í kjaradeilu meinatækna og
viðsemjenda þeirra í gærkvöldi. Ekki var að sögn Guðlaugs Þor-
valdssonar, ríkissáttasemjara, útilokað að saman drægi í nótt. Hvor-
ugur deiluaðilanna vildi uppvísa um hvað var rætt.
Þessi 32 fyrirtæki eru í öllum
landshlutum, eru öll í frystingu,
flest einnig í saltfiskvinnslu og
pokkur einnig í rækju- og mjöl-
vinnslu. Fyrirtækin eru flest með
eigin útgerð og bæði kaupa eða
selja fisk á fiskmörkuðum og í
beinum viðskiptum auk þess sem
nokkur þeirra hafa keypt frystan
fisk til vinnslu. Útflutningsverð-
mæti þessara 32 fyrirtækja var á
síðasta ári liðlega 29 milljarðar
króna. Þar af var hlutur vinnslu í
Iandi 23 milljarðar.
Helztu kostnaðarliðir í fiskvinnslu
þessara fyrirtækja voru hráefnis-
kaup sem námu rúmlega 50% og
launakostnaður við framleiðslu,
sem nam 22% af tekjum.
Loðnu- og rækjuafurðir
léttu undir
Heildarafkoma þessara 32 fyrir-
tækja á síðasta ári var rekstrar-
halli upp á 960 milljónir króna, eða
um 3,3% af tekjum. Útflutningur
þessara fyrirtækja er tæplega 40%
af heildarútflutningi sjávarafurða
á síðasta árj. Af þessu má áætla
að 2,5 milljarða króna halli hafi
verið á rekstri sjávarútvegsfyrir-
tækja á síðastliðnu ári.
Þessi niðurstaða er nokkru lak-
ari en nýleg áætlun Þjóðhagsstofn-
unar gerði ráð fyrir um afkomu
sjávarútvegsfyrirtækja á árinu
1993, en heldur skárri en Samtök
fiskvinnslustöðva áætluðu í kjölfar
lækkandi verðlags á sjávarafurð-
um á erlendum mörkuðum og
minnkandi þorskkvóta á síðast-
liðnu ári. Loðnu- og rækjuafurðir
léttu undir hjá mörgum fyrirtækj-
um.
Verkfall meinatækna hefur
staðið frá því 4. apríl og hafa stöð-
ugir fundir staðið yfir frá því um
helgina. Boðað var til fundar kl.
10 í gærmorgun og hafði hann
staðið með hléum þegar liðið var
fram yfir miðnætti í nótt.
Samningaviðræður eru á
viðkvæmu stigi
Guðlaugur Þorvaldssson, ríkis-
sáttasemjari, sagði að töluvert
hefði þokast í samkomulagsátt.
,jEn það er eitthvað eftir ennþá.
Eg reikna með að fundur standi
eitthvað lengur fram eftir. Þetta
gæti svosem gengið í nótt. Ég full-
yrði ekkert,“ sagði Guðlaugur og
tók fram að viðræðumar væru á
viðkvæmu stigi.
Meinatæknar hafa farið fram á
launahækkun á grundvelli saman-
burðar við sambærilegar stéttir og
hafa hjúkrunarfræðingar m.a. ver-
ið nefndir í því sambandi. Viðsemj-
endur hafa fallist á réttmæti þessa.
Hins vegar fallast þeir ekki á að
hið sama gildi um meinatækna út
á landsbyggðinni. Þeir hafi ekki
dregist aftur úr í launum og ekki
sé hægt að fallast á launahækkun
þeim til handa. Ekki var vitað hvort
samkomulag hafði náðst um þetta
atriði í gærkvöldi enda vildi
hvorugur deiluaðilanna tjá sig um
gang mála.