Morgunblaðið - 02.04.1996, Qupperneq 43

MORGUNBLAÐIÐ
ÞRIÐJUDAGUR 2. APRÍL 1996 43
i Morgunblaðið/Árni Sæberg
RÁÐSTEFNAN var haldin á vegum dr. Halldórs Jónssonar jr.,
yfirlæknis á bæklunarskurðdeild Landspítalans, og prófessors
( Sven Olerud frá Uppsala í Svíþjóð.
Ráðstefna um hryggj-
arskurðlækningar
I RÁÐSTEFNA um hi-yggjarskurð-
lækningar á vegum prófessors Sven
1 Olerud frá Uppsala í Svíþjóð og dr.
I Halldórs Jónssonar jr., yfirlæknis á
bæklunarskurðdeild Landspítalans,
var haldin á Hótel Loftleiðum dag-
ana 28.-30. mars sl.
Þátttakendur voru 50 hryggjar-
skurðlæknar og skurðhjúkrunar-
fræðingar frá öllurn Norðurlöndun-
um og Bretlandi. Megináhersla var
lögð á aukna sérhæfingu með nýrri
tækni við hryggjarspengingar sem
tryggir öruggari árangur og styttri
sjúkrahúsvist. Eftirleiðis verður
einnig mögulegt að hætta háls-
kraga- og beltisnotkun eftir speng-
ingar, byija fyrr á endurhæfingu
og stytta fjarveru frá daglegum
störfum.
Sýning
hrossabúa
HROSS frá nokkrum hrossabúum
í Árnessýslu verða sýnd á miðviku-
dag í Reiðhöll Gusts í Kópavogi.
Á ferðinni verða hross frá Torfa-
stöðum í Biskupstungum, Geld-
ingaholti í Gnúpveijahreppi,
Bjarnastöðum og Minni-Borg í
Grímsnesi og Þúfu í Ölfusi.
Auk hrossa sem koma frá þess-
um búum má nefna Þyril frá
Vatnsleysu og Kóp frá Mykjunesi
sem Sigurbjörn Bárðarson sýnir,
en hann mun einnig sýna fleiri
hross úr ræktun sinni.
Auk þess munu Gustsfélagar
sýna það efnilegasta í ræktun í
Kópavogi og Sigurður Bernhöft
tekur lagið.
SIGURBJÖRN Bárðarson
sýnir Kóp frá Mykjunesi.
skótar/námskeið
handavinna
■ Ódýr saumanámskeið
Samvinna við Burda. Sparið og saumið
fötin sjálf. Mest 4 nemendur í hóp.
Faglærður kennari.
Sigríður Pétursd., s. 5517356.
heilsurækt
■ Ungbarnanudd
Námskeið fyrir foreldra með börn á aldr-
inum 1-10 mánaða. Byrjar 11. apríl.
■ Fegurð og heilbrigði
Fegrandi andlitsnudd og DO-IN sjálfs-
nudd. 11. og 18. aprfl frá kl. 20-22.
■ Fornám i' svæðameðferð
Helgina 13.-14. aprfl. Skóli byrjar í
sept. ’96. Viðurkennt nám af fél. Svæða-
meðferð.
■ íþróttameiðsl
3., 4. og 5. maí ’96. Námskeið fyrir
svæða- og nuddfræðinga. Kennsla fer
fram á ensku.
■ Eyrnapunktur
7., 8. og 9. júní ’96. Námskeið fyrir
svæða- og nuddfræðinga. Kennsla fer
fram á ensku.
Uppl. og innritun á
Heilsusetri Þórgunnu,
Skúlagötu 26, milli
kl. 12 og 14 í síma
562 4745.
tölvur
■ Tölvunámskeið
Starfsmenntun:
- 64 klst tölvunám
- 84 klst. bókhaldstækni
Stutt námskeið:
- PC grunnnámskeið
- Windows 3.1 og Windows 95
- Word grunnur og framhald
- WordPerfect fyrir Windows
- Excel grunnur og framhald
- Access grunnur
- PowerPoint
- Paradox fyrir Windows
- PageMaker fyrir Windows
- Internet námskeið
- Tölvubókhald
- Novell námskeið fyrir netstjóra
- Barnanám
- Unglinganám í Windows
- Unglinganám í Visual Basic
- Windows forritun
Kennt er á nýjustu útgáfur og veglegar
kennslubækur fylgja öllum námskeiðum.
Upplýsingar og skráning
í síma 561 6699, netfang
tolskrvik@treknet.is,
veffang www.treknet.is/tr.
Tolvuskoli Reykiavíkur
llorKarUini 28, sími 561 6699.
FRÉTTIR
Dagbók lögreglunnar
Drykkjulæti og slys, en
friðsamur sunnudagur
UM HELGINA var tilkynnt um 12
innbrot eða helmingi færri en um
síðastliðna helgi. Þá var tilkynnt
um 13 þjófnaði, 6 líkamsmeiðingar
og 22 eignarspjöll. í þjófnaðartilvik-
unum var oftast um að ræða hnupl
í verslunum. Athygli vekur að 16
sinnum eru höfð afskipti af fóiki
vegna brota á lögreglusamþykkt
borgarinnar, en í öllum tilvikum var
um að ræða fullorðið fullt karlkyns
fólk, sem var að kasta af sér vatni
þar sem það stóð í miðborginni að
næturlagi. Þijátíu sinnum var
kvartað yfir hávaða og ónæði frá
drukknu fólki. Þá voru 27 sinnum
höfð önnur afskipti af ölvuðu fólki
á almannafæri. Óskað var 4 sinnum
aðstoðar lögreglu vegna heimilis-
ófriðar. í tveimur tilvikum hafði
ofbeldi verið beitt af eiginmanni og
sambýlismanni. Auk þess voru lög-
reglumenn kvaddir til í 4 ágrein-
ingsmálum er úrlausna þurftu við.
Fimm ökumenn eru grunaðir um
ölvunarakstur. Fíkniefni fannst í
bifreið eins þeirra og annar hafði
verið staðinn að því að selja landa.
í bifreið hans fundust m.a. 16 lítrar
af heimagerðu áfengi. Einn öku-
mannanna sinnti ekki stöðvunar-
merkjum lögreglumanna og reyndi
að komast undan á hlaupum, en
hafði ekki erindi sem erfiði. Hann
var handtekinn og færður á Iög-
reglustöð. Sextán ökumenn voru
kærðir fyrir að aka hraðar en leyfi-
leg hámarkshraðamörk sögðu til
um. Afskipti voru höfð af tveimur
ökumönnum, sem áður höfðu verið
sviptir ökuréttindum. Tuttugu og
fjögur umferðaróhöpp voru tilkynnt
til lögreglu, auk sjö annarra þar
sem slys urðu á fólki.
Ökumenn tveggja bifreiða voru
fluttir á slysadeild með sjúkrabif-
reið á föstudag eftir harðan árekst-
ur á Suðurlandsvegi. Um kvöldið
féll ökumaður bifhjóls í götuna á
Laugavegi. Hann meiddist á öxl og
var því fluttur á slysadeild. Á laug-
ardagskvöld var ökumaður fluttur
á slysadeild eftir harðan árekstur
tveggja bifreiða á gatnamótum
Borgartúns og Kringlumýrarbraut-
ar. Á sunnudag meiddist eldri kona
þegar hún var að fara út úr almenn-
ingsvagni á Bústaðavegi. Hún var
flutt á slysadeild með sjúkrabifreið.
Um svipað leyti varð harður árekst-
ur tveggja bifreiða á gatnamótum
Fálkagötu og Tómasarhaga. Öku-
menn beggja bifreiðanna voru flutt-
ir á slysadeild. Þá hjólaði maður á
bifreið, sem var ekið út úr húsa-
sundi á Laugavegi. Hjólreiðamaður-
inn var með vasadiskó í eyrunum
og hafði það siævt athygli hans
fyrir umhverfínu og því fór sem
fór._ Meiðslin voru minniháttar.
Á föstudagsmorgun var tilkynnt
um sjóslys á Faxaflóa. Þar hafði
vélbátur siglt á annan, án þess þó
að teljandi skemmdir hlytust af. Á
föstudagskvöld var tilkynnt um
pilta sem voru að stela bensíni af
bifreið í_ Ásunum. Þeir voru hand-
teknir. Á þeim fundust fíkniefni og
við húsleit fundust meiri fíkniefni
og áhöld til neyslu þeirra. Um nótt-
ina voru tveir piltar og stúlka hand-
tekin á Bárugötu, en þau höfðu
gert sér að leik að sparka í hliðar-
spegla mannlausra bifreiða við göt-
una. Þá fundust fíkniefni í fórum
manns, sem stöðvaður var á bifreið
sinni í Hafnarstræti. Undir morgun
var maður vistaður í fangageymsl-
unum eftir að hafa brotið rúðu í
anddyri húss í Bökkunum, skriðið
þar inn í hlýjuna og lagst til svefns.
Fangageymslurnar gistu ásamt
honum 29 aðrir vegna ýmissa mála.
Á laugardag veittust tveir menn
að öðrum í verslun við Laugaveg
eftir að hafa verið staðnir þar að
hnupli. Þjófarnir eru þekktir hjá
lögreglunni. Um kvöidið var maður
handtekinn eftir að hafa veist að
dyraverði veitingastaðar við
Tryggvagötu og veitt honum
áverka. Þá var maður handtekinn
eftir að hafa reynt að brjótast inn
í íbúð við Kleppsveg. Undir morgun
voru 5 aðilar handteknir og færðir
í fangageymslu eftir að 3 slög af
ætluðu amfetamíni fundust í bifreið
þeirra á Fríkirkjuvegi. Stúlka var
flutt á slysadeild eftir að hafa klifr-
að yfír girðinguna umhverfís sund-
laugarnar í Laugardal, fallið og
slasast. Klippa þurfti á girðinguna.
Tveir menn voru handteknir eftir
að þeir höfðu brotið rúðu í verslun
við Hagamel snemma á sunnudags-
morgun. Þeir höfðu náð að stela
þar smádóti. Tilkynnt var um eld
um borð í bát við Grandagarð. Skip-
verjar náðu að slökkva eldinn áður
en lögregla og slökkvilið komu á
staðinn. .
Lögreglan á Suðvesturlandi hef-
ur verið að fylgjast sérstaklega með
því hvernig búið er að börnum í
bílum, auk þess sem fylgst er al-
mennt með notkun bílbelta á svæð-
inu. Af því tilefni voru u.þ.b. eitt
þúsund ökumenn stöðvaðir í síðustu
viku. Þeir voru stöðvaðir hingað og
þangað um svæðið. í ljós kom að
því miður eru þeir enn til sem hafa
börn sín laus í bílunum, en þeim
sem það gera virðist þó fara fækk-
andi. Þá virðist bílbeltanotkun,
bæði ökumanna og farþega, hafa
aukist á ný. Svo virðist sem aðgerð-
ir undanfarna daga hafi fengið ein-
hveija til að hugsa sinn gang og
bæta um betur. Fulltrúar lögregl-
unnar á svæðinu halda fund í dag
í Keflavík þar sem ákveðið verður
næsta sameiginlega verkefni í um-
ferðarmálum.
Kvartað hefur verið yfír hjól-
reiðafólki á Laugavegi á opnunar-
tíma verslana. Af því tilefni skal á
það minnst að í umferðarlögunum
segir að hjólreiðamaður á gangstétt
eða gangstíg skuli víkja fyrir gang-
andi vegfarendum.
Framundan er páskahelgin og
allt sem henni fylgir. Ef að‘,líkum
lætur fer margt fólk í heimsóknir
til vina og vandamanna, eða dvelur
í sumarbústöðum. Lögreglan mun
þess vegna verða með aukið eftirlit
um helgina á starfssvæðinu. Fólk
er hvatt til hóflegrar áfengisneyslu,
þ.e.a.s. þeir sem þess þurfa að
neyta, og að fara varlega hvort sem
um er að ræða í umferðinni eða
annars staðar. Málsháttur helgar-
innar er: Mannskepnan er sú eina
sem drekkur án þess að vera þyrst.
Gleðilega páska.
Ekta teppí á verðí gervimottu!
Hvernig er hægt að vera svona miklu ódýrarí?
Fyrst og fremst er það vegna þess, að við kaupum teppin okkar beint í Austurlöndum fjær,
milliliðalaust, frá einu, stóru verkstæði. Þessi sambönd eru meira en 20 ára gömul. Þar að
auki hefur það eitthvað með kostnað að gera. Okkur þykir það skemmtilegast að leggja
minna á vörurnar, selja mikið í einu og halda þannig kostnaði í lágmarki.
Það er ætlun okkar að þekja þannig meirihlutan af öllum þeim þúsundum fermetra af
parketi, sem Islendingar hafa lagt undanfarin ár, með þessari einstaklega skemmtilegu og
fallegu austurlensku menningu!
Síðustu tveir dagarnir 2. og 3. apríl frá kl. 12-19 á
Grand Hótel Reykjavík í Sigtúni (Dalur).
Visa, Euro raðgreiðslur
Austurlenska teppasalan hf.