Morgunblaðið - 20.06.1995, Blaðsíða 26
26 ÞRIÐJUDAGUR 20. JÚNÍ 1995
MORGUNBLAÐIÐ
LISTIR
Týndi tenórinn
TÓNUST
Hafnarborg
EINSÖNGSTÓNLEIKAR
Aríur og söngljóð. Lena Tivelind
mezzosópran, Páll Jóhannesson
tenór og Olafur Vignir Albertsson
pianó. Miðvikudagur 14. júní.
VIÐ OG við er maður minntur
á meginsjarma lifandi tónlistar
umfram þá niðurstöðu á hljóm-
plötum, jafnvel þegar um gamal-
kunnug viðfangsefni er að ræða:
hversu gjörsamlega flutningurinn
getur komið manni á óvart. Og
það er eins og einhver magískur
lampamóri svífi yfír menningar-
miðstöð Hafnfirðinga að því leyti
til, að nú varð maður hvumsa af
forrundran þar í annað sinn á
sama ári. Fyrri listamaðurinn sem
olli slíkum ófyrirsjáanlegum við-
brögðum var Rem Urasin, litli
Kasanbúinn á Rússnesku menn-
ingardögunum í janúar sl. sem
spilaði allan Chopinflutning fram
að því út í skammarkrók. Sá seinni
var „gleymdi" íslenzki tenórinn
Páll Jóhannesson.
Það hefur ekki verið öfunds-
vert að skiptast á um sviðsljósið
við söngvara í slíku formi fyrir
sænska mezzósópraninn Lenu
Tivelind, sem skv. ótéðum heim-
ildarmanni undirritaðs var miður
fyrirkölluð vegna kvefs. Söng-
konan sótti þó smám saman í sig
veðrið eftir tvö rómantísk lög eft-
ir Ture Rangström og hið „sal-
ong“-kennda Sommernatt eftir
Schrader og söng Mamma ætlar
að sofna hans Sigvalda Kaldalóns
af snotru látleysi. Enn betur tókst
henni upp í Mon Cæur úr Samson
Dalila eftir Saint-Saens, með
nokkrum strófum frá Páli úr bak-
grunni og bezt í síðasta dúetti
þeirra félaga, sem var úr 11 Tro-
vatore eftir Verdi.
Þrátt fyrir jafna skiptingu við-
fangsefnis milli söngvaranna
tveggja var þó engum blöðum um
að fletta, að forgrunnurinn til-
heyrði Páli Jóhannessyni þetta
kvöld. Strax frá fyrsta tóni í
Hamraborginni varð ljóst, að hér
var mikið fágæti á ferð; fágæti
sem var í hrópandi ósamræmi við
fremur dræma aðsókn tónleika-
gesta, en hún benti aftur til þess,
að undirritaður var ekki einn um
að vita lítil deili á söngvaranum
eftir áralanga búsetu hans í Sví-
þjóð. Satt bezt að segja var hin
hljómmikla og áreynslulausa ten-
órrödd Páls af þeirri stærðargr-
áðu, að hlustandinn gleymdi stað
og stund, og mun það ein af furð-
um íslenzks tónlistarlífs, að slíkur
maður skuli nánast fá að týnast
almennum tónlistarunnendum,
enda þótt nokkur kunnug andlit
meðal áheyrenda úr innsta hring
söngmennta virtust vita fyrir
hveiju þau gengu.
Stígandin var jöfn og þétt hjá
Páli frá ljóðrænum lögum eins og
Jeg elsker dig (Grieg) og Vínar-
óperettu (Dein ist mein ganzes
Hertz Lehár) fyrir í Verdi (La
donna é mobile) og Puccini (Hve
köld er litla höndin úr La Bo-
héme) fram að aukalaginu Nessun
dorma Turandot; allt varð að sann-
kölluðum bravura- flutningi, svo
að hárin risu á höfði hlustandans
af hrifningu. Flest annað, eins og
örlítið innkomuóöryggi í bát-
söngsdúettinum úr Ævintýrum
Hoffmanns eftir Offenbach, varð
að ómerkilegum smáatriðum hjá
annarri eins raddprýði, sem aukin-
heldur var stjórnað af næmri til-
fínningu fyrir því sem bezt gerði
sig á hveijum stað, svo sem
dramatískum hetjuanda í Til Hafs
eftir Nordquist, þar sem gruna
mátti, að Wagnerhlutverk væru
jafnvel ekki síður við hæfí þessa
glæsilega söngvara en ítalskt bel
canto.
í því lagi tókst reyndar Ólafí
Vigni Albertssyni bezt upp með
undirleik, sem að öllu jöfnu hefði
mátt vera heldur tilþrifameiri mið-
að við stórfengleika tenórsöngvar-
ans; verðskuldaði sá að fullu þau
bravóköll tónleikagesta, er féllu æ
þéttar sem á leið.
Ríkarður Ö. Pálsson
Sumarland BYKO
garðvörur í ótrtilegri breidd
-byggir með þér
Garðverkfæri, sláttuvélar, hekkklippur, sláttuorf,
úðarar, slöngur, tengi, safnkassar, ruslagrindur,
hjólbörur, sólpallaefni, undirstööur, áburður, fræ,
garðplöntur, blómapottar, túnþökur, grill og
fylgihlutir, útileikföng, kastalar, sandkassar,
körfuboltaspjöld, reiðhjól, veiðivörur,
viðlegubúnaður, garðhúsgögn, útisnúrur, fánar,
fánastangir, skrautsteinar, gosbrunnar, styttur
og ótal margt fleira.
Morgunblaðið/Golli
„ER ÞESSI eitt af frumskógardýrunum", gæti þessi ungi áhorfandi, sem
horfir framan í ljósmyndarann, verið að hugsa.
BRÚÐUBÍLLINN, útileikhús
Reykjavíkurborgar, er kominn á
kreik í 15. skiptið. Umsjónarmað-
ur hans er sem fyrr Helga Steff-
ensen, sem semur handrit, býr til
brúðurnar og stjórnar þeim,
ásamt þremur aðstoðarmönnum.
Edda Heiðrún Backman leikstýrir
sýningunni, tónlistin er eftir
Magnús Kjartansson og fimm val-
inkunnir leikarar sjá um leikradd-
ir. Leikhúsið starfar í júní og júlí
og sýnir á hverjum degi kl. 10 og
kl. 14. Sýnt er á gæsluvöllum
Reykjavíkur og nokkrum öðrum
útivistarsvæðum. Sýningarnar eru
öllum opnar og aðgangur er
ókeypis.
Það var hópur barna í marglit-
Brúðubíllinn
í Árbæjarsafni
um regnfötum sem beið með eft-
irvæntingu eftir sýningu brúðu-
bílsins á leikritinu „Af hverju“ í
Árbæjarsafni þegar blaðamaður
Morgunblaðsins leit þar við á dög-
unum.
Leikritið gerist í frumskógum
Afríku og segir söguna af því af
hverju fíllinn er með rana. Lítill
fílsungi er þar í aðalhlutverki en
við sögu koma ýmis dýr, stór og
smá sem hann hittir í skóginum.
Börnin voru vel með á nótunum
og tóku virkan þátt í sýningunni.
Það mátti sjá það á svip þeirra
að þau lifðu sig inn í hana og
greinilegt var að einhveijir voru
að koma í annað og þriðja skipti.
Nanna, Birgir Rúnar og Ólöf
Kara voru meðal gesta á sýning-
unni.„Það var mjög gaman og ég
var ekkert hrædd við krókódíl-
inn“, sagði Nanna. Birgir Rúnar
sem hafði séð sýninguna áður var
sama sinnis og fannst krókódíllinn
skemmtilegastur. „Gíraffinn var
skemmtilegastur" sagði Ólöf Kara
sem skemmti sér vel á sýningunni
og það voru ánægðir gestir sem
fóru heim að lokinni sýningu, þar
á meðal blaðamaður og ljósmynd-
ari Morgunblaðsins.
KRÓKÓDÍLLINN kominn á kreik
BIRGIR Rúnar, Nanna og Ólöf Kara
I
"Æ.%
4} índesíl
i of/knvi/m cnLmf
...vönduð á góðu
verði frá Indesit!
4þlndeslliwuo
• VinduhraSi 800 sn/mín.
• 14 þvottakerfi
• Stiglaus hitastillir
• Orkunotkun 2,3 kwst
• Hæð: 85 cm
• Breidd: 60 cm
• Dýpt: 60 cm
Afborgunarverib:
kr. 52.527,-
Umbobsmenn um land allt
Vesturland: Málningarþjónustan Akranesi, K1. Borgfiröinga,
Borgarnesi.Blómsturvellir, Hellissandi.GuÖni Hallgrímsson,
Grundarfiröi. Vestflrölr: Rafbúö( Jónasar Þór, Patreksfiröi.
Rafverk.Bolungarvík.Straumur, ísafiröi.
Noröurland: Kf. Húnvetninga, Blönduósi. Skagfiröingabúö,
Sauöárkrókí. KEA -byggingavörur Lónsbakka Akureyri. KEA.Dalvík.
Kf. Þingeyinga, Húsavík.
Austurland: Sveinn Guömundsson, Egilsstööum.
Stál, Seyöisfiröi. Verslunin Vík, Neskaupsstaö. Kf. Fáskrúösfiröinga,
Fáskrúösfiröi. KASK, Höfn Suöurland: Kf. Rangæinga, Hvolsvelli.
Mosfell, Hellu. Árvirkinn, Selfossi. Rás, Þorlákshöfn. Brimnes,
Vestmannaeyjum.Reykjanes: Stapafell, Keflavík. Rafborg,
Grindavík. ~
BRÆÐURNIR \-
ORMSSONHF
Lógmúla 8, Sími 553 8820 I