Morgunblaðið - 08.12.1995, Blaðsíða 58

MORGUNBLAÐIÐ
58 FÖSTUDAGUR 8. DESEMBER 1995
Síðustu
frímerki ársins
FRÁ afhendingu silfurstimpilsins 1995.
FRIMERKI
NÝ FRÍMERKI
SILFURSTIMPILLINN
1995
Pósthús Mosfellsbæjar hlaut viður-
kenningu LÍF í ár.
í ÞÆTTI 5. okt. sl. var greint
frá smáörk, sem út kom 9. s.m.
með tveimur frímerkjum, þar sem
myndefnið var samhangandi af
Hraunfossum í Borgarfirði. Verð-
gildin eru tvö, 10 kr. og 150 kr.,
en síðan bætist við svonefnt yfir-
verð, 40 kr., sem rennur til samnor-
rænu frímerkjasýningarinnar
NORDLA 96, sem verður haldin hér
á landi í október á næsta ári. Þann-
ig kostar örkin 200 krónur. Mér
er tjáð, að þessi smáörk sé hönnuð
í tölvu eftir ljósmynd. Engan veginn
kann ég við litinn og þá einkum á
fossbununum, sem koma undan
hrauninu. Þær eru yfirleitt silfur-
tærar, en hér eru þær með moldar-
lit. Annars held ég mönnum finnist
þessi frímerki snotur. Því miður
má búast við, að þau komi lítt fyr-
ir sjónir almenns póstnotanda, syo
sem verið hefur með þau önnur
frímerki, sem gefín hafa verið út
í smáörkum með yfirverði á liðnum
áratug. Menn setja fyrir sig þær
aukakrónur, sem greiða þarf og
teljast ekki burðargjald, heldur
styrkur til ýmissa málefna.
Þijú ný frímerki 8. nóv. sl.
Síðustu frímerki íslenzku póst-
stjómarinnar komu út 8. nóv. Fyrst
var það 100 kr. frímerki til að
minnast 50 ára afmælis Sameinuðu
þjóðanna. Svo mikið vita lesendur
um þessi alþjóðasamtök, að þess
gerist ekki þörf að rekja sögu
þeirra. Þau voru stofnuð „til varð-
veizlu friðar og öryggis", eins og
það var orðað, af 50 þjóðum, og
formlega tóku _þau til starfa 24.
október 1945. Island gerðist aðili
að SÞ 19. nóv. 1946 og varð 53.
ríkið, sem gekk í samtökin. Nú eru
ríkin 185, sem aðild eiga að SÞ.
Hönnuður þessa frímerkis er Sig-
ríður Bragadóttir, og er þetta
fyrsta frímerki, sem hún teiknar
fyrir íslenzku póststjórnina. Ekki
verður sagt, að merkið sé svipmik-
ið, enda munu margir lítt hrifnir
af því og litasamsetningu þess. Þá
er frímerkið offsetprentað í prent-
smiðju, sem hefur ekki oft komið
við sögu íslenzkra frímerkja, Cartor
S.A. í Frakklandi. 50 frímerki eru
í hverri örk.
Sama dag komu svo út tvö jóla-
frímerki, að verðgildi 30 kr. og 35
kr., enda ætluð fyrst og fremst á
jólapóst þessa árs svo sem venja
hefur verið um þau önnur jólafrí-
merki, sem út hafa komið allar
götur síðan 1981. Eins og margir
muna, hefur teikning eða hönnun
jólafrímerkjanna oft verið umdeild,
en þó mun hafa keyrt um þverbak
í fyrra og það svo, að margir neit-
uðu með öllu að nota þau jólafrí-
merki á póst sinn. Munu því enn
vera til óseldar birgðir af þeim
merkjum. Annars hefur stefna
póststjórnarinnar verið sú, að jóla-
frímerki hvers árs seljist helzt alveg
upp. Segja mætti mér, að henni
takist það um þessi jól, því að eng-
inn getur neitað því, að hin nýju
frímerki minna á jólin með eftir-
minnilegri hætti en oftast áður.
Hönnuður þeirra er hinn sami og
áð merki Sameinuðu þjóðanna, Sig-
ríður Bragadóttir. Er að mínum
dómi vissulega ástæða til að óska
henni til hamingju með þau. Mynd-
efnið er, eins og segir í tilkynningu
póststjómarinnar ,jólin sem hátíð
bamanna, ævintýraheimur með
útileikjum, snjó og ferskum vetr-
arblæ. Jólatrén þtjú em tákn vitr-
inganna þriggja frá Austurlönd-
um.“ Þessi frímerki em offset-
prentuð hjá BDT International í
Englandi. í hverri örk eru 50 frí-
merki. Svo hefur verið útbúið
skemmtilegt hefti með tíu 30 kr.
frímerkjum. Munu frímerkjahefti
póststjómarinnar þegar vera orðin
eftirsóttir safngripir.
Silfurstimpillinn
Þetta er heiti á verðlaunum þeim,
sem LIF hóf fyrir allmörgum ámm
að veita því pósthúsi, sem talið var
stimpla póstsendingar sínar mjög
vel. Var þetta hugsað sem hvatning
til póststöðva landsins um það að
umgangast frímerki og stimplun
þeirra með sem snyrtilegustum
hætti og hafa jafnframt í huga, að
þau em bæði verðmæti og ekki
sízt safngripir tugþúsunda manna.
Því miður féllu þessi verðlaun niður
um mörg ár, en voru svo tekin aftur
upp. Fór vel á því að velja Dag
frímerkisins til þessara árlegu verð-
launa. í fyrra hlaut pósthúsið á
Þingeyri verðlaunin. Á Degi frí-
merkisins 9. okt. sl. varð pósthús
Mosfellsbæjar aðnjótandi þessarar
viðurkenningar LÍF.
Leiðrétting
Mér urðu því miður á þau
mistök í síðasta þætti, þar sem
greint var frá NORDIU 95 í Málm-
ey, að gleyma með öllu að minnast
á þann árangur, sem tveir ágætir
rithöfundar í röðum íslenzkra frí-
merkjasafnara náðu í bókmennta-
deild sýningarinnar. Ekki var það
viljandi gert, enda var þeirra og
ritverka þeirra getið í frímerkja-
þætti 15. sept. sl. hér í blaðinu.
Þar stendur einmitt þetta: „í bók-
menntadeild leggur Þór Þorsteins
fram bók sína: Frímerkingarvélar
á íslandi 1930 - 1993. Enn fremur
verður þama ný bók eftir Don
Brandt, sem hann nefnir Walking
into Icelandá Postal History.“ Svo
mörg voru þau orð þá. Nú vil ég
bæta um og geta þeirra verðlauna,
sem þessi rit hlutu, en jafnframt
um leið biðja höfunda þeirra afsök-
unar á yfirsjón minni. Don Brandt
hlaut 75 stig og stórt silfur fyrir
bók sína og Þór Þorsteins 72 stig
og silfur fyrir sitt rit.
Jón Aðalsteinn Jónsson
Eðalkonf 'ekt verður kynnt t
eftirtöldum verslunum fóstudag
og laugardag:
10-11 Hafnarfirði
KEA Sunnuhlíð Akureyri
Kaupfélagi Borgfirðinga
UMBOBMtmrOOINHF

Pakkað af Samverja
sem er verndaður
vinnustaður fyrir
fyrrverandi
vímuefnaneytendur.
Eftirtaldir aðilar óska Samverja
<u með nýja konfektið:
EGG
4
y
Himinn
PDæsstos
Wttám,