Morgunblaðið - 05.11.1995, Blaðsíða 48

48 SUNNUDAGUR 5. NÓVEMBER 1995
MORGUNBLAÐIÐ
ÍÞRÓTTIR
NBA
Jordan; 42 stig
Nýliðarnir sigruðu og Clippers unnu Phoenix
MICHAEL Jordan brást ekki
áhangendum sínum og
Chicago Bulls ífyrsta leik ver-
tíðarinnar ífyrrinótt, en þá
mætti Bulls liði Charlotte Hor-
nets og sigruðu Jordan og fé-
lagar 105:91. Jordan gerði 42
stig í leiknum og má því segja
að kappinn byrji af fullum
krafti, en ífyrra skoraði hann
26,9 stig að meðaltali í þeim
17 leikjum sem hann lék.
Mér líður vel og mér finnst ég
ekki vera gamall,“ sagði
Jordan eftir stórleik sinn og bætti
því við að það veitti honum ákveðið
aðhald að vita að menn fylgdust
grannt með honum og væru reiðu-
búnir að dæma hann um leið og
eitthvað bjátaði á í leik hans.
Framheijinn Scottie Pippen varð
að hætta leik þá hæst hann stóð,
en gömul meiðsl í læri tóku sig upp
cg hafði það auðvitað sitt að segja
fyrir leik Chicago.
Fyrirfram var búist við að þessi
tvö lið og Indiana Pacers myndu
beijast um sigur í miðriðlinum og
ef marka má þennan leik verða
bæði liðin í toppbaráttunni. En það
er langt í land enn í NBA deild-
inni, því þetta var aðeins fyrsti leik-
dagur. Larry Johnson fór fyrir
Hornets með 19 stig og Kendall
Gill gerði 17. En það var skarð
fyrir skyldi að Charlotte lék án
Alonzo Mourning sem þeir seldu til
Miami fyrr um daginn. Raunar fékk
Charlotte þijá leikmenn frá Miami
í staðinn en enginn þeirra lék með
í fyrsta leiknum. Þetta eru þeir
Glen Rice, Matt Geiger og Khalid
Reeves.
Meistararnir í Houston Rockets
sigruðu Golden State 110:92 og
gerði Sam Cassell 23 stig og þar
af 11 á góðum kafla í síðasta leik-
hluta en þá gerði Houston 19 stig
gegn einu stigi Golden State. Fyrir
leikinn fengu meistararnir hringina
sína sem fylgja „heimsmeistara-
tigninni" og meistarafáninn var
dreginn upp í ijáfur. „Þetta var
stórkostleg stund og ég er mest
hissa á að við skildum geta leikið
eins og menn eftir þessa áhrifa-
miklu stund,“ sagði Clyde Drexler.
Hakeem Olajuwon lék með, en
búist hafði verið við að hann næði
sér ekki góðum af meiðslum í oln-
boga alveg strax. Kappinn gerði
16 stig og tók 8 fráköst. Drexler
og Mario Elie gerðu einnig 16 stig
hvor.
Anfemee Hardaway gerði 28 stig
fyrir Orlando Magic þegar liðið, sem
lék án Shaquille O’Neal, sigraði
Cleveland 99:88. Dennis Scott gerði
27 stig og Horace Grant bætti 13
við_ og tók 10 fráköst fyrir Magic.
í Inglewood í Kalifomíu gerði
Vlade Divac sigurkörfuna fyrir LA
Lakers er 21 sekúnda var eftir af
leiknum við Denver Nuggets. Divac
tryggði 98:96 sigur með þessari
körfu en leikmenn Nuggets höfðu
verið að vinna upp 15 stiga forystu
Lakers á síðasta fjórðungi, Stiga-
hæstur hjá Lakers var Cedric Ceb-
allos með 26 stig og Nick Van
Exel gerði 24.
Það kom ekki að sök hjá Indiana
Pacers þó það vantaði tvo úr byijun-
arliðinu gegn Atlanta Hawks, Pac-
ers vann 111:106 og gerði Reggie
Miller 32 stig og þar af 19 í síð-
asta fjórðungi. Rik Smits og Derrick
McKey voru ekki með. Þeir eru
báðir meiddir.
Nýju liðin tvö í deildinni, Toronto
og Vancouver, sigruðu bæði í fyrstu
leikjum sínum. Toronto tók á móti
Nets og vann 94:79 og gerði Alvin
Robertson 30 stig fyrir nýliðana og
Acie Earl 16. Vancouver Grizzlies
komu á óvart með því að sigra
Portland á útivelli 92:80 og munaði
mestu um 12:0 kafla á síðasta fjórð-
ungi. Benoit Benjamin gerði 29 stig
fyrir nýliðana sem eyðilögðu með
þessu fyrsta heimaleik Portland í
nýrri íþróttahöll, Rósagarðinum.
Vin Baker gerði 30 stig er Bucks
vann Celtics 101:100 í nýju höllinni
í Boston og var þetta fimmti sigur
Bucks í röð á fyrsta degi NBA deild-
arinnar.
Richard Dumas tryggði 76ers
105:103 sigur með troðslu í lokin
gegn Bullets en nýliðinn Jerry
Stackhouse gerði 27 stig fyrir 76ers
í fyrsta leik sínum í NBA.
Annars urðu úrslit annarra leikja
þessi: Detroit - New York 100:106,
San Antonio - Dallas 97:103, Utah
- Seattle 112:94, LA Clippers -
Phoenix 112:106, Sacramento -
Minnesota 95:86.
Pippen meiddist aftur
Reuter
SCOTTIE Pippen, lelkmaður Chicago Bulls, melddist á læri í
fyrsta leikhluta í fyrsta leik Bulls í NBA í fyrrinótt. Bulls
mætti þá liðl Charlotte Hornets og hafði betur en hér virðist
Larry Johnson hjá Hornets hafa betur gegn Pippen.
HESTAR
Guðmundur Jónsson, formaður Landsambands hestamannafélaga
Morgunblaðið/Valdimar Kristinsson
GUÐMUNDUR Jónsson, formaður LH: Finna þarf nýja tekjustofna.
„Fjölgun landsmóta
tímamótaákvörðun“
Afdrifaríkar ákvarðanir voru
teknar í óvenju miklum mæli
á nýafstöðnu ársþingi hestamanna
um síðustu helgi. Er
Valdimar þar um að ræða
Kristinsson landsmótin, samein-
skrifar ingarmál og gæð-
ingakeppnina. Af
þessu tilefni var formaður samtak-
\|pna, Guðmundur Jónsson, tekinn
tali að loknu þingi.
„Þetta var líflegt þing að mörgu
leyti, margt rætt með öðrum hætti
en gert hefur verið áður. Óhætt er
að segja að þama hafí verið gerðar
róttækar breytingar á ýmsum svið-
um,“ sagði Guðmundur í upphafi.
Nefndi hann þar fyrst gæðinga-
keppnina. „Reynslan mun að sjálf-
sögðu leiða í ljós hversu gæfurík
þessi ákvörðun þingsins er en þarna
er verið að koma til móts við óskir
áhorfenda. Næst barst talið að fjölg-
un landsmóta og sagði Guðmundur
það tvímælalaust tím'amótaákvörðun
þegar breytt væri fyrirkomulagi sem
verið hefði við lýði frá 1950 og væri
hann mjög sáttur við þessa breyt-
ingu. Taldi hann líklegt að sjónarmið
viðskiptalegseðlis myndu ráða meira
ferðinrii í rekstri landsmóta á kom-
andi árum en bent hefur verið á í
seinni tíð að hagnaður af mótunum
væri of lítill eða ótryggur.
Minnka þarf áhættu
hestamannafélaga
„Það eru vissulega tveir mögu-
leikar varðandi stefnu í rekstri lands-
mótanna, annaðhvort að reka þau á
núlli eða stefna mjög ákveðið á hagn-
að af rekstri. Einnig hefur verið inni
í umræðunni að minnka þurfí fjár-
hagslega áhættu hestamannafélaga
sem standa að mótunum. Hefur ver-
ið rætt á vettvangi LH að fleiri aðil-
ar þurfí að koma inn í dæmið,“ seg-
ir Guðmundur og nefnir hann þar til
sögunnar aðila úr ferðaþjónustu og
Bændasamtökin. Bendir hann á að
ýmsir aðilar njóti góðs af velheppn-
>uðum landsmótum en hafi til þessa
ekki tekið beinan þátt í áhættu eða
rekstri mótanna. Taldi Guðmundur
ekki óeðlilegt að slíkir aðilar kæmu
meir inn í myndina en verið hefur.
Hann benti einnig á að þessi ákvörð-
un gæti losað nokkuð um þá spennu
sem ríkt hafi innan LH vegna stað-
arvals fyrir landsmót. „Ég geri mér
hins vegar fulla grein fyrir því að
samkeppni um Iandsmót verður ekki
úr sögunni en hættan á því að upp
úr sjóði vegna vals á landsmótsstað
eins og gerst hefur minnkar með
þessu fyrirkomulagi. Einnig geri ég
mér vonir um að þessi samþykkt
skapi svigrúm til að endurskoða dag-
skrárliði landsmótanna sem hafa
verið ofhlaðin. Teknir hafa verið inn
nýir dagskrárliðir í gegnum tíðina
en lítið eða ekkert fellt út í staðinn
og mótin því bæði löng og tímafrek.
Varðandi íjórðungsmótin þá verður
óbreytt ástand fram að næsta lands-
móti ’98 þannig að við höfum góðan
tíma til að huga að fyrirkomulagi
stórmótahalds árið milli landsmóta.
Fyrirvarar ð sameiningu
Um sameiningarmálin sagði Guð-
mundur þau hafa farið á þann veg
á þinginu sem stjórnin lagði til. Seg-
ir hann að haft hafí verið samráð
við stjórn Hestaíþróttasambandsins
þar um. Aðspurður kvaðst hann ekk-
ert vilja segja um hvort hann yrði
síðasti formaður LH í núverandi
mynd. Sagðist hann hafa ýmsa fyrir-
vara á um sameiningu þessara sam-
taka sem helguðust af því vægi sem
hinn almenni hestamaður fengi í hin-
um nýjum samtökum. LH og hesta-
mannafélögin séu fyrst og fremst
málssvari hans. Telur Guðmundur
að málin verði að vera í þeim far-
vegi að jafnvægi sé á milli hinnar
almennu hestamennsku og keppnis-
mennskunnar. „Sameining án þess
að allir helstu málaflokkar LH fylgi
með í pakkanum kemur ekki til
greina að mínu mati. Stjómin ákvað
að bera fram þessa tillögu til að fá
skoðanir þingfulltrúa á framhaldi í
sameiningarmálinu en hins vegar vil
ég ekkert fjölyrða um hveijar eru
persónulegar skqðanir einstakra
stjórnarmanna á sameiningu. Full-
trúar í nefnd voru kosnir á þinginu
og kemur í ljós á næsta þingi hvert
framhaldið verður," sagði formað-
urinn um sameiningarmálin.
Tryggja þarf LH fastar
tekjur af landsmótum
„Umræða um fjárhagsáætlun
hefur ekki verið svona hörð sem nú
var frá því ég byijaði að sækja þessi
þing. Þetta hefur í mesta lagi verið
smáþref um hækkun árgjalda til
samtakanna en nú var ekki um slíkt
að ræða.“ sagði Guðmundur þegar
talið barst að fjárhagsáætluninni og
hann bætti við: „Reksturinn er að
sjálfsögðu ekki hafínn yfír gagnrýni
en nú var lagt til af minnihluta fjár-
hagsnefndar þingsins að lækka tekj-
ur um eina og hálfa milljón með því
að lækka framlög félaganna til sam-
takanna. Hins vegar voru ekki lagð-
ar fram neinar tillögur um aðrar tekj-
ur í staðinn en lagt til að starfsemi
og þjónusta skrifstofunnar verði
skert verulega. Ég taldi það ókost
að minnka viðveru á skrifstofunni
og benti á að stjórnarmenn ynnu sitt
starf í sjálfboðavinnu og myndi þetta
þýða aukna vinnu á hendur þeirra.
Síðan yrðum við svo skammaðir á
næsta þingi fyrir það hvað lítið hafi
áunnist. Það er vissulega tímabært
að finna nýja tekjustofna til að fjár-
magna starfsemina. Þetta hefur ver-
ið í umræðunni m.a. hjá stjórn. Hef-
ur þar t.d. verið horft til landsmót-
anna sem hafa skilað misjöfnum tekj-
um frá einu móti til annars. Tryggja
þarf LH fastar tekjur af landsmótun-
um sem myndu skapa meira öryggi
í rekstrinum. En allar góðar hug-
myndir um fjármögnun starfseminn-
ar eru vel þegnar. Hvað þessu við-
kemur er rétt að hafa í huga' að
okkur er nokkuð þröngur stakkur
sniðinn í möguleikum á tekjuöflun
því bæði hestamannafélög og lands-
lið Islands í hestaíþróttiim eru með
nokkuð viðtæka fjáröflun meðal
fyrirtækja og það yrði sjálfsagt ekki
vinsælt ef LH færi að róa á sömu
mið. I greinagerð með samþykktri
fjáhagsáætlun meirihluta nefndar-
innar er stjórninni gert að undirbúa
lækkun á útgjöldum um eina milljón
með hagræðingu eða finna nýja
tekjuleið til að vega upp á móti slíkri
tekjulækkun," sagði Guðmundur
Jónsson, formaður LH að lokum.