Morgunblaðið - 26.06.1996, Blaðsíða 44
MORGUNBLAÐIÐ
44 MIÐVIKUDAGUR 26. JÚNÍ 1996
MIIMIMIIMGAR
GUNNLAUGUR
SIGURBJÖRNSSON
Gunnlaugur
Sigurbjörnsson
fæddist í Reykjavík
26. desember 1963.
Hann lést á heimili
foreldra sinna í
Kópavogi 9. júní
síðastliðinn og fór
útför hans fram frá
Kópavogskirkju 20.
júní.
Ég kynntist Gulla
1993 þegar farið var í
Slunkaríki. Um kvöldið
var spilað „pictionary"
og þar kom strax í ljós
að við höfðum stundum ótrúlegt
hugsunarsamband.
I ferð á Langjökli lentum við í
myrkri og ákváðum að keyra eftir
nefinu hans Gulla sem gaf góða
raun og bráðum vorum við komnir
niður af jöklinum. Það var ekki
heldur að spyija hver var þolinmóð-
astur að skoða hvert einasta hom
með mér í Surtshelli. Gulli var van-
ur ferðamaður og það kom sér oft
vel. Hann hafði góðan skilning á
persónulegum samskiptum og gat
oft verið hlutlaus dómari í hjóna-
bandseijum. Það var ekki sama
hvort kærastinn eða Gulli sagði til
við að keyra.
Við fórum líka í keilu, billiard,
leikhús og bíó. Brátt var Gulli orð-
inn minn besti félagi í menningarlíf-
inu. Hápunkturinn var Niflunga-
hringurinn á Listahátíð 1994 sem
ég hefði örugglega ekki farið á án
hans.
Oft sátum við i bílnum eftir bíó-
ferð og ræddum um allt á milli him-
ins og jarðar. Gulli gat hlustað og
gaf mér oft góð ráð og sýndi mik-
inn skilning.
Ekki var erfitt að plata Gulla
með í blak. Þótt önnur hendi hans
var orðinn svolitið stíf, var hann
mesti baráttumaður og mörgum
okkar fremri.
Hann var á spítalanum þegar
hann hjálpaði mér að læra fyrir
meiraprófið í bifreiðatækni 2 sem
ég hafði ekki nokkurt vit á en stóðst
með mikilli prýði! Og ef hann treysti
sér ekki sjálfur til að hjálpa þá fann
hann bara einhvem annan, t.d.
mamman sem mátti lesa yfir 25
blaðsíðna viðarfræðiverkefni.
Svo varð ég að sætta
mig við að hann myndi
ekki sveifla mér meira
á dansgólfínu. En hann
hélt áfram að skipu-
leggja ferðir og fljót-
lega var hann kominn
aftur á fjöll sem sýndu
viljastyrk hans.
Hann kom í afmæli-
sveisluna mína á Hellu
og mér þótti mjög
vænt um það. Einasta
huggunin þegar maður
missir svona góðan vin
er að hann þarf ekki
lengur að þjást og sú
sannfæring að hann sé annarstaðar
að skipuleggja ferðalög sem við
getum vonandi tekið þátt í þegar
tími okkar er kominn.
Elsku Sigga, Diddi, Bjarni, Ingv-
ar og aðrir ástvinir. Ég sendi ykkur
mina innilegustu samúðarkveðju á
þessum erfiðum tímum.
Þó að kali heitur hver
hylji dali jökull ber,
steinar tali og allt hvað er,
aldrei skal ég gleyma þér.
(Vatnsenda-Rósa)
Andrea.
Oft gengum við félagarnir saman
út af fótboltavellinum þegar dómar-
inn hafði flautað til leiksloka, glað-
ir eftir góðan leik sem við unnum.
Eftir leik fóru menn til síns heima
og endumýjuðu krafta sína fyrir
næstu átök. En núna hefur Guð,
dómari dómaranna, flautað til leiks-
loka hjá okkar besta vini og við
göngum ekki lengur saman til að
spjalla um heima og geima.
Gunnlaugur eða Gulli eins og við
kölluðum hann var góður vinur sem
hugsaði um hag félaga sinna fyrst
og fremst.
Það fór ekki mikið fyrir Gulla
en það sem hann gerði eða tók að
sér var gert af mikilli alúð og með
öruggum höndum vann hann verk-
in.
Við munum alltaf eftir því þegar
hann fékk fyrsta bílinn sinn, Sun-
beam, sem hann gerði upp og
sprautaði sjálfur. Síðan var farið á
rúntinn, jafnvel tekinn stór rúntur
um landið á nokkrum dögum. Ef
auglýsingar
Litaljósritun
Opift frá kl. 13.30-18.00.
Ljósfell,
Laugavegi 168,
Brautarholtsmegin.
FÉLAGSLÍF
\t.' . / ' ?' - , / / ' •'l
FERÐAFÉLAG
# ÍSLANDS
MÖRKINNI 6 - SlMI 568-2533
Komið með
íhelgarferðir F.Í.:
1. Fjölskylduhelgi i Þórsmörk
28.-30. jún/. Brottför föstud. kl.
20.00. Fjölbreytt dagskrá fyrir
alla. Mjög hagstætt verð. Gist í
skála og tjöldum. Pantið tíman-
lega í eina af vinsælustu helgar-
ferðum sumarsins.
2. Yfir Fimmvörðuháls. Nýstár-
leg Fimmvörðuhálsganga ítengsl-
um við fjölskylduhelgarferöina.
Gengið verður úr Þórsmörk yfir
hálsinn og komið niður vestan
Skógár, hjá hinu stórfenglega
Kaldaklifsgili. Leið sem ekki hef-
ur veriö farin áður í þessum ferð-
um.
Tilboðsverð i ofangreindar
ferðir: í skála: Utanfél. kr. 4.700
og fél. kr. 4.200. i tjöld: Utan-
fél. kr. 4.100 og félagsv. kr.
3.700. Frítt f. börn 10 ára og
yngri og hálft gjald 11-18 ára
(m. foreldrum sfnum) í þessa
ferð. Tilvalið fyrir börn, ung-
menni og foreldra að fjölmenna
f skemmtilega ferð um helgina.
3. Landmannalaugar - Hrafn-
tinnusker 29.-30. júní. Brottför
laugardag kl. 08.00. Gengið úr
Laugum í nýja skálann í Hrafn-
tinnuskeri og gist þar. M.a. farið
á Torfajökul. Tilvalið að hafa með
gönguskíði. Farmiðar á skrifst.
Mörkinni 6.
Miðvikudagur 26. júní
Kl. 20.00 Skógræktarferð
f Heiðmörk
Síðasta ferðin til vinnu í skógar-
reit Ferðafélagsins. Umsjón:
Sveínn Ólafsson. Frítt. Allir vel-
komnir. Brottför frá BSl, austan-
megin og Mörkinni 6.
Ferðafélag Islands.
Hörgshlíð 12
Bænastund í kvöld kl. 20.00.
SAMBAND (SLENZKRA
KRISTNIBOÐSFÉLAGA
Háaleitisbraut 58-60
Samkoma í kvöld kl. 20.30
í Kristniboðssalnum.
Ræðumaður: Lilja S. Kristjáns-
dóttir.
Allir velkomnir.
það bilaði eitthvað þá var bara gert
við það án nokkurra vandkvæða og
haldið áfram. Einhveiju sinni vorum
við þrír félagarnir að fara um versl-
unarmannahelgi til Atlavíkur. Þeg-
ar verið var að gera bílinn klárann
kom upp bensínleki, þá lögðust
Gulli og pabbi hans undir bílinn og
gerðu við lekann á 30 mínútum og
allt var sem nýtt. Síðan var farið
sem leið lá norðurfyrir til Atlavíkur
en vegur hafði farið í sundur á
austurleiðinni þannig að ekki kom-
ust við þá leiðina og vorum við
nærri hættir við að fara þegar Gulli
sagði: „Við hættum ekki neitt við
ferðina við förum bara norður fyr-
ir.“
Þetta var ein skemmtilegasta
ferð sem við höfum farið ogtöluðum
við alltaf um þessa ferð sem ferð
ferðanna.
Gulli var mikið í fjallaferðum og
var það hans líf og yndi að keyra
um víðáttu óbyggðanna hvort sem
það var á jeppanum eða snjósleðan-
um.
Þegar Gulli veiktist þá gerði
maður sér enga grein fyrir alvar-
leika veikindanna því Gulli var ekki
vanur að kveinka sér og aldrei
missti Gulli vonina.
Við eigum eftir að sakna Gulla
sárt og vottum við fjölskyldu Gulla
okkar dýpstu samúð.
Heiðar og Linda.
Sævar og Helga.
Góður félagi okkar Breiðabliks-
manna er nú fallinn frá aðeins 32
ára að aldri. Undanfarin ár hefur
Gulli háð hetjulega baráttu við ill-
vígan sjúkdóm þar sem hann varð
að lúta í lægra haldi að lokum.
Það koma upp í hugann margar
góðar minningar frá þeim tíma sem
Gulli var að keppa í yngri flokkum
Breiðabliks í knattspyrnu, þegar við
undirritaðir vorum að þjálfa á þeim
árum. Gulli var einn af þessum
traustu og prúðu drengjum sem
alltaf voru til fyrirmyndar utan
vallar sem innan. A þessum árum
voru farnar margar keppnisferðir
bæði innanlands og utan. Það lýsir
vel þeirri ábyrgðartilfinningu sem
Gulli hafði að í einni slíkri utan-
landsferð var sérstaklega minnis-
stætt að hann tók undir sinn vernd-
arvæng þann yngsta í hópnum og
leit varla af honum í ferðinni án
þess að hann hefði verið beðinn
sérstaklega um slíkt.
Eftir að Gulli hætti sjálfur að
keppa gat félagið alltaf leitað til
hans ef hjálpar var þörf og alltaf
leysti hann verk sín vel af hendi.
Við Breiðabliksmenn höfum
misst góðan félaga og minningin
um góðan dreng lifir. Við vottum
foreldrum, systkinum og öðru
venslafólki okkar dýpstu samúð.
Jón Ingi Ragnarsson,
Guðmundur Þórðarson.
Mig langar að minnast með þess-
um orðum Gulla vinar míns. Við
kynntumst á fjöllum. Fjöll og ferða-
lög voru sameiginleg áhugamál
okkar og því skorti aldrei umræðu-
efni. Eftir stofnun Jöklasnyrtihóps-
ins hittumst við reglulega og skipu-
lögðum ferðalögin. Þar fyrir utan
stóð íbúð Gulla alltaf opin og alltaf
dró hann fram nammi eða osta ef
einhver kom í heimsókn. Aldrei var
komið að tómum kofanum hjá
Gulla, hvorki hvað veitingar varðaði
né umræðuefni því hann hafði
áhuga á öllu mögulegu.
Gulli var þeim hæfileika gæddur
að geta dregið fram bestu hliðarnar
á fólki með einlægni sinni og kímni.
Með sjálfum sér var hann mikill
baráttumaður og kom það sterkt
fram í veikindum hans, ákveðinn í
að fara á fjöll. í apríl hélt hópurinn
af stað í eina eftirminnilegustu ferð-
ina, Gulli var leiðangurstjóri og
fórst það vel úr hendi. í ferðinni
vorum við Jöklasnyrtarnir og fjöl-
skylda hans. Farið var m.a. í Land-
mannalaugar og upp að fossinum
Dynk.
Gulli afrekaði einnig að fara upp
á Eyjafjallajökul og næsta takmark
hans var Vatnajökull, ég er viss um
að hann er nú þegar búinn að láta
þennan draum rætast, búinn að
tylla sér niður á Hnjúkinn og njóta
útsýnisins og viðáttunnar. Gulli
hafði ákveðna skoðun á lífi eftir
dauðann og ég er viss um að hann
fylgist áfram með okkur. Gulli lifir
áfram meðal okkar, með sinn húm-
or og sinn prakkarasvip og á örugg-
lega eftir að glotta að hópnum sín-
um. Þetta finnst mér notaleg til-
hugsun og við eigum örugglega
eftir að spyija okkur: Hvað hefði
Gulli gert?
Minningin lifir um sterkan, kátan
persónuleika sem ætlaði að ferðast
og sigra heiminn hér, en gerir það
örugglega annars staðar. Við hitt-
umst svo aftur hinum megin, því
ég er viss um að Gulli verður
fremstur við hliðið, æstur í að segja
okkur frá nýjum leiðum, uppgötv-
unum og hugmyndum, svo ekki sé
minnst á „plönin". Fjölskyldunni og
vinum sendi ég mínar innilegustu
samúðarkveðjur. Megi guð veita
ykkur styrk.
Hildur Gunnarsdóttir.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
(V. Briem.)
Nú hefur Gulli vinur okkar lagt
upp í langför þá sem hann á víst
ekki afturkvæmt úr. Því sá sem
öllu ræður hefur tekið í stýrið og
mun stýra honum inn í lönd til hins
óþekkta, inn á nýjar slóðir, sem við
hin komum ekki til með að kynnast
fýrr en okkar tími kemur.
Þú varst fljótur að falla inn í vina-
hópinn, því ekki var hægt að hugsa
sér annað eins ljúfmenni sem þig,
ekki léstu skapið hlaupa með þig í
gönur. Það voru léttleikinn og stóra
brosið sem einkenndu þitt lifsmottó.
Þegar veikindin sóttu á þig þá
varstu ekkert á því að láta bugast,
heldur hélst ótrauður áfram og
barst þínar þungu byrðar, staðráð-
inn í að beijast áfram með bros á
vör.
Hálendisferðir og öll ferðalög
voru í miklu uppáhaldi hjá þér, og
langar okkur til að þakka þér fyrir
allar þær ferðir sem við fórum í
saman. Það var alltaf gaman í þess-
um ferðum, jafnt sumar sem vetur.
Og öruggari bílstjóra var vart hægt
að hugsa sér, því þú varst öllu van-
ur, og það var sama hvemig viðr-
aði á okkur ferðalangana, alltaf
skilaðir þú þínu fólki á áfangastað.
Þú sagðir svo oft: „Vandamálin
eru til þess að leysa þau,“ og alltaf
varstu boðinn og búinn að aðstoða
alla hvar og hvenær sem var. Það
var skemmtilegur tími þegar við
fórum „norður í sveitina“ um helgar
til þess að skemmta okkur eða
hjálpa til við bústörfm.
Þau voru mörg kvöldin heima
sem við sátum í rólegheitum og
ætluðum að horfa á góða mynd í
sjónvarpinu en þau enduðu yfirleitt
á þann veg að við töluðum um
heima og geima, og stundum var
byijað að skipuleggja næstu ferðir
sem við skyldum fara í, svo að iðu-
lega höfðum við ekki hugmynd um
myndefnið í sjónvarpinu.
Elsku Gulli, við viljum þakka þér
fyrir allar þær góðu stundir sem
við áttum saman. Því góðu stund-
irnar voru margar, og munu geym-
ast í minningunni um góðan og
traustan vin
Það er erfitt til þess að hugsa
að þú skulir vera farinn frá okkur,
en það er víst sagt að þeir deyi
ungir sem guðirnir elska, og við
vitum að það verður tekið vel á
móti þér á þessum nýja áfangastað.
Elsku Gulli, við eigum eftir að
sakna þín meira en orð fá lýst, og
geymum minninguna um góðan
dreng í hjörtum okkar og huga.
Ég, Biggi, mamma, pabbi og
systkini mín, viljum votta fjölskyldu
þinni, öllum ættingjum og vinum,
okkar dýpstu samúð.
Guð blessi minningu þína.
Auðbjörg Jóhannesdóttir
og Birgir R. Baldursson.
Elsku Gulli. Okkur langar að
minnast þín með örfáum orðum.
Eftir erfiða baráttu við illkynja
sjúkdóm varðst þú að lúta í lægra
haldi. Við sem eftir sitjum eigum
erfitt með að skilja örlögin. Við vilj-
um trúa því að þér sé ætlað annað
og mikilvægara hlutverk annars
staðar. Við minnumst þess þegar
þú komst í heimsókn í fyrravor. Þú
varst bjartsýnn og var mikill hugur
í þér þrátt fyrir að sjúkdómurinn
væri búinn að setja mark sitt á þig.
Við kveðjum þig nú elsku Gulli
með sárum söknuði og vonumst til
að þú öðlist nýtt og þjáningarlaust
líf annars staðar.
Elsku Diddi, Sigga, Ingvar,
Bjarni, Sóley og litli Sigurbjörn,
missir ykkar er mikill. Við sendum
ykkur okkar innilegustu samúðar-
kveðjur. Megi guð styrkja ykkur
um ókomna framtíð.
Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem.)
Kristján Eldjárn og Björk.
SIGURJÓN DAVÍÐSSON
+ Sigurjón Davíðsson fæddist
í Hænuvík í Rauðasands-
hreppi 14. september 1921.
Hann lést á Landspítalanum 11.
júní síðastliðinn og fór útför
hans fram frá Digraneskirkju
21. júní.
Vinur okkar og félagi í yfírkjör-
stjóm í Kópavogi, Siguijón Davíðs-
son, er látinn. Þegar við í kjörstjóm
í Kópavogi hófum um sl. mánaðamót
að undirbúa væntanlegar forseta-
kosningar mætti Siguijón á fundi
með okkur eins og ekkert væri eðli-
legra. Hann hafði um árabil verið
ritari kjörstjórnar og hóf strax að
rita fundargerð eins og hans var
vandi, en hann hafði sérstaklega stíl-
hreina rithönd og fundargerðir hans
vom greinargóðar og læsilegar.
Ekki datt okkur þá í hug að við
ættum ekki eftir að klára kosning-
arnar en seinna fréttum við að Sig-
uijón hefði fengið sérstakt leyfí til
að fara heim af sjúkrahúsinu til að
funda með okkur. Þetta lýsti vel
áhuga hans og skyldurækni við allt
sem hann tók að sér.
Siguijón hafði starfað í yfírkjör-
stjórn i Kópavogi í nær tvo ára-
tugi. Hann hafði þar rækt starf sitt
af einstakri trúmennsku og áhuga.
Frá því að ég byijaði sjálfur að fást
við þessi mál fór alltaf vel á með
okkur Siguijóni. Það var ákaflega
gott að vinna með honum og alltaf
var stutt í kímni og skemmtileg-
heit, sem gerði sitt til að gera kosn-
ingadaga og undirbúning þeirra að
gefandi vinnu. Þó Siguijón væri
hægur og rólegur var hann hins
vegar fastur á sínu og fylgdi því
eftir sem honum fannst rétt.
Við í kjörstjórninni í Kópavogi
munum halda áfram að undirbúa
kosningarnar, og vitum að Siguijón
fylgist með okkur, þó frá öðrum
sjónarhóli sé. Við munum hins veg-
ar sakna hans sem vinar og félaga
og vottum aðstandendum hans okk-
ar innilegustu samúð.
Jón Atli Kristjánsson form.
yfirkjörstjórnar í Kópavogi.