Morgunblaðið - 13.10.1995, Blaðsíða 15

MORGUNBLAÐIÐ
FÖSTUDAGUR 13. OKTÓBER 1995 15
LANDIÐ
Bryggjusmíði
á Tálknafirði lokið
Tálknafirði - Undanfarna mán-
uði hefur verið unnið að lengingu
stálþils í höfninni á Tálknafirði
og lauk verkinu sl. föstudag.
Undirritun verksamnings við
Guðlaug Einarsson hf. verktaka
fór fram 10. júní sl. og hófst
verkið 5 dögum síðar. Tók því
tæpa 3 mánuði að ljúka smíð-
inni. Þriggja vikna töf varð í
byijun verksins því mikið grjót
leyndist þar sem reka átti niður
stálið. Eftir hreinsun þess gekk
verkið vel fyrir sig og var því
lokið á tilsettum tíma.
Stálþilið var keypt á síðasta
ári og nam kostnaður um 14
milljónum króna Framkvæmda-
kostnaður var 20,5 millj. kr. og
var því heildarkostnaðurinn 34,4
miiy. kr. A næsta ári er fyrirhug-
að að steypa þekju, byggja mast-
urshús, reisa ljósamastur og
ljúka við lagnir.
Nýja bryggjan er nú fullbyggð
100 metrar á lengd og 20 metrar
á breidd. Aðdjúpt er við þilið,
6,5-7 m dýpt. Bryggjan er mjög
vel staðsett af náttúrunnar hendi
og ættu því allstór skip að geta
lagst að henni í framtíðinni í
hvaða veðri sem er. Um það leyti
sem verkinu lauk á föstudaginn
lagðist Mælifell, skip Samskipa,
upp að nýja kantinum fyrst
skipa.
: :
Morgunblaðið/Davíð Pétursson
ANNA Guðrún Þórhallsdóttir, sem stjórnar
tilraununum, og samstarfsfólk hennar.
Hrossabeitartil-
raun í Borgarfirði
Grund, Skorradal -1 sumar var
fram haldið hrossabeitartilraunum í
Borgarfirði sem hófust sumarið
1992. Að tilrauninni standa Bænda-
skólinn á Hvanneyri, sem sér um
framkvæmd tilraunarinnar, Rann-
sóknarstofnun landbúnaðarins og
Landgræðsla ríkisins. Tilraunastöðin
á Keldum hefur einnig í sumar kom-
ið að tilrauninni.
Eitt af aðalmarkmiðum tilraun-
arinnar er að mæla hversu mikið
hross taka til sín á beit við mismun-
andi aðstæður, gróðurfar og gróð-
urmagn. Fylgst er nákvæmlega með
gróðurfari og uppskeru í tilrauna-
hólfunum til að meta áhrif mismikill-
ar hrossabeitar. Einnig er fylgst með
atferli hrossanna, en fáar slíkar at-
huganir hafa verið gerðar áður.
Áhrif þungbeitar koma í ljós
í sumar störfuðu við tilraunina
danskir námsmenn frá Landbúnað-
arháskólanum í Kaupmannahöfn.
Koma þeir til með að dveljast á Hvan-
neyri fram yfir áramót. Áður hafa
starfað við tilraunina íslenskir,
sænskir og ítalskir nemendur svo að
notagildi hennar sem kennslutæki
hefur verið mikið.
Fyrstu áhrif þungrar hrossabeitar
fóru að koma í ljós í sumar í tilrauna-
hólfunum. Uppskera þeirra hólfa sem
hafa verið þungbitin síðastliðin 2 ár
var þegar í vor mun minni en þeirra
ÁHRIF þungrar hrossabeit-
ar fóru að koma í ljós í sum-
ar í tilraunahólfunum.
sem hafa verið léttbitin og er leið á
sumarið var lítið sem ekkert að sjá
í þungbeittu hólfunum. Þrátt fyrir
litla beit þrifust hrossin ágætlega
serri sýnir best hversu nægjusöm ís-
lensk hross eru og hversu lítil beitin
þarf að vera til að hross fari að leggja
af. Einnig sýnir þetta glögglega
hversu lélegur mælikvarði á beitiland
þrif hrossa eru - því ef sést á hross-
um er mjög nærri landinu gengið.
í fyrri hrossabeitartilraun RALA
kom fram að eftiráhrif þungrar
hrossabeitar á uppskeru lands eru
mikjl, að tveim árum eftir alfriðun
var uppskera þungbeittra hólfa enn
um fjórðungi minni en léttbeittra
hólfa.
Nú býðst þér einstakt tækifæri til að eignast
handunninn austurlensk húsgögn á verði
sem kemur þægilega á óvart.
KOMMÓÐA
M/14 SKÚFFUM
30X58/HÆÐ 113
KR. 22.900
BORÐ
90X160/HÆÐ
KR. 39.900
KOMMOÐA
M/6 SKÚFFUM
REYKJAVÍK
SIGTÚNI
FÖSTUDAG KL. 13-20
LAUGARDAG KL. 10-18
SUNNUDAG KL. 12-18
BORÐSTOFUBORÐ
90X170/HÆÐ 77
KR. 35.900
M 9510