Morgunblaðið - 05.04.1995, Síða 24

24 MIÐVIKUDAGUR 5. APRÍL 1995
LISTIR
MORGUNBLAÐIÐ
>
Hátíðartónleikar
róNLisr
Vídalínskirkja
TÓNVÍGSLA
Tónvígsla í Vídalínskirkju
HÁTÍÐARTÓNLEIKAR, eins
konar hljómvígsla á Vídalínskirkju,
óskírðri og óvígðri kirkju þeirra
Garðbæinga, fóru fram sl. laugar-
dag, undir stjóm Ferenc Utassi.
Kirkjan er hugverk Skúla Norðdahl
arkitekts og eftir því hefur honum
tekist að sameina kirkju og félags-
heimili á mjög hagfelldan máta og
eru lýkur á því að hljómsvar kirkj-
unnar verði gott.
Á undan tónieikunum fór prestur
kirkjunnar, Bragi Siguijónsson, með
bæn og Sinfóníuhljómsveit íslands
lék þjóðsönginn undir stjóm Ferenc
Utassi. Fyrsta viðfangsefni tónleik-
anna var Flautukvartett eftir Mozart
er Hallfríður Ólafsdóttir, Hildigunn-
ur Halldórsdóttir, Guðmundur Krist-
mundsson og Sigurður Halldórsson
fluttu ágætlega en verkið, sem er
merkt 285 b, var pantað af Monsie-
ur de Jean og gekk Mozart mjög
óviljugur til þessa verks, svo sem
heyra má af rithætti verksins. Auk
þessa hafa tónfræðingar bent á, að
á köflum er um að ræða hreina út-
setningu, en ekki frumsamið verk.
Annað atriði tónleikanna var ein-
leikur á píanó. Miklós Dalmay lék
Tilbrigði í F-dúr eftir Mozart, um
Salve tu Domine, sem er kórþáttur
úr óperunni I filosofi immaginarii,
eftir Paisieilo. Seinna verkið sem
Dalmay lék, ungversk rapsódía nr.
13, eftir Franz Liszt, er mjög erfitt
verk. Eins og margir landar Dalmay,
sem sest hafa að hér á landi, er
hann frábær tónlistarmaður og lék
bæði verkin mjög vel. Rapsódíurnar
eftir Liszt hafa oft verið gagnrýndar
og sagðar ekki vera meira sem tón-
smíðar en einstaka laglínur með
óhemjulegu skala og trilluskrauti á
milli stefjanna. Sérstaða þessara
verk markast af því, að Liszt er í
raun að umrita þjóðlegan symbalon-
leik Ungveija, en tækni þeirra vakti
mikla undrun hjá Liszt.
Hátíðartónleikunum lauk með
kórverkinu Budavári te Deum, eftir
Zoltán Kodály, sem hann samdi
1936 í tilefni af 250 ára afmæli frels-
unar á borginni Buda undan yfirráð-
um Tyrkja. Þetta er áhrifamikið verk
og vel samið, að því undanteknu,
að einsöngvarakvartettinn er með-
höndlaður að mestu sem samsöngs-
hópur, þó heyra megi einstaka fal-
legum einsöngstónlínum bregða fyr-
ir. Trúlega þyrfti átaksmeiri kór en
kirkjukór Garðakirkju, til að skila
verkinu af þeirri reisn, er hæfir tón-
máli verksins.
Einsöngvarar voru Marta G. Hall-
dórsdóttir, Anna Sigríður Helgadótt-
ir, András Molnár og Viðar Gunnars-
son, er gáfu flutningnum sterkan
lit. Sinfóníuhljómsveit íslands undir
stjórn Ferenc Utassi lék verkið með
töluverðum tilþrifum en án þeirrar
sigurvímu og baráttuþreks, sem
Ungveijar sýndu, þá þeir frelsuðu
Austurríki og reyndar Evrópu undan
hernámi Tyrkja. Sumar tónlínur
verksins þykja bera merki þessa sig-
urstolts, þó inntak verksins sé
þakkaróður Guði til dýrðar og að
Kodaly hafi tekist meistaralega vel
að sameina þessa tvo meginþætti
verksins, sigurinn og bænina.
Jón Ásgeirsson
Byrjendanámskeið fyrír konur
Kjörþyngdarnámskeið
FULLOfíDHVNA
InnitaliO í namskeiðí:
Vikuleg mæting til næringarfræðings.
Aðhald frá íþróttakennara sem sér um leikfimi iy.i. |jau-
takendur í kjörþyngdarhóp.
Mælingar: Þol, húðfita, blóðþrýstingur - í upphafi og enda
námskeiðs.
Frjáls mæting í stöð, hvort heldur í leikfimi eða í tæki.
Ert þú eldri en fertug og vilt breyta um lífsstíl?
Ekki tilbúin til þess að greiða háar upphæðir fyrir eitthvað
sem þú veist ekki hvort þér líkar?
Viltu léttast, hressast og láta þér líða betur?
Máttun Skipholti 50 - æfingastöð kvenna, venOun
Fyrsta kvöldiö Verður þú vigtuð, þolmæld og blóð-
þrýstingur mældur.
Þú færö ráðleggingar um þjálfun.
Fyrirlestur um næringu og kjörþyngd.
Annað kvöldiö Verklegur tími í þolfimi, farið er yfir
grunnatriði þolfiminnar.
Verklegt. Styrktar- og þolþjálfun í tækjum.
Verklegt. Kynning á mjúkri kvennaleik-
fimi og teygjuæfingum.
Nánari upplýsingar í síma 581 4522
Verð fyrir alla kynninguna er kr. 1.600.
Kynningarverð getur runnið upp í mánaðarkort ef
þú ákveður að halda áfram.
Ath! Nýtt námskeið í Kripulajóga er að hefjast.
FAXAFEN114, SÍMI 568 9915 OG SKIPHOLTI 50, SÍMI 581 4522
RÖKKURKÓRINN hélt tónieika í Miðgarði síðastliðið laugardags-
kvöld, þar sem kórinn kynnti ný lög meðal annars eftir félaga kórsins.
Veður og færð hafa
torveldað kóræfingar
Rökkurkórinn með tónleika í Miðgarði
RÖKKURKÓRINN í Skagafirði
hélt sl. laugardags kvöldtón-
leika í Miðgarði þar sem kórinn
kynnti ný lög, meðal annars
eftir félaga kórsins. Þá komu
fram gestasöngvarar, þau Jó-
hann Már Jóhannsson og Jóna
Fanney Svavarsdóttir, sem er
bróðurdóttir hans. Þá var að
skagfirskum sið hagyrðinga-
þáttur og Eiríkur Jónsson flutti
gamanmál. Húsfyllir var I Mið-
garði og var kórnum afar vel
tekið og varð hann að flytja
mörg aukalög.
Söngstjóri var Sveinn Árna-
son og undirleikari Thomas
Higgerson, einsöng sungu þau
Sigurlaug Helga Maronsdóttir
og Hjalti Jóhannsson og tvísöng
Hallfríður Hafsteinsdóttir og
Ragnar Magnússon.
Að sögn Ardísar M. Björns-
dóttur formanns kórsins hefur
mikið starf verið lagt að baki
í vetur, við mjög erfiðar að-
stæður þar sem kórfélagar
koma úr níu sveitarfélögum í
héraðinu og eiga margir um
mjög langan veg að fara til
þess að sækja æfingar, sem
haldnar hafa verið tvisvar í
viku frá því í haust.
Árdís sagði fyrirhugað að
gefa út geisladisk með söng
kórsins og hefur starf vetrarins
að hluta til miðast við það, en
einnig væri stefnt að allmörg-
um tónleikum nú seinnipart
vetrar, í vor og fram á sumar-
ið. Þannig yrðu söngskemmtan-
ir í Húnavatnssýslum, Skaga-
firði og Siglufirði og íyki þeirri
lotu með söngferð þar sem
skemmtanir yrðu haldnar að
Logalandi í Borgarfirði og á
Akranesi og síðan endað á sam-
eiginlegri söngskemmtun með
Karlakór Bólstaðarhlíðar-
hrepps i Víðistaðakirkju í Hafn-
arfirði og á Hótel íslandi þann
21. apríl næstkomandi.
Þá yrði í sumar farið um
Norðausturland og komið við á
Breiðumýri, Þórshöfn og
Vopnafirði og endað á Egils-
stöðum, en 1. júlí yrði endað á
kóramóti í Miðgarði þar sem
einnig kæmu fram gestakórar,
innlendur og erlendur frá
Siglufirði og frá Þýskalandi.
INGRID Jónsdóttir, Guðlaug María Bjarnadóttirog
Guðbjörg Thoroddsen.
Dóttirin, Bóndinn og
Slaghörpuleikarinn
AKVEÐIÐ hefur verið að færa sýn-
ingamar á einleikunum Dóttirin,
Bóndinn og Slaghörpuleikarinn eftir
Ingibjörgu Hjartardóttur yfír á
kvöldin í stað sunnudagseftirmið-
daga. Aðeins tvær sýningar eru eft-
ir. Hin fyrri er í kvöld og hin síðari
þriðjudaginn 11. apríl kl. 20.30.
Leikkonurnar eru Guðlaug Mar-
ía Bjarnadóttir, Guðbjörg Thor-
oddsen og Ingrid Jónsdóttir. Sig-
ríður Margrét Guðmundsdóttir er
leikstjóri.
Tekið er við borðapöntunum í
miðasölu Þjóðleikhússins. Miða-
verð er krónur 800.