Morgunblaðið - 01.06.1995, Blaðsíða 19

MORGUNBLAÐIÐ
FIMMTUDAGUR 1. JÚNÍ 1995 19
ERLENT
Pólitískir fangar
vilja fá frelsi
Peking. Reuter.
SAUTJAN Kínverjar, sem setið hafa
í fangelsi frá því að lýðræðiskröfur
voru brotnar á bak aftur á Torgi
hins himneska friðar í júní 1989,
hafa farið þess á leit við þing lands-
ins að þeim verði veitt frelsi, eða
að aðbúnaður fanganna verði að
minnsta kosti bættur.
Það var andófsmaðurinn Yu Zhij-
ian sem sendi ákallið til Qiao Shi,
þingforseta. Yu var dæmdur í lífstíð-
arfangelsi fyrir að kasta eggjum að
gríðarstórri mynd af Maó formanni
sem trónir fyrir enda torgsins.
A slóð „var-
úlfagensins“
Washington. Reuter.
BANDARÍSKIR og mexíkóskir vís-
indamenn kveðast vera komnir á
slóð „varúlfagensins" svokallaða;
gens sem veldur geysimiklum hár-
vexti um allan líkamann. Um aldir
hefur fólk með slíkan hárvöxt verið
haft til sýnis undir ýmsum heitum,
svo sem „Apamaðurinn" og „Varúlf-
urinn“.
Pragna Patel, taugasérfræðingur
við Baylor læknaskólann í Houston
í Texas, og starfsfélagar hafa um
nokkurt skeið rannsakað mexíkóska
fjölskyldu sem hefur átt við óeðlileg-
an hárvöxt að stríða í fímm ættliði.
Verða karlamir kafloðnir i andliti
og á efri hluta líkamans en húð
kvennanna verður alsett þykkum
hærðum hnúðum. Kveðst Patel vera
býsna nálægt því að einangra genið
sem þessu valdi.
Yu segist vita hversu tímafrekt
ferli náðun fanganna yrði og leggur
því til við Qiao Shi að þingið sjái
þegar til þess að nýjum lögum um
meðferð fanga verði fylgt eftir, en
þau kveða m.a. á um bann við því
að beita fanga barsmíðum eða ann-
arri niðurlægingu. Þá leggur Yu til
að mál fanganna 54 verði skoðuð
ofan í kjölinn en fæstir þeirra höfðu
lögfræðing er réttað var yfir þeim.
Að endingu leggur hann til að reynt
verði að veita föngunum frelsi, t.d.
vegna „heilbrigðisástæðna".
Ekki er vitað hvernig ákall Yu og
samfanga hans, sem þykir djarflega
orðað, barst út úr fangelsinu en það
er dagsett 23. maí. Sautján fangar,
sem hlotið hafa þunga fangelsisvist,
skrifuðu undir ákall Yu en 37 til
viðbótar lýstu stuðningi við það en
neituðu að skrifa undir. Mennimir
eru allir fangar í Yuanjiang-fangels-
inu í Hunan-héraði.
„ Andbyltingarleg uppreisn"
Kínversk yfirvöld líta enn á sex
vikna friðsamleg mótmæli stúdenta
á torginu sem „andbyltingarlega
uppreisn“ æsingamanna og hafa
þúsundir manna, skipuleggjendur
mótmælanna og þátttakendur" verið
hnepptir í fangelsi.
A síðustu mánuðum hafa kín-
verskir andófsmenn ítrekað sent
beiðnir til kínverskra yfirvalda um
að pólitískir fangar verði náðaðir,
að ofsóknum gegn andófsmönnum
verði hætt og að minningu þeirra
sem létu lífið er mótmælin voru brot-
in á bak aftur, verði sýnd virðing.
Með því eiga þeir á hættu að sæta
pólitískum ofsóknum og handtökum.
Reuter
ANDLITSMYND af Maó formanni trónir yfir Torgi hins himn-
eska friðar en stytta af „lýðræðisgyðjunni" sem lýðræðissinnar
hafa komið fyrir á torginu, skyggir nú á formanninn. Á þann
hátt vilja þeir minnast þess að 4. júní nk. verða sex ár liðin frá
því að kínverski herinn braut á bak aftur friðsamleg mótmæli
og kröfur um lýðræðisumbætur á torginu.
Hætt við
þjóðarat-
kvæði á
Krímskaga
Simferopol. Reuter.
ÞING Krímskaga ákvað í gær að
hætta við þjóðaratkvæðagreiðslu um
nýja stjómarskrá fyrir héraðið, sem
stjórn Úkraínu hefur harðlega for-
dæmt. Krímskagi tilheyrir Ukraínu
en mikill meirihluti íbúa þar er af
rússnesku bergi brotinn og margir
vilja sameinast Rússlandi.
Þing Úkraínu lýsti því yfir í síð-
ustu viku að gripið yrði til harðra
aðgerða ef ný stjómarskrá fyrir
Krímskaga yrði borin upp til þjóðar-
atkvæðagreiðslu. Í marsmánuði
höfnuðu stjórnvöld í Úkraínu stjóm-
arskrá Krímbúa á þeirri forsendu
að með henni væri gengið of langt
í átt að sjálfstæði. Hins vegar buð-
ust Úkraínumenn til þess i síðustu
viku að fallast á að Krímskagi fengi
að halda verulegri sjálfstjórn.
Óþörf kosning
Leiðtogar á þingi Krímskaga
sögðu að með þessu virtust Úkraínu-
menn vera reiðubúnir að leysa deil-
una á viðunandi hátt og því væri
þjóðaratkvæðagreiðslan um stjóm-
arskrána óþörf.
Sáttasemjarar á vegum Öryggis-
og samvinnustofnunar Evrópu
(ÖSE) hafa hvatt Úkraínu og Krím-
skaga til að setja niður deilur sínar
á grundvelli laga frá 1992 þar sem
héraðinu er veitt veruleg sjálfstjórn.
Krímskagi tilheyrði Rússlandi til
1954 en þá „gáfu“ Kremlveijar
Úkraínumönnum héraðið. Leggja
Rússar mikla áherslu á að tekið sé
tillit til sjónarmiða íbúa svæðisins
og hefur deilan valdið spennu í sam-
skiptum Rússa og Úkraínumanna.
t
<AGUL0N
REGNSETT
100% vatns-
og vindhelt
Stærðir:
XS-XXL
2 litir
Verð kr. 3.949