Morgunblaðið - 20.12.1994, Page 19

MORGUNBLAÐIÐ
ÞRIÐJUDAGUR 20. DESEMBER 1994 19
FRÉTTIR: EVRÓPA
ESA varar austur-
rísk olíufélög við
EFTIRLITSSTOFNUN EFTA
(ESA) sendi í gær viðvörunarbréf
til nokkurra austurrískra olíufélaga,
sem höfðu skv. ákvæðum EES-
samningsins tilkynnt stofnuninni um
einkainnkaupasamninga milli félag-
anna og eigenda bensínstöðva.
Þessir „bensínstöðvasamningar"
eru einkainnkaupasamningar til
langs tíma, sem þýðir að eigendur
bensínstöðva eru skuldbundnir til
þess að kaupa öll sín aðföng, þ.m.t.
bensín og olíur frá aðeins einu olíu-
félagi, segir í frétt frá ESA.
Samningar af þessu tagi eru und-
anþegnir samkeppnisreglum EES og
ESB með svokallaðri „reglugerð um
hópundanþágur", svo framarlega
sem þeir innihalda ekki alvarlegar
samkeppnishindranir. Samningarnir
sem voru tilkynntir innihalda hins
vegar ákvæði sem ganga mun lengra
en undanþáguheimildin, með þeirri
afleiðingu að aðgangur annarra ol-
íufélaga að austurríska markaðinum
er nánast lokaður. Þar af leiðandi
eru samningarnir andstæðii sam-
keppnisreglum EES samningsins og
falla undir bannákvæði 1. mgr. 53.
gr. samningsins. Eru samningarnir
þá sjálfkrafa ógildir og ekki hægt
að fullnægja þeim að landsrétti.
Fyrirtækin sem hlut eiga að máli
hafa nú fengið tilkynningu um þetta.
„Ég vil vekja athygli á að líklegt er
að önnur fyrirtæki í Austurríki, sem
og í öðrum EFTA-ríkjum hafi gert
með sér svipaða samninga og enn
ekki tilkynnt þá til okkar,“ er haft
eftir Nic Grönvall, framkvæmda-
stjóra hjá ESA.
Reuter
Utanríkisráðherrar funda
HEIKKI Haavisto, utanríkisráðherra Finnlands, ræðir við hinn
spænska starfsbróður sinn Javier Solana á fundi ráðherraráðsins
í gær. Ráðherrarnir ákváðu að gera ekki samning um tollabanda-
lag við Tyrki í bili vegna mannréttindabrota þeirra.
Helmingur
útgjaldatil
landbúnaðar
• NÆRRI helmingur útgjalda Evr-
ópusambandsins á næsta ári, eða
47%, mun fara til landbúnaðarínála,
samkvæmt framlögðu fjárlagafrum-
varpi. Útgjöldin verða alls tæpir 38
milljarðar ECU, eða 3.174 milljarðar
íslenzkra króna. Þar af fer tæpur
milljarður ECU, eða um 80 milljarð-
ar króna, til landbúnaðar í nýju að-
ildarríkjunum þremur.
• HANS van den Broek, sem fer
með utanríkismál í framkvæmda-
stjórn ESB, segir í samtali við Het
Financieele Dagblad í Hollandi að
stækkun Evrópusambandsins til
austurs sé „pólitískt sprengjusvæði"
og fara verði að öllu með gát. Van
den Broek tekur við málefnum Aust-
ur-Evrópu' í framkvæmdastjórninni
eftir áramót.
• RÁÐHERRARÁÐ ESB sam-
þykkti í gær nýja löggjöf, sem heim-
ilar ESB-borgurum að bjóða sig
fram til sveitarstjórnar og kjósa í
sveitarstjórnarkosningum hvar sem
þeir eru búsettir innan sambandsins.
Þetta þýðir að hægt væri að kjósa
franskan borgarstjóra í Kaupmanna-
höfn og Grikkir gætu kosið í bæjar-
stjórnarkosningum í Bretiandi.
Frakkland, Belgía og Lúxemborg
hafa þó fengið undanþágur, sem
kveða meðal annars á um að menn
verði að hafa verið búsettir í landinu
í sex ár til að eiga þennan rétt.
• JOHN Bruton, hinn nýi forsætis-
ráðherra íra, segist ekki munu skipa
nýjan fulltrúa í framkvæmdastjórn
ESB í stað Padraigs Flynn, þótt
Flynn sé félagi í Fianna Fail-flokkn-
um, sem nú hefur hrökklazt frá völd-
um. Bruton segist kjósa „samfellu"
í stefnunni gagnvart ESB, bæði í
þágu þjóðarhagsmuna og evrópskra
hagsmuna.
• GRIKKIR komu í gær í veg fyrir
að hægt væri að ganga frá samn-
ingi ESB við Tyrkland um tolla-
bandalag. Mannréttindamál standa
einnig í vegi samkomulags.
Bann við styrkjum til
skipasmíða staðfest
Brussel. Heuter.
FRAMKVÆMDASTJÓRN Evrópu-
sambandsins hefur staðfest París-
arsamkomulagið, sem gert var á
vegum Efnaiiags- og framfarastofn-
unarinnar (OECD) um bann við
styrkjum til skipasmíða. Samkomu-
lagið á að taka gildi í ársbyijun
1996.
Talsmenn framkvæmdastjórnar-
innar sögðust búast við því að ráð-
herraráð ESB, sem kemur saman
19. desember, myndi jafnframt stað-
festa samkomulagið.
Frakkar fá að halda styrkjum
Samningurinn gerir ráð fyrir að
Frakkar fái að halda áfram einhveij-
um styrkjum til skipasmíða.
Evrópuþingið samþykkti í gær að
framlengja gildistíma núverandi
styrkjakerfis fram til gildistöku
OECD-samkomulagsins. Sennilegt
er að það sama muni gilda á öllu
Evrópska efnahagssvæðinu fram að
þeim tíma.
tream
GJÖF TIL HEIMILISIIMS
m f

HAGKVÆMT

KOS
KRÓNUR
IVIotaöu vatn úr krananum
heima og njóttu þess að
drekka eigið sódavatn eða
gosdrykk. Sodastream er
umhverfisvænt því sömu
umbúðir eru notaðar aftur
og aftur.
Gefðu heimilinu nýja
Sodastream tækið, gjöf
sem gefur arð.