Morgunblaðið - 21.08.1996, Blaðsíða 4

4 MIÐVIKUDAGUR 21. ÁGÚST 1996
FRETTIR
MORGUNBLAÐIÐ
Morgunblaðið/Árni Sæberg
HEIÐNABERG í Breiðholti var valin fegursta gata borgarinnar.
Gróin gata og gömul
hús til bæjarprýði
REYKJAVÍKURBORG veitir ár-
lega viðurkenningar til íbúa,
stofnana og fyrirtækja sem leggja
sig sérstaklega fram um að fegra
umhverfi sitt. í ár var Heiðnaberg
í Breiðholti valin fegursta gata
borgarinnar, og veittar voru við-
urkenningar fyrir vel heppnaðar
endurbætur á húsunum að Hverf-
isgötu 18 og Vesturgötu 39.
Heiðnaberg
Við Heiðnaberg í Breiðholti
stendur lítill kjarni fjölbýlishúsa
og raðhúsa. Gatan byggðist fyrir
rúmum áratug, og hefur hún sér-
stöðu að því leyti að gatan er
hluti af lóðum íbúanna, og er
ekki í umsjá borgaryfirvalda.
í umsögn umhverfismálaráðs
Reykjavíkur segir að göturýmið
sé vistlegt og gróðursælt, og þar
hafí tekist vel að skapa umhverfi
þar sem samspil götu og húsa sé
í jafnvægi. Aðstaða fyrir leik
barna sé til fyrirmyndar, og
greinilegt sé að íbúar leggi metn-
að sinn í viðhald lóða og gróður-
svæða.
íbúar við Heiðnaberg hafa með
sér götufélag, sem heldur
hreinsunardag í götunni á hveiju
vori, og sl. vor stóð félagið einnig
fyrir hellulögn og kaupum á garð-
bekkjum. í götunni er sérstakt
leiksvæði fyrir börn, þar sem eru
rólur, rennibraut og sandkassi,
og sá götufélagið um uppsetningu
þess.
Hverfisgata 18
Pétur Brynjólfsson ljósmyndari
og Gestur Einarsson umboðssali
létu byggja húsið að Hverfisgötu
18 á árunum 1905-1906, og er
það því 90 ára á þessu ári. Núver-
andi eigandi þess er Jóhann Ólafs-
son & Co. og hefur húsið verið í
eigu fyrirtækisins síðan árið
1930.
Talsverðar breytingar voru
gerðar á húsinu árið 1937. Að
utan var útliti hússins breytt í
samræmi við svonefndan funk-
isstíl, dyraumbúnaður og hurðir
voru t.d. gerð slétt, og svalir á
húsinu voru fjarlægðar. Nú hefur
farið fram gagnger endurnýjun á
húsinu að utan, og útlit þess ver-
ið fært í upphaflega mynd, eins
og framast var unnt.
Skipt var um allt ytra byrði
HVERFISGATA 18
VESTURGATA 39
hússins og það málað hátt og lágt
í upphaflegum lit. Gluggaumbún-
aður var endurnýjaður með því
skrauti sem var í upphafi og skipt
var um útihurð. Tveir turnar setja
svip sinn á þak hússins, og eru
þeir nú prýddir skrauti á ný, eins
og forðum daga.
Reynir Adamsson arkitekt og
Björn Gústafsson verkfræðingur
sáu um hönnun endurbótanna og
höfðu umsjón með framkvæmd
þeirra, en yfirsmiður var Hreiðar
Hermannsson.
Vesturgata 39
Jón Ármannsson versl-
unarmaður byggði húsið
að Vesturgötu 39 árið
1899, og var verslun rekin
í kjallaranum fyrstu árin.
Hjónin Guðmundur Þórð-
arson og Ingibjörg Frið-
riksdóttir keyptu húsið
árið 1922, en þau voru afi
og amma Gróu Þóru Pét-
ursdóttur, sem keypti hús-
ið ásamt eiginmanni sín-
um, Heimi Sigurðssyni,
árið 1983.
Stíll hússins og upphaf-
leg timburklæðing benda
til að það hafi verið flutt
inn tilhöggvið frá Noregi
og tilbúið til uppsetningar.
Um miðja þessa öld var
húsið síðan klætt jámi.
Núverandi eigendur hófu
endurbætur á húsinu árið 1989.
Jámklæðningin var fjarlægð og
upphafleg timburklæðning lag-
færð, auk þess sem gluggaumbún-
aður var færður í upphaflegt form.
Einnig voru gerðar breytingar á
kjallara og húsið málað.
Gróa og Heimir hafa ásamt
bömum sínum unnið við endur-
bæturnar að mestu leyti sjálf, en
Stefán Örn Stefánsson arkitekt
hafði umsjón með framkvæmdun-
um og Gestur Karl Jónsson var
yfírsmiður.
---------------|
Hjálparbeiðni •
frá Lesotho
vegna snjókomu j
UTANRÍKISRÁÐUNEYTINU hefur
borist hjálparbeiðni frá ríkisstjóm
konungdæmisins Lesotho í Afríku
vegna mikillar snjókomu í Maluti og
Drakensburgfjöllum í Lesotho í júlí-
mánuði.
Hjálparbeiðnina póstsendi sendiráð
Lesotho í Kaupmannahöfn til utanrík-
isráðuneytisins um miðjan ágúst. Ut-
anríkisráðunej’tið hefur sent hjálpar-
beiðnina til Rauða kross íslands,
Hjáiparstofnunar kirkjunnar og for-
sætisráðuneytisins.
í hjálparbeiðninni segir að snjórinn
hafi hafi skapað íbúum á svæðinu
alvarlegan vanda og þeir séu í mikilli
lífshættu. Einnig séu þúsundir naut-
gripa, fjár, geita, hesta og asna í
mikilli hættu og íbúamir byggi lífsaf-
komu sína á þeim.
Bjarni Sigti-yggsson, biaðafulltrúi
utanríkisráðuneytisins, segir að svo
virðist sem hér sé ekki um beiðni um
neyðarhjálp að ræða. Hávetur sé í
Lesotho núna og í erindinu komi fram
beiðni um alls kyns aðstoð, þ.á m.
matvæli, klæði, eldsneyti og fleira.
Utanríkisráðuneytið mun ekki aðhaf-
ast í þessu máli nema ríkisstjómin
ákveði það og mun þá ráðuneytið
hafa milligöngu um það. ■
Sigrún Árnadóttir, framkvæmda-
stjóri Rauða kross íslands, segir að
samtökin fari fyrst og fremst eftir
þeim beiðnum sem berist gegnum '
alþjóða Rauða krossinn. Rauði kross-
inn í Lesotho hafi ekki leitað eftir
neinni utanaðkomandi aðstoð. „Þess
vegna munum við ekki svara þessu
að svo komnu máli. Komi hins vegar
beiðni þaðan kæmum við örugglega
að þessu máli,“ sagði Sigrún.
(
Breytt staða jafn- !
réttisráðgjafa
BORGARRÁÐ hefur samþykkt til-
lögu borgarstjóra um breytingu á
stjórnskipulegri stöðu jafnréttisráð-
gjafa borgarinnar og að hann heyri
undir borgarritara
í tillögu borgarstjóra kemur fram
að meginverkefni ráðgjafans tengist
annars vegar framkvæmd og undir-
búningi ákvarðana jafnréttisnefnd-
ar, ráðgjöf og aðstoð við borg-
arstjóra og borgaryfirvöld og starfs-
Lokið við að
malbika
*
Artúns-
brekkuna
í GÆR lauk þriggja daga mal-
bikunarframkvæmdum á um
sjö hundruð metra löngum
kafla í Ártúnsbrekku. Magnús
Einarsson, tæknifræðingur hjá
Vegagerðinni og eftirlitsmaður
með framkvæmdum, segir gert
ráð fyrir að umferð verði
hleypt á spottann 1. september
næstkomandi. Völur hf. annað-
ist malbikun kaflans sem um
ræðir en fyrsti áfangi verksins
var unninn í fyrra, þegar
þrengt var efst í brekkunni.
Stefnt er að því að þijár akrein-
ar liggi niður Ártúnsbrekku í
vestur, en bjóða á út síðasta
áfangann að brúnni yfir Sæ-
braut í byrjun næsta árs, að
sögn Magnúsar.
menn borgarinnar og hins vegar
kynningu á jafnréttismálum út á við
og tengslum við þá aðila sem hafa
sambærilegt hlutverk hjá ríki og
öðrum sveitarfélögum. Þá segir: „I
ljósi þess og með vísan til þess að
verkefni jafnréttisráðgjafa ganga
þvert á stjórnsýslusvið borgarinnar
þykir eðlilegt að stjórnsýsluleg
tengsl hans séu beint við borgar-
stjóra."
Flotafor-
ingi fær
fálkaorðu
HERRA Ólafur Ragnar Grímsson,
forseti íslands, afhenti Stanley
W. Bryant flotaforingja, yfírmanni
vamarliðsins í Keflavík, stórridd-
arakross með stjömu hinnar ís-
lenzku fálkaorðu síðastliðinn
fóstudag. Þetta er fyrsta orðan,
sem nýkjörinn forseti afhendir.
Yfirmannsskipti verða hjá vam-
arliðinu um næstu mánaðamót.
Að sögn Jónasar Kristjánssonar,
formanns orðunefndar, er venja
að fráfarandi yfírmaður varnar-
liðsins sé sæmdur fálkaorðunni,
samkvæmt tillögu utanríkisráðu-
neytisins.
Jónas, sem var viðstaddur er
Bryant flotaforingja var veitt orð-
an, segir að veiting hennar hafí
verið ákveðin í embættistíð frú
Vigdísar Finnbogadóttur og hafí
hún undirritað skjal þar að lút-
andi. Það hafí hins vegar komið
í hlut nýs forseta að afhenda orð-
una.
Morgunblaðið/Árni Sæbcrg