Morgunblaðið - 08.12.1995, Blaðsíða 53

MORGUNBLAÐIÐ
FÖSTUDAGUR 8. DESEMBER 1995 53
MINNIIMGAR
Gefðu hlvja gjöí um hessi jnl!
- kjarni málsins!
FANNEY HALLDORSDOTTIR
+ Fanney Halldórsdóttir var
fædd á Akureyri 19. janúar
1973. Hún lést í Borgarspítal-
anum 7. nóvember síðastliðinn
og fór útförin fram 17. nóvem-
ber.
SAGT er að þeir deyi ungir sem
guðirnir elska. Þó finnst mér erfitt
að sætt við mig að svo ung og
hraust stelpa sem Fanney var sé
farin og komi ekki aftur. Eg kynnt-
ist Fanney þegar ég var 10 eða 11
ára og vorum við saman í Lundar-
skóla, Gagganum, Menntaskólan-
um og nú síðast í Verkmenntaskól-
anum. En við þekktumst ekki bara
í gegnum skólann, leiðir okkar lágu
saman i gegnum sameiginleg
áhugamál sem voru handbolti og
fótbolti. Báðar æfðum við fótbolta
hjá KA í mörg ár og vorum saman
upp yngri flokkana og vorum báðar
ungar í meistaraflokki. Við vorum
meðal annars saman í fyrsta liði
sem KA átti sem varð íslandsmeist-
ari í fótbolta og það var ógleyman-
legur dagur í lífi okkar allra.
Einnig æfðum við saman hand-
bolta hjá KA. Ég man söguna á'
bak við það eins og gerst hefði í
gær. Við Fanney vorum að spjalla
saman á ganginum í Gagganum
þegar handbolti barst í tal. Ég
spurði hana hvort hún æfði ekki
ennþá handbolta hjá Þór, sem hún
gerði, því á þessum tíma var ekki
boðið upp á kvennahandbolta hjá
KA. Mig langaði að byija að æfa
en þar sem ég er mikil KA mann-
eskja sem og Fanney var líka, lang-
aði okkur að spila með okkar fé-
lagi. Við ákváðum að reyna að
senda skilaboð til stjórnar KA og
töluðum við margar stelpur sem
höfðu einnig áhuga og enduðum
með langan lista af nöfnum sem
við afhentum stjórninni. Stuttu
seinna var stofnaður kvennaflokkur
innan KA. Fyrstu veturna þjálfaði
Jói Bjarna okkur og síðan tók Dóri,
pabbi henna Fanneyjar við. Frá
þessum tíma á ég svo frábærar
minningar, við vorum fjörugur og
samrýndur hópur sem deildum bæði
sigrum og sorgum. En nú hefur
verið höggvið stórt skarð í hópinn
sem ekki verður hægt að fylla. En
minningin er okkar sterkasta vopn
og af þeim eigum við nóg.
Fanney var alltaf svo kát og
hress og áttum við stelpurnar í
handboltanum og fótboltanum svo
margar ógleymanlegar stundir
saman sem verða vel geymdar.
Ég hitti Fanney síðast í sumar
áður en ég fór út og var hún þá
einnig á leiðinni burt úr landi en
vissi bara ekki alveg hvernig þau
mál færu. Hún hafði þegar farið
til Þýskalands og dvalið í ár og var
fiðringur í henni að halda aftur
„eitthvað út“ eins og hún sagði.
Ég dáðist að henni að fara ein í
burtu frá öllu og öllum, en Fanney
var aldrei í vandræðum með að
kynnast fólki, hún var alltaf svo
opin. Við enduðum svo báðar í sama

landinu, Bandaríkjunum, en þó
langt frá hvor annarri. En ferðalag
Fanneyjar var ekki á enda, eins og
við vitum nú og trúi ég því að hún
muni þó uppfylla alla sína drauma,
bara í annarri veröld.
Elsku Fanney, ég kveð þig nú
og ég mun geyma allar minningarn-
ar um þig á góðum stað í hjarta
mínu.
Dalur opnast, himinhá,
hamrafjöll við þér taka.
Vinur minn kær ég kveð þig nú,
þú kemur ekki til baka.
Elsku Dóri, Ólína, Ómar og Elv-
ar, ég sendi ykkur alla mína samúð.
Hildur Símonar.
Það voru hræðilegar fréttir sem
við fengum að heyra þriðjudaginn
7. nóvember, Fanney frænka var
látin. Þú fórst allt of fljótt, áttír
eftir að gera svo mikið.
Þú varst alltaf í góðu skapi og
það skein af þér gleðin. Þú gast
alltaf komið fólki til að hlæja ef
eitthvað var að, enda áttir þú fullt
af góðum vinum.
Við vorum oft mikið saman, sér-
staklega eftir að þú fluttir í sömu
götu og ég, Kringlumýrina, þá
komstu oft í heimsókn til að spjalla.
Svo þegar þú eignaðist bílinn fórum
við að fara út að keyra, um bæinn
og út um allt. Það var svo gaman
þegar þú komst keyrandi á gráa
bílnum þínum, lagðir honum fyrir
framan húsið okkar og komst
hlaupandi upp tröppurnar með fal-
lega brosið þitt.
Þú varst mikið fyrir kvikmyndir
og það var alltaf hægt að spyija
þig út í hinar og þessar bíómyndir,
þú vissir allt. Enda þegar ég fékk
bréfin sem þú skrifaðir mér frá
Bandaríkjunum voru alltaf nokkrar
línur um þær myndir sem þú varst
búin að sjá úti. Stuttu áður en þú
fórst til Bandaríkjanna bauðstu mér
heim til þín til að horfa á bíómynd.
Ég þáði það og svo sátum við í
sófanum með fulla skál af nammi,
einn flögupoka og heilan helling af
gosi og létum fara vel um okkur.
Þó að þú hafir verið sex árum
eldri en ég varstu alltaf tilbúin að
gera eitthvað með mér, hvort sem
það var að spila eða fara eitthvað
út. T.d. þegar þú varst að vinna á
útvarpsstöð hér í bæ, fyrr í vor,
langaði mig svo mikið að fara með
þér og hjálpa. Ég þurfti bara að
nefna það, þér fannst þð alveg sjálf-
sagt að ég kæmi með.
Ég gat alltaf sagt þér allt, þú
varst alltaf tilbúin til að hlusta á
það sem ég hafði að segja.
Þetta er bara smáhluti af þeim
yndislegu minningum sem ég á um
þig, elsku frænka, þú verður alltaf
í hjarta mínu og ég bið góðan Guð
að gæta þín. Eg kveð þig elsku
frænka og vinkona.
Elsku Halldór, Ólína, Ómar, Elf-
ar, Torfi Rafn, Unnur, amma, afi,
Jón og Snjólaug og aðrir ættingjar,
megi góður Guð styrkja ykkur í
þesari miklu sorg.
Dagný frænka.
Handrit afmælis- og minningargreina
skulu vera vel frá gengin, vélrituð eða
tölvusett. Sé handrit tölvusett er æski-
legt, að disklingur fylgi útprentuninni.
Auðveldust er móttaka svokallaðra
ASCII-skráa, öðru nafni DOS-texta-
skrár. Ritvinnélukerfin Word og Word-
perfect eru einnig auðveld í úrvinnslu.
Senda má greinar til blaðsins á netfang
þess Mbl@centrum.is en nánari upplýs-
ingar þar um má lesa á heimasiðum.
Það eru vinsamleg tilmæli að lengd
greina fari ekki yfir eina og hálfa örk
A-4 miðað við meðallfnubil og hæfilega
línulengd — eða 3600-4000 slög. Höf-
undar eru beðnir að hafa skírnarnöfn
sfn en ekki stuttnefni undir grelnunum.
S:.B
J' l

ALAFOSSBUÐIN
»' Pósthússtræti 13, Reykjavík, s. 551-3404
EDEN
8’ Austurmörk 25, Hveragerði, s. 483-4900
HANDPRJÓNASAMBAND ÍSLANDS
8' Skólavöróustíg 19, Reykajvík, s. 552-1890
ISLANDIA KRINGLUNNI
Kringlunni 8-12, Reykjavik, s. 568-9980
ÍSLENSK ULL HF.
'é' Þingholtsstræti 30, Reykjavík, s. 562-2109
ÍSLENSKUR HEIMILISIÐNAÐUR
'é' Hafnanstræti 3, Reykjavík, s. 551-1785
ÍSLENSKUR MARKAÐUR HF.
é' Leifsstöð, Keflavíkurflugvelli, s. 425-0450
THORVALDSSENSBASAR
é' Auslurstræti 4, Reykjavík, s. 551-3509
ULL OG GJAFAVÖRUR
8' Hótel Sögu, Reykjavík, s. 562-4788
ULLARHÚSIÐ 1
#’ Aðalstræti 4, Reykajvík, 552-6970 _
VERKSMIÐJUSALA ÁLAFOSS U
é' Álafossi, Mosféllsbæ, s. 566-6303
VÍKURPRJÓN
8' Smiðjuvegi 15, Vík í Mýrdal, s. 487-1250
Þæperj Komjiap

ullarvörurnar
fyrir jólin.
Líttu viö í
næstu verslun!
110
ULLARRAÐ
ÍSLANDS