Morgunblaðið - 01.06.1995, Blaðsíða 10
10 FIMMTUDAGUR 1. JÚNÍ 1995
MORGUNBLAÐIÐ
FRÉTTIR
Teg: 4047
Litir: Svart,
beige
Stæröir: 36-41
Verð:
2.995,-
Teg: 4003
Litir: Svart
Stæröir: 36-41
Verð:
2.995,-
Teg:4004
Litir: svart,
beige
Stæröir: 36-41
Verð:
2.995,-
Býður
einhver
betur?
HdA
LHXJR
Sendum í
Póstkröfu.
ÞOllPIl)
BORGARKRINGLUNNI
Opið 12—18.30
laugard. 10—16
Sími 581 1290
Strætó flytur reið-
hjól á tveimur leiðum
HJÁ Strætisvögnum Reykjavíkur
verður gerð tilraun með flutning
á reiðhjólum á tveimur leiðum,
leið 115 og leið 10, frá og með
laugardeginum 3. júní næstkom-
andi.
í frétt frá fyrirtækinu segir að
um nýjung sé að ræða sem eflaust
komi sér vel fyrir hjólreiðamenn,
bæði þá sem fara á hjóli til vinnu
og þá sem vilji hjóla um útivistar-
svæði Reykjavíkurborgar á kvöld-
in og um helgar.
Hjólað um útivistarsvæði
Leið 115 ekur frá Lækjartorgi
um Miklubraut í Grafarvog en
þetta er hraðleið og er ekki ekið
á kvöldin og um helgar. Leið 10
ekur frá Hlemmi um Suðurlands-
braut og Miklubraut í Árbæjar-
og Seláshverfi. Þar með opnast
möguleiki á að hjóla um útivistar-
svæði borgarinnar svo sem Heið-
mörk og Elliðaárdal.
Til að auðvelda flutninga á hjól-
um er mikilvægt að hjólreiðamenn
greiði fargjald áður en farið er
með hjólið inn í vagninn að aftan-
verðu. Þar er hjólið fest í þar til
gerðar festingar.
Bömum yngri en 12 ára er
heimilt að taka hjól með sér í vagn-
inn séu þau í fylgd með fullorðn-
um. Fram kemur að tilraunin mun
standa fram á vetur.
Viðurkenning veitt
fyrir reykleysi
KRABBAMEINSFÉLAG
Reykjavíkur og Tóbaksvarnar-
nefnd afhentu í gær nemendum
8. U í Breiðholtsskóla viðukenn-
ingu fyrir að vera reyklaus
bekkur. í gær, 31. maí, var al-
þjóðlegur reyklaus dagur. Sam-
tals 247 bekkjadeildir í 8., 9.
og 10. bekkjum grunnskóla um
land allt sendu Krabbameinsfé-
lagi Reykjavíkur í vetur er leið
staðfesta yfirlýsingu um að þær
væru reyklausar, þ.e. að enginn
nemendanna neytti tóbaks. Að
þessu sinni voru reyklausu
bekkirnir flestir í Reykjavík,
62 að tölu, en 43 á Norðaustur-
landi, 37 á Reykjanesi, 35 á
Austurlandi, 21 á Vesturlandi,
19 á Vestfjörðum, 17 á Suður-
landi og 13 á Norðvesturlandi.
Dregið var um verðlaun fyrir
reyklausa 8. og 9. bekki og
hlutu fimm 8. bekkir og sex 9.
bekkir viðurkenningar, áletr-
aða háskólaboli og Söguatlas,
þar á meðal 8. U í Breiðholts-
skóla.
Morgunblaðið/Júlíus
Á LÓÐ heimilisins eru nú fimm hús, samtals um 1.037 fermetrar að flatarmáli.
Tjaldanesheimilið í Mosfellsdal fagnar tímamótum
Ötult starf í 30 ár
TJALDANESHEIMILIÐ í Mosfells-
dal fagnar í dag þrjátíu ára starfsaf-
mæli en 1. júní 1965 tók Barnaheim-
ilið að Tjaldnesi til starfa.
Aðdragandinn að stofnun heimilis-
ins er nokkuð lengri. í mars 1963
komu saman nokkrir menn í Reykja-
vík í þeim tilgangi að stofna heimili
fyrir þroskaheft börn og átti það að
vera í nágrenni Reykjavíkur. Lóðir
lágu ekki á lausu en Mosfellskirkja
seldi stofnendunum þriggja hektara
land í Mosfellsdal þar sem heimilið
reis síðan.
Á fyrmefndum fundi var stofnað
félag um reksturinn og samþykkt
fyrir það lög og skipulagsskrá, þar
sem gert var ráð fyrir eftirliti félags-
málaráðuneytisins og að heimilið yrði
afhent íslenska ríkinu i fyllingu
tímans. Meðal helstu frumkvöðla má
m.a. nefna Hafstein Sigurðsson, lög-
fræðing, Friðfinn Ólafsson, forstjóra
og Oddgeir Bárðarson sölustjóra í
Ræsi, sem nú eru allir látnir. I mars
1976 var heimilið síðan afhent ís-
lenska ríkinu og tók Matthías
Bjarnason, þáverandi heilbrigðisráð-
herra, við gjöfinni.
Sjö árum síðar var heimilið alfarið
sett undir Stjómunarnefnd ríkisspít-
alanna, en samkvæmt lögum frá
1992 um málefni fatlaðra heyrir
heimilið undir félagsmálaráðuneytið
Morgunblaðið/Þorkell
UNDIRBÚNINGUR undir afmælishátíð Tjaldanesheimilisins
gekk greiðlega fyrir sig í gær, enda mikill hugur í heimilismönn-
um að gera hana sem best úr garði.
og starfar undir stjóm svæðisskrif-
stofu um málefni fatlaðra. Fyrsti
forstöðumaður heimilisins var Álan
Stenning, þá tók við Arnór Hanni-
balsson og Birgir Finnsson sem hefur
stýrt starfseminni frá 1969.
Húsakostur heimilisins hefur eðli-
lega tekið margvíslegum breytingum
í gegnum árin, aukist og batnað, og
hefur heimilið m.a. eignast þjálfunar-
sal, sundlaug, skólahúsnæði o.fl. Á
lóð þess eru nú fímm hús, þar af tvö
íbúðarhús, skólahús, iðjuhús, skrif-
stofa og hús forstöðumanns, samtals
um 1.037 fermetrar.
Ötull stuðningur Þórs
Heimilið hefur notið góðs skilnings
einstaklinga og félagasamtaka, og
má þar nefna stórhuga stuðning og
gjafír Lionsklúbbsins Þórs í Reykja-
vík, sem stofnaður var árið 1956.
Meðal annars hefur klúbburinn lagt
verulegar fjárhæðir í byggingu sund-
laugar, byggingu gróðurhúsa og
endubætur á iðjuhúsi auk jarðarbóta,
tæki í íþróttahús, hljómtæki o.fl.
Foreldra- og styrktarfélag Tjalda-
nesheimilisins hefur einnig lagt mik-
ið af mörkum til heimilisins, en það
var stofnað árið 1977. Fyrsti formað-
ur félagsins var kosinn Hilmar Sig-
urðsson viðskiptafræðingur en á eft-
ir honum hafa þau Þorsteinn Sig-
urðsson forstjóri og Lára Hansdóttir
kennari gegnt því embætti.
Við Tjaldanesheimilið hefur starf-
að skóli frá byijun. Hildur Knútsdótt-
ir kennari var ráðin til kennslu 1971,
tók ársleyfi frá störfum nokkru síðar
og lauk sérkennslunámi frá Kennara-
háskóla íslands áður en hún tók við
að nýju og var skólastjóri þar til
dauðadags 1985. Hún mótaði alla
kennslu við skólann og vann að sam-
ræmingu hennar og annarrar starf-
semi heimilisins. Nú er deild úr
Brautarskóla við Tjaldanesheimilið
með fullorðinsfræðslu. Kenndar eru
greinar á borð við lestur, skrift,
reikning, samfélagsfræði og mat-
reiðslu, en aðalfagið er þó handa-
vinna. Vefnaður og tágarvinna er
sérgrein heimilismanna og hafa þeir
margir náð mikilli leikni á því sviði
að sögn Birgis Finnssonar. Einnig
er lögð rækt við líkamlega þjálfun
og tómstundastarf ýmiss konar.
Til leigu - til leigu
Vegmúli 2 - Suðurlandsbraut 16
Eftirtalar eignir eru lausar til leigu:
4. hæð 60 fm, tilbúin til afhendingar.
3. hæð 200 fm, tilbúin til innréttingar.
3. hæð 70 fm, tilbúin til afhendingar.
1. hæð 159 fm verslunarhúsnæði.
í Listhúsi við Engjateig
58 fm verslunarhúsnæði á 1. hæð og 120 fm salur í kjallara fyrir
lager eða vinnustofu.
Ársalir hf., fasteignasala,
Sigtúni 9, 105 Reykjavík, sími 562 4333.
HJALLABRAUT- HAFNARFJ.
Mjög falleg blokkaríb. á 1. hæð til sölu. Fjölbýlishúsið
er nýklætt að utan, varanleg viðgerð. Ný baðinnrétting,
nýslípað parket. Verð aðeins 6,3-6,5 millj.
Uppl. hjá undirrituðum eða Krístínu í síma 568 2904.
Valhús, fasteignasala, sími 565 1122.