Morgunblaðið - 06.07.1996, Blaðsíða 6

6 LAUGARDAGUR 6. JÚLÍ 1996
MORGUNBLAÐIÐ
FRÉTTIR
Samstarf veldur
ekki vanhæfi
STARFSMAÐUR verður almennt
ekki vanhæfur til meðferðar máls
samkvæmt stjómsýslulögum, enda
þótt hann hafi kynnst aðila máls í
starfi sínu, að áliti umboðsmanns
Alþingis. Umboðsmaður segir það
sama gilda þótt starfsmaður hafi
unnið að einstökum verkefnum með
aðila máls eða starfað með honum
í aðalstarfi sínu. Hafi samstarfið
hins vegar verið afar náið og um-
fangsmikið og staðið í langan tíma
kunni öðru máli að gegna og náin
vinátta valdi vanhæfi til meðferðar
máls.
Þetta kemur fram í áliti umboðs-
manns vegna kvörtunar manns,
sem taldi að nokkrir aðilar hefðu
verið vanhæfir til að fjalla um ráðn-
ingu, m.a. vegna þess að þeir hefðu
starfað með föður mannsins sem
ráðinn var, eða með honum sjálfum;
einn var talinn vanhæfur þar sem
hann hefði sömu menntun og sá
sem ráðinn var, annar þar sem
hann væri skyldur manninum í
þriðja lið og sá þriðji þar sem hann
hefði haft fjárhagslegan ávinning
af úrlausn málsins.
Gæta þarf að málsmeðferð
Umboðsmaður féllst ekki á þessi
sjónarmið, en tók að fullu undir að
faðir mannsins hefði verið vanhæf-
ur að fjalla um ráðningu hans.
Hann hefði hins vegar ekki komið
svo nærri málum að það breytti
ákvörðun um ráðninguna.
í álitinu segir umboðsmaður jafn-
framt, að almennt sé ekki nægjan-
legt að komið sé í veg fyrir að van-
hæfur maður taki þátt í meðferð
máls, heldur verði jafnframt að við-
hafa þá málsmeðferð, að almennt
liggi ljóst fyrir, að farið hafi verið
að lögum.
Halldór Ásgrímsson utanríkisráð-
herra um ummæli sendiherra ESB
Hugmyndirnar ekki
nýjar af nálinni
HALLDÓR Ásgrímsson utanríkis-
ráðherra segir að hugmyndir Johns
Maddison, sendiherra Evrópusam-
bandsins hér á landi, um að íslend-
ingar ættu að kanna hvort hægt
sé að bæta við sjávarútvegsstefnu
ESB sérstakri skilgreiningu, sem
henti íslenzkum sjávarútvegi, séu
ekki nýjar af nálinni.
„Hann er í raun að tala um það
sama og við höfum alltaf gert, þeg-
ar við kynnum hagsmuni og sér-
stöðu íslands fyrir fulltrúum Evr-
ópusambandsins. Við förum þá yfír
þessi mál og þá staðreynd, að við
getum ekki sætt okkur við það, ef
Island yrði einhvern tímann aðili
að Evrópusambandinu, að vera
settir undir sameiginlegu sjávarút-
vegsstefnuna,“ segir Halldór.
Aðspurður hvort ekki hafi verið
kannað hjá ESB hvort hægt væri
að biðja um viðbætur við sjávarút-
vegsstefnuna, fremur en breytingar
segir Halldór: „Við höfum margfar-
ið yfir þetta og aldrei fengið önnur
svör en þau að hugsanlegt sé að
fá tímabundnar undanþágur en
ekki viðvarandi.
í samtali, sem ég átti við Emmu
Bonino [sem fer með sjávarútvegs-
mál í framkvæmdastjóm ESB]
sagði hún hreint út að ESB væri
að vinna að því að víkka út sameig-
inlega stefnu sína á ýmsum sviðum,
til dæmis í utanríkis-, öryggis- og
myntmálum og því væri ekki á
dagskrá að undánskilja þjóðirnar
þeim sameiginlegu stefnum, sem
uppi eru. Þetta eru mál, sem við
erum alltaf að ræða og ég hef talað
við sendiherrann um.“
Korn malað á ný í Syðsta-Hvammi við Hvammstanga
BJÖRN Sigurðsson hleypir vatni inn í stokkinn , Morgunblaðið/Helgi Bjarnason
að myllunni í Syðsta-Hvammi á Hvammstanga. MYLLUBÓNDINN hugar að gangverkinu.
Myllusteinninn var
notaður í girðingarstag
VATNSMYLLA hefur verið end-
urbyggð í Syðsta-Hvammi við
Hvammstanga. „Hér sást móta
fyrir myllu og skurðum og hefur
verið talað um það í mörg ár að
byggja upp mylluna. Ég er að
þessu til að gera eitthvað
skemmtilegt og fannst það til-
vinnandi á þessum stað,“ sagði
Björn Sigurðsson, Bangsi í
Nausti, á Hvammstanga þegar
blaðamaður skoðaði verkið.
Myllan í Syðsta-Hvammi hefur
líklega verið aflögð rétt eftir
aldamót. Vitað er að þar var
malað korn af fleiri bæjum og
kom fólkið með það í pokum.
Björn segir að myllusteinarnir
hafi verið til og lengst af á staðn-
um. Annar var notaður í stag í
girðingu í áratugi og hinn var
kominn suður í Mosfellsbæ.
Björn tók þá til handagagns þeg-
ar áhugi hans á endurbyggingu
myllunnar vaknaði og eru nú
komnir á sinn gamla stað á
mylluhúsinu.
í haust hlóð Jón Ágústsson
veggi mylluhússins úr torfi, á
þeim stað sem gamla myllan stóð.
Björn smíðaði síðan sjálfa myll-
una og gróf upp skurðina og
segir að það hafi verið töluvert
verk.
„Ég vissi um gamlan ás sem
notaður var sem girðingarstaur
og gat látið smíða eftir honum.
Ég fékk líka eldgamla teikningu
frá Þjóðminjasafninu og skoðaði
myllu í byggðasafninu á Reykj-
um. Þannig gat maður ímyndað
sér þetta svolítið. En það er ekki
farið nákvæmlega eftir þessum
gögnum. Og sjálfsagt hefur
gamla myllan í þessum kofa ver-
ið allt öðru vísi,“ segir Björn.
Töluvert vatn rennur í gegn
um mylluna og hún snýst vel
þótt fallhæðin sé ekki nema um
það bil einn metri. „Það hefur
verið mjög gaman að fást við
byggingu myllunnar. Við ætlum
að prófa að mala korn í henni
og vonandi verður hægt að bjóða
fólki að kaupa sér hveitikíló. En
aðallega er þetta fyrir augað og
nýtist til að draga fólk hingað
að tjaldstæðinu," segir Björn.
Kornmyllan er við tjaldsvæðið
á Hvammstanga og verður alltaf
opin til skoðunar. I gær var hún
tekin formlega í notkun á svo-
kallaðri Myllugleði.
Kjötumboðið dregur athugasemdir sínar til baka eftir viðræður í fyrrakvöld
Gætir hag’smnna
fyrirtækisins best
SKIPULAGSNEFND hefur frestað
afgreiðslu 15 umsagna vegna breyt-
ingar á deiliskipulagi og kynningar
á breyttri landnotkun á lóð númer
89 við Laugarnesveg, þar sem til
stendur að byggja þijú fjölbýlishús
á Kirkjusandi 1-5. Helstu athuga-
semdir gerði Kjötumboðið hf., sem
starfar á næstu ióð, en hluti þeirra
var síðan dreginn til baka aðfara-
nótt föstudags eftir „viðræður við
hlutaðeigandi aðila varðandi fram-
kvæmdir" eins og segir í bréfi til
skipulagsnefndar. Frestur til að skila
athugasemdum rann út 4. júlí og
sendi Kjötumboðið borgaryfirvöldum
bréf 7., 20., 22. og 27. júní.
Landsbankinn fékk norðurhluta
lóðarinnar í fyrra í uppgjöri við Is-
lenskar búvörur og Kjötumboðið, og
seldi Ármannsfelli fyrr á árinu.
Landsbankinn á jafnframt 44% í
Kjötumboðinu og var Sverrir Her-
mannsson bankastjóri Landsbank-
ans spurður í gær hver afstaða bank-
ans væri vegna þess máls sem upp
er komið. „Kjötumboðið hefur hreyft
einhveijum mótmælum við byggingu
Ármannsfells á lóðinni. Kjötumboðið
kemst ekkert upp með það.“
í bréfi frá Helga Óskari Óskars-
syni, framkvæmdastjóra Kjötum-
boðsins, og Þorgeiri B. Hlöðvers-
syni, stjórnarformanni íslenskra bú-
vara, sem er eignarhaldsfélag Kjöt-
umboðsins, til Guðrúnar Ágústsdótt-
ur, borgarfulltrúa R-listans og for-
manns skipulagsnefndar, segir: „I
ljósi viðræðna sem við höfum ... átt
við hlutaðeigandi aðila varðandi fyr-
irhugaðar framkvæmdir á lóðinni
Laugarnesvegur 89, Reykjavík, höf-
um við ákveðið að draga til baka
bréf til Borgarskipulags Reykjavík-
ur, dagsett 27. júní síðastliðinn, er
varðaði andmæli við auglýsta breyt-
ingu á staðfestu deiliskipulagi á
staðgreinireit 1.340.5 og athuga-
semdir við fyrirhugaðar byggingar-
framkvæmdir á lóðinni og einnig að
draga til baka bréf til borgarstjórans
í Reykjavík, Ingibjargar Sólrúnar
Gísladóttur, dagsett 7. júní, er varð-
aði veitingu leyfis til jarðvinnslu-
framkvæmda við Laugarnesveg 89,
Reykjavík."
Afhent formanni
aðfaranótt föstudags
Bréfið var afhent formanni skipu-
lagsnefndar þegar fundi borg-
arstjórnar lauk aðfaranótt föstudags,
um klukkan hálfeitt, þar sem fyrir-
hugaðar byggingarframkvæmdir
voru meðal annars til umræðu.
Helgi Óskar Óskarsson, fram-
kvæmdastjóri Kjötumboðsins, vildi
ekki upplýsa hveija „hlutaðeigandi
aðila varðandi fyrirhugaðar fram-
kvæmdir" hefði verið rætt við. Helgi
Óskar sagði þess í stað í samtali við
Mojgunblaðið í gær, að það hefði
verið metið svo eftir að viðræðunum
lauk í fyrrakvöld, að sú ráðstöfun
að draga fyrrgreindar athugasemdir
til baka gætti hagsmuna fyrirtækis-
ins best. Hann sagði enga ákvörðun
hafa verið tekna um breytingar á
starfsemi Kjötumboðsins.
Afla þarf gagna
og skýra ágreining
Borgarskipulagi bárust 15 at-
hugasemdir vegna fyrirhugaðra
framkvæmda, _ meðal annars frá
Listaháskóla íslands og íbúum í
hverfinu. Safnað var undirskriftum
550 íbúa í grenndinni, þar sem hæð
húsanna og aukinni umferð er mót-
mælt og jafnframt telja stjórnendur
Listaháskólans að auglýstar fram-
kvæmdir hindri „framtíðarvaxtar-
möguleika skólans" eins og segir í
athugasemd þeirra.
Guðrún Ágústsdóttir, formaður
skipulagsnefndar, segir að reynt
verði að afgreiða umsagnirnar til
borgarráðs fyrir lok næstu viku.
Ekki er hægt að heimila breytingu
á landnotkun á lóðinni fyrr en skipu-
lagsnefnd afgreiðir umsóknirnar til
borgarráðs, sem sendir niðurstöðu
til skipulagsstjóra ríkisins. Til þess
að svo megi verða þarf að liggja
endanlega fyrir hvernig bregðast
má við hljóðmengun á lóðinni og
hvernig starfsemi Kjötumboðsins hf.
verður háttað í framtíðinni, að Guð-
rúnar sögn.
Fram kom í Morgunblaðinu í gær
að framkvæmdastjóri Kjötumboðs-
ins, Helgi Óskar Óskarsson, hefði
frétt hjá starfsmönnum Borgar-
skipulags að starfsemin væri að
flytja. Var það byggt á upplýsingum
frá arkitekt húsanna, Helga Hjálm-
arssyni. Gunnar Jóhann Birgisson,
fulltrúi Sjálfstæðisflokks í skipulags-
nefnd, sagði jafnframt í blaðinu að
skipulagsnefnd hefði samþykkt er-
indi vegna fyrirhugaðra fram-
kvæmda á þeim forsendum að Kjöt-
umboðið flytti, sem gert hefði verið
ráð fyrir í bréfi frá arkitektinum.
Gunnar Jóhann sagði í samtali við
Morgunblaðið í gær að afgreiðslu
málsins hefði verið frestað á fundi
nefndarinnar til að afla frekari
gagna og skýra ágreining sem uppi
væri. Meðal annars yrði að komast
að endanlegri niðurstöðu hvað varð-
ar ráðstafanir gegn hljóðmengun,
þar sem niðurstöðum sérfræðinga
bæri ekki saman.
Geta útvegað
Kjötumboðinu lóð
Aðspurð hvort sett yrði sem skil-
yrði fyrir afgreiðslu nefndarinnar
að Kjötumboðið flytti starfsemina
segir Guðrún Ágústsdóttir: „Það
liggur fyrir að umsókn Kjötumboðs-
ins fyrir leyfi til byggingar á reyk-
ofni hefur verið synjað vegna ná-
lægðar við gamalt og gróið íbúðar-
hverfi. íbúarnir hafa mikið mótmælt
lykt og mengun frá fyrirtækinu og
ekki er langt síðan að þar varð
ammoníakleki. Auðvitað er gott að
blanda saman atvinnulífi og íbúðar-
byggð, en það er ekki skynsamlegt
að hafa hvaða starfsemi sem er ná-.
lægt íbúðarhúsnæði. Ég er ekki viss
um að þetta sé æskilegasta starf-
semin nálægt íbúðarbyggð, eins og
hún er rekin nú. Hins vegar er hægt
að útvega þessum aðilum góða lóð
á góðum stað innan borgarmark-
anna. Ef þeir sækja um munum við
leggja okkur sérstaklega fram um
að leysa þeirra vanda,“ ssagði Guð-
rún Agústsdóttir að lokum.