Morgunblaðið - 05.04.1995, Blaðsíða 45

MORGUNBLAÐIÐ
BREF TIL BLAÐSINS
MIÐVIKUDAGUR 5. APRÍL 1995 45
Sjálfseyðingar-
hvöt þjóðar
Frá Rannveigu Tryggvadóttur:
„LITLA gula hænan sagði ég skal
gera það“ nefnist snilldarlega vel
skrifuð grein ungrar 3 barna móður,
Hildar Finnsdóttur, sem birtist í
„bréfum til blaðsins" í Mbl. þann 29.
f.m. bls. 40. Grein-
in er allrar athygli
verð og lýsing
Hildar á illu hlut-
skipti hinna fátæk-
ari mæðra á vinnu-
markaði og erfiðri
afkomu fjöl-
skyldna þeirra ætti
að fá ýmsa, sem
tekið hafa þátt í
að skerða hlut van-
megnugra, til að
skammast sín.
Svona lýsir hún foreldrafundi:
„Þar voru samankomnar mæður tólf
ára barna plús einn faðir. Þetta er
algeng samsetning á samkomum for-
eldra sem haldnar eru vegna barna
þeirra. Ég beið eftir að fundurinn
hæfist og virti fólkið fyrir mér. Þarna
streymdu þær inn þessar konur,
flestar ungar að árum eða frá 30-40
ára. Það flaug í gegnum huga minn
að aldrei hefði ég séð svona margar
„tættar" konur á einum stað, þar
með talin ég sjálf. Þarna vorum við
mættar herptar í framan eins og
gamlir handavinnupokar, einhvem
veginn hroðalega illa til hafðar. Bún-
ar að fá frí frá vinnu til að mæta
þarna, búnar að þeysast í gegnum
umferðina og orðnar of seinar að
sækja litlu börnin okkar. Bara þreytt-
ar og útjaskaðar konur. Síðan þetta
var hef ég tekið eftir að við erum
mjög algengar, við erum út um allt.“
Hildur getur einnig ummæla heil-
brigðisráðherra um hrakandi heilsu-
far íslenskra kvenna og koma þær
upplýsingar heim og saman við grein
í norska blaðinu Dagbladet þann 25.
júní ’94 um víðfeðma danska rann-
sókn þar sem segir að konur sem
erfiði bæði heima og heiman búi við
slíkt álag að það stytti ævilíkur þeirra
og að undrun hafi vakið hve ævilíkur
langskólagenginna kvenna á háum
launum hafi styst.
Fyrir 20 árum hræddu Rauðsokk-
ur og meðreiðarsveinar þeirra alþing-
ismenn til að samþykkja rýmkun á
fóstureyðingarlögunum. Var það
gert til að etja konum út á vinnu-
markaðinn. Síðan þá hafa um 12.300
fóstureyðingar verið gerðar, sem er
ekki lítil blóðtaka hjá 260 þúsund
manna þjóð.
Það er brýnt að löggjafinn fari að
sjá að sér og meta heimaumönnun
barna til fjár því alltof margar mæð-
ur hafa neyðst til að starfa langan
vinnudag utan heimilis. Hefur þetta
bitnað mjög á börnunum og gert þau
vansæl. Barnakonur ættu aldrei, af-
komunnar vegna, að þurfa að vinna
lengur utan heimilis en hálfan daginn
og fyrirtæki ættu að leggja sig fram
um að bjóða þeim það.
Ég hef gjarnan nefnt mæður sem
heimavinnandi foreldrið, það er jú
konan sem gengur með börnin og
sú heimavinnandi eignast fleiri börn
en sú útivinnandi. Þar sem því verð-
ur við komið er auðvitað ágætt að
foreldrarnir skipti vinnudegi á milli
sín. Til að þjóðinni fækki ekki þurfa
hjón að eignast minnst þijú börn.
Mikið vantar á að menntunin í
landinu sé nógu vel sniðin að þörfum
þjóðarinnar og þarf mjög að efla
verkmenntun. Færni í alls kyns heim-
ilisstörfum er t.d. ekki kennd í fram-
haldsskólum nema í litlum mæli.
Ofsetnar og of langar námsbrautir á
háskólastigi gagnast konum oft illa
og námslánin geta orðið þeim baggi.
Þótt hlægilegt sé þá eru sumar
konur „á framabraut“ svo eigingjam-
ar að þær tíma ekki að eyða sex
mánaða fæðingarorlofi í nýfætt barn
sitt, heldur ætla því að naga skeg-
grót pabbans helming þess tíma. Það
heitir á máli þessara kvenna „að pabb-
inn þurfi að kynnast barninu.” Einn
ágætur kjúklingabóndi sagði í því
sambandi að það hefði aldrei verið
hægt að venja ungana undir hanann.
RANNVEIG TRYGGVADÓTTIR,
Bjarmaland 7, Reykjavík.
Misskildi Jóhanna
skoðanakönnun?
Frá Baldri Hermannssyni:
ÉG HEF furðað mig á þrástagli
Jóhönnu Sigurðardóttur um ein-
hveija skoðanakönnun, sem sanni
að 70%_ þjóðarinnar vilji vinstri
stjórn. Ég hef fylgst grannt með
skoðanakönnunum en hvergi rekist
á neina slíka, og það hafa vinir
mínir ekki heldur og eru þó sumir
vel gefnir og eftirtektarsamir.
Ég held ekki að 70% íslendinga
vilji vinstri stjórn, en mig grunar
að Jóhanna sé að ruglast á skoðana-
könnun sem mig minnir að hún
hafi sjálf látið gera og sýndi að 70%
vilja sameiningu vinstri flokkanna,
en það er bara allt annað mál og
hefur ekkert með stjórnarmyndun
að gera. í þessum 70% eru til dæm-
is mjög margir sjálfstæðismenn,
sem vilja samruna vinstri flokka því
að þeir álíta að tveggja flokka kerfi
yrði til stórra bóta, en þessir sjálf-
stæðismenn kæra sig auðvitað ekki
um vinstri stjórn.
Það er ekki ætiun mín að lítil-
lækka Jóhönnu Sigurðardóttur með
þessari ábendingu, en mér finnst
að hún ætti að athuga þetta, því
varla vill hún fara með fleipur að
nauðsynjalausu.
BALDUR HERMANNSSON,
Krunnnahólum 8, Reykjavík.
Allt efni sem birtist í Morgunblaðinu og Lesbók verður framvegis varðveitt í
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.
Gesturinn
Frá Margréti Hjálmtýsdóttur:
ÞETTA var um miðjan nóvember.
Skammdegismyrkrið var að byija.
Ég sat úti við gluggann minn og var
að virða fyrir mér gulnuð laufin sem
fuku af hríslunum í garðinum.
Stormurinn æddi eftir jörðinni, sem
þakin var fyrsta snjónum. Það var
eins og dauðinn hefði lagt hönd sína
á allt líf náttúrunnar. Fjöllin sem í
sumar höfðu brosað blá og dularfull,
voru nú köld og stirðnuð og blómin
horfín. Mér fannst sem þessi kalda
hönd hefði einnig snert mitt hjarta
og úti í garðinum voru nokkur kalstrá
að beijast við forlög sín, stormurinn
feykti þeim til og sveigði þau niður
er þau réttu sig upp aftur. Veslings
kulnuðu strá.
Þá skeði það að ég kom auga á
flugu sem sat á dagblaði er lá á
borðinu. Hún sat þarna og mér sýnd-
ist hún horfa á mig. Það var sem
hún segði: „Ég er hérna og sprelllif-
andi. Það er svo undurgaman að
vera til.“ Og til frekari áherslu flaug
hún syngjandi í marga hringi í her-
berginu. Svo tók hún dýfur niður
undir gólf og upp í loftið aftur. Loks
staðnæmdist hún á dagblaðinu. „Þú
ert ekki hnuggin," sagði ég, „veistu
ekki að það er vetur og hvað þá bíð-
ur þín og þinna líka?“ „Ég held mig
bara í sólskininu," söng flugan, og
flögraði yfir á lampann. Þetta er nú
aðeins rafmagnsljós. Hún svaraði
ekki heldur sveiflaði sér upp á ljósa-
krónuna. „Auminginn, þú ert hálf-
gerður kjáni,“ sagði ég. „Lífíð er
sólskin, söngur og dans á milli
blóma,“ söng áfram í flugunni.
„Nei, hættu nú, þú færð mig ekki
til að trúa því, ég er á annarri skoð-
un.“ „Það er víst af því að þig vant-
ar vængina,” svaraði flugan spek-
ingslega.
Þannig byijaði kunningsskapur
okkar. Gesturinn minn var kátur,
sveif og dansaði frá einum hlut til
annars í stofunni. Lífsgleði hans
smitaði mig og dreifði angri mínu.
Hann söng fyrir mig með sinni in-
dælu millirödd, lögin hans minntu
mig á sumarsól og angan jarðargróð-
urs.
Tíminn leið, flugan bjó í stofunni
minni, ég gaf henni sykur en hún
veitti mér skemmtan.
Svo var það einn dag að hún sat
við gluggann og horfði út þögul og
hnípin. „Þarna úti er aðeins kaídur
snjórinn," sagði ég, „en hann er svo
undur bjartur og fagur,“ svaraði hún.
„Fyrir þig er hann tortíming, trúðu
mér,“ sagði ég, en ég fann að flugan
trúði mér ekki. Daginn eftir saknaði
ég hennar í stofunni. Einhver hafði
opnað gluggann og skilið hann eftir
opinn. Ég var aftur orðinn ein.
Gesturinn minn hafði leitað í birt-
una, en trúði ekki að þar var kuldi
og stormur sem ekki vægði veikum
vængjum. Kannske hefur frostið
deytt hann, ef til vill hefur sólin
vermt hann. Þannig hvarf hann mér,
en ef hann kemur til þín, einn góðan
veðurdag, þá taktu vel á móti honum.
MARGRÉT HJÁLMTÝSDÓTTIR
Gefðu
fermingarbarninu
framtíöareign
Kenwood hljómtæki hafa verið seld á Islandi í 20 ár ogWharfedale hátalarar eru
margverðlaunaðir. Við erum því með gæðatæki í tilboði okkar, tæki sem eru þekkt
fyrir frábæra endingu og einhverja lægstu bilanatíðni i þessari grein.
Þessi tæki eru því framtíðareign.
Hvers vegna að bjóðafermingarbarninu upp á skammtimalausnir?
Það borgar sig að vanda valið.
I þessu tilboði eru eftirtalin tæki:
KENWOOD KR-A4060 útvarpsmagnari 2x60 vött RMS
KENWOOD DP-1060 geislaspilari
WHARFEDALE MODUS ONE 100 vatta enskir gæðahátalarar
Fullkomin fjarstýring fylgir
Fulltverð kr. 83.500
Tilboösverð kr. 69.900
Afborgunarverð kr. 74.900
þar sem gœðin heyrast
Ármúla 17, Reykjavík, sími 688840