Morgunblaðið - 02.04.1996, Síða 11

MORGUNBLAÐIÐ
ÞRIÐJUDAGUR 2. APRÍL 1996 11
FRÉTTIR
SVONA blasir yfirlitsskjámyndin við hafnsögumönnunum.
Nýtt kerfi mælir flóð
og öldu á Sundunum
REYKJAVÍKURHÖFN er um
þessar mundir að taka í notkun
nýtt upplýsingakerfi fyrir veður
og sjólag. Kerfið byggist á fjórum
sjálfvirkum veðurstöðvum sem
mæla veður, flóðhæð og öldu.
Árið 1994 var sett upp sjálfvirk
mælistöð við Miðbakka í Reykja-
víkurhöfn fyrir langtímamæling-
ar á flóðhæð, en þær upplýsingar
eru m.a. notaðar við útreikninga
á sjávarfallatöflum sem Sjómæl-
ingar Islands gefa út árlega. Stöð-
in við Miðbakka mælir einnig vind,
hita og loftþrýsting. í tengslum
við nýja kerfið voru settar upp
þrjár stöðvar til viðbótar sem
mæla veður og sjólag. Stöðvarnar
eru á Eyjagarði í Örfirisey, á
Korngarði í Sundahöfn og á Gufu-
nesi. Við mælistöðvarnar eru einn-
ig tengdir öldumælar sem komið
var fyrir á sundunum nokkur
hundruð metra frá landi.
Veðurstöðvarnar eru tengdar
við tölvu í Hafnarhúsi þar sem
unnið er úr mælingum og þær
geymdar. Upplýsingarnar birtast
jafnóðum á skjá hjá hafnsögu-
mönnum þannig það þeir fái sem
gleggsta mynd af veðuraðstæðum
hverju sinni. Annar tilgangur með
kerfinu er að safna mælingum
vegna rannsókna í tengslum við
ráðgerðar hafnarframkvæmdir á
vegum Reykjavíkurhafnar.
Búnaðurinn er smíðaður hjá
fyrirtækinu Hugrúnu hf. sem hef-
ur í samvinnu við Hafnamálastofn-
un unnið að þróun upplýsinga-
kerfis fyrir sjófarendur. Reykja-
víkurhöfn mun nú tengjast því
kerfi sem veitir höfninni aðgang
að öðrum sjálfvirkum veðurstöðv-
um við Faxaflóa og öldudufli út
af Garðskaga.
Réttindamál voru stærstu mál á aðalfundi BHM
Martha A. Hjálmarsdóttir
kosin formaður BHM
MARTHA Á. Hjálm-
arsdóttir meinatæknir
var um helgina kosin
formaður Bandalags
háskólamanna. Hún
er fyrst kvenna til að
vera kosin formaður í
heildarsamtökum
launamanna. Hún
sagði í samtali við
Morgunblaðið að
stærstu verkefnin
framundan væru að
fylgja eftir samþykkt-
um aðalfundar BHM
um að veijast rétt-
indaskerðingum sem
felast í frumvörpum
ríkisstjórnarinnar.
Á aðalfundi BHM lét Páll Hall-
dórsson af formennsku, en hann
hefur verið formaður í átta ár.
Martha hefur verið varaformaður
BHM síðastliðin tvö ár. Hún var
áður formaður Meinatæknafélags
íslands. Nýr varaformaður BHM
er Elna Katrín Jónsdóttir, formað-
ur HÍK. Meirihluti stjórnarinnar
er skipaður konum.
Samningsréttur
skertur
Aðalfundur BHM lýsti yfir and-
stöðu við frumvarp félagsmálaráð-
herra um breytingu á vinnulöggjöf-
inni. Bent er á að stefna BHM
hafi lengi verið að það gildi ein
vinnulöggjöf í landinu, en ekki ein
fyrir almenna vinnu-
markaðinn og önnur
fyrir starfsmenn hins
opinbera. Martha
sagði að með þessu
frumvarpi væri farin
röng leið. Þrengt væri
að samningsrétti al-
mennra verkalýðsfé-
laga og miðstýring
aukin. Með auknu
valdi ríkissáttasemjara
væri samningsréttur
aðildarfélaga BHM
skertur. Hún sagði að
BMH legði áherslu á
mikilvægi samstöðu
launamanna, en jafn-
framt að stéttarfélög
hefðu áfram frelsi til að ákveða
sjálf hvernig þau höguðu kjarabar-
áttu sinni.
Þörf fyrir betri vinnurétt
Fundurinn lýsti ennfremur yfir
andstöðu við frumvarp fjármála-
ráðherra um réttindi og skyldur
starfsmanna ríkisins, en boðið var
upp á viðræður um breytingar á
lögunum í tengslum við gerð næstu
kjarasamninga. Martha sagði að
réttindi launþega á almennum
vinnumarkaði væru almennt bág-
borin í samanburði við réttindi
launþega á hinum Norðurlöndun-
um. Ástæða væri fyrir stjórnvöld
að reyna að styrkja réttindastöðu
þeirra í staðinn fyrir að skerða
réttindi opinberra starfsmanna.
Hún sagðist vilja ráðleggja stjórn-
völdum að kynna sér hvernig hinar
Norðurlandarþjóðirnar haga
vinnuréttarmálum sínum og taka
mið af þeim við lagasetningu.
Aðalfundur samþykkti ályktun
þar sem BHM iýsir sig reiðubúið
til að hefja viðræður við ríkisstjórn-
ina um framtiðarfyrirkomulag á
lífeyrisréttindum. í ályktuninni
segir að samtökin muni verja gild-
andi lífeyrisréttindi félagsmanr.a
af alefli og með öllum tiltækum
ráðum.
Á fundinum var samþykktur
stuðningur við tillögur starfshóps
félagsmálaráðherra um starfsmat.
Tillögurnar geti verið liður í að
jafna launamun milli karla og
kvenna í stofnunum ríkisins. Fund-
urinn taldi að ákvæði frumvarpsins
um réttindi og skyldur starfs-
manna ríkisins, um að auka völd
forstöðumanna, muni leiða til auk-
ins launamunar kynjanna.
BHM samþykkti á aðalfundi sín:
um stefnuskrá fyrir bandalagið. í
kaflanum um skattamál er m.a.
lýst stuðningi við skatt á fjár-
magnstekjur. Hvatt er til þess að
skattkerfið taki tillit til fjárfestinga
einstaklinga í menntun og náms-
menn geti að námu loknu nýtt sér
persónuafslátt sem safnast hefur
upp á námstíma. Þá er sett fram
krafa um að tekjutengingu barna-
bóta verði hætt.
Martha Á.
Hjálmarsdóttir
Gœddu þér á góðum laxi.
Reyktur lax, graflax og piparlax er herramannsmatur.
Ljúffengur lax með graflaxsósu gefur fyrirheit um ógleymanlega
máltíð. Notaðu því aðeins fyrsta flokks hráefni og bjóddu gestum
þínum að gœða sér á góðum laxi.
Reyktur lax
og graflax
í bitum
og sneiðum.
Graflaxsósa,
250 og 125 ml
í nýjum umbúðum.
Reyktur lax og graflax
í heilum og hálfum flökum.
ISLENSK
MATVÆLI

I
tm.