Morgunblaðið - 20.07.1996, Blaðsíða 4

4 LAUGARDAGUR 20. JÚLÍ 1996
MORGUNBLAÐIÐ
FRÉTTIR
Hveravellir
Ferðafélaginu
falin umsjón
elsta sæluhússins
FERÐAFÉLAG íslands bauð fjöl-
miðlafólki í dagsferð til Hveravalla
í fyrradag, til kynningar á starfsemi
félagsins þar og málstað þess í deil-
um þeim sem staðið hafa undanfar-
ið um skipulagsmál á svæðinu. Við
það tækifæri var einnig kynntur
nýgerður samningur milli Ferðafé-
lagsins og Minjavemdar, þar sem
félaginu er falin umsjón með elsta
sæluhúsinu á Hveravöllum, sem nú
er ætlað hlutverk sem gestastofa.
Gamla sæluhúsið á Hveravöllum
var byggt sumarið 1922. íslenska
fjallvegafélagið hafði þá ráðið þtjá
menn til að lagfæra og varða Kjal-
veg, og var þeim einnig falið að
reisa sæluhús á Hveravöllum, sem
ætlað var sem afdrep fyrir menn
og hesta. Veggir hússins voru
hlaðnir úr hraungrýti úr nágrenninu
og þakið var klætt bárujárni og
torfi. í sæluhúsinu var upphaflega
milliloft, og því gátu ferðalangar
hvílst uppi og geymt hesta sína
niðri.
Gamla sæluhúsið endurbyggt
Minjavernd hóf árið 1992 að
kanna leiðir til að lagfæra húsið,
sem þá var orðið mjög illa farið.
Minjavemd gerði vörslusamning við
Svínavatnshrepp árið 1992, sem fól
í sér yfirtöku stofnunarinnar á hús-
inu með endurgerð þess í huga.
Framkvæmdirnar áttu sér stað
sumrin 1994 og 1995 í samvinnu
við Náttúruverndarráð, og voru þær
kostaðar af Fjailasjóði. Allir veggir
hússins voru endurhlaðnir og þekj-
an var endurnýjuð og klædd torfi.
Milliloftið var einnig fjarlægt.
FERÐALANGAR að mynda hverinn Öskurhól, sem er hávaða-
samur í meira lagi eins og nafnið bendir til. Á myndinni sést
hluti göngupalla, sem lagðir hafa verið um hverasvæðið.
YNGRI skáli Ferðafélags íslands á Hveravöllum, sem byggður
var árið 1980. Verði skipulagi Svínavatnshrepps hvað varðar
Hveravallasvæðið ekki hnekkt, fær skálinn ekki að standa áfram.
Kennt við Fjalla-Eyvind
Samningur milli Minjavemdar og
Ferðafélags íslands um daglegt eft-
irlit, umsjón og vörslu hússins var
undirritaður 24. júní sl. Gamla sælu-
húsinu er nú ætlað það hlutverk að
hýsa upplýsingar um Hveravelli,
náttúrufar og sögu staðarins.
Gönguleið um svæðið hefur verið
tengd húsinu og þar verður komið
upp fræðslu- og upplýsingaspjöldum
á vegum Náttúruverndarráðs. Nafn
hússins hefur ekki verið ákveðið, en
líklegt er að það verði kennt við
útilegumanninn kunna, Eyvind Jóns-
son, sem dvaldi tvívegis á Hveravöll-
um í útlegð sinni á 18. öld.
Morgunblaðið/Þorkell
GAMLA sæluhúsið á Hveravöllum, sem Ferðafélagi íslands hefur nú verið falið til umsjónar.
Refasveit
Stórfellt
dráp
kríuunga
Blönduósi. Morgunblaðið.
FJÖLDI kríuunga hefur verið drep-
inn á Neðribyggðarvegi skammt
norðan Blönduóss, milli Blöndu-
bakka og Bakkakots. Að ' sögn
Valdimars Guðmannssonar, fyrr-
um bónda í Bakkakoti, er þetta
með því mesta sem hann man eftir.
Ástæður þessa ungadráps eru
að sögn Valdimars ógætilegur
akstur um veginn. Ungamir setj-
ast gjarnan á veginn og eru heldur
seinir í svifum og þurfa menn að
sýna aðgát í akstri þegar ekið er
í gegn um kríuvarp. Valdimar
Guðmannsson taldi að þetta hefði
gerst um síðastliðna helgi og að
minnsta kosti um 30 ungar verið
drepnir.
Mun fleiri ungar hafa drepist
vegna ógætilegs aksturs
í vettvangskönnun sl. fimmtu-
dag kom í ljós að mun fleiri ungar
hafa látið lífið vegna ógætilegs
aksturs. Hvort sem hér er um vilja-
eða óviljaverk að ræða er ljóst,
sagði Valdimar, að sá eða þeir sem
hér hafa verið að verki eru ekki í
sterkum tengslum við umhverfi
sitt.
Á myndinni virðir Haukur Ás-
geirsson á Blönduósi fyrir sér kríu-
ungahræ sem safnað var saman á
örstuttum vegarkafla á Neðri-
byggðarvegi.
Morgunblaðið/Jón Sigurðsson
Hæfi eða vanhæfi skólamanna
í bæjarstjórn Hornafjarðar
Akvörðun um megin
stefnu í skólamálum
GREIDD voru atkvæði um hugsan-
legt vanhæfi þriggja skólamanna í
bæjarstjórn Hornafjarðarbæjar
áður en tillögur um framtíðarfyrir-
komulag skólahalds þar komu til
afgreiðsiu. Mennirnir eru skóla-
stjórar Hafnarskóla og Heppuskóla
og kennari við Nesjaskóla. Þeir voru
ekki taldir vanhæfir og tóku því
þátt í afgreiðslu málsins, sem nú
hefur verið kærð til félagsmála-
ráðuneytis, með vísan til stjórn-
sýslulaga.
Sturlaugur Þorsteinsson, bæjar-
stjóri í Hornafjarðarbæ, segir að það
væri hlálegt ef féiagsmálaráðuneyt-
ið, sem áður hefur úrskurðað að
skólastjórnendur og kennarar geti
setið í sveitarstjórnum, færi nú að
úrskurða sömu menn vanhæfa.
Hann segir að þarna sé um að ræða
ákvörðun um meginstefnu í skóla-
málum, sem engin áhrif hafi á per-
sónulega hagi þeirra skólastjóra og
kennara sem um ræðir.
Bæjarsljórnin sammála um
meginstefnu
Sturlaugur segir ennfremur að
bæjarstjórnin öll sé mjög sammála
um meginstefnuna í skólamálum og
því hefði það engu breytt um ákvörð-
unina þótt umræddir bæjarstjórnar-
menn hefðu vikið sæti.
Þessi sama ákvörðun bæjarstjórn-
ar hefur einnig verið kærð til um-
boðsmanns barna. Um þá kæru seg-
ir bæjarstjórinn að ákvörðunin um
þrískiptingu grunnskólans sé fyrst
og fremst tekin vegna barnanna.
„Með þessu erum við að stíga skref
sem sum sveitarfélög treysta sér
ekki tii að taka á áratug,“ segir
Sturlaugur.
Álitið heildarskipulagsmál
Albert Eymundsson, skólastjóri
Hafnarskóla og einn bæjarstjórnar-
manna, segist oft hafa haft frum-
kvæði að því að víkja sæti og vekja
athygli á vanhæfi, og hafi samstarfs-
mönnum hans oft þótt nóg um. „Ég
hef verið viðkvæmur fyrir þessu
vanhæfi og er það áfram, og það
kæmi vel á vondan ef ég færi nú
að lenda í þessu sjálfur. Menn litu
bara á þetta sem heildarskipulags-
mál, en ekki málefni hverrar stofn-
unar fyrir sig, þannig að það hefur
sjálfsagt verið þess vegna sem þeir
töldu okkur ekki vanhæfa í þessu
máli,“ segir Albert.
Eru skólamenn yfirleitt
kjörgengir til sveitarstjórna?
Sævar Kristinn Jónsson, kennari
við Nesjaskóla, sem jafnframt á
sæti í bæjarstjórn, telur sig ekki
vanhæfan til að fjalla um mál grunn-
skólans, ekki síst í ljósi þess að hann
sé að fara í launalaust leyfi frá
kennslu. Hann segist hinsvegar velta
því fyrir sér hvort kennarar og skóla-
stjórnendur séu yfirleitt kjörgengir
til sveitarstjórna eftir að sveitarfé-
lögin hafa yfirtekið rekstur grunn-
skólanna.
Ekki náðist í Guðmund Inga Sig-
björnsson, skólastjóra Heppuskóla,
þar sem hann er staddur erlendis.
i
I
>
í
I
»
I
I
I
I
I
»
i
i
i
p
i
i
i;
l
í
t
9
t