Morgunblaðið - 06.07.1996, Blaðsíða 12
12 LAUGARDAGUR 6. JÚLÍ 1996
MORGUNBLAÐIÐ
LAIMDIÐ
Morgunblaðið/Anna Ingólfsdóttir
SYSTKININ á Bustarfelli ásamt móður sinni. Methúsalem, Gunnlaugnr, Elín
Methúsalemsdóttir, Birna, Björg og Jóhann.
ELlN Methúsalemsdóttir og dótturdóttir hennar, Arna Eir Gunnarsdóttir,
staddar Uppi hjá okkur í Bustarfeili.
Sýning á Bustarfelli
Egilsstöðum
í Minjasafninu á Bustarfelli í
Vopnafirði hefur verið sett upp
sýningin „Uppi hjá okkur“ i til-
efni af því að 30 ár eru liðin frá
þvi að búsetu lauk í gamla bæn-
um. Gamli bærinn á Bustarfelli
er stór torfbær í burstabæjarstfl.
Methúsalem Methúselemsson,
bóndi á Bustarfelli, 1916-1969,
lagði metnað í að varðveita
gamla bæinn og muni i honum.
Arið 1943 keypti Þjóðminjasafn
íslands bæinn og næstu árin á
eftir voru gerðar á honum
endurbætur. Innanstokksmunir
eru allir frá gamalii tið og var
stofnað sérstakt safn með þeim
árið 1982. Fjölskyldan bjó áfram
í bænum til 1966 og sá um að
sýna gömlu húsin á vegum Þjóð-
minjasafnsins.
Árið 1965 hófu búskap Elín
Methúsalemsdóttír og Elnar
Gunnlaugsson. Þau eignuðust
fímm börn á árunum 1955-1962.
Svefnherbergi þeirra var á lofti
yfir fremri-stofu, en stofan var
byggð 1851-52. Svefnherbergið á
loftinu hefur nú verið búið hús-
gögnum, leikföngum og fatnaði
eins og það var árið 1962. Þá
voru þar auk þjónarúms fjögur
barnarúm og vagga. Bærinn var
jafnan sýndur gestum og gang-
andi og þess vegna höfðu börnin
takmarkað rými til leikja innan-
húss. Svefnherbergið hafði þó
fjöiskyidan fyrir sig og þar léku
börnin sér, lásu eða hlustuðu á
útvarp. Loftið fékk þá nafnið
„Uppi þjá okkur“ og er kallað það
enn þann dag í dag.
Miklar breytingar hafa átt sér
stað siðan systkinin fimm á Bu-
starfelli voru að aiast upp, þótt
ekki sé svo ýkjalangt um liðið. í
dag þykir sjáfsagt að öll börn
eigi sérherbergi útbúið með leik-
föngum í öllum regnbogans litum.
Börn sem eyða miklum tíma í
sýndarheimi sjónvarjis og tölvu
verða vafalaust undrandi að sjá
leikfangaúrval barnanna á Bu-
starfelli. Hins vegar má búast við
að foreldrar þekki sitthvað úr
eigin bernsku, svo sem lestrarefni
elsta bróðurins úr systkinahópn-
um.
Safnið á Bustarfelli er opið í
þijá mánuði á sumrin en auk
þess eftir samkomulagi. Um
verslunarmannahelgina verður
efnt til starfsdags við safnið og
færist þá líf í bæinn. Sýnd verða
gömul vinnubrögð inni og úti og
safngestir fá að bragða smjör
beint af strokknum, lummur bak-
aðar við hlóðaeld og fleira þjóð-
legt. Þetta er i fimmta sinn sem
haldinn er starfsdagur og hefur
aðsókn vaxið ár frá ári. í fyrra
voru um G00 manns saman komn-
ir á Bustarfelli þennan dag.
Starfsdagurinn verður laugar-
daginn 3. ágúst. Á sama tíma
standa yfir sérstakir Vopnafjarð-
ardagar með skemmtilegri dag-
skrá. Á sýningunni „Uppi þjá
okkur“ eru einnig Ijósmyndir af
íbúum gamla bæjarins síðustu 90
árin. Sýningin stendur í sumar
og er opin daglega á opnunartíma
safnsins.
Morgunblaðið/Anna Ingólfsdóttir
UNGLINGADEILD Björgunarsveitarinnar Grós á Egilsstöð-
um við framkvæmd á göngustígum.
Gönguleiðir í
Kverkfjöllum
Egilsstöðum - Nýlokið er við að
merkja tvær gönguleiðir útfrá
Sigurðarskála í Kverkfjöllum.
Önnur leiðin er á Virkisfell og
tekur um 1 'h klst. að ganga
hana. Hin er hringur með við-
komu á Biskupsfelli og tekur
um 4 Vi klst.
Unglingadeild Björgunar-
sveitarinnar Grós á Egilsstöðum
lagði til mikla sjálfboðavinnu við
framkvæmdina. Tvö ungmenni
frá Jökuldal hafa verið að lag-
færa stígana og ganga frá stik-
um. í framhaldi af þessu verða
gefin út göngukort yfir þessar
leiðir. Framkvæmdin var unnin
undir stjóm Kristínar Sigfús-
dóttur landvarðar.
Verkefnið er styrkt af Ferða-
málaráði íslands og Jökuldals-
hreppi. Það eru Ferðafélög
Fljótsdalshéraðs og Húsavíkur
sem standa að verkefninu.
Morgunblaðið/Anna Ingðlfsdóttir
Fimm egg í lóuhreiðri
LÓUHREIÐUR með fimm eggjum fannst við bæinn sjaldgæft að lóa verpi fimm eggjum en venjulega
Skógargerði á Fljótsdalshéraði. Það þykir mjög verpir hún fjórum.
Endurbygg-
ing Kirkju-
hvamms-
kirkju
Hvammstanga - Nú er unnið að
endurbyggingu kirkjunnar í Kirkju-
hvammi við Hvammstanga. Kirkjan,
sem var vígð árið 1883, var sóknar-
kirkja Hvammstangasafnaðar um
áratugaskeið, allt til vígslu nýrrar
kirkju í kauptúninu árið 1957. Kirkj-
an stendur í kirkjugarði staðarins
og setur mikinn svip á umhverfi sitt.
Kirkjuhvammskirkja hefur verið
í vörslu þjóðminjavarðar í allmörg
ár og var hún orðin lúin og skökk.
Árið 1993 hófst endurbygging henn-
ar og er reiknað með að verkinu Ijúki
Morgunblaðið/Karl Á. Sigurgeirsson
SMIÐIR við endurbyggingu Kirkjuhvammskirkju.
á þessu sumri. Heimamenn vonast
til að kirkjan verði hafin aftur til
vegs og virðingar og þjóni meðal
annars óskum ferðafólks á svæðinu
til bænahalds og einstakra athafna.
Verkið er unnið af Trésmiðjunni
Borg á Sauðárkróki og er yfirsmið-
urinn Bragi Skúlason.