Morgunblaðið - 26.06.1996, Blaðsíða 4
4 MIÐVIKUDAG.UR 26. JÚNÍ 1996
MORGUNBLAÐIÐ
FRETTIR
Ný tóbaks-
varnalög
taka gildi
Utgerðarfélag Akureyringa hf. fjármagnar nýjar fjárfestingar
Býður út nýtt hlutafé að
nafnvirði 150 milljónir
Stjórn UA vill kaupa hlut af eign
Akureyrarbæjar í hlutafélaginu
ÚTGERÐARFÉLAG Akureyringa
hf. mun á næstunni bjóða út nýtt
hlutafé að nafnvirði 150 milljónir
króna. Ekki hefur verið upplýst um
útboðsgengi bréfanna, en miðað við
núverandi markaðsgengi, 4,5-4,9,
yrði söluandvirði þeirra nálægt 700
milljónum króna. Tilgangur útboðs-
ins er að mæta fjárfestingum í land-
vinnslu og öðrum sjávarútvegsfyrir-
tækjum.
Félagið hefur ákveðið að ráðast
í miklar endurbætur á vinnslunni í
landi með það að markmiði að gera
landfrystinguna samkeppnisfæra.
Jafnframt hefur ÚA nýverið keypt
20% hlut í Skagstrendingi hf. á
Skagaströnd, en stefnt er að því
að félögin taki upp samstarf til að
ná fram hagræðingu og sérhæf-
ingu.
Félagið hefur síðan í hyggju að
kaupa 20-30% hlut í Tanga hf. á
Vopnafirði af Vopnafjarðarhreppi í
því skyni að fá aðgang að veiðum
og vinnslu á uppsjávarfiskum.
UA vill sjálft kaupa hluta-
bréf Akureyrarbæjar
I þessu sambandi má ennfremur
nefna að í febrúar síðastliðnum
skrifaði stjórn Útgerðarfélags Ak-
ureyringa bréf til Akureyrarbæjar
þar sem óskað var eftir viðræðum
um að félagið keypti sjálft hlut af
hlutafjáreign Akureyrarbæjar í fé-
laginu. Stjórnin hyggst ef af verð-
ur ráðstafa þessu í samræmi við
stefnu sína um aukinn vöxt og við-
gang félagsins. Á aðalfundi félags-
ins í apríl kom fram að með þessum
hætti yrði hægt að mæta þörf
Akureyrarbæjar til að losa fjár-
muni sem bundnir eru í hlutabréf-
um bæjarins í félaginu. Umræða
um þetta erindi hafði þá enn ekki
farið fram á milli félagsins og
Akureyrarbæjar.
NÝ LÖG um tóbaksvarnir, sem Al-
þingi samþykkti 3. júní sl., taka gildi
mánudaginn 1. júlí. Samkvæmt lög-
unum verður bannað að selja ungl-
ingum yngri en 18 ára tóbak.
Lögin banna reykingar í grunn-
skólum, leikskólum, hvers konar
dagvistun barna, í húsakynnum sem
ætluð eru til félags-, íþrótta- og tóm-
stundastarfa barna og unglinga, og
á samkomum innanhúss sem einkum
eru ætlaðar börnum og unglingum.
Þá verða reykingar bannaðar í
framhaldsskólum og heilbrigðis-
stofnunum. Sjúklingar á sjúkrahús-
um geta þó fengið leyfi til að reykja
í vissum tilvikum.
Ennfremur verður bannað að
framleiða, flytja inn og selja fínkorn-
ótt neftóbak og munntóbak, að und-
anskildu íslensku skrotóbaki.
Markaðs-
styrkir til
33 fyrir-
tækja
RÍKISSTJÓRNIN hefur
ákveðið, að tillögu úthlutunar-
nefndar, að skipta 25 milljóna
króna markaðsstyrk vegna
útflutnings á milli 33 fyrir-
tækja og einstaklinga. Alls
sóttu 144 aðilar um styrki alls
að fjárhæð 173 milljónir kr.
Á árunum 1993-95 voru
veittir styrkir vegna markaðs-
verkefna á Evrópska efna-
hagssvæðinu, alls 140 milljón-
ir kr. í mars ákvað ríkisstjórn-
in að ráðstafa 25 milljónum
kr. til sérstakra útflutnings-
verkefna sem ekki eru bundin
Evrópu.
144 sóttu um 173
milljóna króna styrk
Skipuð var úthlutunarnefnd
með fulltrúum nokkurra ráðu-
neyta og frá Útflutningsráði
og sá ráðið um undirbúning
úthlutunar. Þegar umsóknar-
frestur rann út 10. maí höfðu
borist 144 umsóknir um styrki
alls að fjárhæð 173 milljónir
kr.
Eftir mat á umsóknun og
forgangsröðun úthlutunar-
nefndar ákvað ríkisstjórnin að
úthluta umræddum 25 milljón-
um til 33 einstaklinga og fyrir-
tækja. Lægsti styrkurinn er
250 þúsund kr. og sá hæsti
1.800 þúsund.
Morgunblaðið/Brynjúlfur Brynjólfsson
ÞESSI suðræni næturgali flæktist sunnan úr Evrópu alla Ieið að
Reynivöllum í Suðursveit í hvassri suðaustanáttinni í byrjun júní.
SÍKJASÖNGVARINN er mjög sjaldgæfur flækingxir, en þessi er
sá fimmti sem sést hefur til hér við land.
Næturgali og síkjasöngvari
við Hornafjörð
ALLTAF gerist það af og til
að hingað til lands flækjast
skrýtnir fuglar sunnan úr Evr-
ópu. Næturgali, síkjasöngvari
og hringönd eru meðal þeirra
flækinga sem Brynjúlfur Brynj-
ólfsson, fuglaskoðari á Höfn í
Hornafirði, hefur rekist á nú í
vor.
Brynjúlfur segir að þangað
hafi komið töluvert af flæking-
um um mánaðamótin maí-júní,
en þá hafi verið ríkjandi hvass-
ar suðaustanáttir.
Næturgali fannst 1. júní við
Reynivelli í Suðursveit. Hann
var veiddur í fuglanet, ljós-
myndaður og honum síðan
sleppt aftur. Næturgalar eru
mjög sjaldséðir flækingsfuglar
hér á landi og er sá í Suður-
sveitinni sá sjötti sem hér sést,
segir Bryiyúlfur.
Síkjasöngvarinn er að sögn
Brynjúlfs mjög sjaldgæfur, en
sá sem fannst á Horni í Nesjum
í maílok er sá fimmti þeirrar
tegundar sem sést hér á landi.
Síkjasöngvarinn er útbreiddur
í Mið-Evrópu og einnig nyrst á
Norðurlöndum. Hringönd
sást í apríllok á Baulutjörn á
Mýrum í Austur-Skaftafells-
sýslu. Þetta er í fyrsta sinn sem
hún sést þar í sýslunni, en um
30 hringendur hafa sést hér á
landi. Hringöndin er amerísk,
en líklegt er talið að þessi
fugl hafi komið frá Evrópu
ásamt skúföndum og duggönd-
•um.
Fjórði furðufuglinn sem á
vegi Brynjúlfs hefur orðið í vor
er kynblendingur æðarfugls og
æðarkóngs. Um 25 slíkir fuglar
hafa sést hér við land, allt karl-
fuglar. Hann sást við Óslands-
bryggju í Hornafirði.
Kosninga-
hátíðá
Ingólfstorgi
Fimmtudaginn 27. júní
Frá kl. 16:00 til 18:00
Fjölbreytt dagskrá. Nánar auglýst stðar.
Upplýsingar um forsetakosningarnar eru gefnar
á kosningaskrifstofunni í Borgartúni 20 og í
síma 588 6688
Upplýsingar um kjörskrá og atkvæðagreiðslu utan
kjörfundar eru gefnar í síma 553 3209
Ekkí samkomulag um
netaupptöku í Hvítá 1997
SLITNAÐ hefur upp úr samninga-
umleitunum bergvatnsbænda í
Borgarfírði annars vegar og jökul-
vatnsbænda við Hvítá hins vegar um
áframhaldandi uppkaup á netalögn-
um þeirra síðarnefndu á næsta ári.
Fundir hafa staðið yfir í vor og á
þeim síðasta hjá netabændum höfn-
uðu þeir tilboði bergvatnsmanna um
iækkun á upphæð leigu frá þessu
ári. Buðu þeir þess í stað að halda
óbreyttu fyrirkomulagi, en berg-
vatnsbændur hafa hafnað því. Á
þessu ári greiddu bergvatnsbændur
og nokkrir leigutakar veiðiáa á
svæðinu, alls um 12 milljónir króna,
fyrir netaupptökuna, en tilboð þeirra
fyrir næsta ár var upp á rúmar 10
milljónir.
Oðinn Sigþórsson í Einarsnesi,
formaður félags netaveiðibænda,
sagði að netabændur hefðu verið
reiðubúnir að halda samkomulaginu
við lýði á sömu kjörum og verið
hefur, en bergvatnsbændur hefðu
lýst því yfir að þeim þætti það óað-
gengilegt. „Eftir þessa uppákomu
er ekkert samkomulag í augsýn. Við
sjáum engar forsendur að lækka
leiguupphæðina þar sem fiskifræð-
ingar hafa komist að þeirri niður-
stöðu að bergvatnsárnar hafi notið
góðs af netaupptökunni og hún komi
þeim einmitt aldrei betur til góða
heldur en í erfiðri tíð eins og verið
hefur þessi síðustu sumur er netin
hafa verið uppi. Þessar ár, einkum
Þverá og Norðurá, hafa verið að
skiptast á um toppinn þessi sumur
og fyrir vikið hefur gengið betur en
í langan tíma að selja í þær veiði-
leyfi. Að ætla í kjölfarið að lækka
okkar hlut er ekki inni í myndinni.
Þvert á móti er nú útlit fyrir að 20.
maí á næsta ári muni 22 aðilar draga
fram netin og leggja þau aftur.“
Þorsteinn Þorsteinsson á Skálpa-
stöðum í Lundarreykjadal, formaður
Veiðifélags Grímsár, hefur verið
meðal annara í forsvari fyrir hóp
bergvatnsbænda. Hann staðfesti að
samningar hefðu ekki tekist og mið-
að við síðustu þróun mála væri sam-
komulag varla í sjónmáli. „Við mun-
um halda fund um málið fljótlega
og skoða þá hvað er til ráða. Eg
myndi segja að þetta væri ekki full-
reynt. Þetta er allt of stórt mál til
þess að menn fari að skella hurð-
um,“ sagði Þorsteinn.
i
»
»
1
»
B
i
i
(
í
<
i
f
ú;
t
t
t
*
c