Morgunblaðið - 22.11.1995, Blaðsíða 7
MORGUNBLAÐIÐ
MIÐVIKUDAGUR 22. NÓVEMBER 1995 7
Rafiðnaðarmenn á
Keflavíkurflugvelli
Verkfall
boðað 1.
desember
RAFIÐNAÐARMENN á Keflavík-
urflugvelli hafa ákveðið að boða
til aðgerða 1. desember næstkom-
andi.
Þetta var ákveðið á fundi Raf-
iðnaðarsambandsins með rafiðn-
aðarmönnum, sem haldinn var í
gömlu flugstöðvarbyggingunni á
Keflavíkurflugvelli. Þór Ottesen
starfsmaður Rafiðnaðarsam-
bandsins sagði að gripið yrði til
allra þeirra aðgerða sem hægt
væri.
„Samkvæmt lögum er neyðar-
rétturinn mjög sterkur þegar laun
hafa ekki verið gerð upp. Við
munum leggja niður vinnu og óska
eftir því að fá aðra með okkur í lið
í samúðarverkföll. Þar gæti verið
um önnur verkalýðsfélög á Kefla-
víkurflugvelli að ræða. Staðreynd-
in er sú að rafiðnaðarmenn eru
mjög sterkur aðili á vellinum. Það
þarf ekki annað en að bilun verði
t.d. í flugstjórnartæki til þess að
menn sjái að hér er mikið í húfi,“
sagði Þór.
Aðgerðir ef greiðslurnar
skila sér ekki
Rafiðnaðarmenn á Keflavíkur-
flugvelli segja að þeir hafi ekki
fengið greidd þau laun sem kaup-
skrárnefnd hefur úrskurðað að
þeir ættu að fá greidd. Utanríkis-
ráðuneytið hefur lýst því yfir að
staðið verði við úrskurð kaup-
skrárnefndar en Þór segir að það
dugi ekki til. „Það dugar ekki {
launaumslagið. Á fundinum var
samþykkt að grípa til aðgerða 1.
desember ef greiðslurnar hafa
ekki skilað sér til rafiðnaðar-
manna.“
Þór segir að rafiðnaðarmenn
hafi sýnt mikla biðlund en nú sé
málið þannig vaxið að menn geti
ekki beðið lengur. Hann segir að
yfir heildina tekið sé þarna um
töluverða upphæð að ræða en hann
hafði ekki handbært hvað úrskurð-
ur kaupskrárnefndar þýddi í
launahækkun til hvers og eins.
-----» ♦ «----
Neyðarnúmerið 112
GSM símtöl
geta mis-
skilist
ÚTKALL sem barst lögreglunni í
Reykjavík síðastliðinn sunnudag
vegna manns sem væri hætt kom-
inn vegna hjartaáfalls í Sundahöfn
reyndist vera ætlað lögreglunni á
ísafirði, en misskilningurinn var
tilkominn vegna þess að hringt var
í neyðarnúmerið 112 úr GSM far-
síma og fékkst því samband við
lögregluna í Reykjavík.
Nokkur tilfelli hafa komið upp
þar sem lögreglan í Reykjavík
hefur verið kölluð út á staði sem
eiga nafna sína á stöðum utan
höfuðborgarinnar. Hjá Pósti og
síma fengust þær upplýsingar að
skýringin á þessu væri sú að ef
hringt er í neyðarnúmerið 112 þá
fæst samband við lögreglustöð í
því umdæmi sem hringt er úr.
Sé liins vegar hringt úr GSM
farsíma fæst samband við lögregi-
una í Reykjavík, og ef ekki er tek-
ið fram hvaðan er hringt getur
komið upp misskilningur líkt og
átti sér stað á sunnudaginn.
FRÉTTIR
Skamm-
degisbros
HAFT er á orði að veðrið hafi
leikið við Sunnlendinga að undan-
förnu, a.m.k. er aðgangsharka
snævar og frosts ekki óþarflega
mikil að mati fullorðinna. Krakk-
arnir sem ljósmyndari rakst á fyr-
ir fáeinum dögum léku sér vettl-
ingalaus þótt jólamánuður sé á
næsta leiti, og var ekki annað að
sjá en ungviðið væri hæstánægt
þrátt fyrir að hnoðsnjórinn láti sig
vanta. Enda er full ástæða til að
brosa breitt í skammdeginu eins
og á öðrum tímum árs.
Morgunblaðið/Ásdís
Breytt lög um
Iðnlánasjóð
IFINNUR Ingólfsson iðnaðarráðherra
"hefur lagt fram í ríkisstjórn frum-
varp til laga um breytingu á lögum
um Iðnlánasjóð. Frumvarpið felur í
að tryggingadeild útflutningslána
verði heimilað að veita fyrirtækjum
lán sem taka þátt í útboði í verk hér
á landi sem boðin eru út á EES.
Núgildandi lög heimila þessari
deild sjóðsins ekki að veita lán nema
íslensk fyrirtæki bjóði í verk erlend-
is. Meginástæða breytingarinnar er
að greiða fyrir því að íslensk fyrir-
tæki geti boðið í framkvæmdir við
stækkun álversins í Straumsvík sem
boðnar verða út á EES.
1. flokkur Eik Nature 14 mm
2. flokkur Eik Nature 14 mm
Beyki Nature i4mm
Hlynur Country 14 mm
Birki Rustical 14 mm
wtiumumair
Opið laugardag
frá kl 10 -16
aðeins kr. 2.890 pr. m2 stgr.
aðeins kr. 2.680 pr. m2 stgr.
aðeins kr. 2.680 .- pr. m2 stgr.
aðeins kr. 2.680 .- pr. m2 stgr.
aðeins kr. 2.420 .- pr. m2 stgr.
HARÐVIÐARVAL HF.
Krókhálsi 4 110 Reykjavík Sími: 567 1010
Tarkett parket
Nú bjóðum við parket frá Tarkett,
sem er ekta gæðaparket,
á byltingarkenndu verði!