Morgunblaðið - 20.07.1996, Blaðsíða 14

Morgunblaðið - 20.07.1996, Blaðsíða 14
\9uMjRm^m*m^r^ -y . ¦¦ • ¦ 1.4 LAUGARDAGUR 20. JÚLÍ 1996 MORGUNBLAÐIÐ ERLENT Fækkun her- stöðva Frakka hörmuð í Bonn Bertín. The Daily Tclegraph. TILKYNNING Frakka um að þeir hyggist kalla heim 17 til 20 þúsund hermenn, sem staðsettir eru í Þýskalandi, hefur ýtt undir ótta þýskra stjórnvalda um að snurða sé hlaupin á þráðinn í samruna Evrópu. Volker Ríihe, varnarmálaráð- herra Þýskalands, kvaðst harma ákvörðun Frakka, sem felur í sér að þeir loki 14 af 18 herstöðvum sínum í suðvesturhluta Þýskalands fyrir árið 2000. Ruhe lét engan vafa leika á því að Þjóðverjar hefðu ekki verið hafðir með í ráðum þeg- ar þessi ákvprðun var tekin. Engin tilkynning barst um málið frá skrifstofu Helmuts Kohls kansl- ara og sagði í þýska dagblaðinu Frankfurter AUgemeine Zeitung að það væri engin furða þótt kanslar- inn kysi að virða ákvörðun Frakka að vettugi. Hún stangaðist á við hugmyndir hans um raunveruleik- ann. í blaðinu var því bætt við að eina ríkið, sem enn hefði umtalsverðan herafla í Þýskalandi, væri Banda- ríkin. Peter Hausmann, helsti talsmað- ur þýsku stjórnarinnar, bar á móti því að ráðamönnum í Bonn líkaði illa að hafa verið sagt seint frá fyrirætlunum Frakka. Hann sagði að tilkynning hefði borist „við fyrsta tækifæri" og Þjóðverjar hefðu hvatt til þess að eins margir franskir hermenn yrðu hafðir áfram í Þýska- landi og mögulegt væri. Ósennilegt verður að teljast að mikið tillit hafi verið tekið til þeirr- ar óskar Þjóðverja því að hermenn- irnir, sem verða eftir, eru Frakkarn- ir, sem eru í sameiginlegri sveit Frakka og Þjóðverja og samevr- ópskri könnunarsveit, alls 3.000 manns. Mikil fækkun í Þýskalandi , Brottkvaðning Frakkanna er í samræmi við ákvarðanir, sem önnur aðildarríki að Atlantshafsbandalag- inu hafa tekið frá lokum kalda stríðsins. Frá árinu 1989 hefur breskum hermönnum í Þýskalandi fækkað úr 70.000 í 30.000, bandarískum hermönnum hefur verið fækkað úr 250.000 í 76.000, kanadískum úr 8.000 í 100, belgískum úr 27.000 í 2.000 og hollenskum úr 8.000 í 2.500. Um hálf milljón sovéskra her- manna var í Austur-Þýskalandi, en nú er þar enginn rússneskur her- maður. Á degi píslar- vottanna AUNG SAN SUU KYI, leiðtogi lýðræðissinna í Búrma, lagði í gær blómakðrfur að grafhýsi föður síns, Aungs Sans, hershöfð- ingja, sem leiddi Búrmatil sjálf- stæðis á fimmta áratugnum. Ár- leg minningarathöfn, dagur písl- arvottanna, var í gær, og kom Suu Kyi til hennar í fylgd Then Tun, liðsforingja, sem var tengi- liður hennar og herstjórnarinnar í landinu, á meðan Suu Kyi sat í stofufangelsi. Fjölmiðlar i land- inu atyrtu Suu Kyi í gær fyrir að hafa hvatt Vesturlðnd til þess að leggja efnahagsþvinganir á Búrma, í því skyni að neyða stjórn völd til lýðræðisumbóta. Reuter Reuter BOSNÍSK kona yfirgefur likhúsið í borginni Visoko eftir að hafa borið kennsl á lík ættingja síns, sem grafið var upp við þorpið Svarke. Morðin voru hluti þjóðernishreinsana Serba í Bosníu. Stríðsglæpadómstóll Sameinuðu þjóðanna í Haag Vinnubrögð dómstólsins sæta aukínni gagnrýni ALÞJÓÐLEGI dómstóllinn, sem settur var upp í Den Haag í Hol- Iandi til að rétta yfir mönnum, sem grunaðir eru um að hafa framið stríðsglæpi í stríðinu í fyrrverandi Júgóslavíu, hefur að undanförnu sætt nokkurri gagnrýni fyrir vinnu- brögð sín. Mikið er í húfi að dómstólnum takist að byggja upp trúverðugleika hjá öllum aðilum, sem ér þó erfitt verk með tilliti til þess að hann er undir miklum alþjóðlegum þrýst- ingi. í fyrradag sakaði rússneski utanríkisráðherrann dómstólinn um hlutdrægni, og tíndi til sem rök fýrir þessari skoðun sinni að hann væri of pólitískur og gætti ekki jafn- vægis í aðgerðum sínum. Vitni sökuð um að bera ljúgvitni I réttarhöldum yfír Bosníu-Serb- anum Dusan Tadic, sem hafa verið á dagskrá dómstólsins undanfarna daga, hafa nú tveir bosnískir múslím- ar verið sakaðir um að bera ljúgvitni. Dómstóllinn hefur nú starfað í níu vikur. Á þeim tíma hefur hann hlýtt á vitnisburð 33 vitna, og byggt þannig upp mynd af víðtækum og skipulegum þjóðernishreinsunum Serba í héruðum í Bosníu. Dusan Tadic er ákærður fyrir 15 morð og misþyrmingar á múslímsk- um föngum í fangabúðunum í Om- arska, Keraterm og Trnopolje á árinu 1992. Hann heldur því fram að villzt hafi verið á mönnum, hann hafi aldrei komið í búðirnar. Fjöl- mörg vitni, sem lifðu af vist í búðun- um hafa borið, að þau hafi séð Tadic þar. En verjendur hans halda því fram að mörg vitnanna fari aðeins með sögusagnir og lýsi Tadic aðeins eftir frásögnum annarra. Þannig tókst verjendum hans að leiða tvö vitni í mótsagnir í vitnis- burði sínum, og saka nú vitnin um að bera vísvitandi ljúgvitni vegna haturs síns á öllum Serbum; þeim sé sama hver sé dæmdur, þau vilji aðeins hefnd. Mál Tadic er aðeins eitt af mörg- um og sýnir þann vanda sem réttur- inn er í. Hann þarf að temja sér mikla varkárni í vinnubrögðum þar sem hann starfar í hápólitísku um- hverfi. En það eru einmitt vinnu- brögð réttarins sem hafa hlotið mestu gagnrýnina upp á síðkastið. Sérfræðingar óvandvirkir í Der Spiegel fá vinnubrögð sér- fræðinga dómstólsins, sem höfðu það hlutverk að safna saman heim- ildum og vitnisburðum um stríðs- glæpi í stríðinu, ekki háa einkunn. Til dæmis hafi þeir aðeins endurtek- ið fyrir réttinum það, sem vitnazt hafði fáum vikum eftir fall Sre- brenica og birzt hafði í fjölmiðlum um allan heim. Sérfræðingur dóm- stólsins, sem sérstaklega var sendur til að rannsaka voðaverk í Austur- Bosníu, Frakkinn Jean-René Ruez, vitnaði í framburði sínum hvað eft- ir annað í blaðagreinar úr Figaro og Washington Post. Spiegel segir Ruez hafa blandað saman staðfestum frásögnum af staðreyndum við hryllingssögur, sem hann þekkti sjálfur aðeins sem sögusagnir og hafði ekki leitað stað- festingar á. Allar óstaðfestar sögusagnir, sem fram eru bornar fyrir réttinum, eru fengur fyrir verjendur hinna ákærðu. Þeir geta með þeim dregið trúverðugleika og hlutleysi réttarins í efa, taki hann tillit til þeirra. Þær staðreyndir sem kunnar eru og stað- festar um atburðina við Srebrenica eru nógu hryllilegar, engin þörf er á að tefla trúverðugleika þeirra í tvísýnu með óstaðfestum sögusögn- um. Heimildir: Politiken, Der Spiegel, Reuter. Frakkar kæra fækk- un funda París, Strassborg. Reuter. FRANSKA ríkissf jórriin er æf yfir þeirri ákvörðun Evrópu- þingsins, annað árið í röð, að stytta þinghald sitt í Strassborg á næsta ári. Tillaga um að þing- fundir í borginni yrðu ellefu í stað tólf var samþykkt með eins atkvæðis mun (269 atkvæðum gegn 268) fyrr í vikunni. Evrópuþingið starfar á þremur stððum. f Strassborg á að halda tólf þingfundi á ári, sem standa í eina vinnuviku hver. í Brussel — þar sem nýtt og glæsilegt þinghús hef ur ver- ið reist fyrir nokkra milljarða króna — eru haldnir nefnda- fundir og styttri þingfundir, sem standa í tvo daga. Loks er aðalskrifstofa þingsins í Lúx- emborg. M örgum Evrópuþingmönnum þykir þetta fyrirkomulag frá- ÞINGSALUR Evrópuþingsins í Strassborg. leitt og eru leiðir á tíðum ferða- Iðgum milli Brussel og Strass- borgar. Þessi skipan mála er hins vegar málamiðlun, sem náðist fram í löngum og ströng- um samningaviðræðum Evrópu- sambandsríkjanna árið 1992. Þrýsti á rangan haapp Talsmaður franska utanríkis- ráðuneytisins segir ákvörðun þingsins stríða gegn samkomu- laginu frá 1992 og að Evrópu- dómstólnum verði send kæra vegna málsins. Það kaldhæðnislega í málinu er að úrslitin í atkvæðagreiðsl- unni réðust vegna mistaka fransks Evrópuþingmanns, Antoinette Fouque. Hún þrýsti á rangan hnapp er hún greiddi atkvæði og neitaði forseti þings- ins að leyfa henni að leiðrétta mistökin. Metnaðarfull Mið- jarðarhafsáætlun Brussel. Reuter. METNAÐARFULL áætlun Evrópu- sambandsins (ESB) sem miðar að stofnun fríverzlunarsvæðis í kring um Miðjarðarhaf, er nú loks komin til framkvæmda, þó enn eigi eftir að yfirvinna ýmis vandkvæði. Þróunaraðstoðaráætlunin fyrir Miðjarðarhafið (MEDA) er fimm ára viðskipta- og fjárfestingaráætl- un fyrir löndin umhverfis Miðjarð- arhafið, sem kosta mun samtals um 4,7 milljarða ECU, eða um 395 milljarða króna. Áætlunin tafðist mánuðum sam- an vegna andstöðu Grikkja við að Tyrkland fengi að vera með í henni. Grikkir fengust loks til að láta af andstöðu sinni, með því að í texta samkomulagsins, sem liggur áætl- uninni til grundvallar, voru teknar inn yfirlýsingar um góða hegðun gagnvart grannríkjum og virðingu mannréttinda. Þótt aðeins aðildarríki ESB séu formlega séð einu stofnendur áætl- unarinnar líta Grikkir svo á, að EVRÓPA^ yfírlýsingarnar leggi skuldbinding- ar á herðar Tyrkjum. Theodoros Pangalos, utanríkisráðherra Grikk- lands, sagði í gær, að nóg tækifæri myndu gefast síðar til að útiloka Tyrkland frá því að njóta góðs af áætluninni, ef þeim fínndist ástæða til... Önnur aðildarríki ESB hafa þrýst mjög á Grikkland að láta af and- spyrnu sinni, m.a. vegna þess að þau líta svo á að áætlunin kunni að nýtast þeim öflum í stjórnmálum Tyrklands sem opin eru fyrir vest- rænum tengslum í baráttu þeirra við uppgang bókstafstrúarmanna.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.