Morgunblaðið - 20.06.1995, Blaðsíða 52

52 ÞRIÐJUDAGUR 20. JÚNÍ 1995
MORGUNBLAÐIÐ
íslenskt grænmeti er safríkt, bragð-
mikið, hreint og hollt.
Hreinleikarannsóknir hafa sýnt
ítt

HllEINT »(i
IIOLLT
ÍDAG
VELVAKANDI
Svarað í síma 569 1100 frá 10-12 og 14-16 frá mánudegi til föstudags
Læknadóp?
UNDIRRITUÐ dirfist að
mótmæla neikvæðum
skrifum, og hvað þá öllum
þessum ráðstefnum um
læknadópið. Hvað er
læknadóp? Er það valíum,
díasepam, eða nýja tísku-
geðlyfíð, sem háttvirtur
landlæknir er óður yfir
hvað læknar skrifa mikið
út. Hallærislegast af þessu
öllu saman er að þetta skuli
vera kallað læknadóp og
mætti halda að allir læknar
væru í dópinu.
Eg, auma konan, tek inn
nýja tískulyfíð, þetta ba-
neitraða læknadóp. En viti
menn, líklega væri ég inni
við Sundin blá ef ég hefði
ekki etið tískulæknadópið.
Ég þekki yndislegt fólk
sem hefur þjáðst af þung-
lyndi og kvíða í fieiri ár.
Hvað er það sem hefur
hjálpað öllum þessum
manneskjum? Jú það er
hryllilega læknadópið. Ég
velti mér í rúminu og
hugsa og hugsa, get ekki
sofíð. Ég fer niður í bæ
og mikið er það sorglegt
að horfa á unga sem aldna,
háa sem smáa og jafnvel
æðstu menn þjóðarinnar
veltast um dauðadrukkna,
helgi eftir helgi, dag eftir
dag. Kannski alla daga.
Hvað með brennivínið
og allar þessar búllur út
um allan bæ? Engar ráð-
stefnur. Er ekki til einhver
„patent'Tausn á öllu þessu
böli. Hvað segir landlæknir
og hans menn? Er ekki
hægt að útbúa einhvers
konar skömmtunarseðla
fyrir brennivínsfólkið og
skammta? Eina sterka,
kannski bjórkippu með,
vikuskammtur á mann.
Þetta er líklega ekki sniðug
hugmynd hjá mér þar sem
brennivínið er ekki bráð-
drepandi, líka svo ofboðs-
lega gott. Sumir mega
taka þetta til sín.
Ég er mjög svo þakklát
kona fyrir tískulæknadóp-
ið, og ég tala nú ekki um
að vera ekki í brennivíni.
Aagot Emilsdóttir,
Faxatúni 16, Garðabæ.
Tapað/fundið
íþróttadót fannst í
Grafarvogi
FUNDIST hefur í Grafar-
vogi strigaskór, bolur,
hanskar og ennisband.
Uppl. í síma 587-6412.
íþróttataska
tapaðist
RAUÐ OG hvít íþrótta-
taska með auglýsingu frá
Prince utan á tapaðist fyr-
ir utan Rauða ljónið að-
faranótt laugardagsins 10.
júní. Taskan var full af
fatnaði. Ef einhver hefur
orðið var við töskuna vin-
samlegast hafíð samband
í síma 564-2047. Fundar-
laun.
Hálsmen fannst
HÁLSMEN fannst í far-
angri á leið frá Portúgal
sl. fímmtudag. Menið er
úr silfri og áletrað. Uppl.
í síma 557-3886 hjá Maríu.
Kettlingar
gefins
TVEIR tíu vikna fallegir
kettlingar óska eftir góðu
heimili. Uppl. í síma
554-4497.
Með morgunkaffinu
Pennavinir
íiuoniwii
getur ekki um aldur en er
félagi í íslandsvinafélaginu
í Riga:
Tamara Puga,
Virsu Street 13-3,
Riga 226080,
Latvia.

stúlka með margvísleg
áhugamál:
Motoko Ichiyanagi,
A-104 13-19-3,
Yachiyodai-kita,
Yachiyo-shi Chiba-ken,
276 Japan.
LEIÐRÉTT
Villa í bridsslóð
Rangt nafn
Áster . . .
að annast róðurinn
saman.
TM Reg. U.S. Pat. Off. — all rightt resorved
(c) 1905 Los Angolas Times Syndicate
JÚ, auðvitað hef ég
haldið megrunarkúr-
inn út. Af hverju
spyrðu?
í bridsþætti á laugardag var
villa í intemetslóð þar sem
hægt er að fínna fréttir af
Evrópumótinu í brids. Rétt
er slóðin:
http://www.telepac.pt.
í frétt sem birtist á laugar-
dag um fimmtíu ára afmæli
fermingarhóps á Akureyri
var Matthías Kristjánsson
rangfeðraður. Beðist er vel-
virðingar á mistökunum.
COSPER
að engin aukaefni finnast í
íslensku grænmeti.
Það er ómissandi í salöt, sem álegg,
í pottrétti eða sem ferskur biti á milli
máltíða.
Njóttu hreinleikans og hollustunnar
í íslensku grænmeti.
Víkveiji skrifar...
AÐ ER mikill verðmunur á
hrífum í verzlunum á höfuð-
borgarsvæðinu. Víkverji kom fyrir
skömmu í verzlun, sem selur garð-
yrkjuvörur og hugðist kaupa þar
hrífu. Þar voru raunar ekki þá
stundina til gamaldags hrífur, held-
ur hrífur með hjólum eða hrífur,
þar sem hrífuhausinn var ýmist úr
plasti að því er virtist eða úr ein-
hvers konar málmefni. Lausleg at-
hugun benti til þess, að verð á þess-
um hrífum væri á bilinu u.þ.b.
1.200-1.900 krónur eða rúmlega
það.
í Byko í Kópavogi var hins veg-
ar til hrífa af þeirri góðu gömlu
gerð, sem Víkveiji þekkir úr sinni
sveit og alveg óþarfi að hafa hrífur
með öðrum hætti. Þessar góðu
gömlu hrífur kosta í Byko 505
krónur og er þeim, sem þurfa á
hrífum að halda, bent á að óþarfi
er að borga allt að 1.400 krónur
meira fyrir hrífu.
IHAGKAUP í Kringlunni rakst
Víkverji á vel út lítandi pakka
af lambsbógi sem, samkvæmt því
sem á pakkanum stóð, var „gott á
grillið". Framleiðandi kjötiðnaðar-
stöð KEA. Það var sérstaklega tek-
ið fram á pakkanum, að lambsbóg-
urinn væri í sneiðum.
Víkverji féll fyrir þessum vel út
lítandi pakka en gerir það ekki aft-
ur. í stuttu máli sagt er varla hægt
að segja, að í þessum pakka hafi
verið mannamatur. Ætli kjötiðnað-
arstöðvar telji að það sé hægt að
selja fólki hvaða rusl sem er að
sumarlagi „á grillið“?
Það er framkoma af þessu tagi
við neytendur, sem gerir þá fulla
af tortryggni í garð þeirra, sem sjá
um vinnslu og dreifingu á innlendri
kjötframleiðslu.
XXX
FJÁRMÁLAFYRIRTÆKIN
auglýsa enn bílalán af kappi
án þess að geta þess í auglýsingum
hvað þau kosta. Morgunblaðið hefur
áður tekið saman yfirlit yfir kostnað
við þessi lán og'mun einnig gera
það nú. En er það óeðlileg krafa
til þessara fyrirtækja, að þau geti
um kostnað við lánin í auglýsingum
sínum?
Því er haldið fram, að bílakaupa-
aldan sem nú gengur yfir byggist
fyrst og fremst á þessum lánum.
Ætli þjóðin hafi ekkert lært? Við
erum að sigla upp úr kreppunni.
Efnahagsbatinn sést í reikningum
stærri fýrirtækja en tæpast enn sem
komið er í buddu hins almenna laun-
þega. Fjármálafyrirtækin eru yfir-
leitt í eigu banka og sparisjóða. Er
það til of mikils mælzt, að bankarn-
ir sýni ábyrgð og gefí dótturfyrir-
tækjum sínum fyrirmæli um að
upplýsa um kostnaðinn í auglýsing-
um? Svo og um kostnað við kaskó-
trygginguna, sem krafa er gerð um.
Hvað kostar milljón krónu bíll þeg-
ar lánið er að fullu greitt?