Morgunblaðið - 05.07.1994, Qupperneq 38

38 ÞRIÐJUDAGUR 5. JÚLÍ 1994
MORGUNBLAÐIÐ
FÓLK í FRÉTTUM
FOLK
> Tori Amos fær
hugsj ónaverðlaun
►TORI Amos tók við hugsjónaverðlaunum frá athvarfi
fyrir fórnarlömb nauðgana í Washington. Það var fyrir
lagið „Me And A Gun“ þar sem hún rifjar upp sína eig-
in reynslu sem fórnarlamb nauðgunar. í tilefni af þessu
gaf athvarfið út yfirlýsingu sem hljóðaði þannig: „Það
er lifandi, tilfinningaþrungið og ofbeldiskennt lag sem
snertir strengi í öllum sem á það hlýða. Sérstaklega því
unga fólki sem einnig hefur orðið fyrir kynferðislegu
JPofbeldi. Lagið hefur boðskap sem hjálpar til við að græða
sárin.“
Richard Gere eins og hann
lítur venjulega út.
Richard Gere
kastað á dyr
►RICHARD Gere var kastað út
úr verslun í miðborg Lundúna
þegar hann ætlaði að kaupa sér
skó. Astæðan var sú að af-
greiðslufólk verslunarinnar hélt
að hann væri umrenningur. Tök-
ur standa nú yfir á kvikmynd-
inni „Last Knight" og leikur
Gere Sir Lancelot. Hann hefur
þurft að safna hári og skeggi
fyrir hlutverk sitt og er óþekkj-
anlegur. Sue hét afgreiðslustúlk-
an sem kastaði honum á dyr og
hún skildi mistök sín þegar Gere
yfirgaf búðina brosandi og steig
upp í lúxusbifreið sína sem beið
fyrir utan. Hún var alveg miður
sín: „Það er ótrúlegt að ég skuli
hafa komið honum til að fara á
þennan hátt.“
Jodie Foster heldur upp
á Holly Hunter
JODIE Foster var spurð að því
hver væri hennar eftirlætis leikari
og svaraði því til að það væri leik-
konan Holly Hunter (Píanóið). „Ég
elska gamanleikstíl hennar og hún
leikur alvarleg hlutverk afbragðs
vel.“ í sama viðtali sagðist hún
ekki þola að safna upp drasli.
Henni hefði því brugðið þegar hún
hefði litið inn í fataskápinn sinn
nýlega og séð að hann var yfir-
fullur af fötum. „Ég hef
aldrei viljað vera ein af
þeim konum sem eiga
alltof mikið af fötum.
Núna er ég sjálf orðin
svoleiðis. Ég gef mikið
af fötum frá mér um
þessar mundir.“
Morgunblaðið/Ámi Sæberg
ÞAKKA þér fyrir hringinn! Jón Guðmundsson, til vinstri, og
Þórður Arason virðast vel sáttir við frammistöðuna eftir að
hafa leikið saman einn hring.
SIGRÚN Oddsdóttir púttar á mótinu á Miklatúnsvelli.
Kraftur í starfsemi
Púttklúbbs Ness
MIKILL kraftur er í starfsemi Pútt-
klúbbs Ness, og fór Vormót klúbbs-
ins fram á Miklatúnsvelli við Kjar-
valsstaði í síðustu viku. Það var 5.
júlí 1989 að Vilhjálmur Halldórsson
stofnaði klúbbinn, og því er fimm
ára afmælið einmitt í dag. Eldri
borgarar hafa sýnt púttinu mikinn
áhuga, bæði í höfuðborginni, á Sel-
tjarnarnesi og á Suðurnesjum, en
Vilhjálmur hefur komið starfsemi
af stað á öllum þessum stöðum.
Það var sól og blíða er um 40
eldri borgarar komu saman við
Kjarválsstaði í síðustu viku til
keppni. „Ég held þetta sé annar
besti völlurinn sem ég hef spilað á.
Hann er svo skemmtilega vitlaus,"
sagði Vilhjálmur; „flatirnar halla,
þannig að það er erfitt að spila völl-
inn, og við það verður hann mun
skemmtilegri en ella. Þetta er fyrsta
klassa völlur.“
Vilhjálmur sigraði í eldri flokki
karla á vormótinu á 73 höggum,
Vernert Teslnew fór á 79 og Sigurð-
ur J. Björnsson á 81. Karl Sölvason
og Ágúst Friðjónsson léku best í
yngri karlaflokki, á 77 höggum, en
Karl sigraði í bráðabana. Bergþór
Jónsson varð þriðji á 78. í kvenna-
flokki sigraði Þorbjörg Jónsdóttir á
77 höggum, Guðríður Jónsdóttir
varð önnur á 78 og Inga Ingvars-
dóttir þriðja á 79.
Þess má geta að félagar í Pútt-
klúbbi Suðurnesja komu til Reykja-
víkur og stjómuðu mótinu. Vildi
Vilhálmur koma bestu þökkum á
framfæri til þeirra fyrir hjálpina.
HASKOLABIO
SÍMl 22140
Háskólabíó
Síðasta sýningarvika á Lista Schindlers.
Leikstjóri Steven Spielberg.
Hneykslismál
Gazza barði eig-
inkonu sína
FÓTBOLTASTJARNAN Paul Cascoigne, sem
gengur undir nafninu Gazza, viðurkenndi í
bresku dagblaði að hafa barið fyrrverandi eigin-
konu sína, fyrirsætuna Sheryl Kyle, í þau tvö
ár sem hjónband þeirra stóð yfir. Hann segist
hafa gert það ítrekað í afbrýðikasti: „Eg barði
hana vegna þess að mér fannst hún ekki veita
mér nógu mikla athygli og dró þá ályktun af
því að hún elskaði mig ekki.“ Gazza lýsti því í
viðtalinu hvernig hann hefði gripið um höfuð
hennar og barið því í vegginn. „Þegar ég sá
áverkana daginn eftir trúði ég varla hvað ég
hafði gert henni. Síðan gerði ég það aftur.“
Hann sagði að hún hefði stífnað upp af hræðslu
í hvert skipti sem hann reiddist. Gazza og Sheryl
eiga tvö börn saman. Fréttinni var slegið upp á
forsíðu dagblaðsins og náði yfir fimm síður.
Hann segist þó ekki sjá eftir að hafa sagt frá
barsmíðunum: „Ég er búinn að létta á mér.
Núna vil ég að við séum látin í friði og einkalíf
okkar sé virt.“
GAZZA á leið í heimsókn til Sheryl daginn sem
að fréttin birtist í breskum fjölmiðlum.