Morgunblaðið - 20.06.1995, Blaðsíða 4

4 ÞRIÐJUDAGUR 20. JÚNÍ 1995
MORGUNBLAÐIÐ
__________________________FRÉTTiR__________
Einar Sveinsson formaður Verslunarráðs íslands
Verðhækkun á grænmeti
ekki í anda GATT-samnings
FORMAÐUR Sambands grænmetisframleiðenda
og formaður Verslunarráðs íslands telja það
ekki í anda GATT-samkomulagsins að verð-
hækkanir verði á innfluttu grænmeti. Kjartan
Ólafsson formaður Sambands grænmetisfram-
leiðenda segir það ástæðulausan ótta að græn-
metisverð muni hækka verulega hérlendis.
Einar Sveinsson formaður Verslunarráðs ís-
lands segir að miklar væntingar séu bundnar
við GATT- samninginn og því mikilvægt að vel
takist til um framkvæmdina, ekki síst í upp-
hafí, þar sem samningurinn bjóði upp á tæki-
færi til aukins fijálsræðis.
„Þegar þessi mál voru til umræðu á Alþingi
var það grundvallaratriði að vöruverð myndi
alls ekki hækka og ákveðinn lágmarksaðgangur
yrði á lægra verði. Þannig var málið kynnt og
samþykkt. Þegar nú er komið að efndum samn-
ingsins og niðurstaða sýnist verða í þveröfuga
átt tel ég að það verði lagfært hið bráðasta af
stjórnvöldum," sagði Einar.
Einar sagði það mikilvægt að almenningur
tapaði ekki tiltrú á að aukið fijálsræði lækki
vöruverð. „Eg held að það sé mjög mikilvægt
að stjórnvöld gæti þess að andi samningsins
náist í gegn. Ef samningurinn verður til þess
að verð hækki verður gerð krafa til þess að
reglunum verði breytt,“ sagði Einar.
Meiri framleiðsluaukning en
neysluaukning
Kjartan Ólafsson formaður Sambands græn-
metisframleiðenda kveðst telja að það sé hvorki
tilgangur lagasetningarinnar né vilji stjórnvalda
eða hagsmunasamtaka að verð á grænmeti
hækki, það sé ekki andinn í GATT-samkomulag-
inu. Kjartan segir að framleiðsluaukningin hér-
lendis hafí orðið enn meiri en neysluaukningin
frá viðmiðunarárum tollkvótanna, þ.e.a.s. 1988.
Þetta skýrist af því að framleiðslutækni í land-
inu hafi fleygt mjög fram, garðyrkjubændur
noti t.a.m. rafljós til þess að framleiða vöruna
yfir mun lengri tíma árs en gert var viðmiðunar-
árin og útiræktaðar tegundir skili sér inn á
markaðinn allt fram í febrúar eða mars.
Kjartan bendir ennfremur á að landbúnaðar-
ráðherra sé heimilt að leyfa innflutning á lægri
tollum ef þörf er fyrir það. „Það er því ástæðu-
laus ótti að grænmetisverð muni hækka verulega
hérlendis," sagði Kjartan.
Islenskur
hundur þótti
fallegastur
ÍSLENSKI fjárhundurinn Tanga-
Sómi var valinn besti hundur sýning-
ar Hundaræktarfélags íslands, sem
haldin var í reiðskemmu Sörla í
Hafnarfirði síðastliðinn sunnudag.
AUs tóku þátt um 120 hundar af
31 hundakyni. í fréttatilkynningu
frá Hundaræktarfélagi íslands segir
að sigurvegari sýningarinnar,
Tanga-Sómi, hafi áður verið sigur-
sæll á sýningum félagsins og hlotið
afar góðar umsagnir dómara. Meðal
annars hafi hann hlotið nafnbótina
íslenskur meistari á síðasta ári.
í öðru sæti varð springer spaniel-
hundurinn Larbreck Challanger. í
þriðja sæti varð papillon-hundurinn
Blackpark Just Gordons og í fjórða
sæti írski setter-hundurinn Eðal-
Tjekov.
Besti hvolpur sýningarinnar var
einnig íslenskur fjárhundur, að
nafni Lukku-Kátur. í öðru sæti varð
springer spaniel-hvolpurinn Arkar-
Askur. FIugu-Björk Guðmundsdóttir
varð í þriðja sæti, en hún er gordon
setter-tík. I fjórða sæti varð silki
terrier-hvolpurinn Silfurskugga-
Monsa.
Þetta var önnur sýning Hunda-
ræktarfélagsins á þessu ári. Næsta
sýning verður haldin á Akureyri 25.
júní næstkomandi og í haust verður
einnig sýning í Digranesi í Kópa-
vogi. Dómari á þessari sýningu var
Carl-Johan Adlercreutz frá Svíþjóð.
Mocgunbtaðið/BT
TANGA-Sómi, besti hundur sýningarinnar, ásamt eig-
anda sínum, Snorra Dal Sveinssyni, og dómaranum
Carl-Johan Adlercreutz.
Sláttur
hafinn í
Melasveit
SLÁTTUR hófst á bænum Belgs-
holti í Melasveit að kvöldi 17. júní
og er þetta með fyrstu bæjum á land-
inu til að heíja slátt.
„Það var komið þokkalegt gras til
að byija og við munum halda áfram
að slá ef tíðin verður góð“ sagði
Haraldur Magnússon bóndi í Belgs-
holti.
„Það er spáð rigningu hér á
fimmtudag og við ákváðum að reyna
að ná einhveiju heyi áður. Þetta lítur
ágætlega út ef ekki leggst í rigning-
ar hérna suðvestanlands. Við höfum
yfirleitt byijað sláttinn um þetta
leyti, frá 17. til 22. júní, en það er
breytilegt eftir árferði. Grasið spratt
fyrr en ég átti von á. Það var kalt
framan af og klaki yfir öllu, svo ég
bar svolítið meira á túnin en vana-
Iega. Siðan hlýnaði í byijun júní og
þegar vætan kom rauk grasið upp.“
Það munar um vorbeitina
„Það verður komið mikið gras hér
á öll tún fyrir mánaðamótin, svo ég
má ekki við löngum óþurrkakafla.
Það er ekkert fé hérna hjá okkur,
þannig að það er ekki um neina vor-
beit að ræða. Það munar líka um
minna, því þegar það er kalt þarf féð
að vera lengur á túnunum og þá
verða þau seinna tilbúin til sláttar.
Það er því mikill munur milli fjárbúa
og kúabúa þegar illa vorar og seint
sprettur. En slátturinn verður kom-
inn á fullt á flestum bæjum hér fyr-
ir mánaðamót, a.m.k. ef vel viðrar."
Nýja þyrlan kemur i lok vikunnar
Arekstur í
Hvalfirði
TVEIR bílar skullu saman við norð-
urenda brúarinnar yfir Botnsá í
Hvalfirði um sjöleytið á sunnudags-
kvöld. Þrennt var flutt á sjúkrahús-
ið á Akranesi með sjúkrabifreiðum
og tvennt fór á slysadeild Borgar-
spítalans með lögreglu.
Bílamir komu úr gagnstæðum
áttum. Sá á norðurleið var nærri
kominn yfir brúna þegar árekstur-
inn varð en hinn náði ekki að stoppa
áður en hann fór inn á brúna.
f bílnum sem var á norðurleið
var þrennt og var það allt flutt með
sjúkrabifreið á Sjúkrahúsið á Akra-
nesi. Tvennt þurfti að vera til eftir-
lits yfir nótt en einn fékk að fara
að skoðun lokinni. Tvennt sem var
í bílnum sem var á suðurleið var
flutt með lögreglu á slysadeild
Borgarspítalans.
NÝJA Super Puma þyrla Landhelg-
isgæslunnar var í gær afhent Gæsl-
unni í Marignane í Frakklandi, en
þyrlan, sem ríkisstjómin festi kaup
á á síðasta ári, hefur hlotið nafnið
LÍF.
Páll Halldórsson, yfirflugstjóri
Landhelgisgæslunnar, og Benóný
Ásgrímsson, flugstjóri, munu fljúga
þyrlunni frá Frakklandi til íslands
og er áhöfnin væntanleg með þyrluna
hingað til lands í vikulokin.
Hafsteinn Hafsteinsson, forstjóri
Landhelgisgæslunnar, tók við þyrl-
unni fyrir hönd Gæslunnar, en þyrlan
hefur undanfarið verið í eftirliti og
endurnýjun hjá seljendum hennar.
Getur flutt 20 farþega
Þyrlan er knúin tveimur 1877 hest-
afla Turbomeca Makila hreyflum, og
er hún búin afísingarbúnaði og auka-
eldsneytisgeymum, útbúnaði til að
taka eldsneyti í hangflugi frá skipi.
Þá er 'nún útbúin tvöföldu björgunar-
spili, neyðarflotum, fjögurra rása
sjálfstýringu með getu til að láta
þyrluna hanga sjálfvirkt, ljóskastara,
fullkomnum fjarskipta- og siglinga-
tækjum til nætur og blindflugs, hita-
myndsjá, öllum nauðsynlegum
læknabúnaði og allt að níu sjúkrabör-
um og fleiri tækjum.
TF-LÍF getur flutt 20 farþega í
sæti með þriggja manna áhöfn. Há-
markshraði þyrlunnar er 150 sjómíl-
ur á klukkustund, en hagkvæmasti
hraðinn varðandi eldsneytissparnað
er 138 sjómílur á klukkustund. Þyrl-
an getur athafnað sig í 45 mínútur
í 300 sjómílna radíus frá eldsneytis-
stað og á hún þá 30 mínútna flugþol
eftir við lendingu.
Björk í
annað sæti
BREIÐSKÍFA Bjarkar Guð-
mundsdóttur, Post, fór beint í
annað sæti breska breiðskífu-
listans sem kynntur var á
sunnudag, en platan kom út á
mánudag fyrir viku.
Að sögn talsmanns útgáfu
Bjarkar í Bretlandi, One Little
Indian, seldust 120-130.000
eintök af plötunni í vikunni og
samkvæmt miðvikuspá voru
allgóðar líkur á að platan
hreppti efsta sætið, en nýút-
komin breiðskífa Michaels
Jacksons kom í veg fyrir það.
Fyrsta sólóskífa Bjarkar, Deb-
ut, sem kom út fyrir tveimur
árum, fór beint í þriðja sæti
listans og samkvæmt heimild-
um seldust af henni um 30-
40.000 eintök fyrstu vikuna.
Séra Jón
prestur í
Hveragerði
ÞORSTEINN Pálsson dóms-
og kirkjumálaráðherra hefur
skipað séra Jón Ragnarsson
sóknarprest í Hveragerðis-
prestakalli til fjögurra ára.
Gengið var frá skipunarbréfmu
í gær og mun biskup afhenda
séra Jóni það lögum sam-
kvæmt.
Kæra barst ráðuneytinu
vegna þess að embættið var
ekki auglýst og segir Hjalti
Zóphóníasson skrifstofustjóri í
dóms- og kirkjumálaráðuneyt-
inu að hún hafí ekki verið því
til fyrirstöðu að sóknarprestur
yrði skipaður með þessum
hætti og verði afgreidd sér-
staklega.
Jóhann
komst áfram
JÓHANN Hjartarson komst í
aðalkeppni atskákmóts At-
vinnumannasambandsins PCA
sem stendur yfir í New York.
Jóhann hlaut sjö og hálfan
vinning af ellefu mögulegum
í undanrásunum og varð í
þriðja til níunda sæti. Þar sem
aðeins sjö gátu komist áfram
voru tefldar hraðskákir til úr-
slita og varð Jóhann þá í
fimmta til sjötta sæti.
Margeir Pétursson átti góða
möguleika á að komast áfram,
en tapaði í síðustu umferð og
lenti því í 16.-22. sæti með sex
og hálfan vinning.
Fáni á leið-
inni úr landi?
ALLT bendir til þess að hæst
dæmdi stóðhestur ársins, Fáni
frá Hafsteinsstöðum, verði
seldur úr landi innan tíðar.
Eigendur hestsins, Skafti
Steinbjörnsson og Hildur
Classen, hafa hug á að senda
hestinn á heimsmeistaramót
íslenskra hesta sem haldið
verður í Sviss í byijun ágúst.
Aðilar erlendis hafa fest sér
Fána en ekki hefur verið geng-
ið að fullu frá kaupum. Sam-
kvæmt lögum verður að bjóða
forkaupsrétt á hestinum hér-
lendis áður en hann fer utan.
Skemmst er að minnast
þess að á síðasta HM fór einn
hátt dæmdur stóðhestur, Funi
frá Skálá, utan án þess að
forkaupsréttur væri nýttur.
Er hann nú einn dýrasti og
eftirsóttasti stóðhestur af ís-
lensku kyni í Svíþjóð.