Morgunblaðið - 13.09.1996, Blaðsíða 2
2 FÖSTUDAGUR 13. SEPTEMBER 1996
MORGUNBLAÐIÐ
FRÉTTIR
Heilsugæslulæknar
hafa snúið til starfa
HEILSUGÆSLULÆKNAR samþykktu í gær
að snúa aftur til starfa eftir að samkomulag
tókst milli lækna og starfandi heilbrigðisráð-
herra um rekstur heilsugæslustöðvarinnar í
Lágmúla.
Vegna óvissu um starfsöryggi þeirra fimm
lækna sem starfa á heilsugæslustöðinni í
Lágmúla var samþykkt á fundi stjórnar Fé-
lags heimilislækna og samninganefndar í
fyrrakvöld að læknar snéru ekki til starfa
strax. Læknarnir reka stöðina sjálfir en fá til
þess fjárveitingu frá ríkinu. Ríkið á húsnæði
og tæki stöðvarinnar.
Fyrr á þessu ári hafði verið unnið að gerð
samnings milli læknanna og stjórnar Heilsu-
gæslunnar í Reykjavík. Ekki tókst að ljúka
samningunum m.a. vegna kjaradeilu heilsu-
gæslulækna og ríkisins. Stjórn Heilsugæsl-
unnar og læknarnir sátu á fundi í gær um
samningmn. Eftir að læknar höfðu rætt við
Halldór Ásgrímsson, starfandi heilbrigðisráð-
herra, náðist samkomulag um að þeir snéru
strax til starfa. Stefnt er að því að ganga frá
samningi við læknana sem starfa í Lágmúla
í dag eða á morgun.
Halldór sagði að heilbrigðisyfirvöld hefðu
ekki uppi áform um að breyta rekstri heilsu-
gæslustöðvarinnar í Lágmúla. Hann sagði að
af hálfu ráðuneytisins og lækna yrði lögð
áhersla á að ljúka gerð samnings milli lækn-
anna og stjórnar Heilsugæslunnar í Reykjavík.
Samkomulag um rekstur
heilsugæslunnar í Lágmúla
„Við treystum þeim yfirlýsingum sem kom-
ið hafa frá heilbrigðisráðuneytinu um að lækn-
ar verði endurráðnir. Það býst enginn við því
að heilbrigðisyfirvöld, hvorki ráðuneytið né
stjórnir heilsugæslustöðvanna, fari að nýta
sér þetta tækifæri til að koma á einhveijum
breytingum í þjónustunni. Það væri óeðlilegt
og fallið til þess að spilla þeim friði sem menn
hafa reynt að ná um kjaramál lækna,“ sagði
Katrín Fjeldsted, formaður Félags heimilis-
lækna.
Katrín sagði að það myndi líklega taka
nokkra daga að koma heilsugæslunni í eðli-
legt horf á ný. Læknar myndu leggja sig fram
um að leysa þau vandamál sem upp kæmu
næstu daga.
Læknar í Félagi heimilislækna ræddu sam-
an um nýgerðan kjarasamning á fundi í Kópa-
vogi í gær. Forystumenn félagsins svöruðu
spurningum um efni hans og áhrif á kjör
lækna. Skiptar skoðanir voru á fundinum um
ágæti samningsins. Katrín sagðist meta það
svo að læknar væru í meginatriðum ánægðir
með það sem náðist fram í samningunum.
Katrín sagði mikilvægt að kynna samninginn
vel fyrir læknum. Það yrði gert og síðan
yrðu greidd atkvæði um hann. Atkvæða-
greiðslan þarf að eiga sér stað innan tveggja
vikna.
Vilji til að endurráða lækna
„Við getum ekki gefið tryggingu fyrir
endurráðningu þeirra lækna sem sögðu upp
störfum. Okkur er ekki heimilt, samkvæmt
íslenskum lögum, að lofa slíku. Það er hins
vegar fullur vilji fyrir því að endurráða lækna
í sín störf. Enda er okkur mikið í mun að
heilsugæslan komist sem fyrst í eðlilegt horf.
Það verður að sjálfsögðu ekki gert nema með
því starfsfólki sem þar þekkir best til“, sagði
Halldór Ásgrímsson, starfandi heilbrigðisráð-
herra.
„Ég held að það hafi margir haldið að það
væri einfaldara að ganga frá ráðningarmálum
en raun ber vitni. Það er nauðsynlegt fyrir
þá sem beita úrræðum sem þessu; að segja
upp störfum sínum, að átta sig á að um það
gilda ákveðnar reglur sem framkvæmdavald-
inu ber að fara eftir. í nýjum lögum um rétt-
indi og skyldur opinberra starfsmanna er að
finna ákvæði um hvernig skuli fara að við
ráðningu starfsmanna. Jafnframt hafa nýlega
verið sett stjórnsýslulög sem eru ætluð til
þess að tryggja réttindi borgaranna. Þessi
störf hafa verið auglýst og það verður að sjálf-
sögðu að fjalla um þau á grundvelli auglýsing-
anna“, sagði Halldór.
Korsíku-
fararnir
lentir
JÓN M. Haraldsson flugmaður
og föruneyti hans, Elíeser Jóns-
son og Sara Vöggsdóttir, lentu
á Reykjavíkurflugvelli í gær-
kvöldi, einum degi fyrr en áætl-
að var, eftir 6.500 kílómetra
ferðalag til Korsíku á eins hreyf-
ils flugvél. Rigning var og alskýj-
að þegar lent var og sagði Jón
að veðrið hefði hvergi verið
verra á leiðinni en við heimkom-
una. Sterkur mótvindur tafði
förina nokkuð og Jón millilenti
til öryggis í Færeyjum til að taka
eldsneyti.
Samferðamenn Jóns létu vel
af ferðalaginu. Elíeser er sjálfur
flugmaður ekki óreyndur í lang-
ferðum, hefur meðal annars
flogið yfir Nepal, Afríku,
Kanada og Spán. Hann sagði að
Jón hefði flogið prýðilega.
Jón sagði að þegar væri farið
að ræða um að skipuleggja aðra
langa flugferð. Hvert hún yrði
farin vildi hann þó ekki láta
uppi.
Morgunblaðið/Halldór
JÓN M. Haraldsson stígur úr vélinni eftir vel heppnað flug yfir meginland Evrópu til Korsíku.
Fjölmenni var á Reykjavíkurflugvelli til að taka á móti ferðalöngunum og boðið var upp á tertu.
Fram-
kvæmdir í
Þórsmörk
VEGAGERÐIN stóð fyrir fram-
kvæmdum í Þórsmörk fyrir
skömmu til að auðvelda umferð
yfir Hvanná. Miklar leysingar
höfðu verið í ánni og gróf hún
sig mjög niður og var því ófært
yfir hana á tímabili. Ákveðið var
því að búa til stíflu í ánni til að
minnka strauminn fyrir neðan.
Að sögn Vilhelms Gunnarssonar
landvarðar verður tekið á móti
gestum í Þórsmörk fram í fyrstu
vikuna í október og því brýnt að
ferðalangar komist klakklaust
leiðar sinnar.
Morgunblaðið/Vilhelm
Norræna ráð-
herranefndin
Soren
Christen-
sen nýr
aðalritari
DANINN Soren Christensen
tekur við starfi aðalritara Nor-
rænu ráðherranefndarinnar af
Pár Stenbáck. Norrænu sam-
starfsráðherrarnir tóku
ákvörðun um þetta í gær,
fimmtudag.
Soren Christensen, sem er
lögfræðingur að mennt, á að
baki langan feril sem yfirmaður
innan danska stjórnsýslukerfis-
ins. Hann er þekktur á vett-
vangi norræns samstarfs vegna
starfa sinna sem formaður
vinnuhóps sem falið var að
gera úttekt á öllum samnor-
rænu stofnununum og leggja
fram tillögur um hagræðingu
í rekstri þeirra. Úttektin leiddi
til umfangsmikillar endur-
skipulagningar þessara stofn-
ana.
Soren Christensen hefur
m.a. verið borgarstjóri í Rand-
ers og ráðuneytisstjóri í
danska fjármálaráðuneytinu
frá árinu 1986 til ársins 1994.
Hann er nú stiftamtmaður í
Kaupmannahafnaramti.
Tilkynntu
sig eftir að
leit var hafin
HAFIN var leit á Vestfjarðamiðum
að tveimur smábátum í eftirmiðdag-
inn í gær eftir að ljóst var að þeir
höfðu ekki tilkynnt sig. Tvær flug-
vélar fóru í loftið og skip svipuðust
um eftir bátunum. Bátarnir til-
kynntu sig á níunda tímanum í
gærkvöldi og amaði ekkert að hjá
þeim. Voru þeir þá á heimleið.
Tveir menn voru um borð í öðrum
bátnum og einn eða tveir í hinum,
en báðir eru bátarnir innan við átta
tonn. Samkvæmt upplýsingum Til-
kynningaskyldunnar er ástæðan
fyrir því að tilkynningar bárust
ekki frá bátunum sú að skilyrði eru
mjög slæm fyrir smábáta á ákveðn-
um miðum langt frá landi og næst I
ekki samband hvorki um örbylgju
né farsíma. Bátarnir hafi látið vita
af sér strax og það hafi verið mögu-
legt, en þeir voru þá á leið inn til
ísafjarðar eða Bolungarvíkur.
♦ ♦ ♦----
Nýr meirihluti
í Borgarbyggð
Viðræður
að hefjast
GUÐMUNDUR Guðmarsson forseti
bæjarstjórnar í Borgarbyggð segir
að viðræður um nýjan meirihluta í .
bæjarstjórninni muni hefjast um '
helgina en slitnað hefur upp úr
samstarfi meirihluta Framsóknar- I
flokks og Alþýðubandalags.
Bæjarstjórnina skipa fjórir full- ;
trúar Framsóknarflokks, þrír full-
trúar Sjálfstæðisflokks og Alþýðu-
bandalag og Alþýðuflokkur eru með
sinn fulltrúann hvort. Að sögn Guð- |
mundar hefur engin ákvörðun verið
tekin meðal framsóknarmanna um
hvert verður leitað um myndun nýs j
meirihluta. „Við þurfum áð afgreiða '
ákveðin mál í næstu viku og þá
verður áframhaldið að vera komið |
á hreint," sagði hann.