Morgunblaðið - 09.08.1996, Blaðsíða 6
6 FÖSTUDAGUR 9. ÁGÚST 1996 ____=___ ______
FRÉTTIR
Talsmaður seljenda fjarskiptabúnaðar segir rekstrarumhverfið ótraust
Ný þjónusta P&S þvert
á stefnu sljórnvalda
Tengibúnaður Pósts og síma fyrir alnetsþjónustu
© Ísafjörður
'/
itaður
Landsímahús
RauOarárstígur
MúlastöO
Arbæjarsm REYKJAVIK(Sj!
“fjörður '
Vestmannaeyjar ®
® Hnútar
Hnútar með mótaldi
GAGNAFLUTNINGSDEILD P&S er með tengibúnað, svokallaða hnúta og mótöld, á 21 stað á land-
inu og borga kaupendur alnetsþjónustu því fyrir skref líkt og um staðarsímtöl sé að ræða.
HERBERT Guðmundsson félags-
málastjóri Verslunarráðs íslands og
talsmaður Samtaka seljenda fjar-
skiptabúnaðar segir að sala Pósts
og síma á alnetsþjónustu, sem aug-
lýst var í fyrradag, gangi þvert á
yfirlýsta stefnu stjórnvalda.
„Þarna er ríkið að fara inn á ný
svið í rekstri í stað þess að draga
sig út úr samkeppni á almennum
markaði. Það er gagnstætt yfirlýs-
ingum ríkisstjórnarinnar, fyrir utan
það að vera öfug þróun við það sem
er að gerast í kringum okkur, meira
að segja í gömlu austantjalds-
löndunum,“ segir Herbert.
Samtök seljenda fjarskipta-
búnaðar, Samtök tölvuseljenda og
Samtök veitenda fjarskiptaþjónustu
eiga meðal annarra aðild að Versl-
unarráði og segir Herbert að á það
hafi verið treyst að ríkisstjórnin
framfylgdi yfirlýstri stefnu sinni.
„Póstur og sími verður ekki
hlutafélag fyrir um áramót og þar
sem fyrirtækið heyrir enn undir
samgönguráðherra virðist sem
ríkisstjórnin sé ekki samkvæm
sjálfri sér, sem auðvitað er alvarlegt
mál. Það er verið að byggja upp
alnets- og margmiðlunarþjónustu í
trausti þess starfsumhverfis sem
við blasir. Síðan kemur Póstur og
sími inn með allt annað sjónarmið
og ruggar bátnum,“ segir hann.
Herbert segir jafnframt að sölu
P&S á alnetsþjónustu hafí borið á
góma á fundi hjá Verslunarráði
fyrr í sumar. Þar hafi komið fram
að Póstur og sími, sem einnig á
aðild að Verslunarráði, hefði veitt
nokkrum viðskiptavina sinna al-
netsþjónustu endurgjaldslaust í til-
raunaskyni.
Sitja ekki við
sama borð
Eins og fram kom í Morgunblað-
inu i gær telja endurseljendur al-
netstenginga, sem staðsettir eru í
Reykjavík, sig ekki sitja við sama
borð og gagnaflutningsdeild P&S
því viðskiptavinir þeirra á lands-
byggðinni þurfi að greiða langlínu-
skref þegar þeir séu tengdir við
alnetið. Þeir sem kaupa samband
af samkeppnissviði P&S þurfa ekki
að greiða einkaréttarhluta fyrir-
tækisins skref fyrir langlínusam-
band því gagnaflutningsdeildin er
með tengibúnað á 21 stað á landinu
og borga notendur því fyrir skref
líkt og um staðarsímtöl sé að ræða.
Um er að ræða búnað sem á
ensku nefnist „router" og kallaður
er hnútur að sögn Karls Bender
yfirverkfræðings á gagnaflutnings-
deild P&S. Notendur sem kaupa
fast alnetssamband tengjast næsta
hnúti og síðan eru leigulínur milli
hnúta til þess að tengja þá saman.
Þeir sem kjósa upphringisamband
eru tengdir inn á hnútana gegnum
almenna símkerfíð og þaðan við
háhraðanetið. Búið er auk þess að
koma fyrir viðbótarbúnaði á hnút-
um á átta stöðum á landinu, sem
gerir notendum með lágmarksbún-
að kleift að fá tengingu gegnum
venjulegt mótald. Viðbótarbúnaður-
inn er í raun mótald sem svarar
mótöldum notendanna gegnum al-
menna símkerfið eða samnetið seg-
ir Karl ennfremur.
„Tilgangurinn með því að setja
upp búnað á þessum stöðum var
að losa okkar viðskiptavini við að
borga langlínuskref," segir Karl.
Byijað var að setja háhraðanetið
upp árið 1991 og segir hann kostn-
að við uppsetninguna hlaupa á tug-
um milljóna. Gagnaflutningsdeildin
kaupir ýmsa þjónustu af einkarétt-
arhluta Pósts og síma og segir
Karl að leigulínurnar sem tengja
hnútana séu dýrastar. Samkeppnis-
sviðið sér alfarið um rekstur há-
hraðanetsins og segir Karl að
kostnaður vegna uppbyggingar
þess hafi fallið á gagnaflutnings-
deildina eftir að aðskilnaður var
gerður milli einkaréttarhluta P&S
og samkeppnisreksturs í ársbyrjun
1995. „Gagnaflutningsdeildin er
rekstrarlega sjálfstæð eining innan
samkeppnissviðsins og við erum
með sérstakt bókhald." Karl segir
ennfremur að millifærður kostnaður
á gagnaflutningsdeild vegna leigu-
línanna sé um 100 milljónir til
þessa.
Græn númer
óhagkvæmari
Endurseljendum alnetssambands
hefur til þessa verið gefinn kostur
á því að nota græn númer til þess
að viðskiptavinir úti á landi þyrftu
ekki að greiða langlínuskref við
notkun. Segir Karl að þessi leið
hafi ekki verið talin hagkvæm hjá
gagnaflutningsdeild P&S. Því hafi
verið ákveðið að nýta kosti tengi-
búnaðar, eða hnúta. „Það var
ákveðið að leysa þetta svona því
hitt hefði orðið svo dýrt. Þess vegna
hurfum við frá því,“ segir Karl.
Þess má geta að kostnaður við
alnetsþjónustu P&S sem greint var
frá í blaðinu í gær er reiknaður
með virðisaukaskatti, en ekki án,
eins og sagt var. Hann kemur hins
vegar ekki fram í auglýstri gjald-
skrá fyrirtækisins.
Andlát
BJÖRG
ÁSGEIRSDÓTTIR
FRÚ Björg Ásgeirsdótt-
ir andaðist á heimili
sínu, Efstaleiti 12, þann
7. ágúst eftir erfíð veik-
indi, 71 árs að aldri.
Björg fæddist í
Reykjavík þann 22.
febrúar 1925. Hún var
ein þriggja barna hjón-
anna Dóru Þórhallsdótt-
ur, forsetafrúar og Ás-
geirs Ásgeirssonar, for-
seta íslands. Hún giftist
Páli Ásgeiri Tryggva-
syni, sendiherra þann
4. janúar 1947 og hefðu
hjónin haldið upp á gull-
brúðkaup sitt á næsta ári. Björg og
Páll Ásgeir eignuðust fimm börn;
Dóru sem er kennari, Tryggva fram-
kvæmdastjóra í íslandsbanka, Her-
dísi fóstru og sérkennara, Ásgeir
framkvæmdastjóra hjá Flugmála-
stjóm og Sólveigu sem er leikkona
og bókmenntafræðingur.
Eiginmaður Bjargar, Páll Ásgeir,
starfaði í utanríkisþjónustunni frá
árinu 1948, til starfs-
loka þegar hann varð
sjötugur, árið 1992. Þau
áttu á tímabili heimili
bæði í Reykjavík og er-
lendis. Páll Ásgeir var
skipaður sendiherra árið
1979 og áttu þau heim-
ili í Osló í sex ár,
Moskvu i tvö ár og Bonn
í þijú ár. Þau hafa búið
hérlendis frá því í árslok
1989.
Björg tók þátt í störf-
um manns síns með því
að taka á móti gestum
og stjórna heimboðum.
Hún var vöri að annast móttökur og
boð frá því að faðir hennar var for-
seti á Bessastöðum.
Björg var einn stofnenda Mál-
freyjudeildar Kvists, alþjóðlegs mál-
fundafélags ITC á íslandi. Hún starf-
aði um hríð í Rauða krossinum og í
Hringnum og var einnig meðlimur í
ýmsum styrktarfélögum.
SIÐANEFND Prestafélags ís-
lands hefur áminnt séra Geir
Waage og séra Sigfús Jón Árnason
fyrir ummæli þeirra um Jón Stef-
ánsson, organista Langholtssafn-
aðar, sem birtust í Morgunblaðinu
á þessu ári. Þetta kemur fram í
álitsgerð nefndarinnar frá því fyrr
í sumar.
Geir talaði í Morgunblaðinu
meðal annars um „þjóðkunn af-
brot“ og líkti Jóni við hryðjuverka-
mann. Það eru einkum síðar-
nefndu ummælin sem siðanefndin
telur ámælisverð. Sigfús Jón sagð-
ist m.a. vera þeirrar skoðunar að
það væri einum Jóni Stefánssyni
of mikið og Guði yrði aldrei rétti-
lega þjónað með hroka og sjálfs-
unun.
í álitsgerð um ummæli sr. Geirs
segir að prestum beri ætíð að velja
skoðunum sínum orð sem hæfa
tilefninu og eru í samræmi við
hlutverk og heiður embættissins.
Siðanefndin telur að séra Geir
hefði átt að „velja orð sín um
málefni Langholtssafnaðar af
meiri kostgæfni."
Ekki presti sæmandi
í álitsgerðinni um sr. Sigfús
segir að ummæli hans flokkist
undir stóryrði sem honum sem
presti séu ekki sæmandi og hann
hefði með hægu móti getað komið
skoðunum sínum á framfæri án
þess að grípa til slíkra orða.
Þá ákvað siðanefnd PÍ einnig
að veita sr. Flóka Kristinssyni
ekki áminningu vegna ummæla
hans um sóknarbörn sín í Morgun-
blaðinu í apríl, en þau ummæli
voru kærð til siðanefndarinnar.
Nefndin telur þó að sr. Flóki hefði
getað gætt betur orða sinna.
Siðanefnd Prestafélagsins
Prestar áminnt-
ir fyrir ummæli
MORGUNBLAÐ7Ð
Handtök-
ur vegna
fíkniefna
FJÖGURHUNDRUÐ grömm
af hassi og 260 grömm af
amfetamíni fundust við húsleit
í austurbæ Reykjavíkur að-
faranótt sl. laugardags. Hús-
ráðandi, maður um fimmtugt,
var ekki heima þegar húsleitin
fór fram en hann var handtek-
inn á laugardeginum og sama
kvöld úrskurðaður í gæslu-
varðhald til 13. ágúst.
Samkvæmt upplýsingum
frá fíkniefnalögreglunni
beindust böndin að öðrum
manni í kjölfarið og var hann
handtekinn. Við leit á heimili
hans fundust 10 grömm af
kannabisefnum, hassi og
marijuana. Kröfu um gæslu-
varðhald yfir þeim manni var
hafnað.
Á mánudagsmorgun voru
tveir Reykvíkingar handteknir
á Siglufirði. I bifreið, sem þeir
voru á, fundust rúm 40 grömm
af hassi og nokkur grömm af
amfetamíni. Þeir voru færðir
til Reykjavíkur. Við húsleit á
heimilum þeirra fundust nokk-
ur grömm af kannabisefnum
á hvorum stað.
Fiskmarkað-
ur Breiða-
fjarðar starf-
ar áfram
LOKUN útibús Fiskmarkaðar
Breiðafjarðar í Ólafsvík mun
engin áhrif hafa á starfsemi
hans á Snæfellsnesi, að sögn
Tryggva Óttarssonar, fram-
kvæmdastjóra markaðarins.
Fiskimarkaðurinn starfar í öll-
um höfnum á Snæfellsnesi og
þar verður tekið við fiski frá
Ólafsvík meðan á lokuninni
stendur.
„Við gerum ráð fyrir opnað
verði aftur í Ólafsvík á næstu
dögum. Við erum að vinna að
endurbótum og höfum sótt um
bráðabirgðaleyfi til áramóta.
Fljótlega verður hafin bygging
á nýju húsnæði fýrir fiskmark-
aðinn og það á að vera tilbúið
í desember. Þar verður full-
nægt ítrustu kröfum Evrópu-
sambandsins og annarra eftir-
litsaðila."
Þórður Ásgeirsson fiski-
stofustjóri segir að eftirlits-
menn muni kanna úrbætur á
fiskimarkaðnum í Ólafsvík í
dag eða eftir helgi og þá verði
strax tekin ákvörðun um hvort
gefið verði út bráðabirgðaleyfi.
Hreinsað út á
Vatnsstígnum
LÖGREGLAN í Reykjavík að-
stoðaði í fyrrinótt eiganda hús-
næðis við Vatnsstíg, sem lög-
regla hefur setið um undanfar-
ið, við að vísa út fólki sem þar
hefur haldið til en eigandinn
hafði fengið útburðarúrskurð.
Talið er að neysla og sala fíkni-
efna hafí farið fram í hús-
næðinu.
Skipt var um læsingar í
húsnæðinu eftir að það hafði
verið rýmt en síðar um nóttina
var reynt að bijótast inn. Þar
var á ferðinni fólk sem taldi
íbúa hafa læst sig úti. Sam-
kvæmt upplýsingum lögreglu
gekk snurðulaust fyrir sig að
rýma húsnæðið.