Morgunblaðið - 31.10.1995, Blaðsíða 6

6 ÞRIÐJUDAGUR 31. OKTÓBER 1995
MORGUNBLAÐIÐ
FRÉTTIR
Fiskvinnsla hófst hjá Kambi á Flateyri í gær
STÚLKURNAR röðuðu sér að nýju á færibandið.
Morgunblaðið/Ámi Sæberg
FYRSTA karið af ísfiski kemur til vinnslu í Kambi.
VINNA hófst hjá Fisk-
vinnslunni Kambi á Flat-
eyri í gær. Um 25 manns
mættu til vinnu þennan
fyrsta vinnudag eftir að snjóflóð
féll á þorpið. Fyrir flóð unnu um
60 manns við fiskvinnslu hjá
Kambi. Gyllir, sem er í eigu fyrir-
tækisins, fer til veiða á morgun og
hinir bátarnir fara strax og áhafnir
koma til starfa.
Hinrik Kristjánsson, fram-
kvæmdastjóri Kambs, sagði ekki
við því að búast að allir skiluðu sér
strax til vinnu. Margir hefðu farið
úr plássinu tímabundið og aðrir
treystu sér ekki til vinnu strax.
Hann sagði að talsverður hópur
fólks úr öðrum landshlutum hefði
komið til vinnu á Flateyri í sumar
og haust og óvíst væri hvað margir
af þeim myndu snúa aftur.
10-15 erlendar stúlkur hafa unn-
ið í fiski hjá Kambi og sagði Hinrik
að ekki væri að heyra annað á þeim
en að þær ætluðu að vera áfram á
Flateyri. Síðar í þessari viku væri
von á fjórum stúlkum frá Póllandi.
Nokkrar færeyskar stúlkur störf-
uðu hjá Kambi, en þær eru famar.
Mjög hart mun hafa verið þrýst á
þær frá ættingjum í Færeyjum að
koma heim.
Uppbygging hjá Kambi
Mikil uppbygging hefur átt sér
stað hjá Kambi síðustu misserin.
Innaii við helming-
ur mætti til starfa
STARFSMANNAFUNDUR var haldinn þjá Kambi á sunnudag til að ræða framtíðarhorfurnar.
Nýir hluthafar hafa komið inn í
fyrirtækið og nýlega festi það kaup
á tveimur bátum, en þeim fylgja
700-800 þorskígildistonn. Hinrik
sagði að við það tvöfaldaðist kvóti
fyrirtækisins. Gert hafði verið ráð
fyrir að stærri báturinn, Styrmir,
kæmi til Flateyrar síðasta laugar-
dag og að því tilefni ætlaði Kambur
að efna til móttöku sem átti að
enda með dansleik. Sú hátíð var
aldrei haldin. Styrmir leggur hins
vegar af stað frá Hafnarfirði til
Flateyrar í dag.
Hinrik sagði að snjóflóðið væri
mikið áfall fyrir Kamb eins og Flat-
eyringa alla. Hann sagðist samt
vera sannfærður um að áform
stjórnenda Kambs um eflingu fyrir-
tækisins myndu heppnast þó að
uppbyggingin yrði hægari og með
öðrum hætti en vonir hefðu staðið
til. Afallið þjappaði fólki saman og
gerði það ákveðið í að bjarga sér.
Hinrik sagði ljóst að vinnuafls-
skortur yrði á Flateyri á næstunni.
Búast mætti við að Flateyringar
gætu ekki unnið úr öllum þeim afla
sem bærist á land. Ef svo færi yrði
aflinn sendur til vinnslu í bæjum í
kring.
í gær voru 12 tonn send til
vinnslu á ísafirði, en sýnt þótti að
ekki tækist að vinna úr aflanum á
Flateyri með því vinnuafli sem þar
er núna. Kambur átti um 40 tonn
af fiski í frysti þegar snjóflóðið féll.
Fjársöfnun í Noregi og Færeyjum
- '' : - 0 -
Stöðugur straumur í
íslenska sendiráðið
Ósló, Þórshöfn. Morgunblaðiö.
GUÐSÞJÓNUSTA var haldin í
Ósló á sunnudag til að minnast
þeirra sem létu lífið í snjóflóðinu
á Flateyri. Að athöfninni stóðu
sendiráð íslands og íslendingafé-
lagið og sóttu hana á þriðja hund-
rað manna, Islendingar og Norð-
menn. Þessar hamfarir hafa kom-
ið mjög við Norðmenn og hafa
margir þeirra óskað eftir því að
gefa fé í söfnun til þeirra sem um
sárt eiga að binda. Til að koma
til móts við þessa ósk opnaði
sendiráð íslands bankareikning í
Noregi í gær.
Um 2.500 íslendingar _búa í
Noregi, þar af um 1.500 á Óslóar-
svæðinu. Prestur við athöfnina í
Nordberg var séra Sigrún Óskars-
dóttir en Eiður Guðnason sendi-
herra las úr Davíðssálmum. Fjöl-
margir norskir fjölmiðlar voru við-
staddir athöfnina og sagði í Aften-
posten að hún hefði verið hátíðleg
og áhrifamikil. Rætt var við Hall-
grím Kjartansson lækni, sem var
fyrir ári síðan læknir á Flateyri
og þekkti því til allra sem fórust.
Þegar eftir að fréttir bárust af
snjóflóðinu, fóru að berast fyrir-
sjiurnir til íslenska sendíráðsins í
Osló frá fólki sem vildi styrkja
fórnarlömb flóðsins. Þá hefur ver-
ið stöðugur straumur fólks í ís-
lenska sendiráðið til að skrifa
nöfn sín í bók sem liggur frammi
í sendiráðinu til að votta íslend-
ingum samúð sína. Hefur á tíðum
verið biðröð við sendiráðið vegna
þessa.
Fundur formanna Norrænu fé-
láganna í Kaupmannahöfn sendi
í gær frá sér áskorun tii ríkis-
stjórna, norrænu ráðherranefnd-
arinnar og Norðurlandaráðs um
að veita aðstoð svo að unnt væri
að byggja upp á ný. Þá hvetur
sambandið þau sveitarfélög sem
eiga vinabæi á íslandi, að veita
ljárhagsaðstoð. Var samþykkt að
gefa rúmar 100.000 kr. í söfnun-
ina.
Snertir Færeyinga djúpt
Fjársöfnun er einnig hafin í
Færeyjum og hefur íslenski kons-
úllinn í Færeyjum umsjón með
_ Aftenposten
FRÁ minningarathöfninni i Nordberg-kirkju í Ósló á sunnu-
dag. Eiður Guðnason sendiherra er fyrir miðri mynd.
henni. Harmleikurinn á Flateyri
snertir Færeyinga djúpt, þar sem
margir þeirra hafa starfað á Flat-
eyri og þekktu til þeirra sem iét-
ust eða eiga um sárt að binda.
Á fimmtudagskvöld var haidin
minningarguðsþjónusta og í
kvöld, þriðjudagskvöld, verða
haldnir tónleikar í íþróttahöllinni
í Þórshöfn. Þeir verða á vegum
Norræna hússins í Færeyjum og
munu flestar vinsælustu hljóm-
sveitir eyjanna koma fram en
ágóðinn af tónleikunum rennur til
söfnuninnar Samhugur í verki.
Þá er fastlega búist við því að
færeyska stjórnin muni senda fé
til söfnunarinnar.