Morgunblaðið - 18.07.1995, Side 17

MORGUNBLAÐIÐ
ÞRIÐJUDAGUR 18. JÚLÍ 1995 17
FRÉTTIR: EVRÓPA
Ríkjaráðstefna ESB
Svíar undirbúa
málflutning sinn
SÆNSKA ríkisstjórnin hefur mótað
þá stefnu, sem hún hyggst beijast
fyrir á ríkjaráðstefnu Evrópusam-
bandsins, er hefst á næsta ári. Með-
al helstu atriðanna, sem Svíar vilja
ná fram, eru að gera ESB-samstarf-
ið „lýðræðislegra" og auka jarðsam-
bandið við almenning.
Þá viija Svíar opnara og skilvirk-
ara samstarf. Þeir munu þó leggjast
gegn tillögum sem settar eru fram
í nafni skilvirkni en miða í raun að
því að draga úr áhrifum smærri
aðildarríkja. Sænska stjórnin telur
jafnframt að sambandið eigi. að
verða yfirþjóðlegra en ekki þróast
út í „sambandsríki". Loks eigi að
leggja áherslu á samstarf varðandi
hagvöxt, fjölgun atvinnutækifæra
og bætt umhverfi.
Ingvar Carlsson forsætisráðherra
og Mats Hellström Evrópuráðherra
kynntu þessa stefnu á dögunum og
sögðu að eitt aðalmarkmiðið hlyti
að vera að undirbúa frekari fjölgun
aðildarríkja. Þá yrði meðal annars
að endurskipuleggja ákvarðanatöku-
ferlið innan sambandsins.
Framkvæmdastjórn ESB hefur
gefið sterklega í skyn að ef Svíar
uppfylli öll skilyrði þegar kemur að
þriðja og síðasta stigi hins efnahags-
lega og peningalega samruna geti
Svíar ekki ákveðið að taka ekki þátt
í hinum sameiginlega gjaldmiðli.
Segir Carlsson ljóst að sænska þing-
ið muni taka lokaákvörðun í þeim
efnum. „Með fullri virðingu fyrir
framkvæmdastjórninni þá gerir hún
ekki út um þetta mál,“ sagði sænski
forsætisráðherrann. „í aðildarvið-
ræðum okkar settum við inn fyrir-
vara varðandi þriðja stig EMU, rétt
eins og Þjóðveijar hafa gert.“
Viðskiptasamningur innsiglaður
Brussel. Reuter.
VÍETNAM tókst í gær, mánudag,
að stíga enn eitt mikilvægt skref
út úr þeirri einangrun, sem land-
ið hefur búið við frá lokum Víet-
namstríðsins, þegar Nguyen
Manh Cam, utanríkisráðherra Ví-
etnam, og Javier Solana, utanrík-
isráðherra Spánar og fulltrúi
Evrópusambandsins, undirrituðu
samkomulag um viðskiptasam-
vinnu.
Nú, þegar 20 ár eru liðin frá
eiginlegum lokum stríðsins, sem
lék Víetnam grátt og lagðist
þungt á þjóðarsál Bandarikja-
manna, er hið suðausturasíska
land að brjótast út úr viðjum ára-
langrar einangrunar og koma lagi
á tengsl sín við nágrannaríkin
sem og Vesturlönd.
í síðustu viku batt Bill Clinton
Bandaríkjaforseti formlegan
endapunkt á Víetnamstríðið með
því að bjóða Víetnömum upp á
friðarsamninga og að taka upp
fullt stjórnmálasamband á ný.
Samkomulagið við Evrópusam-
bandið, sem hafði verið í undir-
búningi í tvö ár, nær yfir efna-
hagssamvinnu, fjárfestingar,
markaðsopnun, mannréttindi og
flóttamannaákvæði.
Evrópusambandið - með
Frakkland, Bretland og Holland
fremst í flokki - hefur undanfar-
in misseri verið að þreifa fyrir
sér á viðskiptasviðinu í Víetnam,
til að nýta sér þá möguleika sem
opnun markaðarins þar hefur í
för með sér. Evrópubúar hafa átt
í mun minni vandræðum en
Bandaríkjamenn með að taka upp
eðlileg samskipti við Víetnam á
ný, þrátt fyrir að Frakkar hafi
líkt og Bandaríkjamenn orðið fyr-
ir hernaðarlegum óförum með
umtalsverðu mannfalli á sömu
slóðum í nýlenduveldistíð sinni.
Sænska áfengis-
einkasalan kærð
SÆNSKA áfengiseinkasalan, Sy-
stembolaget, hefur verið kærð fyrir
að neita að taka breska eplavínið
„TNT Liquid Dynamite" til sölu í
verslunum sínum.
Vill Systembolaget hvorki bjóða
upp á þessu vöru á aðallista, reynslu-
lista eða í sérpantanakerfi sínu
vegna umbúða vörunnar. Eplavín
þetta, sem er þurrt og 8,4% að styrk-
leika, er selt í flöskum sem líkjast
dýnamítstautum og eru þær skreytt-
ar með kveikjuþræði og neistaflugi.
„Það er okkar mat að þetta er að-
eins of mikið fyrir sænska markað-
inn,“ segir Andreas Malmberg, sem
er innkaupastjóri bjórs og eplavína
hjá einkasölunni og benti á áfengis-
pólitískar skyldur einkasölunnar.
„Við teljum vöruna senda röng skila-
boð til neytenda. Mönnum gæti dott-
ið í hug að þetta sé vara sem þeir
verða dúndrandi fullir af að drekka,
að þessi drykkur virki með hvelli."
Innflutningsaðilinn, Global Foods,
hefur kært þessa ákvörðun til fram-
kvæmdastjórnar ESB. Segir fyrir-
tækið þessa vöru eiga sér langa
hefð á Evrópusambandsmarkaðnum
og að ekki sé hægt að banna slíka
vöru á grundvelli nafns hennar eða
hönnunar umbúða.
Um síðustu áramót bannaði Sy-
stembolaget sænskum brugghúsum
að markaðssetja bjór sem bera nöfn-
in „Norrlands Dynamit“ og
„Bulldozer". Global Foods segja
þetta ekki vera alveg sambærileg
dæmi þar sem að þar hafi verið um
nýjar vörur að ræða. TNT Liquid
Dynamite eigi sér hins vegar langa
hefð á Evrópumarkaði.
veitir góðan afslátt og þú safnar inneign að auki
Reglur unt Viöskiptakort BYKO
1. Allir viðskiptavinir BYKO geta fengiö Viðskiptakort.
2. Til að viðskiptin safnist upp á viðskiptareikning þarf að
framvlsa Viðskiptakortinu.
3. I árslok færist inneign vegna stigvaxandi afslátta á viðskiptareikning.
4. Korthafi fær sent viðskiptayfirlit ársfjórðungslega. V
5. Viðskiptakort BYKO er skráð á nafn. Hægt er að gefa út fleiri en
eitt Viðskiptakort á sama viöskiptareikning. \
6. Glatist kort skal tilkynna það til BYKO strax.
7. Verði breytingar á reglum um Viðskiptakort verða þær sendar út til
viðskiptavina á næstu yfirlitum.
Já, ég vil fá sent Viðskiptakort BYKO
Kfipptu út og sendu okkur
þennan skráningarmiða f
umslagi merktu:
Skrifstofur BYKO,
Breiddinni,
200 k

Einnig getur þú sent okkur
eyðublaðiö með
myndsendi 515-4199.
mm ~

.... ..
Viðskiptakort BYKO er sparnaðarkort sem tryggir þér
5% staðgreiðsluafslátt þegar þú verslar við BYKO
verslanirnar og Byggt & Búið.
Að auki veitir kortið stigvaxandi afslátt sem færist sem
inneign á viðskiptareikning þinn í árslok.
BYKO byggir með þér

Grunnafsláttur
Allt að 200.000 kr.
200.000-500.000 kr.
500.000 kr. og yfir
5% stgr.afsláttur
2% viðbótarafsl.
4% viðbótarafsl.
6% viðbótarafsl.