Morgunblaðið - 21.08.1996, Blaðsíða 12
12 MIÐVIKUDAGUR 21. ÁGÚST 1996
LANDIÐ
MORGUNBLAÐIÐ
Hjólað til Noregs
Bakkafirði - Fenningarbörn á
Bakkafírði sem fermast í ár hjóluðu
frá Bakkafírði til Húsavíkur og söfn-
uðu áheitum vegna fyrirhugaðrar
ferðar til Bergen í Noregi.
Að sögn sr. Þóreyjar Guðmunds-
dóttur voru tildrög ferðarinnar þau
að börn sem fermd voru í ár á Borg-
arfírði eystra fengu styrk úr þjóð-
argjöf Norðmanna til Islendinga á
1100 ára afmæli íslandsbyggðar
1974 og veittur er af forsætisráðu-
neytinu til menningarfarar til Nor-
egs. Að sögn sr. Brynhildar Óladótt-
ur fór hún fram á að fermingarbörn
frá Bakkafirði mættu fara með og
var það auðsótt.
Hópurinn sem fer til Noregs verð-
ur á milli 13-15 og hefur hópnum
verið boðin gisting á einkaheimilum
þá viku sem ferðin stendur og ákveð-
ið hefur verið að fara til að minnsta
kosti tveggja minni staða nálægt
Bergen, Osterey og Austeroll.
Sóknarprestarnir á Borgarfírði
eystra og á Skeggjastöðum við
Bakkafjörð, sr. Þórey Guðmunds-
dóttir og Biynhildur Óladóttur,
munu messa þarna og fermingar-
börnin sjá um messu, svör og verða
forsöngvarar.
Þegar fréttaritari hitti krakkana
áður en þau lögðu af stað hjólandi
frá kirkjunni á Skeggjastöðum í
rigningu og roki sögðu þau að búið
væri að safna áheitum fyrir 110
þúsund og vantaði ekki meira en
40-60 þúsund svo markmiðinu verði
náð. Að svo búnu hjóluðu þau út í
veðrið áleiðis til Húsavíkur.
Morgunblaðið/Áki Guðmundsson
Á MYNDINNI er hjólaliðið ásamt aðstoðarmönnum, f.v.: Silke,
Sigríður Steinunn Barðadóttir, Jón Marinosson, sr. Brynhildur
Óladóttir, Þröstur Indriðason og Jóna Hafliðadóttir.
Gífurleg þátttaka í fjöl-
skylduhátíð í Vogum
Vogum - Mikil þátttaka var í fjöl-
skylduhátíð í Vogum um helgina.
Dagskrá hófst fyrir hádegi með
dorgveiðikeppni og lauk rétt fyrir
miðnætti með flugeldasýningu.
Umsjónarmaður hátíðarinnar,
Finnbogi Kristinsson, ságði góða
þátttöku í dorgveiðikeppninni en
veiði dræma. Sigurvegari í keppn-
inni var Karl Þórsson, sem veiddi
stærsta fiskinn. Hann sagði skátana
hafa verið með þrautabraut og hefðu
þeir staðið sig mjög vel. Björgunar-
sveitin Skyggnir sýndi öryggisatriði
og sá um skemmtilega björgunar-
sýningu. Yngri Þróttarar sýndu
knattspyrnu og hreppsnefnd keppti
við starfsfólk hreppsins í sundi. Boð-
ið var til grillveislu á tjaldsvæðinu
og fóru 600 pylsur í gestina. Risa
skemmtitæki voru á staðnum og
keppni á kassabílum. í Aragerði var
tekinn í notkun púttvöllur.
Morgunblaðið/Aðalheiður Högnadóttir
Morgunblaðið/Eyjólfur M. Guðmundsson
ÞEIR sem vildu gátu fengið
andlitsmálningu.
Um kvöldið spilaði hljómsveitin
Eddi og lukkutríóið og héldu þeir
uppi stuði fram eftir kvöldi.
Finnbogi sagðist ekki vita annað
en að hátíðin hafi gengið mjög vel
og telur ástæðu til að halda svona
hátíð árlega.
Opið hús hjá Þykkbæingum
Hellu - Nýlega héldu íbúar í
Djúpárhreppi upj) á 60 ára af-
mæíi hreppsins. Ibúum og gest-
um gafst kostur á að skoða rat-
sjárstöðina og Kartöfluverk-
smiðju Þykkvabæjar, gamlar og
nýjar búvélar voru til sýnis og
farið var með þá sem vildu í
fjöruferð. Þá var hátíðarguðs-
þjónusta í Hábæjarkirkju og af-
mæliskaffi í boði hreppsins á eft-
ir.
Morgunblaðið/Gunnlaugur Árnason
FÓLK var uppáklætt í samræmi við Danska daga og var mikil stemmning í bænum.
Danskir dagar
í Stykkishólmi
Stykkishólmi - Fjölskylduhátíðin
Danskir dagar var haldin sl. helgi
í Stykkishólmi. Hátíðin stóð frá
kl. 17 á föstudag og fram á sunnu-
dagskvöld. Veðrið lék við hátíðar-
gesti allan tímann þótt föstudag-
urinn væri bæði vindasamur og
hráslagalegur framan af. Síðdegis
birti þó til og þegar hátíðin var
sett var komið besta veður.
Hátíðin hófst á því að listsýning-
ar voru opnaðar í Norska húsinu
og sömuleiðis póstafgreiðsla Dan-
skra daga. Listamennirnir sem
sýna eru Ebba Lárusdóttir, gler-
listakona, sem ættuð er frá Stykk-
ishólmi, Ingibjörg Ágústsdóttir,
textíllistakona, búsett í Stykkis-
hólmi, og Páll Guðmundsson frá
Húsafelli. Sýningar þeirra verða
opnar nk. 2 vikur.
Útvarpsstöð var starfrækt alla
helgina og sáu ungir Hólmarar
alfarið um tilkynningar, dag-
skrárkynningar og afþreyingu
sem stöðin sendu út alla helgina.
Farnar voru gönguferðir með
leiðsögn. Einar Karlsson sagði frá
ýmsu sem tengdist því mikla sam-
bandi sem var hér lengi beint og
óbeint við frændur vora Dani og
lýsti húsum og kennileitum sem
fyrir augu bar og mikilla vinsælda
naut leiðsögn Erlu Stefánsdóttur,
sem greindi frá álfabyggðum hér
í bænum. Markaðstjaíd var opið
allan laugardaginn og þar var
handagangur í öskjunni í við-
skiptalífinu. Góða gesti bar að
garði, danskur hópur á ferð um
landið kom við í tjaldinu ásamt
leiðsögumanni sínum og tóku allir
viðstaddir saman danskt lag og
sungu við raust. Veltibíll stóð fyr-
ir utan tjaldið og sagði umsjónar-
maður hans að mörg hundruð
manns hefðu oltið hjá honum í
bílnum þann daginn og strengdu
flestir þess heit að aka varlega
eftirleiðis. Um kvöldið voru þtjú
böll í bænum, tjaldball fyrir ung-
linga, KK og menn hans skemmtu
á veitingahúsinu Knudsen og Snæ-
fellskar dægurflugur sem yljuðu
mönnum um hartarætur á árum
áður rifjuðu upp taktana í troð-
fulju Hótel Stykkishólmi.
Á sunnudegi komust þeir sem
vildu í siglingu á slóðir danskra
kaupmanna við Bjarnarhöfn sem
var verslunarhöfn fyrir mörgum
öldum. Leikfélagið Grímur flutti
frumsaminn leikþátt og sá einnig
um atriði með börnum sem mikla
DANSAÐIR voru þjóðdans-
ar ásamt ýmsum öðrum
skemmtiatriðum.
athygli vöktu en það voru gamlir
barnaleikir sem tíðkuðust fyrr á
öldinni og klæddust börnin bún-
ingum þess tíma. Þjóðdansaflokk-
ur kom í heimsókn frá Borgar-
firði og barst dansinn um víðan
völl í sólskininu. Deginum lauk
með tónleikum í Stykkishólms-
kirkju. Eydís Franzdóttir, óbóleik-
ari, Brynhiidur Ásgeirsdóttir,
píanóleikari, og Kristín Mjöll Jóns-
dóttir, fagottleikari, fluttu fagra
tónlist og var yndislegt að fá kyrra
stund í kirkjunni að loknum öllum
skemmtunum helgarinnar.
Skagfirska 8-n ný hjólreiðakeppni
Morgunblaðið/Björn Björnsáon
AÐ AFLOKINNI keppni í Skagfirsku 8-unni f.v.: Gerður G. Guð-
laugsdóttir, sigurvegari í kvennaflokki, Alda Jónsdóttir, Pétur
Kolbeinsson, Ketill Kolbeinsson, Ingi Þór Einarsson og Einar
Jóhannsson, sigurvegari í karlaflokki.
Sauðárkróki - Ftjálsíþróttadeild
ungmennáfélagsins Tindastóls á
Sauðárkróki stóð fyrir lengstu og lík-
lega erfíðustu hjólreiðakeppni hér-
lendis 10. og 11. ágúst sl. Leiðin sem
þátttakendur lögðu að baki var tæp-
lega 200 km á tveim dögum.
Lagt var af stað frá Sauðárkróki
og haldið í áfanga fyrri dags austur
Borgarsand, yfir Hegranes, fram
Blönduós og um Varmahlíð að Steins-
stöðum en þar var gist. Á sunnudags-
morgni var lagt í síðari áfanga og
farið frá Steinsstöðum fram Tungu-
sveit, um Austurdal og yfír Merkigil,
niður Kjálka og út Blönduhlíð, um
Varmahiíð til Sauðárkróks.
Viggó Jónsson, formaður fijáls-
íþróttadeildarinnar sagði að markmið-
ið með keppninni hefði verið að auka
á fjölbreytni í íþróttaiðkun í Skaga-
fírði og hjóreiðar hafí ekki mikið ver-
ið stundaðar í Skagafírði og alls ekki
sem keppnisíþrótt og því hafí þetta
þótt tilvalið.
Þessi fyrsta tiiraun með keppni í
Skagfirsku 8-unni sem heitir svo af
því að leiðin sem farin er myndar í
reynd tölustafinn átta, hafi fyrst og
fremst verið tilraun með leiðina og
hvemig best yrði staðið að því að
koma þessari keppni á og helst að
festa hana í sessi þannig að hún yrði
árlegur viðburður í íþróttalífi Skag-
firðinga helgina á eftir verslunar-
mannahelgi.
Viggó sagði að þeir hefðu verið
mjög heppnir með veður, fengið
skemmtilega keppendur sem voru
ánægðir að leikslokum og hefðu allir
lýst miklum áhuga á því að vera með
næsta sumar.
Skagfírska 8-n er erfíð hjólreiða-
keppni um malbikaða vegi, malarvegi
og vegarslóða, þannig að verulega
reynir á keppendur, enda fór það svo
að af þeim sjö sem hófu keppni luku
henni sex og hlutu þeir allir bikara
sem viðurkenningu fyrir þátttökuna.
Sigurvegari í karlaflokki var Einar
Jóhannsson og í kvennaflokki Gerður
Rún Guðlaugsdóttir og hlutu þau veg-
lega farandbikara sem gefnir voru
af versluninni Rafsjá á Sauðárkróki
auk peningaverðlauna sem námu 50
þúsund krónum.