Morgunblaðið - 21.08.1996, Blaðsíða 32

32 MIÐVIKUDAGUR 21. ÁGÚST 1996
MORGUNBLAÐIÐ
Dýraglens
Grettir
Ljóska
Ferdinand
Ég held að þú ættir að skrifa út
frá þinni eigin reynslu.
Skrifa um það sem þú þekkir. Það er erfitt, hundar vita aldrei
hvað er á seyði.
BREF
HL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
Hafnfirðingar
krefjast meirihluta
jafnaðarmanna
Frá Birni V. Ólasyni:
ÞEGAR Jóhann G. Bergþórsson
og Ellert Borgar Þorvaldsson end-
uðu lífdaga Magnúsa stjórnarinn-
ar, var núverandi skipan meirihluta
bæjarstjórnar í Hafnarfirði varla
efst á óskalistanum hjá bæjarbú-
um. Það var afdráttarlaus vilji
bæjarbúa í síðustu kosningum, að
Alþýðuflokkurinn og Alþýðu-
bandalag yrðu við völd í Hafnar-
firði, enda lyftu þessir flokkar, með
Guðmund Arna Stefánsson í broddi
fylkingar, bænum upp úr dróma
„ísaldar" íhaldsins, í það að vera
gott og vel rekið samfélag með
menningarlegan metnað í fyrir-
rúmi. Það verður að segjast eins
og er, að þótt bæjarbúar hafi ekki
búist við miklum afrekum af Ellert
Borgari og Jóhanni, þá hafa verk
þeirra undanfarið gjörsamlega
gengið fram af öllu sómakæru
fólki. Engu líkara er en Alþýðu-
flokkurinn sé gjörsamlega lamaður
í þessum vandræða meirihluta.
Bæjarbúar þurfa daglega að horfa
ráðþrota upp á enn frekari niður-
lægingu bæjarfélagsins, þar sem
Ellert og Jóhann ráða alfarið ferð-
inni. Á tíma Magga stjórnarinnar
var, að frumkvæði íhaldsins, geng-
ið hart fram í því, að ganga af
öllum góðum verkum Alþýðu-
flokksins dauðum. Þar var Ellert
Borgar helsti hugmyndafræðing-
urinn. Eitt helsta „afrek“ hans og
metnaðarmál, á þeim vettvangi,
var að sálga blómlegu menningar-
lífi bæjarins. Er aðgerðum hans í
þeim málum best lýst með því að
tala um hryðjuverk. Það fer heldur
ekki framhjá bæjarbúum að ekki
er nafn Hafnarfjarðar lengur nefnt
þegar fjallað er um menningarmál
og er þá öldin orðin önnur en áður
var. Ekki eru þetta þó nýjar frétt-
ir, því það hefur verið flestum
kunnugt, að menningarlegur
metnaður Ellerts Borgars, hefur
aldrei risið hærra en í rauli Rand-
vers söngflokksins hér um árið.
Ellert hefur og verið helsti tals-
maður þess að steypa öllu bæjarlíf-
inu í miðstýringarmót að hætti
kommúnismans. Eitt nýjasta dæm-
ið um þetta, eru makalausar hug-
myndir hans um nýja stjómskipan
bæjarins, sem minna ótrúlega mik-
ið á verk Walter Ulbright í Austur-
þýska Alþýðulýðveldinu og Stasi-
báknið. Menn hljóta því að spyrja
forystumenn Sjálfstæðisflokksins
hvort þar á bæ hafi nýlega orðið
stefnubreyting? Samkvæmt þess-
ari stjórnsýslu, er framkvæmda-
valdið alfarið fært frá embættis-
mönnum, fagmönnum og sérfræð-
ingum, í hendur manna á borð við
Jóhann og Ellert. Ekki er nauðsyn-
legt að fjalla mikið frekar um
gjörðir Jóhanns Bergþórssonar í
Hafnarfirði, enda hefur maðurinn
nú hlotið fangelsisdóm fyrir ósköp-
in. Eg vil þó minna bæjarbúa á
það, að á þessu ári mun hvert
mannsbarn í Hafnarfirði þurfa að
greiða u.þ.b. sex þúsund krónur á
haus, vegna fjárglæframála Jó-
hanns Bergþórssonar. Á sama tíma
þiggur þessi bæjarfulltrúi Sjálf-
stæðisflokksins, mörg hundruð
þúsund krónur í nefndar- og stjórn-
arlaun á mánuði hverjum úr sam-
eiginlegum sjóði bæjarbúa. Það
þykir ekki síður undarlegt að verk-
takafyrirtæki í Hafnarfirði fá varla
nokkurt verkefni á vegum bæjar-
ins, nema „Verkfræðistofa Jó-
hanns G. Bergþórssonar" fái bita
af kökunni. Undarlega hlýtur það
að koma bæjarbúum fyrir sjónir
að á sama tíma og Jóhann er sagð-
ur vera eignalaust fórnarlamb, býr
hann í tugmilljóna villu, þar sem
í hlaðinu stendur fimm milljóna
króna lúxus jeppi við hlið Mercedes
Benz eðalvagns. Eða nýleg kaup
Jóhanns á heilli hæð í húsi Kaupfé-
lags Hafnarfjarðar við Strandgötu
þar sem hann rekur umsvifamikið
fyrirtæki! Ellert Borgar Þorvalds-
son hefur með sinni sérstæðu
framkomu gert bæjarskrifstofur
og aðrar stofnanir bæjarins nær
óstarfhæfar. Starfsfólk bæjarins
hefur í stórum stíl flúið til annarra
starfa vegna framkomu þessa sér-
stæða fulltrúa Sjálfstæðisflokks-
ins. Það er vart að finna þá nefnd,
stjórn eða ráð, að Ellert Borgar
sitji þar ekki við stjómvölinn. Mán-
aðarlegar tekjur hans af þessum
tíðu fundarsetum Ellerts, nema
u.þ.b. 300.000 krónum. Þessir pen-
ingar bætast við laun hans fyrir
fullt starf sem skólastjóra við stór-
an skóla í Reykjavík. Menn hljóta
að spytja hvort slíkt „vinnuþrek"
sé ekki á mörkum hins yfirskilvit-
lega? Á meðan hefur Ellert gengið
fremstur í flokki þeirra sem vilja
skerða laun bæjarstarfsmanna,
sem flestir fara mánaðarlega að-
eins með um sextíu þúsund krónur
heim til sín í launaumslaginu. Þetta
þykir Sjálfstæðismanninum Ellert
Borgari helst til ríflegt enda eru
smánarlaun hans sjálfs aðeins sex
til sjöhundruð þúsund krónur á
mánuði hverjum. Hafnfirðingar
eru orðnir dauðþreyttir á íhaldinu
í Hafnarfirði. Það er löngu kominn
tími til að Alþýðuflokkurinn aflúsi
sig af óværunni og hefji að nýju
samstarf við aðra jafnaðarmenn í
bænum, enda hefur það reynst okk-
ur Hafnfirðingum sérlega farsælt.
Slíkt samstarf er enda.í anda þess
samvinnu- og sameiningarstarfs
félagshyggjufólks, sem er að mót-
ast um land allt og hlýtur að vera
markmið okkar til framtíðar.
BJÖRN V. ÓLASON,
félagi í Fulltrúaráði Alþýðuflokks-
félaganna í Hafnarfirði.
Allt efni sem birtist í Morgunbllaðinu og Lesbók er varðveitt i upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.