Morgunblaðið - 01.06.1995, Blaðsíða 22

22 FIMMTUDAGUR 1. JÚNÍ 1995
MORGUNBLAÐIÐ
LISTIR
Morgunblaðið/Árni
SNÆFELLINGAKÓRINN í Stykkishólmskirkju.
Snæfellingakórinn
heimsækir Stykkishólm
Stykkishólmi. Morgunblaðið.
SNÆFELLINGAKÓRINN í
Reykjavik hélt tónleika í Stykk-
ishólmskirkju 27. maí. Kórinn er
að tjúka vetrarstarfi sínu og gerir
það með því að heimsækja fornar
slóðir. Kórinn var skipaður 39
félögum sem flestir eiga ættir sín-
ar að rekja til Snæfellsness.
Stjórnandi er Friðrik S. Kristins-
son. Efnisskráin hjá kórnum var
fjölbreytt og sungin voru bæði
innlend og erlend lög. Að lokinni
heimsókn í Hólminum var farið í
Staðastaðakirkju og haldnir aðrir
tónleikar fyrir þá sem búa sunnan
á Nesinu.
Nýr formaður Samtaka
um tónlistarhús
FULLTRÚARÁÐSFUNDUR í
Samtökum um tónlistarhús var
haldinn síðastliðinn mánudag 29.
maí í húsakynnum Félags íslenskra
hljómlistarmanna.
Á þessum fundi var
rætt um þróun og
ástand í tónlistarhúss-
málum, jákvæða af-
stöðu nýskipaðs
menntamálaráðherra
og umfjöllun Morgun-
blaðsins. Ríkti mikil
bjartsýni meðal fund-
armanna. Að loknum
umræðum var eftir-
farandi ályktun sam-
þykkt samhljóða:
„Fundur í fulltrúa-
ráði Samtaka um tón-
listarhús, haldin 29.
maí 1995, fagnar sér-
staklega yfírlýsingum,
sem nýskipaður menntamálaráð-
herra, Bjöm Bjarnason, hefur gef-
ið á opinberam vettvangi um nauð-
syn þess að byggt verði tónlistar-
hús í Reykjavík.
Fundurinn leyfír sér fyrir hönd
allra tónlistarmanna og áhuga-
manna um tónlist að lýsa yfir
þakklæti þeirra fyrir þessa já-
kvæðu afstöðu ráðherrans til tón-
listarhússins. Um leið og Samtökin
heita honum stuðningi, sem þau
megna að veita, lýsa þau yfír vilja
sínum til samvinnu við hann um
þetta mikilvæga
menningarverkefni."
Þessu næst var
gengið til stjóm-
arkjörs. Samkvæmt
samþykktum samtak-
anna kýs aðalfundur
fulltrúaráðið, sem svo
síðan kýs níu manna
stjóm og er formaður-
inn kosinn sérstak-
lega. Ingi R. Helgason,
fráfarandi formaður,
baðst undan end-
urkosningu og flutti
tillögu um Stefán P.
Eggertsson verkfræð-
ing, sem hafði unnið
með stjórnini síðastlið-
ið ár. Var hann einróma kjörinn
næsti formaður samtakanna. Með
Stefáni í stjómina voru kjörnir
samhljóða þessir menn: Jón Þórar-
insson, Bjöm Th. Árnason, Elfa
Björk Gunnarsdóttir, Ingi R.
Helgason, Ólafur B. Thors, Rósa
Hrund Guðmundsdóttir, Runólfur
Birgir Leifsson og Vernharður
Linnet.
Stefán P.
Eggertsson
Sigurður Hróarsson hættir sem leikhússtjóri LR á næsta ári
F engimi ekki fjár-
framlög til LR hækkuð
SIGURÐUR Hróarsson, leikhús-
stjóri Leikfélags Reykjavíkur, hefur
sagt starfi sínu lausu frá og með
1. september 1996. Skýrði hann frá
ákvörðun sinni á aðalfundi félagsins
í vikunni en ástæðuna segir hann
vera þá að honum hafi ekki tekist
að fá óskilyrt fjárframlög til LR
hækkuð úr 120 milljónum í tæplega
170 milljónir króna á ári en slíka
fjárveitingu telur hann forsendu
þess að Leikfélagið geti rekið fulla
starfsemi með viðunandi hætti í
Borgarleikhúsinu.
Sigurður var á liðnu ári endur-
ráðinn leikhússtjóri LR til 1. sept-
ember 1999 en næsta leikár verður
sem sagt hans síðasta við stjórnvöl-
inn í Borgarleikhúsinu. „Ég hef
ekki náð í það skott sem ég hef
verið að ’elta og þess vegna til-
kynnti ég í fyrra að ég myndi ekki
sækjast eftir starfínu áfram. Stjóm
félagsins lagði hins vegar einróma
hart að mér að gera nýjan starf-
samning til fjögurra ára. Eftir
nokkra umhugsun tók ég því en
gaf sjálfum mér ákveðinn tíma til
að ná ákveðnum árangri."
Gaf sér eitt ár
Sigurður segir að baráttan fyrir
auknum fjárframlögum hafi staðið
óslitið í þau sex ár sem Borgarleik-
húsið hefur verið opið. Leikfélagið
hafí í upphafí áætlað að 170 milljón-
ir væri sú fjárhæð sem þyrfti til
að reka fulla starfsemi í húsinu. „Ég
gaf mér eitt ár í viðbót til að ná
þessu marki þó ég skýrði ekki frá
því. Ég lagði í þetta mikla vinnu
en markmiðið náðist ekki og þess
vegna afréð ég að vera heiðarlegur
við sjálfan mig og segja starfí mínu
lausu. Það er nefnilega mikilvægt
í þessu starfí að setja
sér skýr markmið og
standa síðan eða falla
með þeim.“
Sigurður skellir ekki
skuldinni á ríkið og
borgina. „Ég lít ekki
svo á að ég geti gert
neina kröfu til þeirra.
Hins vegar lít ég svo á
að félagsmenn Leikfé-
lags Reykjavíkur geti
gert tiltekna kröfu á
mig. Ég er því bara að
axla þá ábyrgð sem ég
þykist bera á þessu
máli.“
Það felst í uppsögn
Sigurðar að hann gerir
ekki ráð fyrir að framlög til LR
eigi eftir að hækka í 170 milljónir
á ári í bráð. Hann segir hins vegar
að Ingibjörg Sólrún Gísladóttir
borgarstjóri sýni vanda félagsins
skilning og virðist hafa hug á að
leysa hann. Hún hafi til að mynda
skipað nefnd sem skilað hafi ítar-
legri skýrslu í apríl síðastliðnum.
„Þessi nefnd gerir ráð fyrir því að
fjárframlög til Leikfélags Reykja-
víkur hækki nokkuð; þó ekki nánd-
ar nærri þeirri upphæð sem ég hafði
sett mér að markmiði. Niðurstaða
þessarar skýrslu var því málamiðlun
milli okkar og fulltrúa Reykjavíkur-
borgar. Ég hótaði hins vegar aldrei
að segja af mér ef mitt markmið
næði ekki fram að ganga og finnst
þessi skýrsla reyndar lofsvert fram-
tak enda upplýsir hún alla um stöðu
okkar.“
Erfiður vetur
Sigurður segir að leikárið í vetur
hafí verið Leikfélagi Reykjavíkur
erfitt og auðvitað hafi
sú staðreynd spilað
inní. „Það eitt og sér
væri hins vegar fárán-
leg ástæða þar sem ár
era alltaf mjög misjöfn
í leikhúsi. Árið þar
áður vorum við til
dæmis með hæstu
brúttótekjur sem við
höfum haft í sögu fé-
lagsins."
Leikfélagi Reykja-
víkur hefur verið legið
á hálsi fyrir metnaðar-
leysi í verkefnavali í
vetur. Sigurður tekur
ekki undir þá gagn-
rýni. „Ég hef mín rök
gegn því að hér sé metnaðarleysi í
dagskrá og tel til dæmis að mikill
metnaður hafí einkennt verkefna-
skrána í vetur. Hins vegar hefur
leikfélagið ekki haft það svigrúm
sem hverju leikhúsi er nauðsynlegt
tíl að taka áhættur. Ég get því al-
veg tekið undir með þeim sem finnst
við ráðast sjaldan í stór klassísk
verkefni. Slíkum verkefnum fylgir
alltaf ótvíræður metnaður en við
vitum hins vegar af langri sögu að
þau eru dýr í uppsetningu og skila
harla litlum tekjum hvemig sem til
tekst. Það er eðli þessa markaðar.
Ég væri fyrstur manna til að vilja
standa að fleiri slíkum verkefnum
en Leikfélag Reykjavíkur hefur við
núverandi aðstæður einfaldlega
ekki efni á því.“
Sigurður kveðst í bili ekki hugsa
um annað en leikárið sem fer í
hönd og hyggst gefa því allan sinn
tíma og orku. „Hvað ég geri síðan
eftir rúmt ár hef ég ekki grun um
en ég hef engar áhyggjur af því.“
Sigurður
Hróarsson

r *jMr f $
Friðlaus friðardúfa Picassos
Lá gleymd og grafin á Samtímalistastofnuninni í 30 ár
LÖNGU gleymd krítarmynd eftir Pablo Picasso
kom nýlega í leitimar í geymslum Samtímalista-
stofnuninnar í London og hefur stofnunin ákveðið
að selja myndina fyrir allt að 30 milljónir ísl. kr.
jPjölskylda þess sem myndina gaf, er hins vegar
lítt hrifin af meðferðinni á verkinu, að því er fram
kemur í The Daily Telegraph.
í þrjátíu ár stóð verkið í dimmu skúmaskoti á
bak við móttökuborð stofnunarinnar en var síðan
dæmt til vistar í geymslu stofnunarinnar. Þar rakst
ungur listfræðingur á verkið og gerði sér þegar
grein fyrir verðmæti þess. Það var lagfært og
hefur nú verið sett á sölu.
Myndin er af tveimur mannveram sem horfa á
friðardúfu. Upphaflegur eigandi þess var John
Bemal, prófessor við Birkbeck háskólann, þekkur
kristallafræðingur og marxisti en hann gaf safn-
inu myndina árið 1960. Bemal var náinn vinur
Picassos og er listamaðurinn kom til Bretlands
árið 1950 til að sækja ráðstefnu um heimsfrið,
heimsótti hann Bemal, sem bjó þá í lítilli vinnu-
stofu fyrir ofan tilraunastofur háskólans.
Picasso þótti ekki veita af að hressa dulítið upp
á íbúð Bemals, dró upp litkrítar sínar og rissaði
mynd á veggfóðrið. Þegar tilraunastofumar voru
rifnar tókst Bernal að bjarga verkinu og gaf það
eins og áður segir. Samtímalistastofnunin sýndi
verkið skamma hríð en tók það svo til hliðar.
Ættingjar Bemals vilja veg verksins sem mest-
an en þeir voru afar ósáttir með hversu stofnunin
sýndi verkinu lítinn sóma. Segjast þeir þó ekki
munu mótmæla sölunni, svo fremi sem kaupandinn
lofi að sýna verkið opinberlega.
Morgunblaðið/Aldís Hafstensdóttir
Kór Islensku ópemnnar
í Hveraererðiskirkiu
Hveragerði. Morgunblaðið. ^’ **
KÓR íslensku óperunnar, undir
stjórn Garðars Cortes, hélttón-
leika í Hveragerðiskirkj u síðast-
liðinn sunnudag. Húsfyílir var á
tónleikunum.
Á dagskrá Óperukórsins voru
mörg atriði úr óperum og óperett-
um. Dagskráin hófst með þekkt-
um atriðum úr verkum eins og
Luciu di Lammermoor, II Trovat-
ore, Aidu og fleirum. Einsöngvar-
ar með kómum voru þau Ólöf
Kolbrún Harðardóttir, Sigrún
Hjálmtýsdóttir og Bergþór Páls-
son. Undirleikari var Iwona
Jagla.
Fyrir hlé söng Ólöf Kolbrún
einsöng í „Söng Leonóru með
munkunum" úr La Forza del Dest-
ino og Bergþór Pálsson sýndi
glæsileg tilþrif í „Nautabana-
söngnum“ eftir Bizet. Eftir hlé
vakti einsöngur Ólafar Kolbrúnar
í „Kirkjugestakórnum" úr Caval-
leria Rusticana hrifningu.
Sigrún Hjálmtýsdóttir átti hug
og hjörtu áheyrenda þegar hún
söng „Mein Herr Marquis“ úr
Leðurblökunni. Sigrún söng einn-
ig einsöng í „Vilja Lied“ úr Kátu
ckkjunni og ætlaði fagnaðarlát-
unum seint að linna. Olöf Kolbrún
og Bergþór sungu síðan saman
„Varir þagna“ eftir Lehár.
Fagnaðarlátum áheyrenda ætl-
aði seint að linna að dagskrá lok-
inni og var greinilegt að hinir
mörgu áheyrendur voru ánægðir
með frammistöðu kórs og ein-
söngvara.
s
{
L
i
ft
I
I
í
I
ft
b
ft
ft
ft
ft
ft
ft
ft
t
i
1:
I