Morgunblaðið - 13.10.1995, Blaðsíða 23

MORGUNBLAÐIÐ
LISTIR
FÖSTUDAGUR 13. OKTÓBER 1995 23
Menntamálaráðherra setur írska menningarhátíð á Akureyri
ÍRSK menningarhátíð verður sett við hátíðlega
athöfn í dag, föstudag í Listasafninu á Akur-
eyri. Björn Bjarnason menntamálaráðherra
setur hátíðin og opnar jafnframt sýningu ískra
myndlistarmanna. Um kvöldið frumsýnir Leik-
félag Akureyrar hryllingssöguna Drakúla í
leikgerð írans Michael Scott. Bókmenntirnar
verða í öndvegi um næstu helgi og þá daga
sem hátíðin stendur munu veitingahús og krár
bjóða upp á írska tónlist, drykki og mat.
Hugmyndin að írsku menningarhátíðinni
kviknaði fyrir um tveimur árum þegar for-
stöðumaður Listasafnsins á Akureyri sá sýn-
ingu í nútímalistasafninu í Dyflini þar sem öll
gallerí borgarinnar sameinuðust um að sýna
listamenn sem voru á þeirra snærum „Þetta
gaf mér tækifæri á að sjá á einum stað yfirlit
yfir það sem var að gerast í samtímalist á
Irlandi og staðfesti það sem mig grunaði, að
Irland væri áhugaverð mið að róa á hvað list-
ir varðar," sagði Haraldur Ingi Haraldsson
forstöðumaður Listasafnsins á Akureyri -og
einn helsti skipuleggjandi írsku hátíðarinnar.
Safnið væri rekið af metnaði og hefði vilja til
að eiga erlend samskipti við aðrar listastofnan-
ir á eigin forsendum, en ekki eingöngu þiggj-
andi annarra stofnana hér á landi. „Það er
mikilvægt að feta brautir sem ekki hafa verið
farnar áður, við viljum að Listasafnið á Akur-
eyri bæti við myndlistalíf í landinu," sagði
Haraldur Ingi.
Söguleg tenging
Söguna sagði hann styrkja mjög samstarf
Akureyringa og Dyflinarbúa, staðirnir hefðu
augljósa sögulega tengingu en í því sambandi
vísar hann til þess er Helgi Magri sigldi út
úr Dyflinarhöfn í byijun 10. aldar og hélt skipi
sínu til Eyjafjarðar og nam land við Kristnes
þar sem nú er Akureyri. Eyvindur Austmaður
faðir Helga Magra var af norrænum mönnum
komin, en settist að í Dyflini með írsku kon-
Nýjar braut-
ir fetaðar
Málverk eftir James Hanley
ungsdótturinni Raförtu, dóttur írska konungs-
ins Kjarvals. „Söguleg tenging af þessu tagi
er nytsamleg þegar færa á rök fyrir samskipt-
um af þessu tagi,“ sagði Haraldur Ingi og
bætti við að það væri þjóðaríþrótta íslendinga
að deila um uppruna sinn, eins og gilti um
aðrar þjóðaríþróttir væri engin ástæða til að
komast að endanlegri niðurstöðu. „En margir
fræðimenn hafa haldið því fram að stór hluti
þeirra sem býggðu ísland í öndverðu hafi ver-
ið af keltneskum uppruna."
í fyrstu vakti fyrir forstöðumanni Lista-
safnsins að setja upp írska myndlistarsýningu,
en hann komst að því í viðræðum við m.a.
Viðar Eggertsson leikhússtjóra Leikfélags
Akureyrar að fleiri voru með hugann við Ir-
land. Hugmyndin varð þannig viðameiri og
útkoman sú að úr varð írsk hátíð með fjöl-
breyttri dagskrá. „Ég hef líkt hátíðinni við
ákveðna tegund samkomuhalds sem kallast
samanburðaröl, en þá færa gestirnir með sér
til veislunnar rétti til að gleðja sjálfan sig og
aðra. Sameiginleg tímasetning og þátttaka
ræður því að úr verður þessi hátíð,“ sagði
Haraldur Ingi.
í fyrri viku heimsóttu ferðamálayfirvöld
Dyflinar Akureyri heim, en þá var tekið nokk-
urs konar forskot á sæluna, en hin eiginlega
írska hátíð hefst á þeim hádramatíska degi
föstudeginum 13. október. Hátíðin verður sett
við athöfn í Listasafninu á Akureyri og mun
Bjöm Bjamason menntamálaráðherra setja
hana og opna jafnframt sýningu þriggja mynd-
listarmanna, þeirra Jackie Stanley, Guggi, og
James Hanley, en auk þeirra sýnir myndlista-
hópurinn The Curfew Press nútímahandritið A
Bible of Dreams.
Leikfélag Akureyrar frumsýnir svo um
kvöldið nýja leikgerð írans Michael Skott á
hinum klassíks meistaraverki gotnesku hryll-
ingssagnanna Drakúla.
A laugardag verður oþinn fundur með írsku
listamönnunum í Deiglunni en hann hefst kl.
14.00 og á sunnudag mun Fjölvi kynna nýút-
komna bók um Dyflini og Irland eftir Sigurð
A. Magnússon í Deiglunni.
Næsta helgi, 20. til .22. október, verður til-
einkuð írskum bókmenntum með upplestrum,
fyrirlestrum og umræðum. Sigurður A. Magn-
ússon ræðir þá m.a. um James Joyce og þýð-
ingu sína á Odysseyfi.
Irsk krárastemmning
Veitingastaðir og hótel munu leggja sitt af
mörkum til að skapa írska stemmningu næstu
daga. Þannig verða írskir réttir á boðstólum á
nokkrum veitingahúsum, Bautanum, Greifan-
um, Karólínu og Setrinu en þessir staðir bjóða
einnig upp á írska tónlist og slíkt verður einn-
ig uppi á teningnum á Pollinum, Odd-vitanum
og Hótel KEA þar sem írsk kráarstemmning
ræður ríkjum á næstunni. Þá verða nokkur
hótel og gististaðir með gistitilboð í gangi fyr-
ir þá sem sækja vilja bæinn heim og upplifa
hið írska andrúmsloft á Akureyri meðan á
hátíðinni stendur.
„Ég vona að þetta laustengda samband
margra aðila í bænum sem skapast hefur í
kring um írsku dagana eigi eftir að bera ávöxt
í framtíðinni," sagði Haraldur Ingi „því þó list
sé að sjálfsögðu mest virði í sjálfu sér er hún
órjúfanlegur partur af samfélaginu og ég vona
að menn átti sig á því að listir geta verið í
forystu um samskipti af þessu tagi, þeir fjár-
munir sem varið er til lista skila sér margfalt
til baka.“
Fyrirlestur í Nýlistasafninu
ÞÓRÐUR Ben Sveinsson
Morgunblaðið/Kristinn
„Um eðli
fegnrðar“
ÞÓRÐUR Ben Sveinsson myndlistarmaður heldur fyrirlestur um eðli fegurð-
ar í Nýlistasafninu, Vatnsstíg 3b, í dag föstudag kl. 20.30. í fyrirlestrinum
verður fjallað um spurninguna hvert sé eðli fegurðar og hvort skilgreining
á því hafí einhveija þýðingu fyrir líf, menningu og list. „Dregin. verður upp
einfölduð mynd af þeim hugmyndum sem maðurinn hefur gert sér af eðli
heimsins og stöðu og eðli fegurðar. Fjallað verður um hver sé virkni þess-
ara hugmynda á innri og ytri veruleika lífs og menningar," segir í kynningu.
Þórður Ben er staddur hérlendis
sem gestakennari í boði íjöltækni-
deildar Myndlista- og handíðaskóla
íslands. Hann hefur verið búsettur
í Þýskalandi í 25 ár en dvalið á
Spáni tvö undanfarin ár. Þórður
Ben var einn af stofnendum SUM-
hreyfingarinnar á íslandi en hefur
lítið starfað á íslandi síðan hún var
og hét. Þó má geta stórrar yfirlits-
sýningar sem haldin var á verkum
hans á Kjarvalsstöðum 1981. Síð-
asta sýning hans hérlendis var í
Hlaðvarpanum 1986.
Auk fyrirlestursíns í Nýlistasafn-
inu heldur Þórður þijá fyrirlestra í
Myndlista- og handíðaskólanum um
eftirfarandi efni; Nemandinn, stofn-
unin, menningin, Um kenningu
módernismans í byggingarlist.
Fyrirlesturinn er öllum opinn og
aðgangur ókeypis.
Austur-
ríkismenn
í Nýlista-
safninu
SÝNINGU austurrísku mynd-
listarmannanna Erwins Bo-
hatsch, Wolfgangs Pavlik,
Ingeborgar Strobl, Josefs
Trattner, Hans Wigand, Erichs
Praschak og Erwins Wurm í
Nýlistasafninu lýkur um helg-
ina. Síðasti sýningardagur er
sunnudagurinn 15. októrber.
Sýningin er opin daglega frá
kl. 14-18.

Verd:1 .395.000
kr. á götuna
Gagnrýnendur eru á
einu máli um ágæti nýja
Hyundai Elantra
og viðbrögð almennings hafa verið í samræmi við það.
Nýr
„Frá grunni, laglega hannaður
og vel búinn“ 2)
Öruggur
,,....þá hefur við hönnun einnig verið lögð áhersla á öryggið.".... I)
Nýja vélin er sprækari
„Eitt helsta tromp Elantra er nýja „beta“ vélin.“
„í raun má því segja að þessi nýja vél sé einstaklega
vel heppnuð fyrir þennan bfl.“ 2)

Snotur að innan
„Þegar sest er inn verður flest
til ánægju...." 1)
Vel búinn
„Þetta er vel búinn bfll og þess verður
strax vart um leið og sest er inn.“ 2)
„Búnaður er nokkuð ríkulegur, samlæsingar,
rafstilling hliðarspegla, útvarp og rafmagnsrúður" 1)
Góður kostur
„í heild verður að segja að þessi nýja Elantra
er allgóður kostur á þeim harða markaði sem
íslenskur bflamarkaður er nú.“.... 2)
„.... þetta er vel búinn bfll sem býður af sér
góðan þokka, fullvaxinn bfll í millistærðarflokki,
og ekki sakar að útlitið er í góðu lagi. “2)
l)Mbl. 17. september. - 2)D.V. Bflar 25. september.