Morgunblaðið - 21.08.1996, Qupperneq 19

MORGUNBLAÐIÐ
LISTIR
MIÐVIKUDAGUR 21. ÁGÚST 1996 19
VERKIÐ Nám með bóknámshús Fjölbrautaskóla Norðurlands
vestra í baksýn.
Nýtt útilistaverk
á Sauðárkróki
LISTAVERK eftir Finnu B. Steins-
son hefur verið afhjúpað utan við
bóknámshús Fjölbrautaskóla Norð-
urlands sem tekið var í notkun á
síðastliðnu hausti. Verkið stendur í
brekkunni vestan við skólahúsið,
ekki langt frá aðalinngangi í bygg-
inguna. Verkið, sem er úr korten-
stáli, samanstendur af þremur rún-
um og má lesa út úr þeim orðið nám
sem er heiti verksins. Við afhjúpun-
ina kom fram í máli listamannsins
að verkið skírskotaði einnig til
landslagsins í Skagafirði, sæbrattra
eyja og fjallanna á Tröllaskaga.
Ragnar Arnalds, formaður bygg-
inganefndar, greindi frá aðdrag-
anda verksins. Byggingarnefnd
ákvað fyrir nokkrum árum að leita
til Finnu um útilistaverk við skól-
ann og sótti um styrk til Listskreyt-
ingasjóðs í því skyni. Lagði hann
til um 1,8 milljónir króna. Heildar-
kostnaður við verkið varð um 3,8
milljónir. Mismuninn greiddi Hér-
aðsnefnd Skagafjarðarsýslu. Verk-
ið var smíðað í Vélsmiðju Kaupfé-
lags Skagfirðinga.
Morgunblaðið/Ásdís
VERK eftir Pétur Friðrik.
Akvarellsýn-
ingu að ljúka
Sýningunni Akvarell ísland í Hafnar-
borg lýkur 22. ágúst. Aðsókn hefur
verið mjög góð. Á þriðja þúsund
manns hafa séð sýninguna. Á fimmtu-
daginn verður sýningin opin til kl. 21.
„Tónlist lata
mannsins“
BOSSA-NOVA tónlist verður í al-
gleymingi í kvöld þegar kvartett
franska bandeoneonleikarans Olivers
Manoury hefur leik sinn í tónleikasal
FÍH. Með honum leika Tómas R.
Einarsson á kontrabassa, Matthías
Hemstock á trommur og Kjartan
Valdimarsson á píanó. Bandeoneon
er harmoníka, en einnig mun Man-
oury leika á svokallaða hnappaharm-
oníku, en því hljóðfæri má lýsa sem
afkvæmi munnhörpu og hnappa-
harmoníku. Eingöngu verður leikin
tónlist eftir brasilíska tónskáldið
Antonio Carlos Jobim, sem öðlaðist
heimsfrægð á sjöunda áratugnum
fyrir bossa-nova tónlist sína.
„Tónleikarnir í kvöld eru helgað-
ir minningu Jobims en hann lést
fyrir tveimur árum“ sagði Tómas
R. Einarsson við blaðamann í æf-
ingahléi í gær. „Fjöldi lagasmíða
hans skipta hunduðum og við höfum
valið nokkur þeirra til að fylla efnis-
skrá á einn konsert."
I upphafí sjöunda áratugarins
breiddist bossa-nova tónlistarstefn-
an hratt út og líkir Tómas henni við
byltingu. „Það voru ekki þjóðfélags-
legar forsendur sem hleyptu lífi í
bossa-nova tónlistina heldur tengist
hún áhrifum frá djassi og franskri
kvikmyndagerð svo eitthvað sé
nefnt,“ segir Tómas. Manoury bætir
því við að bossa-nova hafí líka sett
sitt mark á bókmenntir jafnt sem
tónlist. „Vinicius de Moraes var eitt
helsta skáld bossa-nova í Brasilíu
og samdi fírnamarga texta við
bossa-nova lög,“ segir hann.
Bossa-nova tónlistin er afleiða
sömbunnar, en um leið ákveðið
mótvægi við hinn hraða takt henn-
ar. „Jobim vildi hægja á sömbunni
og skapa sér rými fyrir laglínur,"
segir Tómas. „Segja má að bossa-
nova tónlistin sé hljómrænt flóknari
og fíngerðari en samban og þess
vegna hefur hún hefur verið nefnd
tónlist lata mannsins. Hún lýsir
rólegu og afslöppuðu lífi og er afar
þægileg áheyrnar."
Manoury segir að þótt okkur sé
tamt að álíta hrynkennda tónlist
eins og sömbu frá rómönsku Amer-
íku upprunna frá indiánunum og
Spánverjunum er samt svo, að
samban er upprunnin í Afríku.
„Þegar þrælaverslunin hófst var
mikil tónlistarmenning flutt með
þrælunum út um víða veröld," seg-
ir Manoury. „í bresku nýlendunum
var svertingjunum bannað að spila
á trommur sínar og iðka aðra arf-
leifð sína, en á stöðum eins og í
Suður-Ameríku, sem í dag er talið
höfuðvígi hrynkenndrar tónlistar,
gátu þeir slegið sinn takt að vild
án allra boða og banna.“
Ýmissa tilbrigða gætir í takti
bossa-nova en almennt má segja
að takturinn sé hægur, fjórskiptur
taktur með áherslu á fyrsta og
þriðja slag hvers takts. „Við getum
verið sammála um að bossa-nova
sé svar hvíta mannsins við sömb-
unni,“ segja tónlistarmennirnir að
lokum.
Tónleikarnir heíjast kl. 21 og er
æfingasalur FÍH við Rauðagerði 27.
Morgunblaðið/Ámi Sæberg
„SVAR hvíta mannsins við sömbunni er bossa-nova.“ Kvartett
Olivers Manoury. Á myndina vantar Kjartan Valdimarsson píanó-
leikara.
Útsalaí
3daga
- fimmtudag
- föstudag
- laugardag
HUGO
HUGO BOSS
9
AIGNER MANI
BOSS
HUGO BOSS
GIORGIOARMANI
Sœvar Karl
Bankastræti 9