Morgunblaðið - 30.10.1994, Blaðsíða 5

Morgunblaðið - 30.10.1994, Blaðsíða 5
MORGUNBLAÐIÐ SUNNUDAGUR 30. OKTÓBER 1994 5 FRETTIR Jón Baldvin Hannibalsson utanríkisráðherra Rétt að ganga á ný í Alþjóða- hvalveiðiráðið „ÉG tel rétt að við göngum á ný í Alþjóðahvalveiðiráðið, með þeim fyrirvara að við samþykkjum ekki hvalveiðibannið frá 1982. Þetta yrði fyrsta raunhæfa skrefið að því marki að hefja hvalveiðar að nýju innan viðurkenndra vébanda. Um þetta þurfum við að ná breiðri sam- stöðu hér heima, og hafa náið samr- áð og samvinnu við þá sem málið varðar á erlendum vettvangi," sagði Jón Baldvin Hannibalsson í ræðu sinni um utanríkismál á Alþingi. Utanríkisráðherra benti á að breyting hefði orðiðp með samþykkt ályktunar á síðasta ársþingi hval- veiðiráðsins um réttmæti niðurstöðu vísindanefndar ráðsins sem væri skref í rétta átt. „Sú spurning hlýt- ur að vakna, hvort ekki sé rétt að við vinnum með samstarfsfúsum þjóðum að frekari framgangi máls- ins á þessum vettvangi, sem þó hefur fengist viðurkenndur á al- þjóðavettvangi. Við höfum fengið skýrar ábendingar, jafnt frá þeim sem eru okkur sammála í þessu máli sem og hinum, að ekki sé um annan vettvang að ræða. Ef við grípum til einhliða aðgerða er hætt við að þetta mál öðlist eigin skrið- þunga, sem við og þeir sem vilja okkur vel, fáum ekki við ráðið," sagði Jón Baldvin. Nokkrir þingmenn tóku undir sjónarmið utanríkisráðherra og Páll Pétursson Framsóknarflokki sagði að menn yrðu að viðurkenna að NAMMCO dygði ekki sem baráttu- tæki í hvalveiðimálinu. „Ég held að við komumst ekki hjá því að hug- leiða að minnsta kosti • inngöngu í Alþjóðahvalveiðiráðið með skýrum fyriryörum," sagði hann. Einar K. Guðfinsson Sjálfstæðis- flokki lýsti sig hins vegar algerlega andvígan því að íslendingar sæktu á ný um aðild að Alþjóðahvalveið- iráðinu. Hann sagði að það myndi tefja fyrir því að íslendingar gætu hafið hvalveiðar að nýju og að inn- ganga nú myndi undirstrika uppgjöf og yrði túlkað sem áfangasigur frið- unarsinna. Urðu nokkrar deilur um þetta milli Einars og Björns Bjarna- sonar, formanns utanríkismála- nefndar, en Björn sagði að aðildar- ríki Alþjóðahvalveiðiráðsins, svo sem Nqrðmenn, stunduðu hvalveið- ar, en íslendingar hefðu ekki þjóð- réttarlega stöðu til að hefja hval- veiðar nema með því að ganga í Alþjóðahvalveiðiráðið, með þeim fyrirvörum að við ætluðum að hefja veiðar á ákveðnum tegundum hvala í á grundvelli vísindalegra raka. JAKOB Björnsson, bæjarstjóri á Akureyri, og Oleg Naidjonov, borgarstjóri í Murmansk, undirrita vinabæjasamkomulag milli staðanna í ferð austurferð íslendinga á dögunum. Akureyri. Morgunblaðið. VINABÆJASAMKOMULAG milli Akureyrar og Murmansk í Rússlandi var undirritaðj ferð •' íslendinga þangað á dögunum. I samkomulaginu felst að leitast verði við að koma á samskiptum á sviði menningar, íþrótta, lista og viðskipta. „ Við vonumst til að þessi tengsl stuðli að því að viðskipta- samband myndist þeirra á milli og það er vilji beggja aðila að þetta verði meira en orðin tóm," sagði Jakob Björnsson, bæjar- stjóri á Akureyri, sem undirrit- aði samkomulagið fyrir hönd bæjarins. Vinabæja- samkomulag Akureyrar og Murmansk Hann sagði aðdragandann nokkurn eða frá árinu 1992 þeg- ar sendinefnd hélt utan og síðan komu til Akureyrar þrír menn þaðan og dvöldu í þrjá mánuði í boði bæjarins, fyrirtækja og Háskólans á Akureyri, en þeir kynntu sér atvinnulíf og aðstæð- ur meðan á dvölinni stóð. í vor fóru nokkrir fulltrúar aftur út til að leita hófanna með hugsan- leg samskipti á sviði viðskipta milli staðanna einkumað því er varðar sjávarútveg. I framhaldi þess buðu yfirvöld í Murmansk Islendingum að sækja Murmansk heim og var sú ferð farin nú nýlega en í þeirri ferð var vina- bæjasamkomulagið undirritað. „Menn voru mjög áhugasamir, fþróttafulltrúi borgarinnar lýsti yfir að hann vildi gjarnan koma á samskiptum á því sviði og við væntum þess að svo verði," sagði Jakob. um getnað, meðgöngu og fæðingu ÁREIDANLEG, NÚTÍMALEG OG AUÐSKILIN BÓK um fæðingu barns skrifuð af viðurkenndum fæðingar- og barnalækni. FJALLAÐ ER UM MEDGÖNGU OG FÆÐINGU frá sjónarhóli bæði móður og barns. NÝJUSTU NIDURSTÖÐUR RANNSÓKNA og nútímaprófanir og leiðir í læknisfræði - settar fram á aðgengilegan og auðskilinn hátt. PERSÓNULEGAR frásagnir foreldra þar sem lögð er áhersla á að lýsa sérstökum þörfum og tilfinningum verðandi foreldra varðandi meðgönguna og fæðinguna sjálfa. Kynningarverð aðeins 4.950 kr BOKIN ER PRÝDD LJÓSMYNDUM, TEIKNINGUM, ÓMSJÁRMYNDUM OG LÍNURITUM - samtals yfir 500 litmyndir. 350 bls. í stóru broti. tt FORI <\GIð1wÁRA FAGURBÓKMENNTIRIQQ/I OG FRÓÐLEIKUR 1994

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.