Morgunblaðið - 21.08.1996, Blaðsíða 31

MORGUNBLAÐIÐ
MIÐVIKUDAGUR 21. ÁGÚST 1996 31
FRÉTTIR
STEFÁN R. Jónsson, umdæmisstjóri, á fundi
hjá Kiwanisklúbbnum Grími, Grímsey.
26. umdæmisþing Kiw-
anis haldið í Kópavogi
Komu her-
skipaflota
mótmælt
SAMTÖK herstöðvarandstæðinga
mótmæla harðlega komu herskipa-
flota Nató. Fimm þúsund her-
mönnum er stefnt í miðbæ Reykja-
víkur og það kallað vináttuheim-
sókn, segir í fréttatilkynningu sem
Morgunblaðinu hefur borist.
Ennfremur segir: „Slík her-
mannamergð í þéttbýli hefur ekki
sést síðan á stríðsárunum. Samtök-
in undrast að vísu ekki þátt utan-
ríkisráðuneytisins í málinu en öllu
alvarlegra er að sjá hver þáttur
kjörinna borgaryfirvalda virðist
ætla að verða. Stofnunum borgar-
innar er ætlað að þjónusta her-
mennina eins og um opinbera
heimsókn þjóðhöfðingja sé að
ræða.
Tilskipunin sem kaupmenn hafa
fengið um að hafa verslanir sínar
opnar fram á rauða nótt á sér
ekkert fordæmi.
Það er leynt og ljóst unnið að
því að fá íslendinga til að sætta
sig við hermennskuviðhorf sem
eðlilegan þátt í lífi sínu. Það er
ekki kurteisi að koma alvopnaður
í heimsókn þrátt fyrir að vopnin
séu falin fyrir aftan bak. Þótt her-
mennirnir afklæðist búningum sín-
um áður en þeim er hleypt í land
hætta þeir ekki að vera hermenn
og því er á engan hátt hægt að
líkja þeim við friðsama ferðamenn
sem sækja ísland heim.“
Helgar-
skákmót TR
TAFLFÉLAG Reykjavíkur gengst
fyrir helgarskákmQti dagana
23.-25. ágúst nk. Tefldar verða sjö
umferðir eftir Monrad-kerfi.
Fyrstu þrjár umferðirnar verða
með 30 mín. umhugsunartíma en
fjórar síðustu með 1 ‘/2 klst. á 30
leiki og síðan 30 mín. til viðbótar
til að ljúka skákinni.
Öllum er heimil þátttaka í
helgarskákmótinu og fer mótið
fram í félagsheimilinu í Faxafeni
12.
Helgarskákmót með svipuðu
sniði hafa notið mikilia vinsælda
undanfarin misseri og er ætlunin
að halda fleiri slík mót í haust og
í vetur, segir í fréttatilkynningu.
Fundur með
ráðherrum
Framsóknar-
flokksins
ÞINGFLOKKUR og landsstjórn
Framsóknarflokksins ferðast um
Suðurland 22. og 23. ágúst nk.
Af því tilefni verður efnt til fundar
með fjölmiðlum, forystumönnum
atvinnulífsins, oddvitum eða sveit-
arstjórum og forráðamönnum fyrir-
tækja á Suðurlandi.
Ráðherrar flokksins sitja fyrir
svörum á stuttum fundi í eina
klukkustund fimmtudaginn 22.
ágúst frá kl. 13.30 til 14.30 í Gest-
húsum, við Engjaveg á Selfossi.
Fundarstjóri verður ísólfur Gylfi
Pálmason, alþingismaður.
Gengið á milli
hafnarsvæða
HAFNARGÖNGUHÓPURINN fer
í miðvikudagskvöldgöngu með
ströndinni milli Ártúnshöfða og
Gufuness. Mæting er við Hafnar-
húsið kl. 20.
Við upphaf ferðar verður litið
við á Ingólfstorgi og fylgst með
hjólabrettastrákum um stund. Síð-
an verður farið með SVR, leið 110,
upp að skiptistöðinni á Ártúni og
gengið þaðan niður á Ártúnshöfða
og með ströndinni fyrir Grafarvog
og yfir Gufuneshöfða að Gufunesi.
SVR, leið 14 og 110, verður tekinn
niður í bæ í lok gönguferðarinnar.
Allir velkomnir.
26. UMDÆMISÞING Kiwanis-
umdæmisins Ísland-Færeyjar
fer fram dagana 23.-25. ágúst
nk. í íþróttahúsinu Smáranum
í Kópavogi. Á sama tíma fer
fram þing Landssambands
Sinawik sem er félag eigin-
kvenna Kiwanismanna.
Þingið sækja 4-5.000 manns
frá Islandi og Færeyjum, að
auki koma erlendir gestir frá
Bandaríkjunum og Norden um-
dæminu.
í umdæminu eru 49 klúbbar
með milli 1.200-1.300 félaga,
konur og karla. Það var á
heimsþingi Kiwanis í Washing-
ton D.C. árið 1987 að samþykkt
var að leyfa konum inngöngu í
Kiwanis.
í fréttatilkynningu segir:
„Kiwanis barst til Islands með
stofnun fyrsta klúbbsins í jan-
úar 1964 og var í fyrstu undir
stjórn umdæmisins Skandinav-
ia. 1971 varð ísland sérstakt
umdæmi en með stofnun fyrsta
klúbbsins í Færeyjum 1981 varð
til umdæmið Ísland-Færeyjar.
Kiwanis er þjónustuhreyfing
sem vinnur að uppbyggingu og
framförum samhliða því að
hjálpa þeim sem á einhvern
máta eiga bágt. Á undanförnum
árum hefur Kiwanishreyfingin
um allan heim haft að megin
markmiði „Börnin fyrst og
fremst“. Alheimshreyfingin
vinnur að því um þessar mundir
í samvinnu við Barnahjálp Sam-
einuðu þjóðanna að vinna gegn
joðskorti í heiminum.
Umdæmisstjóri Íslands-Fær-
eyja er Stefán R. Jónsson, félagi
í Eldey, Kópavogi. í haust tekur
Ornólfur Þorleifsson, félagi í
Þyrli, Akranesi, við sem um-
dæmisstjóri og gegnir því emb-
ætti í eitt ár. Heiðursgestur
þingsins verður heimsforseti
Kiwanis, Islendingurinn Eyjólf-
ur Sigurðsson, en hann er jafn-
framt fyrsti Evrópumaðurinn
sem gegnir því embætti.
Vitni óskast
VITNI óskast að árekstri tveggja
bifreiða á gatnamótum Nýbýlavegar
og Skemmuvegar við bensínstöðina
við Engihjalla. Atvikið varð í hádeg-
inu 31. júlí síðastliðinn en tildrög
þess voru að bifreið var ekið í veg
fyrir aðra á ljósum á gatnamótunum.
Þeir sem kunna að hafa orðið vitni
að þessu atviki eru vinsamlega beðn-
ir um að hafa samband við lögregl-
una í Kópavogi.
LEIÐRÉTT
Myndina vantaði
ÞESSA_ mynd vantaði með dómi
Braga Ásgeirssonar í blaðinu í gær
um sýningu á ullarpeysum í Horn-
stofunni á mótum Laufásvegar og
Bókhlöðustígs.
Er beðist velvirðingar á þessum
mistökum.
Már Grétar Pálsson var rangt
feðraður sem samhöfundur að
myndinni Á sundi í ljósmyndamara-
þoni sem birt var í blaðinu í gær.
Þá var í sömu umfjöllun vinnings-
mynd liðs Más í flokknum Klukka
birt með umfjöllun um mynd í
flokknum Fundarstaður. Beðist er
velvirðingar á mistökunum.
RAD UGL YSINGAR
A TVINNUAIJGL YSINGAR
„Au pair“ - Brussel
íslensk hjón með þrjú börn óska eftir „au pair“
frá miðjum september 1996 til 1. júní 1997.
Lágmarksaldur 20 ár. Reyklaust heimili.
Nánari upplýsingar í síma 553 1689.
Yfir- og 1. vélstjóri
Vantar 1. vélstjóra á rækjufrystiskip, sem er
á veiðum á Flæmska hattinum.
Upplýsingar í síma 466 1608 og 854 3508.
Meðeigandi
Óska eftir aðila til reksturs bifreiðar í atvinnu-
skyni.
Tilboð sendist til afgreiðslu Mbl., merkt:
„M - 823“, fyrir 23. ágúst nk.
Nýjung.
1. vélstjóra
vantar á Bergey VE 544.
Þarf að hafa réttindi fyrir 1030 kw.
Upplýsingar um borð í skipinu, sem liggur
í Hafnarfjarðarhöfn, eða í símum 481 1100
og 481 1682.
ísfélag Vestmannaeyja hf.
Sölufulltrúar
Laus eru til umsóknar störf sölufulltrúa í
auglýsingadeild.
Störfin krefjast árverkni, heiðarleika, góðrar
framkomu og eigin bifreiðar.
Aldur er engin fyrirstaða.
Fyrirtækið býður föst laun ásamt launahvetj-
andi kerfi.
Umsóknum sé skilað til afgreiðslu Mbl. fyrir
26. ágúst nk., merktum: „Framtíð '97 - 1083.“
REYKJALUNDUR
Þroskaþjálfar
Þroskaþjálfa vantar í hlutastarf á sambýlið
Hlein sem allra fyrst.
Upplýsingar gefur hjúkrunarforstjóri eða yfir-
þroskaþjálfi í síma 566 6200.
Starfskraftur óskast
í blóma- og gjafavöruverslun í Reykjavík.
Vaktavinna.
Leitum að líflegri, stundvísri og sjálfstæðri
manneskju með góða framkomu og reynslu
í blómaskreytingum. Meðmæli.
Þarf að geta byrjað strax.
Umsóknir sendist til afgreiðslu Mbl.,
merktar: „B - 826“.
Jane Dixon spádómur
Manst þú eftir að hafa heyrt eða lesið spá-
dóm eftir Jane Dixon um að frelsarinn er
fæddur fyrir árið 1965?
Ef svo er skrifaðu þá mér.
B. Ómar Ólafsson,
Háaleitisbraut 113, 108 Reykjavík.
FÉLAG HJARTASJÚKLINGA
Á REYKJAVÍKURSVÆDINU
Hafnarhúsiö '/Trygev'agötu
Pósthólf 830- 121 Ueykjavfk
Fundarboð
Almennur félagsfundur í Félagi hjartasjúkl-
inga á Reykjavíkursvæðinu verður haldinn í
Múlabæ, Ármúla 34, 3. hæð, fimmtudaginn
22. ágúst kl. 18.00.
Fundarefni:
1. Kosning fulltrúa á 4. þing Landssamtaka
hjartasjúklinga.
2. Félagsmál. Stjórnin.