Morgunblaðið - 20.06.1995, Blaðsíða 12

12 ÞRIÐJUDAGUR 20. JÚNÍ 1995
MORGUNBLAÐIÐ
Fimm
mánaða
meiddist í
árekstri
FIMM mánaða gamalt barn,
farþegi í bíl var flutt á Fjórð-
ungssjúkrahúsið á Akureyri
eftir árekstur tveggja bifreiða
á gatnamótum Hörgárbrautar
og Hlíðarbrautar síðdegis á
sunnudag.
Áreksturinn var með þeim
hætti að fólksbíl var'ekið í veg
fyrir Bens fólksflutningabíl og
var að sögn varðstjóra lögregl-
unnar mjög harður. Fernt var
í stærri bílnum, hjón með tvö
börn var ungbarnið flutt á
sjúkrahús, en að sögn varð-
stjóra var ekki talið að um al-
varleg meiðsl væri að ræða.
Ökumaður fólksbílsins sem var
einn á ferð var fluttur á slysa-
deild. Fólksbíllinn er talinn
ónýtur.
Féll af
mótorhjóli
ÖKUMAÐUR mótorhjóls
sem féll af hjóli sínu síðdegis
á sunnudag var fluttur á slysa-
deild eftir fallið en að sögn
varðstjóra lögreglunnar á Ak-
ureyri ekki alvarlega slasaður.
Maðurinn var keppandi í
spymukeppni Bílaklúbbs Akur-
eyrar sem fram fór á Tryggva-
braut á sunnudag.
A slysadeild
eftir bílveltu
BÍLL valt út af Ólafsfjarðar-
vegi skammt norðan gatnamót-
anna við Norðurlandsveg á
laugardagskvöld. Ökumaður
sem var einn í bifreiðinni var
fluttur á slysadeild en meiðsl
hans voru ekki talin alvarleg
að sögn varðstjóra lögreglunn-
ar á Akureyri.
Hátíðarhöld
flutt inn
FLYTJA þurfti hátíðarhöld
þjóðhátíðardagsins á Akureyri
inn í Iþróttaskemmu vegna
kulda og hvassviðris.
Að sögn lögreglu fóru hátíð-
arhöldin vel fram en þátttaka
í þeim var undir meðallagi
vegna veðurs.
Undir kvöld fór að læga og
skipulögð dagskrá á Ráðhú-
storgi gat því farið þar fram.
Nokkur ölvun einkenndi að-
faranótt þjóðhátíðardagsins að
sögn lögreglu og fengu 6 manns
að sofa úr sér í fangageymslum
lögreglunnar. Þá voru 2 teknir
fyrir meinta ölvun við akstur
og 14 fyrir hraðaakstur.
Þjóðhátíð í
Mývatnssveit
Mývatnssveit. Morgunblaðið.
MÝVETNINGAR héldu þjóð-
hátíð í Höfða 17. júní. Hófst
hún kl. 14.00 með helgistund.
Séra Örn Friðriksson próf-
astur á Skútustöðum flutti
ræðu Og fór með bæn og bless-
unarorð. Auður Jónsdóttir las
ávarp fjallkonunnar. Kári Þor-
grímsson flutti þjóðhátíðar-
ræðu. Þá var sungið og leikið
á hljóðfæri. Síðast var farið í
leiki og reynt að skemmta ekki
síst yngstu kynslóðinni.
Veðrið var þurrt en nokkuð
hvasst. Þó kom það ekki að sök
því hátíðin var haldin í skjól-
góðu skógarijóðri og sólin sást
af og til og hiti var 8-10 stig.
Aðsókn var nokkuð góð.
AKUREYRI
Skuggi hf. flytur út lakkrís
Danir fá 1 Vi tonn
í hverri viku
LAKKRÍSVERKSMIÐJAN
Skuggi hf. á Akureyri sendi sinn
fyrsta farm af lakkrís til Danmerk-
ur í gær, en reiknað er með að
fyrirtækið muni flytja þangað um
eitt og hálft tonn á viku í sumar.
Það er danska heildsölufyrirtækið
Danya Candy sem mun sjá um
dreifingu í Danmörku.
„Þetta er á skoðunarstigi hjá
okkur ennþá,“ segir Sveinn
Sveinsson starfsmaður Skugga.
„Við álítum þó að þetta muni svara
kostnaði. Þetta danska fyrirtæki
flytur líka inn lakkrís frá öðrum
löndum Evrópu, til dæmis Spáni,
á lægra verði. Gæði íslenska lakkr-
ísins eru aftur á móti mun meiri,
sem gerir þeim kleift að selja hann
á hærra verði.“
Stofnað í september í fyrra
Fyrirtækið Skuggi er tiltölulega
nýtt af nálinni, en það var stofnað
í september í fyrra. Hingað til
hefur það framleitt um þrjú tonn
á mánuði, þannig að veltan eykst
mikið þegar útflutningur sem
nemur fimm tonnum á mánuði
bætist við.
„Við erum barnungir ennþá og
stoltir að vera komnir þetta langt,
en ætlum miklu lengra,“ segir
Sveinn að lokum.
Utilistaverkið
Sjófuglar afhjúpað
UTILISTAVERKIÐ Sjófuglar
eftir Sigurð Guðmundsson var
afhjúpað við hátíðlega athöfn við
Ráðhúsið á Dalvík fyrir skömmu.
Þetta er fyrsta útilistaverkið
sem sett er upp á Dalvík, en efnt
var til samkeppni um gerð
tveggja slíkra verka og er Sjó-
fuglar annað þeirra. Hitt verkið
verður sett upp næsta haust,
einnig á Ráðhúslóðinni.
Morgunblaðið/Hermína
Minnisvarði
um Jón Rögn-
valdsson af-
hjúpaður
MINNISVARÐI um Jón Rögnvalds-
son garðyrkjumann frá Fífilgerði
var afhjúpaður í Lystigarðinum á
Akureyri á sunnudag, 18. júní en
þann dag hefði hann orðið 100 ára.
Hann lést 10. ágúst árið 1972.
Jón var kunnastur fyrir störf sín
við Lystigarð Akureyrar sem hann
veitti forstöðu um 16 ára skeið, en
hann kom þar á fót miklu safni lif-
andi plantna, íslenskra og erlendra.
Jón lét af störfum við Lystigarð-
inn árið 1970, en þá hafði grasa-
garðurinn að geyma nær allar teg-
undir íslensku flórunnar auk fjöl-
margra erlendra jurta, svo að alls
nam ijöldi tegunda í garðinum um
tvö þúsund og fjögur hundruð teg-
undum.
Samfélagið vottaði hinum áhuga-
Ljósmynd/Hrólfur Máni
sama ræktunarmanni margvíslegan
heiður, hann var heiðursfélagi í
Garðyrkjufélagi íslands, Skógrækt-
arfélagi Akureyrar og Skógræktar-
félagi íslands og þá var honum í
virðingarskyni fyrir söfnunarstörf
sín veitt Fálkaorðan árið 1963.
Morgunblaðið/Rúnar Þór
JAKOB Björnsson, bæjarstjóri á Akureyri, Einar Sveinn Ólafs-
son, formaður hafnarstjórnar, Karl Harðarson, fulltrúi hjá Eim-
skip, og Roger D. Knight, skipstjóri Oriana, um borð í skipinu.
Oriana á Akureyri
BRESKA skemmtiferðaskipið Ori-
ana kom til Akureyrar á sunnudag,
en þetta er fyrsta ferð þessa nýja
skips til íslands og var Akureyri
fyrsti viðkomustaður þess.
Af því tilefni var efnt til móttöku
um borð í skipinu þar sem Jakob
Björnsson bæjarstjóri afhenti skip-
stjóranum, Roger D. Knight, ljós-
mynd Páls A. Pálssonar, ljósmynd-
ara, af Akureyri. Skipstjórinn færði
Akureyrarbæ og fulltrúum Eim-
skips, umboðsaðila skipsins á ís-
landi platta skipsins.
790 í áhöfn
Oriana fór í sína fyrstu siglingu
7. apríl síðastliðinn, það er 69 þús-
und brúttótonn að stærð og tekur
1950 farþega, en um borð í þessari
ferð voru 1640 farþegar. í áhöfn
skipsins eru um 790 manns.
Oriana verður í Reykjavík í dag,
þriðjudag.
Stúdentar brautskráðir frá Menntaskólanum á Akureyri
Tómlega hirt um
menntun fólksins
sem erfir landið
L44 STÚDENTAR voru braut-
skráðir frá Menntaskólanum á Ak-
ureyri, þjóðhátíðardaginn 17. júní,
en skólanum var þá slitið í 115.
sinn.
Valdimar Gunnarsson skóla-
meistari sagði í ræðu sinni við
skólaslitin það ekki launungarmál
að síðasti vetur var afar erfiður
skólum landsins og þeim sem þar
starfa. Helst til lengi hafi það verið
Ijótur blettur á íslensku samfélagi
hve tómlega hafi verið hirt um
skipulega menntun þess fólks sem
á að erfa landið, það kristallaðist
m.a. í lélegum starfs- og launakjör-
um kennara.
Hann gerði verkfali kennara að
umtalsefni og sagði átök vetrarins
snúast að verulegu leyti um íslenska
menntastefnu, um það hveiju menn
vilja kosta til að börnin okkar eigi
, Morgunblaðið/Rúnar Þór
JÓHANN Tómas Sigurðsson, dúx Menntaskólans á Akureyri,
kveður Valdimar Gunnarsson skólameistara.
svo góða menntunarkosti sem þau
verðskulda. Sívaxandi samvinna við
útlendar þjóðir og viðskipti við þær
krefðust þess að íslendingar stæðu
jafnfætis útlendingum í hvers konar
menntun, þekkingu og færni til að
fást við allt það, gamalt og nýtt,
sem okkur mætir á vegferðinni.
Þetta gætu skólarnir tryggt, en
nauðsynlegt væri að búa vel að
þeim, góð starfs- og launakjör
kennara væru einn snarasti þáttur-
inn í þeim aðbúnaði til að laða til
skólanna hina bestu kennara og
halda þeim þar.
Fleiri nýnemar
Afföll nemenda voru meiri nú í
vetur en venja er og sagði skóla-
meistari því ekki að leyna að
kennslufallið vegna vinnudeilu
kennara eigi þar talsverðan þátt.
Fram kom í ræðu Valdimars að
þegar hafa borist nær 250 umsókn-
ir frá nýnemum um skólavist fyrir
næsta vetur. Á liðnum vetri voru
158 fyrstu bekkingar við nám í
skólanum, en nú þykir sýnt að ekki
verði færri en 200 nemendur í
fyrsta bekk næsta vetur. „Þá verð-
ur þröngt á þingi í Menntaskólanum
á Akureyri - en það er nú að líkum
fyrir þreyttan að þola,“ sagði meist-
ari og bætti við að hin langþráða
bygging á Olgeirstúninu verði tekin
í notkun haustið 1996 og muni
margt breytast í kjölfarið.
Þá gat skólameistari þess að enn
væri ekki fullráðið í kennarastörf
við skólann fyrir næsta vetur og
enn væri áberandi að erfitt er að
fá vel menntaða kennara til starfa
í sumum kennslugreinum.