Morgunblaðið - 01.06.1995, Blaðsíða 12

12 FIMMTUDAGUR 1. JÚNÍ 1995
MORGUNBLAÐIÐ
AKUREYRI
Sumardagurinn fyrsti
„SUMARDAGURINN fyrsti“ í
orðsins fyllstu merkingu var á
Akureyri í gær, en þá komst
hitinn upp í 19 stig á hitamæli
I miðbæ Akureyrar. Slíka tölu
hefur fólk ekki séð svo mánuð-
um skiptir og tók því sumar-
veðrinu fagnandi, stuttbuxurn-
ar voru dregnár út úr fata-
skápunum, en fólk í slíkum
fatnaði hefur ekki sést fyrr á
þessu ári. Sundlaugarnar voru
fullar af fólki sem naut veður-
blíðunnar, mannlifið á Ráðhús-
torgi var með öðrum hætti en
áður, hægt var að staldra við
og borða ís án þess að eiga á
hættu að krókna. Það var því
létt lundin hjá þeim Akur-
eyringum sem urðu á vegi ljós-
myndara í sólskini gærdagsins.
Morgunblaðið/Rúnar Þór
Vinnsla stöðvast í flestum frystihúsum í Eyjafirði um helgi
Dalvíkingar eiga næg-
an fisk og stoppa ekki
Verkfall mætti standa í mánuð án þess að koma að sök
„VIÐ eigum hráefni eitthvað fram
eftir föstudeginum,“ sagði Bjarni
Sigmarsson, verkstjóri í frystihúsi
Útgerðarfélags Akureyringa.
Bjarni sagði fyrirsjáanlegt að
vinnsla myndi stöðvast í frystihúsi
félagsins alla næstu viku þó svo
að samningar tækjust í sjómanna-
deilunni. „Mér sýnist á öllu að það
verði vikustopp í vinnslunni þó að
verði samið í dag [miðvikudag],
togararnir eiga þá eftir að fara
út og myndu sennilega ekki koma
aftur að landi fyrr en fyrir sjó-
mannadag í lok næstu viku,“ sagði
Bjami. „Þannig að þetta verður
lágmark vikustopp.“
Búið að ráða 80 skólakrakka
Frystihús ÚA á Grenivík er á
sama róli, þar er til hráefni til
vinnslu fram að helgi og fyrirsjá-
anlegt að vinnustöðvun verður þar
einnig í að minnsta kosti viku.
Skólafólk er að byrja sumar-
störf hjá ÚA um þessar mundir
og sagði Bjarni að í sumar hefðu
verið ráðnir um 80 skólakrakkar
til starfa hjá félaginu.
í frystihúsi KEA í Hrísey var
til hráefni til vinnslu fram að helgi
og sagði Magnús Helgason fram-
kvæmdastjóri að ef verkfalli yrði
aflýst nú myndu sennilega ekki
falla úr nema 1-3 dagar í vinnsl-
unni í næstu viku.
Nóg til af fiski í Ólafsfirði
Guðjón Stefánsson verkstjóri í
Hraðfrystihúsi Ólafsfjarðar sagði
í gær að nóg væri til af fiski og
hefði hann verið að bjóða nágrönn-
um sínum í fírðinum hluta af hon-
um. „Það er útlit fyrir að við stopp-
um um helgina," sagði Guðjón.
„Það verður sennilega lokað hjá
okkur í næstu viku, en samt er
ekki alveg útséð um hvernig þetta
fer, ef samningar nást fljótlega
gætum við brúað bilið með rússa-
fiski og þá erum við að kanna
hvort við getum fengið einhvem
fisk seinni hlutann í næstu viku.
Ekkert stopp á Dalvík
„Við vöðum hér fisk upp að
eymm,“ sagði Sigurður Óskars-
son, framleiðslustjóri í frystihúsi
KEA á Dalvík, og bætti við að
verkfall sjómanna gæti staðið í
Verkmenntakólinn
á Akureyri
Skólaslit
fara fram í íþróttahöllinni á Akureyri hinn 5. júní nk.
á annan dag hvítasunnu og hefjast þau kl. 10.00.
Skólameistari.
mánuð án þess að þeir yrðu varir
við það.
Hann sagði að fyrir verkfall
hefði verið keyptur rússafiskur til
að hafa upp á að hlaupa, en við-
skiptabátar frystihússins hefðu
verið að fá mjög góðan afla að
undanförnu þannig að enn hefði
ekki gefist tími til að byija á
rússafiskinum.
Verkfall sjómanna sagði Sig-
urður að hefði þau áhrif helst að
menn þyrðu ekki að taka skóla-
fólkið inn til starfa. „En það er
samt ekkert sem bendir til þess
að verði neitt stopp hér hjá okk-
ur,“ sagði hann.
Ættmóður
komið á óvart
ELÍN Þóra Sigurbjörnsdóttir frá
Sveinsstöðum í Grímsey, sem
búsett er í Grindavík, kemur á
hverju vori til sumardvalar í
eynni þar sem hún á fjölda af-
komenda. Þeir komu henni svo
sannarlega á óvart þegar hún
kom til árlegrar dvalar nýlega.
Þeir tóku á móti henni með rauð-
um dregli, gítarspili og söng.
Framkvæmdastjóri dæmdur í Héraðsdómi Norðurlands eystra
Fangelsi fyrir brot á lög-
um um virðisaukaskatt
TÆPLEGA fimmtugur karlmaður
var nýlega í Héraðsdómi Norður-
lands eysta dæmdur í 7 mánaða
fangelsi fyrir brot á lögum um virð-
isaukaskatt.
Ákærða var gefið að sök að hafa
sem framkvæmdastjóri hlutafélags
á Akureyri gefið út kreditreikning á
hendur fyrirtæki í Reykjavík að fjár-
hæð 10,3 milljónir króna, þar af um
2 milljónir í virðisaukaskatt í þeim
tilgangi að villa um fyrir skattyfir-
völdum.
Reikninginn gaf hann út án þess
að hafa endursent eða endurgreitt
fyrirtækinu í Reykjavík vörur sem
tilgreindar voru á reikningnum, en
það hafði framleiðsluvörur félagsins
á Akureyri í einkasölu. Afhenti hann
skattstjóra Norðurlands eystra
ódagsetta virðisaukaskattsskýrslu
fyrir tilgreint tímabil sem hann hafði
útbúið og undirritað fyrir hönd fé-
lagsins þar sem virðisaukaskatts-
fjárhæð samkvæmt reikningnum var
ranglega talin til inneignar í því
skyni að fá skattstjóra til að sam-
þykkja hina rangfærðu inneign til
endurgreiðslu og lækkunar á skatt-
skuld félagsins.
Hlutafélagið sem um ræðir var
stofnað í apríl 1990 og tilgangur
þess framleiðsla og sala á búnaði til
fiskveiða. Félagið var úrskurðað
gjaldþrota í maí 1992. Vakin var
athygli á ætluðum brotum forráða-
manna þess á lögum um virðisauka-
skatt í bréfi skiptaráðanda til ríkis-
saksóknara sem síðar fól rannsókn-
arlögreglu ríkisins rannsókn máls-
ins.
í niðurstöðu dómsins, sem Ólafur
Ólafsson héraðsdómari kvað upp
segir m.a. að ósannað þyki að ákærði
hafi sjálfur hagnast vegna þeirrar
háttsemi sem hann er sakfelldur
fyrir, en hann geti á hinn bóginn
ekki borið fyrir sig ókunnugleika í
viðskiptum eða vankunnáttu á rétt-
arreglum sem til málsbóta verði
metin. Refsing þyki því hæfilega
ákveðin sjö mánaða fangelsi, en
fullnustu fimm mánaða af refsing-
unni frestað og hún felld niður að
þrémur árum liðnum haldi ákærði
almennt skilorð. Málinu hefur verið
áfrýjað til Hæstaréttar.