Morgunblaðið - 03.11.1995, Síða 7

MORGUNBLAÐIÐ
FÖSTUDAGUR 3. NÓVEMBER 1995 7
FRÉTTIR
Stærsti hákarls-
hjallur í heimi
„ÞETTA er stærsti hákarlshjallur
á Islandi. ísiendingar eru þeir einu
sem verka hákarl þannig að þetta
hlýtur að vera stærsti hákarls-
hjallur í heimi,“ sagði Oskar Frið-
bjarnarson, hákarls- og harðfisk-
verkandi í Hnífsdal, þegar hann
sýndi Morgnnblaðinu hákarlshjall-
inn. Óskar er stærsti hákarlsfram-
leiðandi á íslandi, en í hjallinum
hanga núna uppi rúmlega sjö tonn
af hákarli.
Óskar hefur verkað hákarl í 15
ár. Hann sagði að talsverðan tíma
hefði tekið fyrir sig að ná tökum
á verkuninni enda væri hákarl
ótrúlega viðkvæm vara. Lykilatr-
iðið væri að byija ekki að hengja
hann upp fyrr en í ágúst - septem-
ber því hann skemmdist í hitum.
Óskar sagði að gæði þess hákarls
sem væri á markaðinum væru
mjög misjöfn. Hann sendi hins
vegar aldrei á markað annað en
fyrsta flokks vöru.
Óskar sagðist fá hákarl alls
staðar af landinu. Mest hefði hann
fengið árið 1983 þegar sjómenn
hefðu fært sér 53 stykki. Guð-
björgin frá Isafirði hefði þetta ár
einu sinni komið með 17 stykki
úr einni veiðiferð. Hann sagði að
Morgunblaðið/Árni Sæberg
ÓSKAR Friðbjarnarson skoðar hákarlinn
i stærsta hákarlshjalli í heimi.
eftir að dró úr grálúðuveiði hefði
minna af hákarli borist á land.
Hákarl er tískuvara
Óskar sagði að hákarl væri
tískuvara og ungt fólk væri mjög
áhugasamt um að smakka á hon-
um. Það væri ekki þannig að há-
karl væri fyrst og fremst étinn
af eldri kynslóðinni. Hún hefði
ekki alist upp við hákarlsát eins
og sumir héldu. Sjálfur sagðist
hann t.d. ekki hafa borðað hákarl
í sínu ungdæmi.
Þó að hákarlshjallur Óskars sé
stór og mikið sé af hákarli í honum
er þó miklu meira sem gengur af.
Aðeins um 12% af hákarlinum eru
nýtt. Á þessu ári fékk Óskar um
60 tonn af hákarl, en ekki hanga
nema um sjö tonn í þjailinum.
Bara hausinn á hákarlinum vegur
yfir 25% af heildarþyngd hans.
Volvo 440/460 er besti kosturinn aö mati langflestra
þeirra sem kaupa bíl af millistærð. Volvo hefur nefnilega
veriö mest seldi bíllinn í þessum flokki í þrjú ár!
Volvo 440/460 er á ótrúlega góöu veröi en eftir sem
áður færðu allt sem Volvo stendur fyrir. Ríkulega búinn
bíl, öryggisútbúnað eins og hann gerist bestur,
áreiðanleika, endingu umfram flesta bíla og ekki síst
umhverfisvænan bíl en Volvo hefur lagt mikla áherslu á
þann þátt í framleiðslu sinni.
BRIMBORG
FAXAFENl 8 • SlMI 515 7000
Verð frá:
1.498.000
VOLVO
BIFREIÐ SEM ÞÚ GETUR TREYST
Öruggurá ' 9
toppnum í þrjú ár!