Morgunblaðið - 31.10.1995, Blaðsíða 16

16 ÞRIÐJUDAGUR 31. OKTÓBER 1995
MORGUNBLAÐIÐ
FRÉTTIR
Hreppsnefnd Fiateyrarhrepps boðar til borgarafundar um málefni byggðarlagsins
Morgunbiaðið/Árni Sæberg FUNDARMENN hlýða á ræðuhöld, þeirra á meðal Einar K.
UM 200 Flateyringar sóttu borgarafundinn á sunnudaginn. Guðfinnsson alþingismaður.
Vilja byggja upp að
nýju neðar á eyrínni
A fjölmennum og alvöruþrungnum borgara-
fundi á Flateyri á sunnudaginn var faríð
yfír stöðuna og skýrt frá fyrstu skrefum til
uppbyggingar á staðnum. Siguijón J. Sig-
urðsson fylgdist með fundinum.
ísafirði. Morgunblaðið.
HREPPSNEFND Flateyrarhrepps
boðaði til borgarafundar sl/sunnu-
dag þar sem farið var yfir stöðu
mála í byggðarlaginu sem og fram-
tíðaráform hreppsnefndarinnar
varðandi uppbyggingu staðarins.
Um 200 Flateyringar mættu til
fundarins auk fundarboðenda og
nokkurra gesta á vegum hrepps-
nefndar.
Þar var einnig þingmaður Vest-
firðinga, Einar K. Guðfmnsson, for-
maður samgöngunefndar Alþingis,
sem falið var að reka erindi fyrir
hreppsnefndina innan stjórnkerfis-
ins. Einar Oddur Kristjánsson, al-
þingismaður og íbúi á Flateyri, setti
fundinn og bað viðstadda að minn-
ast látinna vina og ættingja með
einnar mínútu þögn. Hann tjáði síð-
an fundarmönnum að fjölmiðlar
myndu fylgjast með fundinum en
óskaði síðan eftir íjarveru þeirra um
leið og fundarmönnum yrði gefínn
kostur á að koma með fyrirspumir
tii hreppsnefndarinnar og annarra
gesta sem voru á vegum hennar á
fundinum.
Kristinn Tómasson, sérfræðingur
á geðdeild Landspítala Islands, tók
fyrstur til máls, og fjallaði um
streitu, afleiðingar hennar og að-
gerðir til að vinna bug á henni. Krist-
inn sagði fundarmönnum, sem flest-
ir áttu um sárt að binda, að mikil-
vægt væri að reyna að hugsa rétt
og láta sér líða vel þrátt fyrir alla
þá erfíðieika sem á dyndu.
Skólastarf hófst að nýju í gær
Magnea Guðmundsdóttir, oddviti
Flateyrarhrepps, þakkaði Flateyr-
ingum fyrir samstöðuna sem og
björgunarsveitarmönnum fyrir það
ómetanlega starf sem þeir hafa innt
af hendi. „Við finnum kraftinn frá
fólkinu í landinu. Við verðum að
vera róleg, ná áttum og taka síðan
höndum saman. Mín hugsun er að
halda áfram uppbyggingu á staðnum
og ég hef þá trú að það sé einnig
ykkar hugsun," sagði Magnea, en
mikið hefur mætt á henni frá því
snjóflóðið féll á Flateyri aðfaranótt
miðvikudags, þar sem sveitarstjór-
inn var erlendis í sumarleyfi.
Magnea sagði að hreppsnefnd
hefði fundað fyrr um daginn og
kvatt nokkra menn til skrafs og
ráðagerða, þ.ám. Jón Gauta Jóns-
son, sem settur var sveitarstjóri í
Súðavík eftir að snjóflóð féll á þorp-
ið 16. janúar síðastliðinn. Hún sagði
ennfremur að ákveðið hefði verið að
hefja skólastarf að nýju á mánudag
(í gær), og yrði skólanum skipt í tvo
10 manna hópa. Öðrum hópnum
yrði kennt í verkalýðshúsinu, fyrir
ofan sparisjóðinn, og hinum á bóka-
safni staðarins, sem er til húsa í
húsnæði sveitarstjómar Flateyrar-
hrepps. Magnea sagði ennfremur að
fjölmargir Flateyringar væru nú
húsnæðislausir og yrði því gerð
könnun á þörfinni strax á mánudag
(í gær), en hún mun hafa yfirumsjón
með því verki.
Flateyrarhreppi hafa boðist
nokkrir sumarbústaðir til láns og
geta a.m.k. þrír þeirra verið komnir
til staðarins innan 10 daga eða í
bytjun næsta mánaðár. „Okkar bíða
ótal verkefni að leysa og það er mín
ósk að við getum leyst þau saman,
því lífið heldur áfram,“ sagði
Magnea.
Mikið verk framundan
Kristján Jóhannesson, sveitar-
stjóri á Flateyri, sem var í sumar-
leyfi á Flórída, þegar hörmungarnar
dundu yfir, vottaði viðstöddum sam-
úð sína og fjölskyldu sinnar og sagði
að þrátt fyrir að hann hefði verið
fjarri héimabæ sínum þegar snjóflóð
féll, hefði hugur hans verið heima.
Sagði hann það einstaklega athyglis-
vert hvað allir íbúar Flateyrar hefðu
staðið sig vel. „Snjóflóðið markaði
stórt skarð í byggðina okkar og
kollvarpaði öllum þeim hugmyndum
sem sveitarstjórnin hafði unnið eftir.
Framundan bíður okkar því mikið
verk,“ sagði Kristján.
Hann sagði að ákveðið hefði verið
að hefja starfrækslu leikskólans að
nýju í þessari viku og hefði honum
verið valinn staður í Hafnarstræti
13. Hefur Samband íslenskra sveit-
arfélaga tekið að sér að útvega
hreppnum þrjár fóstrur til starfa, svo
að hið daglega líf yngstu barnanna
komist sem fyrst í samt lag. Bensín-
stöð staðarins gjöreyðilagðist í snjó-
flóðinu og tjáði Kristján fundar-
mönnum að ákveðið hefði verið að
opna nýja afgreiðslu strax á mánu-
dag við birgðastöð Éssó, sem stend-
ur á hafnarbakkanum. Þá gat hann
þess að vilyrði hefði fengist frá ríkis-
stjórninni fyrir nýrri bráðabirgðainn-
keyrslu í bæinn, en hún mun að hluta
til verða á varnargarði sem byggður
hefur verið við höfnina.
Engin byggð ofan Tjarnargötu
Kristján sagði ennfremur að
hreppsnefndin hefði ákveðið að láta
hefja að nýju vinnu við gerð nýs
hættumats fyrir Flateyri svo að þeir
sem vildu búa áfram á staðnum
gætu það án nokkurrar hættu, en
það var einróma álit hreppsnefndar
að hefja uppbyggingu að nýju á
neðri hluta eyrarinnar. Þá vill
hreppsnefnd láta reisa nýja varnar-
garða fyrir ofan byggðina, en í hug-
myndum hreppsnefndar er gert ráð
fyrir að engin byggð verði fyrir ofan
Tjarnargötu. Verði svo mun búseta
í 40-50 íbúðarhúsum leggjast af.
Eyrin verður endurskipulögð neðan
Tjarnargötu með það að markmiði
að þar geti risið byggð sem hýst
getur 4-500 manns. Til þess að það
geti gerst þarf að leysa ýmis mál
og hefur Einari K. Guðfinnssyni,
alþingismanni Vestfírðinga og for-
manni samgöngunefndar Alþingis,
verið falin forysta í því efni.
Vinna hafin hjá Kambi
Kristján sagði ennfremur að Einar
Kristinn hefði óskað eftir því við
hafnarmálastjóra, að Holtsbryggja
yrði endurbyggð og vonaðist hann
til að við þeirri beiðni fengjust já-
kvæð og fljót viðbrögð. „Öll vinna
til að koma mann- og atvinnulífínu
í gang er hafin og horfur eru þokka-
legar. Samstaða er það sem gildir,"
sagði Kristján.
Hinrik Kristjánsson, fram-
kvæmdastjóri Kambs hf., sagði á
fundinum að ákveðið hefði verið að
hefja vinnu að nýju í frystihúsinu á
mánudag, en þar mun vera til fiskur
sem veiddist fyrir snjóflóð. Kambur
gerir út fjóra báta og vonaðist Hin-
rik til að flestir þeirra yrðu komnir
á sjó í vikunni. „Við erum staðráðn-
ir í að halda uppbyggingunni áfram,
þrátt fyrir áfallið. Látum því ekki
deigan síga,“ sagði Hinrik.
Nýtt hættumat ofarlega
í huga fólks
Einar Oddur Kristjánsson sagði í
samtali við Morgunblaðið, eftir lok-
aðan fund með bæjarbúum, að
spurningarnar hefðu verið margar,
og engin ein hefði verið áberandi.
„Fólk vildi vita hvernig hættumatið
væri statt, hvernig vinnan við það
færi fram, þá var spurt um skólamál-
in sem og önnur mál er varða sveit-
arfélagið. Við gerðum fólkinu grein
fyrir því að við yrðum að bíða eftir
hættumatinu og fyrr en það lægi
fyrir en aðeins útlínur þess, yrðu
engar ákvarðanir teknar. Það var
mjög mikið jafnvægi á fundinum og
mikil ró.
Margir heimamanna höfðu orð á
því að fram yrði að koma þvílíkt
afreksfólk hefði komið til björgunar-
starfa á staðnum, og hversu vel
vinna þeirra hefði gengið. Það voru
allir á einum rómi um þessi mál og
það var mikið þakklæti í huga fólks-
ins til þessara einstaklinga."
Aðspurður um hug bæjarbúa til
uppbyggingarinnar á staðnum sagði
Einar Oddur: „Við sögðum sem svo.
Nú fer enginn fram úr sjálfum sér,
við tölum ekki um þá hluti í dag.
Við tökum eitt fyrir í einu. Við höf-
um verið í því að hugga og hjálpa
og því er spurning sem þessi ótíma-
bær.“
Þekkir þú merkáö?
• Á bifreiðaverkstæöum þar sem félagsmenn okkar starfa eru
þeir klæadir sérstökum vinnufatnaði með merki Bíliðnafélagsins.
• Merkið tryggir þér traustan fagmann sem kann vel til verka
og hefur aögang að endurmenntun á sinu sérsviði.
• Láttu ekki bílinn þinn í hendurnar
á hverjum sem er. Það gætí orðið þér dýrt.