Morgunblaðið - 07.08.1996, Blaðsíða 52

flYUNDAI
HÁTÆKNI TIL FRAMFARA
\m Tæknival
SKEIFUNNI 17
SlMI 550-4000 ■ FAX SSO-4001
MORGUNBLAÐIÐ, KRINCLAN 1. 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: KAUPVANGSSTRÆTl 1
MIÐVIKUDAGUR 7. ÁGÚST 1996
VERÐ í LAUSASÖLU 125 KR. MEÐ VSK
Stækkun Kröflu-
virkjunar
Boranir
eftir lág-
þrýstigufu
hafnar
JARÐBORANIR hf. hófu í gær-
kvöldi borun annarrar af tveimur
nýjum borholum við Kröflu en
boranirnar eru þáttur í stækkun
Kröfluvirkjunar. Ásgeir Margeirs-
son, tæknistjóri hjá Jarðborunum,
segir að borað sé eftir lágþrýsti-
gufu á um 1.000-1.100 metra
dýpi. Hann segir að svæðið sem
borað verði á sé þekkt og óvissa
um árangur sé þess vegna talin
tiltölulega lítil.
Ásgeir segir að framkvæmdirn-
ar séu nauðsynlegur liður í fýrri
áfanga af tveimur sem miða að
því að fullnýta orkugetu Kröflu-
stöðvar.
Síðari vélin sett upp
eftir nítján ára bið
í fyrri áfanganum verður lokið
við að setja upp síðari vél virkjun-
arinnar sem beðið hefur uppsetn-
ingar í stöðinni frá því að hún tók
til starfa árið 1977. Gufuaflið úr
nýju holunum mun síðan nýtast
til að auka afl rafstöðvarinnar úr
30 megavöttum í 45 megavött.
Verkið skiptist í þrennt, að sögn
Ásgeirs, en auk borunar tveggja
nýrra hola verður hreinsuð hola
sem boruð var árið 1991. Hann
segir ekki ljóst hversu langan tíma
taki að hreinsa holuna en búast
megi við að borun hvorrar holu um
sig taki um einn mánuð. Þannig
megi gera ráð fyrir að starfsmenn
Jarðborana hf. verði við Kröflu að
minnsta kosti út októbermánuð.
Morgunblaðið/Jón Páll Ásgeirsson
Viðræður ef
skýring
lækna dugir
LÆKNAFÉLAG íslands mun funda
fyrir hádegi í dag og skýra yfirlýs-
ingu félagsins frá því í síðustu viku
um ráðningar í störf heilsugæslu-
lækna sem sagt hafa upp störfum.
Sveinn Magnússon, varaformaður
félagsins, telur líklegt að skýringin
verði til þess að viðræður hefjist að
nýju í deilu ríkisins við heilsugæslu-
lækna. „Orðalagi yfirlýsingarinnar
verður þó ekki breytt enda er hún í
samræmi við lög Læknafélagsins."
Þórir Einarsson ríkissáttasemjari
segir að samningafundur verði boð-
aður eftir hádegi í dag ef samninga-
nefnd ríkisins sættist á skýringar
lækna.
■ Óvissa víða mikil/4
Verðbréfaþing- íslands finnur að „leppviðskiptum“
Skandia og VIB breyti
skráningu SIF-bréfa
Myndar-
legur
borgarísjaki
BORGARÍSJAKINN sem hér
sést er hvorki meira né minna
en 270 fet á hæð eða um 90
metrar. Myndin er tekin úr
flugvél Landhelgisgæslunnar,
TF-SÝN, í gærdag um 70 sjó-
mílur norðvestur af Vestfjörð-
um og umhverfis var mikið
af stórum stökum jökum.
Flugvél Landhelgisgæsl-
unnar var í eftirlits- og ís-
könnunarflugi á miðunum úti
fyrir Vestfjörðum og Norður-
landi. Flogið var eftir miðlínu
frá Jan Mayen að Dohrn-
banka og var enga ísspöng
að sjá á þeirri leið. Borgar-
ísjakar sáust djúpt norðvestur
af Vestfjörðum og sáust vel á
ratsjá.
VERÐBRÉFAÞING íslands hefur
beint þeim tilmælum til tveggja verð-
bréfafyrirtækja, Fjárfestingar-
félagsins Skandia og Verðbréfa-
markaðar íslandsbanka, að þau
breyti skráningu á hlutabréfum í SÍF
sem skráð eru í þeirra nafni.
Ástæða þessa er að fyrir liggur
að umrædd hlutabréf eru ekki í eigu
verðbréfafyrirtækjanna sjálfra,
heldur umbjóðenda þeirra og þau séu
því í raun aðeins „leppar" raunveru-
legra eigenda. Telur Verðbréfaþing
að þessi skráning bijóti í bága við
þau ákvæði laga um verðbréfavið-
skipti sem sporna eiga gegn sýndar-
viðskiptum. Bæði verðbréfafyrir-
tækin hafa í kjölfarið óskað eftir því
við SÍF að skráningu hlutabréfanna
verði breytt þannig að fram komi
að þau annist einungis vörslu hluta-
bréfanna fyrir umbjóðendur en séu
ekki eiginlegir eigendur þeirra.
Vangaveltur um,
sýndarviðskipti í SIF
Hins vegar hafa einnig vaknað
upp spurningar um hvort sýndarvið-
skiptum hafi verið beitt til þess að
hafa óeðlileg áhrif á gengi hluta-
bréfa í SÍF á dögunum. Er bent á
viðskipti því til stuðnings þar sem
gengi bréfanna hafi lækkað skyndi-
lega án sýnilegs tilefnis strax í kjöl-
far viðskipta á talsvert hærra gengi.
Aðspurður um hvort Verðbréfa-
þing íslands kunni að hafa fengið
slíkt mál til umfjöllunar segir Stefán
Halldórsson, framkvæmdastjóri
Verðbréfaþings, að sér sé ekki heim-
ilt að veita upplýsingar um hvort
þingið sé að kanna einstök mál eða
ekki. Hann segist hins vegar telja
að full þörf hafi verið á því að setja
í lög ákvæði sem leggi bann við
sýndarviðskiptum.
■ Brjóta í bága við/14
Endurnýting gamals malbiks
Nota hálfu minna
af nýju malbiki
Morgunblaðið/Kristinn Benediktsson
Smugan yfirgefin
SÆNSKA verktakafyrirtækið
Binab mun síðar í mánuðinum
taka að sér að malbika á Hafnar-
fjarðarvegi og á fjölförnum götum
í Reykjavík með nýrri aðferð í
samstarfi við verktakafyrirtækið
Loftorku. Sænska aðferðin bygg-
ist á því að gamalt malbik er skaf-
ið upp, blandað nýju malbiki og
lagt aftur.
Sævar Jónsson, framkvæmda-
stjóri Loftorku, segir að þessi að-
ferð hafi mikinn sparnað í för með
sér. Mun minna malbik þurfi að
nota í verkið, en í stað 100 kg af
nýju malbiki þarf aðeins að leggja
um 45 kg á hvern fermetra með
nýju aðferðinni. í annan stað verði
malbikunin ódýrari með þessum
hætti og telur Sævar að ef nýja
lagið muni reynast eins vel og
áður geti það skilað allt að 30%
lækkun kostnaðar.
Kemur í stað fræsingar
Að sögn Sævars verður stór og
mikil tækjasamstæða flutt inn frá
Svíþjóð til verksins. „Þetta er unn-
ið þannig að mikil lest af tækjum
fer yfir götuna og hitar upp gamla
malbikið,“ útskýrir Sævar. „Það
er skafið upp og jafnað en síðan
er nýju malbiki bíandað í á leið-
inni. Loks er lagt nýtt malbikslag
sem er blanda hins gamla og nýja.“
Aðferðin kemur í stað hefð-
bundinnar fræsingar og endur-
lagningar nýs malbiks. Sævar seg-
ir að aðferðin hafi einnig þann
kost að verkið sé unnið í einu lagi
en það vilji oft gerast hér á landi
að nokkur tími líði á milli fræsing-
ar og malbikunar.
Að þessu sinni verður m.a.
malbikað með þessari aðferð á
Hafnarfjarðarvegi og á Kringlu-
mýrarbraut. Einnig kemur til
greina, að sögn Sævars, að götur
í Hafnarfirði og á Akureyri verði
malbikaðar með nýju aðferðinni.
Sævar segir að tíminn verði að
leiða í ljós hvort aðferðin muni
leysa af hólmi viðteknar aðferðir
við malbikun hér á landi.
AFLATREGÐAN í Smugunni á
sér ýmsar hliðar. Tvær ungar
stúlkur sem og á frystitogar-
anum Örfirisey voru orðnar leið-
ar á aðgerðaleysinu um borð,
fréttu af því að togarinn Stefnir
ÍS væri á leið í land. Þær föluð-
ust eftir fari heim og fengu það
að sjálfsögðu, en á milli skipa
fóru þær með gúmmíbát og voru
hífðar um borð í Stefni. Nokkur
kippur kom í veiðina í Smugunni
um helgina en hún var var dottin
niður aftur í gær. Nokkur skip
hafa þegar gefið veiðarnar upp á
bátinn en þau sem lengst hafa
verið að eru búin að vera þama
í um fjórar vikur.
■ Veiði g!æðist/C4
Haraldur Böðvarsson
Hagnaður
178 milljón-
ir fyrstu 6
mánuðina
HAGNAÐUR Haralds Böðvars-
sonar hf. (HB) nam 178 milljónum
króna fyrstu sex mánuði þessa
árs. Hefur hagnaðurinn aukist um
122% miðað við sama tímabil í
fyrra en þá nam hann tæpum 80
milljónum. Þá er hagnaðurinn
fyrstu sex mánuði þessa árs 43%
meiri en allur hagnaður síðasta
árs. Mest munar um aukinn hagn-
að af reglulegri starfsemi fyrirtæk-
isins. Velta HB nam rúmum 1.200
milljónum króna fyrstu sex mánuði
ársins. Á sama tíma í fyrra nam
veltan 500 milljónum en þá setti
sjómannaverkfall strik í reikning-
inn.
Haraldur Sturlaugsson, fram-
kvæmdastjóri HB, segir að afkoma
félagsins á fyrri hluta ársins sé
mjög vel viðunandi og vonar að
reksturinn verði í jafnvægi síðari
hluta ársins.
■ Hagnaður/14